|
Re: بدأ الدولار يرفرف فوق وتحت مع رفرفة البرق العبادي (Re: Osman Musa)
|
حبيبنا عثمان ولد موسى
كيفك وكل عام وانت والاهل بالف خير
Quote: يمكن ياخ يكون ده كلو من كلام الرئيس المشاتر عن البلف . كل يوم لاخمنا البلف بتاعهم ده WILL BE CLOSED . ياخ الزول أصبح يخاف ويفتش لي أسباب تأخير المطر ودي يا أخوي مناطق المطر . غايتو الننتظر 3 يوم لو ما كبت دي عوجة تب . |
ياخ وزير المالية اتلح ليك الخريف باللبهة لحدى نشفها كلها
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: الطيب شيقوق)
|
Quote: الاستاذ الطيب شيقوق السلام عليكم ورحمة الله وبركاتة وكل عام وانتم بخير اخى الطيب اسمحى لى ان انتقدك بعض الشى فانت متناقض مع حديثكم هذا فانت حين تفتج بوستات جادة لا تساهم فيها ولا تشارك حتى بخبرتك الطويلة فهناك بوست مصل العقارب الذى اطلق بنداء عبر هذا المنتدى ولم تشارك فيه انت ولا بورداب مسقط |
الفوق دي ما لهجة وضاحة
Quote: فا اقول ليك الشرك الختواك فيه بركة جدى حامد اب عصاءة سيف ولا هشيتوا ولا نشيتوا فى البوست يهشوك بالعنكوليب يا مسنوح اقعد لموا لى فى الريال العمانى دا لما يجي يوم تاكلها ليك الحشرات وتجى يوم تحتاجوا فى الدندر و تجى يوم تردح ا لينا هنا وتقول ساعدوا ناس الدندر والدندر بتقرق وحاتك عنكوليبة واحدة ما نمدها ليك ولا شكلاتة زاتوا |
دى لهجة وضاحة
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: الطيب شيقوق)
|
الطيب سلامات ورمضان مبارك مع ان الرفرفة في الاتنين بتكون افقية لكن الصورة واضحة ومعبرة وزي ما قال ليك بعض الإخوان الأرزاق بيد الله ـ نقول ليهم ونعم بالله بس ربنا علمنا الأخذ بالأسباب تماماً كما فعل سيدنا يوسف عليه السلام لتفادي سنين القحط واحتاط لها بخطة إقتصادية ناجعة لكن زي حكومتنا البتقول ليك الخريف فاجأنا دي يقول عليها شنو؟
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: الطيب شيقوق)
|
نعم ، الان يسقط بدندرنا المطر الهتون،تبتل لهاة الارض ،تغسل السماء فجاج الارض من التعب والسخائم، تنفض السعية ما بلل صوفها،ورطب جلدها، تحرك كل جسدها برعشة تدوم لحين،ولكانها تعبر عن الرضا والعرفان لمن اهداها ماء الحياة. غدا يروي ظما الارض،يتحرك فيها الحنين،فتخرج عشبها ،ويخضر شجرها،وتطير فراشاتها ،وعصافيرها ،بهية للناظرين. ياسبحان الله،كم هو كريم الخالق،كل هذا مجانا،عطاء من غير حساب,,,فلتهنا الارض بعرسها وزمان فرحها الذي اطل. الذاكرة لا تحمل كل شئ، التحية للدندر وناسها،انا زاملتك عامين بالجامعة، فصل واحد، سكن واحد، وشاءت رحمة الله،ان اغشي غيرها من الفصول، ولكني احب ما تكتب ، وقريتي تجاور ود الضؤ ،له التحية،عسي ان يغمر المطر جزيرتنا العطشي،فلتستمر في نداء المطر،واترك مطر الذاكرة،حتي ترتوي الارض،وتشبع السعية ،ونجمع المحاصيل.
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: عبدالعزيز عثمان)
|
Quote: نعم ، الان يسقط بدندرنا المطر الهتون،تبتل لهاة الارض ،تغسل السماء فجاج الارض من التعب والسخائم، تنفض السعية ما بلل صوفها،ورطب جلدها، تحرك كل جسدها برعشة تدوم لحين،ولكانها تعبر عن الرضا والعرفان لمن اهداها ماء الحياة. غدا يروي ظما الارض،يتحرك فيها الحنين،فتخرج عشبها ،ويخضر شجرها،وتطير فراشاتها ،وعصافيرها ،بهية للناظرين. ياسبحان الله،كم هو كريم الخالق،كل هذا مجانا،عطاء من غير حساب,,,فلتهنا الارض بعرسها وزمان فرحها الذي اطل. الذاكرة لا تحمل كل شئ، التحية للدندر وناسها،انا زاملتك عامين بالجامعة، فصل واحد، سكن واحد، وشاءت رحمة الله،ان اغشي غيرها من الفصول، ولكني احب ما تكتب ، وقريتي تجاور ود الضؤ ،له التحية،عسي ان يغمر المطر جزيرتنا العطشي،فلتستمر في نداء المطر،واترك مطر الذاكرة،حتي ترتوي الارض،وتشبع السعية ،ونجمع المحاصيل. |
يبشرك بالخير اخي عبد العزيز
تكثفت في ذاكرتي الكثير من الاسماء العزيزة لا انسى منها اخي وصديقي ابن الطالباب عبد العزيز عثمان الذى كان يعاني من الام في المصران فربما تكون انت ذلك الشاب الذى ما زال محياه خالدا في وجداني
ويا ريت ويا ريت
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: الطيب شيقوق)
|
Quote: اقعد لموا لى فى الريال العمانى دا لما يجي يوم تاكلها ليك الحشرات وتجى يوم تحتاجوا فى الدندر و تجى يوم تردح ا لينا هنا وتقول ساعدوا ناس الدندر والدندر بتقرق وحاتك عنكوليبة واحدة ما نمدها ليك ولا شكلاتة زاتوا
مسنوووووووووووووح واحد بث |
دا الكلام .... عفيت منك يا وضاحة
ورمضان كريم ... يا مسنوح
!!!!!!!!!!!!!!!!!!!!!!!!!!!!!!!
