|
الحركة الاسلامية السودانية (الاكذوبة الكبرى)
|
لعلى بصدد اصدار كتاب يحمل عنوان (الحركة الاسلامية (الاكذوبة الكبرى) وهى محاولة عميقة لسبر اغوار هذا التنظيم السياسى الذى قد زرعنى القدر فيه حتى اكون شهيدا عليهم ما دمت فيهم منذ ان كنت فى الصف الخامس الابتدائى بمدرسة بانت ثم حى العمال الابتدائية وبانت المتوسطة بكسلا ثم كسلا الثانوية حتى جامعة الخرطوم كلية اداب وقد تنقلت بين التيار السلفى فيها ثم التيار الدينى الثورى الرسالى وهو التيار الايرانى ثم التصوف مع جماعة النيل ابو قرون ايام تطبيق القوانين الاسلامية وهذا من حيث التكوين الفكرى حيث اننى لم انتمى الى تيار التجديد الذى كنا نصارعه ومن الناحية التنظيمية منذ الاسرة التى كانت وحدة تربوية ثم تحولت الى وحدة ادارية المؤتمر العام فى الجامعة ثم عضو الامانة العامة للتنظيم بالجامعة ودورى فى العنف الطلابى والتعبئة الجماهيرية ومشاركتى فى مناطق العمليات منذ العام 1985 فى بحر الغزال ثم فى تحرير الكرمك وقيسان 1987 ومشاركتى فى تاسيس الدفاع الشعبى 1989 ومشارمتى مع الميسيرية 1991والاعتقالات التى تعرضت لها منذ المرحلة التانوية وفى مايو بالجامعة1985 وفى الانقاذ بالجامعة ايضا1993وتفرغى من بعد فى النضال ضد هذا التنظيم لجماهيره اولا وللشعب السودانى الكريم
|
|
|
|
|
|
|
|
Re: الحركة الاسلامية السودانية (الاكذوبة الكبرى) (Re: محمد عثمان الحاج)
|
الاخ عمار تحياتى الخاصة لو تتذكر عندما قلت لك ي.. عقب خروجك من السجن قلت لك هذا قلت لك لابد ان تكون شاهدا بالحق عن كل ما رايت وسمعت فى التنظيم فى يوم الايام .. واشكرك على تنفيذ الفكرة الان وفى وفتها المناسب وسوف يكون هذا الكتاب مثل كتاب الخرباوى الذى وصلت طبعاته الى العاشرة على ما اعتقد .. التوثيق مهم وخاصة لمن مروا بتجربة مثل تجربة عمار خطف وهو طفل وتربى فى التنظيم ولكنه فى مرحلة نضوجه عرف كل شىء وكانت الصدمة التى قادته لمواجهة دفع ثمنها .. نحن فى انتظارك من اجل ان لا يخطف طفل اخر ويمر بهذه التجربة المريرة .. تحياتى لك
| |
|
|
|
|
|
|
Re: الحركة الاسلامية السودانية (الاكذوبة الكبرى) (Re: الكيك)
|
يا سبحان الله!
تذكر يا عمار لما كنتا بشب لي محمد طه عليه الرحمة في حلقو وانا جاي من ركن دالي، تروح واقف لمبة او تقول لي والله خالنك عشان موقفك من الجمهوريين؟ سالتك ذات السؤال قبل كده او عملتا اطرش!
الطريف حسن البطل اياما ونستو كلها معاي كانت عن امريكا!
لما اذكرو عنفو مع دالي كان بضايق يقيف طولو او يقول لي مستعجل!
اتمني ياعمار يصحي ضميرك وتعتذر علنا لكل من تضرر من عنفك انتا والبقية في البركس.
شوف الواحد فينا ربنا كتب ليهو عمر عشان يعيش الزمن داك، والان يشوف زي البتسووي فيهو ده!
هذا درس كيف هذا الاسلام ياعمار الذي اتيتم به، وافد ودخيل!
يكفي كمية الدمار الذي احدثه هذا الدين الوافد والدخيل لي شخصية الفرد السوداني بي صورة لم تحدث حتي في التركية!
الغريب جدا العايشين في بلد الكفار محتفظين بي شئ من ارثهم التليد كسودانيين باكثر من العايشين جو السودان يا للهول!
