|
|
 Re: من عزمى بشارة...لصُناع العبث (Re: Kabar)
|
قرأت لك استفسار في بوست اخونا طه جعفر ، و اقول:
السلامات خشم بيت في المسيرية الحمر في غرب كردفان..
في غرب دارفور هم كيان مستقل بذاته.. لكن المسيرية و السلامات اقرب الأقربين..
في تشاد.. مقاطعة (ولاية) السلامات اسمها ام التيمان..
مقاطعة (ولاية) المسيرية اسمها ام حجر..
التحالف الذي قاد ادريس دبي الى الإنتصار على حسين حبري.. اساسه زغاوة و مسيرية و سلامات..!!
المسيرية في كردفان و دارفور.. لاعلاقة لهم واصلة بالمسيرية في تشاد ، اللهم الإ التراث المشترك.. فالحدود فصلت بين الفريقين..و كلهم عندهم ادعاء ثابت أنهم قدموا من تونس الخضراء (و التنجر كذلك)..و ان مدينة القيروان بناها جدهم عقبة بن نافع..(طبعا الفلاتة عندهم نفس الإدعاء المتصل بعقبة اين نافع هذا)...
و كذا السلامات..
المسيرية في كردفان يتواجدون في المنطقة الغربية من جنوب كردفان ، طبعا مؤخرا صاروا جزء من ولاية غرب كردفان..
المسيرية في دارفور.. اصلا ..كانوا يوصفون بانهم اخر الهجرات العربية التي قدمت من تونس..و كانوا في شمال دارفور.. ثم تحولوا الى غرب داارفور..و واشهر مناطقهم جبل يسمى ، ابو غريرية (تصغير غــُرة) جبل الشيخات.. لذلك في دارفور يسمون مسيرية جبل..!!
كلهم عندهم ادعاء غريب .. بان اقربائهم في سودان اليوم هم الشكرية في وسط السودان (نظام عرب جهينة و كده)..!!
كل هذا الكلام لا يهمني كثيرا... و لكن معرفة قد تكون غائبة عن البعض..!!
و في يقيني السودان داير محاننة جادة.. عشان ترجع الأمور لنصابها..
و المحاننة دي مافي زول بيقدر عليها في زمن الموبايل..و الدوشكا العايرة بلا تمييز..!!!
عشان كده خلينا نغالط ناس الجهل العابث .. الى أن يقضي الله امرا كان مقضيا..!!
اخير نحن.. سودان و تشاد.. قريبك منصور المفتاح.. شايلها ليك يوغندا.. زنجبار.. صومال.. اثيوبيا.. جيبوتي.. نيجر.. تشاد.. مالي.. كاميرون.. جابون.. لغاية المحيط الأطسي (ياخي ده اظرط من البعثيين بتاعين من الخليج الى المحيط..!!!.. تقول ليهو ده كلام شنو.. يقول ليك الخلق دي حاجة واحدة ، لكن ما جايبة خبر لي روحها..!!!!!).. المهم..!!
كبر
|
|
  
|
|
|
|
|
| |
Kabar
فيس بوك
تويتر
انستقرام
يوتيوب
بنتيريست