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: عماد الشبلي)
|
الشبلي المسنوح
Quote: دا الكلام .... عفيت منك يا وضاحة
ورمضان كريم ... يا مسنوح |
اول حاجة قول لوضاحة اغاثتكم لناس الدندر لحسوها ناس الحكومة وكانت كلام فارغ ساي بسكويت وشاش وب ا ن ب ر س وناس الدندر ما ناسو ديل ناس بوبح ساااااااااى
الناس كانوا فاقدين الدواء والقضيم والجبين والاندراب
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: الطيب شيقوق)
|
سنة المجاعة،حين لم ينزل المطر , في ذاك العام،اهلكنا القحط،حتي اكل الانسان ،اخيه الانسان، لشهرين متتاليين،تولول الريح الجافة، يجلدنا الهبباي الاحمر،قادما من قبلي سهل البطانة،حاملا الحصي والتراب القاسي،لايام بلياليها يستمر حصبه،كانه جيش عرمرم يرمينا بالنبال،لشهرين اثنين ماشال برق عبادي،ولا هبت علي الفجاج نسمه . مضي الضراع باكمله ،صيف من صهد ولهيب،اعقبته نترة بصوم صمدي،هلت الطرفة ،فماتغشانا ندي،ولا بكت السماء بالمطر،وانقضت ايام الجبهة مثقلات بالكرب والبلايا،وهانحن في بطن الخرصان،نفس عواء الريح الجافة،وسمومها الحارق. من دغش الفجر قصد جدي زروق الجامع،كانو هناك منكسي الرؤوس،متقرفصين فوق البرش المتاكل، رمي عصاه،ومثل الايام التي سبقت، لم يبداهم بالسلام،جبلة جديدة،ظنوها مقدمة لدخوله خريف عمره الحزين، اقتربوا من اليقين في ظنه كلما وجدوه،يقلب وجهه في الافاق مهمهما بطقوس غير مفهومة،ولقد كان لثمانين حولا،حكيم الجهات، الحاذق الفطن،ذو فهم يتجاوز ظاهر الاشياء،وعارف بسر حركات الطبيعة ونشاط مخلوقات الارض،الملم بما كان،ومن كان،حاكيا بالتفصيل منذ ان رست سفينة نوح،حتي لتخاله واحد ممن قدم فيها. رمي بعصاه،واتبعها قائلا،مكلما نفسه او جمع المجتمعين للصلاة,انها اذن والله الفاجعة،صلوا بصدق،وتضرعو للرب ان تكضب الشينة. صلي بهم جدي الفكي،كما كان يصلي في الزمان القديم ،اوجد فيهم كما من الاهة ،يتلو وتخنقه العبرات،الان ادركو ان خريف عمرزروق محض ظن،وانهم جاءهم بالنبا العظيم. قضيت الصلاة،فقاموا صامتين يمشون خلفه،ساقهم لاطراف الحلة،فتملكهم الزعر،كان الفجاج كلها تفيض بالنمل،جيوش وجيوش،من النمل صفوفا صفوفا بهمة وجد،داخلة المخازن،المطابخ،تكلة العواسة،الزرايب،تفتش في كل جحر عن ايها طعاما،وتمضي لتعود. حسنا لقد حلت الكارثة، رمي بحجره الثاني،وحدث الامر في ذات اللحظة،ذلك ولكان الناس قد انتبهوا فجاة ان مخازنهم قد خلت من ايما غلة،ان اجسادهم ادركها الهزال،ان اطفالهم قد شاخوا،انه في ذات اليوم قد دفنوا من الناس عددا،كان اليوم طويلا بصورة لاتصدق،ادركت السعية الخوار،نزع جلدها،امتلات دبرا وقروح،وعجزت الابقار من ان تقف علي ارجلها،طال اليوم حتي كان الطفل يولد ويشيخ ويموت ويدفن في نفس اليوم. جاؤوا للساحة ،يجرون ارجلهم جرا،ساقوا بعنت البهائم العجفاء،من تبقت من المهلكة،جاوؤا بالاطفال هياكل،وبالامهات ثواكل ،وبكوا للسماء،بكوا لمشايخهم،بكوا السنين الخوالي،ايام العز والطرب،تذكروا الاعراس وايام البهاء،تذكروا زمانا كانت الحقول مخضرة،والسعية راتعة،والبراحات تضج بضحكات الصغار،وشدو العصافير،هل حدث ان مر بهم زمان سمح كهذا ام هو الهزيان. لم يسقط المطر،وما حدث بعد ذلك لا بد انه معلوم للجميع،فلقد تغيرت خارطة البلاد،وتبدلت حيوات كانت حية لمئات السنين،وحين جاء الرجل الابيض،ووثق رحلات الموت،التشرد،المويلح الشيخ ابوزيد،انكر الناس ان هذا حدث بارضهم. البارحة ،التقيت جدي زروق،وكانه علم ما بدواخلي،فاجاني قائلا لن يهاجمكم النمل هذا العام. في اخر الليل شلع برق كانها نار عظيمة،وهب دعاش حلو،وانهمر المطر،لثلاث ساعات ولا زال مطر عظيم،انا اكتب ولم يتوقف المطر،ولكني علي يقين ان النمل لن يجئ.