ملاحظ ليك لي روحك ابتديت ترجع لي اسلامنا اسلام التصوف الذي جعل منا من نحن كشعب سوداني، وشخصية سودانية، اجبرت حتي العرب علي احترام النموذج الانجبو اسلام التصوف دين ادم ذات نفسو، من حيث مكارم الاخلاق مقارنة بي اسلام الثقافة العربية!
ركلتم كل هذا واهلتم عليه الرماد، فاكرين النجيلة خدرة في الجانب الاخر من التل!
ده ما شماتة وانما مناصحة، ربنا يعينك او يفتح بصيرتك اكتر.
| |
|
|
|
|
|
|
Re: الحركة الاسلامية السودانية (الاكذوبة الكبرى) (Re: Bashasha)
|
بعد التحية يا استاذ الكيك .. وصاحب البوست
Quote: التوثيق مهم وخاصة لمن مروا بتجربة مثل تجربة عمار خطف وهو طفل وتربى فى التنظيم ولكنه فى مرحلة نضوجه عرف كل شىء |
الجملة الفوق دي ما قادر استوعبها تحديدا هنا: "ولكنه فى مرحلة نضوجه عرف كل شىء" كيف حدث ذلك؟ كيف ينضج الإنسان؟ هل ينضج في سياق نموه الفكري أم من خارج هذا السياق، أي عبر طفرة فكرية هكذا تحدث خارج السياق.
| |
|
|
|
|
|
|
Re: الحركة الاسلامية السودانية (الاكذوبة الكبرى) (Re: معاوية الزبير)
|
Quote: ملاحظ ليك لي روحك ابتديت ترجع لي اسلامنا اسلام التصوف الذي جعل منا من نحن كشعب سوداني، وشخصية سودانية، اجبرت حتي العرب علي احترام النموذج الانجبو اسلام التصوف دين ادم ذات نفسو، من حيث مكارم الاخلاق مقارنة بي اسلام الثقافة العربية! |
أهلين أستاذ بشاشا خلينا نبحث عن منبع آخر لي مكارم أخلاق السودانيين دي، خارج إسلام التصوف أو إسلام اللا تصوف. ما ممكن؟! أعني أليس ممكنا أن تكون هناك مكارم أخلاق بدون دين؟ ساكت كدا بس، بتجربة الخطأ والصواب.
| |
|
|
|
|
|
|
Re: الحركة الاسلامية السودانية (الاكذوبة الكبرى) (Re: أبو ساندرا)
|
أ
Quote: هلين أستاذ بشاشا خلينا نبحث عن منبع آخر لي مكارم أخلاق السودانيين دي، خارج إسلام التصوف أو إسلام اللا تصوف. ما ممكن؟! أعني أليس ممكنا أن تكون هناك مكارم أخلاق بدون دين؟ ساكت كدا بس، بتجربة الخطأ والصواب. |
معاوية سلامي،
واضح انو مفهوم دين هنا بنختلف حولو، لانك بتفترض وجود لادين او ده فهم ثقافة غربية لي مفهوم دين.
علي كده لكل مرجعية ثقافية مفهوما او نموذجا لي مكارم الاخلاق.
من جانبي ارفض تماما بعد السوا فينا محاكاة العرب تاني من جديد نخلي الفي يدنا او نحاكي الخواجات!
اذن ما في مكارم اخلاق في مرجعيتنا نحن خارج الدين، لانو كلو دين عندنا من طرف والفرق هنا!
الدين ماحبة عند اللزوم، ولا سفة مصرورة في قطعة قماش لما تخرم تتناولا!
It's a way of life
ده فهم العرب والخواجات للدين، واللادين!
| |
|
|
|
|
|
|
Re: الحركة الاسلامية السودانية (الاكذوبة الكبرى) (Re: Bashasha)
|
مرحب أبا ساندرا،، أدينا تفاصيل بالله
----------------
Quote: واضح انو مفهوم دين هنا بنختلف حولو، لانك بتفترض وجود لادين او ده فهم ثقافة غربية لي مفهوم دين. |
يا بشاشا والله لا بفترض عدم وجود دين، ولا دا فهمي لمفهوم الدين في الثقافة الغربية ولا حاجة. كدي قبال ما تنشأ الثقافة الغربية والثقافة العربية، وقبال الدين إت سيلف، هل كانت هناك مكارم أخلاق؟. -------------- يا عمار معليش ياخ استحملنا، أصلو الواحد بجيهو مزاج يتداخل حسب الظروف وليس حسب الموضوع
| |
|
|
|
|
|
|
|