بيان الحزب الشيوعى وإندهاش مبرر من الرفيق مجتبى عرمان

Quote: ما هو تحليلك لآراء المهدي والترابي والخطيب قبل وبعد وثيقة الفجر الجديد؟ والله آراؤهم بعد التوقيع دي حقو كان يؤجلوها شوية، لكن برضو معذورين لأن النظام كان شايل سيفه وبالمرصاد لكل الموقعين، (بالله ده كلام ده، أنا وقعت بقلم تهددني بسيف)! ـ في المقابل أنت وقعت على التغيير بالقوة يعني لم توقع على حركة سلمية؟ صحيح وقعت على حمل بندقية لكن حملة السلاح ديل مش أولاد السودان فلا بد من الصلة معهم وأن يكون ثمة أشخاص يخلقون صلة معهم لأجل جرهم للتفاوض السلمي وبعدين الحكومة ذاتها ما جلست معاهم في أديس، نحن يمنعونا ليه؟ وأنا بقولها بالفم المليان أيوة أنا مشيت وحأمشي تاني والسجن ده دخلناه وحندخله تاني ألف مرة ما دمت أفعل ما أراه صواباً. ـ من حديثك السابق يمكن أن نستخلص أنك موافق على وثيقة الفجر الجديد بالكامل دون أي ملاحيظ؟ لا طبعاً عندي ملاحيظ لكن كل مراجعاتي سأحتفظ بها الى المؤتمر القادم، لكن مؤسف جداً أن حزب الأمة يقول أنا ما رسلت مبعوث والترابي نفس الشئ وهذه ممارسة سيئة.