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: عبدالعزيز عثمان)
|
Quote: جاؤوا للساحة ،يجرون ارجلهم جرا،ساقوا بعنت البهائم العجفاء،من تبقت من المهلكة،جاوؤا بالاطفال هياكل،وبالامهات ثواكل ،وبكوا للسماء،بكوا لمشايخهم،بكوا السنين الخوالي،ايام العز والطرب،تذكروا الاعراس وايام البهاء،تذكروا زمانا كانت الحقول مخضرة،والسعية راتعة،والبراحات تضج بضحكات الصغار،وشدو العصافير،هل حدث ان مر بهم زمان سمح كهذا ام هو الهزيان. لم يسقط المطر،وما حدث بعد ذلك لا بد انه معلوم للجميع،فلقد تغيرت خارطة البلاد،وتبدلت حيوات كانت حية لمئات السنين،وحين جاء الرجل الابيض،ووثق رحلات الموت،التشرد،المويلح الشيخ ابوزيد،انكر الناس ان هذا حدث بارضهم. البارحة ،التقيت جدي زروق،وكانه علم ما بدواخلي،فاجاني قائلا لن يهاجمكم النمل هذا العام. في اخر الليل شلع برق كانها نار عظيمة،وهب دعاش حلو،وانهمر المطر،لثلاث ساعات ولا زال مطر عظيم،انا اكتب ولم يتوقف المطر،ولكني علي يقين ان النمل لن يجئ. |
عبد العزيز عثمان سلاااااااااااااام
ياخي إنت زول سمح وفيك دعاشاتاً تردّ الرّوح زي ما قال صاحب الدوبيت سنة المويلح ديك الله لا جابها تانية صادّة كم غبرت خدود كرمل المسيد
والحمد لله ان رفرفت روح جدّك العارف الطاهر حيث بعدها رفرف البرق العبادي وشالت أم رويق وإنسكبت السواري كما اسلفت لثلاث ساعات وإنشاء الله ما يقيف الهطول حتي الخواجة يحكم غطاء التاية من مربط العجيل
محبتي ودمت سمحا
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: عبدالعزيز عثمان)
|
Quote: سنة المجاعة،حين لم ينزل المطر , في ذاك العام،اهلكنا القحط،حتي اكل الانسان ،اخيه الانسان، لشهرين متتاليين،تولول الريح الجافة، يجلدنا الهبباي الاحمر،قادما من قبلي سهل البطانة،حاملا الحصي والتراب القاسي،لايام بلياليها يستمر حصبه،كانه جيش عرمرم يرمينا بالنبال،لشهرين اثنين ماشال برق عبادي،ولا هبت علي الفجاج نسمه . مضي الضراع باكمله ،صيف من صهد ولهيب،اعقبته نترة بصوم صمدي،هلت الطرفة ،فماتغشانا ندي،ولا بكت السماء بالمطر،وانقضت ايام الجبهة مثقلات بالكرب والبلايا،وهانحن في بطن الخرصان،نفس عواء الريح الجافة،وسمومها الحارق. من دغش الفجر قصد جدي زروق الجامع،كانو هناك منكسي الرؤوس،متقرفصين فوق البرش المتاكل، رمي عصاه،ومثل الايام التي سبقت، لم يبداهم بالسلام،جبلة جديدة،ظنوها مقدمة لدخوله خريف عمره الحزين، اقتربوا من اليقين في ظنه كلما وجدوه،يقلب وجهه في الافاق مهمهما بطقوس غير مفهومة،ولقد كان لثمانين حولا،حكيم الجهات، الحاذق الفطن،ذو فهم يتجاوز ظاهر الاشياء،وعارف بسر حركات الطبيعة ونشاط مخلوقات الارض،الملم بما كان،ومن كان،حاكيا بالتفصيل منذ ان رست سفينة نوح،حتي لتخاله واحد ممن قدم فيها. رمي بعصاه،واتبعها قائلا،مكلما نفسه او جمع المجتمعين للصلاة,انها اذن والله الفاجعة،صلوا بصدق،وتضرعو للرب ان تكضب الشينة. صلي بهم جدي الفكي،كما كان يصلي في الزمان القديم ،اوجد فيهم كما من الاهة ،يتلو وتخنقه العبرات،الان ادركو ان خريف عمرزروق محض ظن،وانهم جاءهم بالنبا العظيم. قضيت الصلاة،فقاموا صامتين يمشون خلفه،ساقهم لاطراف الحلة،فتملكهم الزعر،كان الفجاج كلها تفيض بالنمل،جيوش وجيوش،من النمل صفوفا صفوفا بهمة وجد،داخلة المخازن،المطابخ،تكلة العواسة،الزرايب،تفتش في كل جحر عن ايها طعاما،وتمضي لتعود. حسنا لقد حلت الكارثة، رمي بحجره الثاني،وحدث الامر في ذات اللحظة،ذلك ولكان الناس قد انتبهوا فجاة ان مخازنهم قد خلت من ايما غلة،ان اجسادهم ادركها الهزال،ان اطفالهم قد شاخوا،انه في ذات اليوم قد دفنوا من الناس عددا،كان اليوم طويلا بصورة لاتصدق،ادركت السعية الخوار،نزع جلدها،امتلات دبرا وقروح،وعجزت الابقار من ان تقف علي ارجلها،طال اليوم حتي كان الطفل يولد ويشيخ ويموت ويدفن في نفس اليوم. جاؤوا للساحة ،يجرون ارجلهم جرا،ساقوا بعنت البهائم العجفاء،من تبقت من المهلكة،جاوؤا بالاطفال هياكل،وبالامهات ثواكل ،وبكوا للسماء،بكوا لمشايخهم،بكوا السنين الخوالي،ايام العز والطرب،تذكروا الاعراس وايام البهاء،تذكروا زمانا كانت الحقول مخضرة،والسعية راتعة،والبراحات تضج بضحكات الصغار،وشدو العصافير،هل حدث ان مر بهم زمان سمح كهذا ام هو الهزيان. لم يسقط المطر،وما حدث بعد ذلك لا بد انه معلوم للجميع،فلقد تغيرت خارطة البلاد،وتبدلت حيوات كانت حية لمئات السنين،وحين جاء الرجل الابيض،ووثق رحلات الموت،التشرد،المويلح الشيخ ابوزيد،انكر الناس ان هذا حدث بارضهم. البارحة ،التقيت جدي زروق،وكانه علم ما بدواخلي،فاجاني قائلا لن يهاجمكم النمل هذا العام. |
يا سلام يا عزو على الكلام الحنين وطاعم دا كت عايز اقول ليك كلامك دا بحرك ناسي وبجوك متلبين هسه وفعلا دخلت الان ولقيت العبيد ود ابوى الطيب تلب فيك عدل.
Quote: في اخر الليل شلع برق كانها نار عظيمة،وهب دعاش حلو،وانهمر المطر،لثلاث ساعات ولا زال مطر عظيم،انا اكتب ولم يتوقف المطر،ولكني علي يقين ان النمل لن يجئ. |
الله يطمئنك - يا عزو - ويديك العافية ويديم النعمة على جميع اهلنا الغلابة في كل نواحي السودان
بس لسه مخلي اخاك معلق متلهف لمعرفة من انت ايها الرجل العظيم ؟
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: الطيب شيقوق)
|
دكتور سبيل
كيفك رمضان كريم وكل عام انت والاسرة بالف خير
Quote: الطيب يالطيب، رمضان كريم و تصوموا و تفطروا على خير.
و ربنا يكرم أهلنا بالمطر و أذهب عنهم البؤس و الشقاء و أنزل عليهم الخير و النعم |
والله يا دكتور ربك يستر وضع حرج للغاية - طبعا ناس البندر ديل ما جايبين خبر فاكرين العيش والسمسم البجيهم من الغرب والصعيد والشرق دا بطلعوهو من مناجم تحت الواطة .
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: الطيب شيقوق)
|
الفيسباب الظرفاء
Quote: مستنى يوم تتــْعب رؤاى يرموهو تى شيرتك عـَلـىْ ترحل غشاوات العيون بصراً حديد يرتدَ لــَى واقراكى بى شوفى الجديد انسانه خلت جمرى حى ما عارقه من بسمه بتشيلْ ( عبـــّادى ) لو آنستَ ضــىْ بحسب بتوقيت البروق افطر على وجهل واصوم |
ههههههها فعلا يرفرف العبادي وكل يغني على ليلاه - ياخ الف شكر مداخلتك روعة يا ريت لو أخرتها بعد وطاتنا تشبع موية
Quote: الطيب شيقوق سلام ورمضان كريم (قطعتوا قلبــِنا قكو دربنا ) او كما يقول الشعار |
Salma Salama ·
سلومة بت الشيخ
Quote: حقيقة امر خطير وجلل يا ابو الطيب ، وكيف العمل ؟ المطر كان ماجا الرماد كال اى زول ، واصلا هى ما ناقصة بلاوى ، ربنا يكون فى العون ، تصوم وتفطر على خير يا عشا الضيفان |
ربك يستر يا سلمى اختي
الاخت فائغة
Quote: بوست توب وفى الصميم لمعاناتنا فى السوان يا ربى رحمتك |
تسلمي ودا من ذوقك يا استاذة
· متابعة المنشور · الخميس، الساعة 06:14 صباحاً
Mohamed Abdelrahman · University Of Khartoum
Quote: بوست جميل جداً قبل دخول وضاحة |
هههههههههههههههههههها
· ..
Atef Al-Thami · اخي
Quote: دى حالتها ياناس امر جليل وعظيم عايشين بره السودان لو عايشين جواهو كيف يكون الامر وكيف يكون العمل شكلكم حاتقعدو تمعطو فى شعركم |
هسه يا عاطف شغالين معط في الشعر
تحياتي
· متابعة المنشور · منذ 11 ساعة اضافة رد... نشر بواسطة Eltaib Shaigoog (تغيير) ..
اخي طارق ابو محمد ·
رمضان كريم وكل عام وانت بالف خير
Quote: ايى والله يا الطيب الخريف السنة دي اتاخر خلاس الا باقيلك الله كريم والسما الفوقنا دا ما مضمون اول امس وكيلك الله السما دا اغباش ومغبر تقول بداية الصيف السمومو ترمي ود ابرق من الشباك اها من جات الساعة 5عصيرا متاخر كدي يقول كدي السما دا اتغير لونو والله زي وش العروس الدخلوها على راجلة بقى محمر وختالو ضل من تالا الصعيد وطلق زيفة الكلام دا لي بعد الافطار اها برقك العبادي دا شالن كهاربو وكيلك الله رعدا يخلي الدولاب يكركر الا بعد دا جات رشة بس قلنا خير اها منتظرين النترة وبعدها نشوف الطرفة البكاية عموما ربنا يكتر خيرنا ويخدر زرعنا وضراعنا ببركة جاه سيدنا محمد وكل عام وانتم بخير |
ههههههههههها والله يا ابا محمد رسمت لينا لوحة خيال غاية في الابداع - لوحة من فنان شاف وسمع مش قالوا ليهو
اخوك كان متابعك ومبسووووووط حاري الشغلانية تنتهي بسارية تكب للصباح وتعقبها ضحوية سماها يتك من بدري تحميك توصل دكان عمك العبيد ود الطيب عشان تتناول ليك كيسين شعيرية نتم بيها فرحة المطرة .
لكن وا حسرتي الشغلانية طلعت شيح في ريح
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: الطيب شيقوق)
|
أبوي الطيب سلام بوستك دي ندوة أم بشّار وإنت طوير عينة جاب لينا الخير سايق أم رويييييييييييييييق أخر تلفون من الغروب كرفان الغرة أمس مطرتين بالبادية الغربية واحدة ضهرية والتانية ليلية ام هرماس بردها يفلق صبّحت طيرة أم سورج طربانة تسوِّي القوق وقالوا والعهدة علي الراوي تلت الليل جابتلها زيف وواوير وإتخلّط مع كبريت ناس أم سماح وشقيق صندلهن عيل ........ "الحارس الخليج وا سيبتو....!
محبتي ودمتم سمحين وإشاء الله خريفا عااااااااااااااااااام ومااااااااااهل
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: عبيد الطيب)
|
Quote: بوستك دي ندوة أم بشّار وإنت طوير عينة جاب لينا الخير سايق أم رويييييييييييييييق أخر تلفون من الغروب كرفان الغرة أمس مطرتين بالبادية الغربية واحدة ضهرية والتانية ليلية ام هرماس بردها يفلق صبّحت طيرة أم سورج طربانة تسوِّي القوق وقالوا والعهدة علي الراوي تلت الليل جابتلها زيف وواوير وإتخلّط مع كبريت ناس أم سماح وشقيق صندلهن عيل ........ "الحارس الخليج وا سيبتو....!
محبتي ودمتم سمحين وإشاء الله خريفا عااااااااااااااااااام ومااااااااااهل |
والله يا العبيد اخوي خشمك فيهو اللبن لكن عولك ناس الصعيد غير الحويسد البحيّل ال ..... ما فيهو الحبة
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: عبيد الطيب)
|
Quote: أمس مطرتين بالبادية الغربية واحدة ضهرية والتانية ليلية ام هرماس بردها يفلق |
باقي ليك يا خال ام هرماس دي كان صبت في الخرطوم ما بتغرقها ؟.. ونبقي في مشاكل تانيه .. باعوضة.. وتصريف واوكازيون وبرامج اسعافية .. وكل واحد يشيل قدر ما يقدر ....
ياخي ما تخلونا لي ربنا يدينا قدر البنستاهله
عمر علي حسن
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: عمر علي حسن)
|
Quote: باقي ليك يا خال ام هرماس دي كان صبت في الخرطوم ما بتغرقها ؟.. ونبقي في مشاكل تانيه .. باعوضة.. وتصريف واوكازيون وبرامج اسعافية .. وكل واحد يشيل قدر ما يقدر ....
ياخي ما تخلونا لي ربنا يدينا قدر البنستاهله |
ها يا العبيد خيرك جاك دافق
الخال مطر الضحوى جاك متلب ببروقو
حبابك حبابك يا ابا امير
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: الطيب شيقوق)
|
الشم خوخت بردن ليالي الحرة والبراق برق من منه جاب القرة شوف عيني الصغير بي جناحه كفت الفرة تلقاها أم خدود الليلة مرقت برة *** QUTE الخبر الأكيد قالوا البطانة اترشت وسارية تبقبق با الصباح ما انفشت هاج فحل أم صريصر والمنايح بشت وبت أم ساق على حدب الجميل اتعشت ** برق القبلة شال شالت معاه بروق ختت له أم رويق عم السحاب من فوقو العفرت رحل يبكي ويسوي القوق والضحوي اتردف ليله ونهاره يسوق *** البارح بشوف يشلع بريق النو وحس رعاده يجرح في الضمير كوكو داك طير القطا الدور مشارع الهو وفرقان البطانة اتماسكت بالضو
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: عبدالعزيز عثمان)
|
Quote: باقي ليك يا خال ام هرماس دي كان صبت في الخرطوم ما بتغرقها ؟.. ونبقي في مشاكل تانيه .. باعوضة.. وتصريف واوكازيون وبرامج اسعافية .. وكل واحد يشيل قدر ما يقدر ....
ياخي ما تخلونا لي ربنا يدينا قدر البنستاهله |
سماحة اللواء عمر سلااااااام ومعزة كبيرة ورمضان كريم
أم هرماس يا سماحة اللواء بتفتِّق لينا برم الطَّلح وبعيدن ناس أم سماح بخلطوهو مع العسّاف ودعاش أم هرماس بصّروا في طرف هديم وبعنوبو عتامير عمان وعتامير نجد وفيها أجر مناولة
لكن عندك في الخرطوم مافي برم طلح........... شجركم هجليج وسدر دي في التلت الأخير سيدو مع الحي القيوم وأم كابور.......!
عيل نحنا أم هرماس بتنفعنا عشان تلتنا الأخير لالوبو من طلح موهو هجليج........! أبوي الطيّب قال نحنا ما عندنا منو فايدة عيل البرق البخلّي الناس تلعب العيتنوبا....! برضو ان بسط الجماعة سمح قبّالنا شعتف حال زولك طرفة بن العبد "لك النّهار ولعبه بفحولةٍ يَعلُونه بالّليل عَلْو الأ تيسِ"
محبتي
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: عبيد الطيب)
|
Quote: الشم خوخت بردن ليالي الحرة والبراق برق من منه جاب القرة شوف عيني الصغير بي جناحه كفت الفرة تلقاها أم خدود الليلة مرقت برة *** QUTE
عبد العزيز سلااااااااااااام ومحبة ياخي الحردلو دي عجيب.........! المفردة حقتو مذهلة شوف المربوعة دي رشاشية ومفردتها ذاتها مفردة رشاش المسدار دي او مسدار الصيد ليّ سنين وكل يوم بدهشني بصورة جمالية جديده مع أني إبن بادية وكنت مولع بالقنص ومطاردة الصيد مع البدو والصيّادين وأعرف الكثير عن الصيد وتضاريسو.....! وأجزم انني لم اري احدا وصف الصيد وحياتو وحركتو مثل الحردلو
"تيسن جك مغرب وبي الملاين حام وجاهن وعافطنو وحيل سدوهن قام"
إنت عارف والله كل ما أقرأ هذه المقاطع من المربوعة اقف مذهولا شوف لكل سرب من الغزلان تور او تيس يكون له "مصن" مراح" ودايما التيس هو دليل الغزلان او قوّادها فنجده دائما يذهب أمامها بعيدا بحثا عن الشجيرات التي تفتّقت في اول الرشاش والتي تخلو من الناس والنّعم وحين يعود يحدث صوتا في أنفه وخياشيمه تسمي "العفطة" ويجارنه الغزلان بذلك ثم يجرن او ينقّن وتكون حركتهن مجتمعة "حيل سدوهن قام"
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: عبيد الطيب)
|
Quote: الخبر الأكيد قالوا البطانة اترشت وسارية تبقبق با الصباح ما انفشت هاج فحل أم صريصر والمنايح بشت وبت أم ساق على حدب الجميل اتعشت ** برق القبلة شال شالت معاه بروق ختت له أم رويق عم السحاب من فوقو العفرت رحل يبكي ويسوي القوق والضحوي اتردف ليله ونهاره يسوق *** البارح بشوف يشلع بريق النو وحس رعاده يجرح في الضمير كوكو داك طير القطا الدور مشارع الهو وفرقان البطانة اتماسكت بالضو |
يا سلااااااام يا عبد العزيز
المربوعة الأخيرة دي رائعة وقافيتها نادرة "البارح بشوف بجرح بريق النّو وحس رعّاده بجرح في الضمير كوكو"
دي قافية ما بقدر عليها إلا الشيخ حياتي في "ناهي النهو" او شيخ هاشم " بريقا النّو يجرّح في الضمير كوكو"
"داك طير القطا الدوّر مشارع النّو وفرقان البطانة إتماسكت بي الضّو"
يا سلاااااااام مذهل
وجه البداوة مُمطرٌ... وبريق عين الرمل لا يهواه الا من به مسٌّ ومن إن امْطَرَت صحراؤه شجنا يَجنُّ.. ذاك الفتي البرّاق سبّاقٌ الي سكب الغرام علي الغرام البرقُ وجه حروفه والرّعدُ لحنُ ويغوصُ في ربق الطرائد بالرحيق الغض ينسل سهمه ويروح يلعق اصبعيه ..طبع البداوة غالب ابدا عليه كفُّ التصحر كلما اقصاه من كفيه يَدنُو الشاعرة السعودية أشجان الهندي
محبتي
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: عبيد الطيب)
|
و بحمده تعالى جاء الغيث إذن فليغني ( ود الشلهمة )
قليعات الرزق أمست تعولن ماطرة حمريبن طلق ريحة الفلير و الباترة كان جيتن دقش فوق ام محاجما قاطرة تلقى العافية غير بنسلين و دكاترة
من محن الدنيا : ان نجاح الموسم الزراعي صار قضية سياسية مباشرة بوستك سمح و حساس ( يا شيخ العرب )
بنهاية أغسطس : افتح لينا بوست تأني عن ظروف و أحوال ( قصبة مدالق السيل )
يزداد يقيني بان المنبر العام يتحرك نحو حالة الوطن الكامل الحقيقي، و ذلك بوصول عبيد الطيب، و احمد التيجاني، و آخرين أفاضل تفوح منهم ريحة البوادي و تقاسيم الدوباي
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: أحمد طراوه)
|
Quote: قليعات الرزق أمست تعولن ماطرة حمريبن طلق ريحة الفلير و الباترة كان جيتن دقش فوق ام محاجما قاطرة تلقى العافية غير بنسلين و دكاترة |
سلامات مرة تانية ياود زهرة بالعودة لمداخلة الأستاذ طراوة بعد السلام عليه اعلق علي ما اقتُبِسَ منها بالآتي: يقال والعهدة علي الراوي أن من قال الرباعية اعلاه هو أحد سكان البطانة القريبة من مدينة عطبرة ( أم شديدة) وكان نزيل مستشفي عطبرة من علة المت به وفي صباح يوم فُتِحت شبابيك العنبر الذي يرقد فيه فملأ رئتيه دعاش يعلم حقيقته فقام من تَوِّه الي اغراضه يضعها في بقجته وعندما مرَّ الطبيب وجد شيخ العرب يتهَيأ للخروج فقال له الطبيب: ياشيخ العرب انت لسه ماطِبتَ وماكمَّلت علاجك. رد عليه شيخ العرب: يادكتور: الليلة البَـطاين أضحت تٌـعُولِنْ ماطرة حَمَريبهِن فَتَقْ جَابْ ريحةَ الفِلير والباترة كـان دَوَّرتَهِـن بأبْ حَـواجبَاً قَـاطرَة بَلقي العـافية مِـنْ غير بَنسلين ودكاترة
* البطاين: جمع بطانة وهي الأرض * تعولن: التعل هو مارتفع من الأرض * أب حواجباً قاطرة: الجمل * كان دورتهن: لو سقتهن ويقصد الأبل
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: الطيب شيقوق)
|
العبيد سلام،اول باخد الاذن من صاحب الديوان،شيخ الطيب، واقول لي كلمتين تلاتة معاك،سيد الديوان انا بعرفوا منذ ان كان طالبا في حوش بكر،مرورا بالجامعة،ثم هوذا شيخ عارفين في حوش بكري،اجواد ،فالح،ذكي ونبيل،خبر الحياة منذ شبابه الاول،ولا زال شامخا في شبابه الثاني،مش اخير كده،اخدنا الاذن من شيخ الطيب نجيك انت ياالضؤ، بلدنا الله رحمها بارضها،مائها،وانسانها،زارعا وراعيا،وابتلاها بسياسين غفله،ضيعوا الحاضرة بالغائبه،فاسلموا البلد للفاقة والهوان،يا عبيد الطيب يامقدم، لن اتفلسف واقول اكثر من ان البلد لم يكن محتاجا لشوية حفائر ودوانكي ومراكز ابحاث ورقابة بيطرية،شوية قريشات يالعبيد تصنع مجدا،عارف طن اللحم بي كم، بلد احمق من يظن انا لها حياة غير زرعها وضرعها،وبدل ان يكون هذا هو المشهاد والعمار،طوينا كل الوطن وجعلناه في المركز،ابنية خرصانية فارغة ليست لها علاقة بالحياة والعمار التي مكانها الريف البعيد مزارعا كبري زرعا وحيوان، ولقد عرفتني مشاهدات كثيرة في دول غنية وفقيرة اننا اضعنا فرصة النهوض لجهلنا ببلادنا،وده ننضم فيه تاني اسع المجلس ده مجلس بشارة ومطر،ودايرين المتابعة اليومية لاخبار الرحمة لاننا نحن بعدنا خلاس،الا تركنا وراءنا احبة نحملهم في الحنايا هم الطيبين في بلادي،ولايماني بما اقول فورائي زرعي وضرعي،راجيين كلنا رحمة الرحمن،،،ودالمقدم نبدا ليك واحدات ميزن عليك الله. نعمك كسه في الهيجة التناها مهيق براقك بيقدح وهمبريبه بقيف بهم ريلك مجدع ياالفضاك مو ضيق علاوك مزرقن وشرفه نيله مزيق ،،وله دي تمها ام بتيخ بدت تحت الرهاب الطالع جاها يحاكي في الشايل شحنتو وقالع واغل الفرو ذي برق الصبيب الشالع عطشانا علي كمعة براطمو مهالع ياعبيد،يا محترم خلينا نشتغل بي اخبار الحياة،ونضار الانسان واحتفائه بزرعه وضرعها،هذا ما يشغلنا صحوا ومناما،حال عقابنا من الطيبين،يالله عليك الله ماتقيف،تحياتنا لزوار ديوان ابوك الطيب،مجتمعا يتصيد بشارات المطر.
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: عبدالعزيز عثمان)
|
Quote: أبوي الطيب سلام بوستك دي ندوة أم بشّار وإنت طوير عينة جاب لينا الخير سايق أم رويييييييييييييييق أخر تلفون من الغروب كرفان الغرة أمس مطرتين بالبادية الغربية واحدة ضهرية والتانية ليلية ام هرماس بردها يفلق صبّحت طيرة أم سورج طربانة تسوِّي القوق وقالوا والعهدة علي الراوي تلت الليل جابتلها زيف وواوير وإتخلّط مع كبريت ناس أم سماح وشقيق صندلهن عيل ........ "الحارس الخليج وا سيبتو....!
محبتي ودمتم سمحين وإشاء الله خريفا عااااااااااااااااااام ومااااااااااهل |
حمدله على السلامة يا عبيد وجعلها الله أمطار خير وبركة ورحمة إن شاء الله رشتين تلاتة في العينة دي
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: بدرالدين بابكر مصطفى)
|
Quote: البلد لم يكن محتاجا لشوية حفائر ودوانكي ومراكز ابحاث ورقابة بيطرية،شوية قريشات يالعبيد تصنع مجدا،عارف طن اللحم بي كم، بلد احمق من يظن انا لها حياة غير زرعها وضرعها،وبدل ان يكون هذا هو المشهاد والعمار،طوينا كل الوطن وجعلناه في المركز،ابنية خرصانية فارغة ليست لها علاقة بالحياة والعمار التي مكانها الريف البعيد مزارعا كبري زرعا وحيوان، ولقد عرفتني مشاهدات كثيرة في دول غنية وفقيرة اننا اضعنا فرصة النهوض لجهلنا ببلادنا،وده ننضم فيه تاني اسع المجلس ده مجلس بشارة ومطر،ودايرين المتابعة اليومية لاخبار الرحمة لاننا نحن بعدنا خلاس،الا تركنا وراءنا احبة نحملهم في الحنايا هم الطيبين في بلادي،ولايماني بما اقول فورائي زرعي وضرعي،راجيين كلنا رحمة الرحمن،،،ودالمقدم نبدا ليك واحدات ميزن عليك الله. |
يا عزيزي عبدالعزيز فعلاً الوطن ربنا ابتلاه بسياسيين عينة يا كافي البلا غايتو الله كريم وما شقالو حنكاً ضيعو ...
كسرة: يا جماعة المربوع : قليعات الزرق صبحن تعولن ماطرة ، حق ود دوقة من ناس كسلا، وهو حي يرزق وشغال تمرجي لا وكتاً قريب
تحياتي مثنى وثلاث ورباع
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: بدرالدين بابكر مصطفى)
|
العزيز الطيب لك التحية ويبدو أن الدعوات صدقت وإن جاءت متأخرة وذي ما قال ليك العبيد الطيب أم هرماس الضرب الدار ضهر ليَنت الأرض (عيل) الغنم (دبسبن دبساب الجلهاقة والشلهاقة) وبقت علينا اتنين (فيتريت وعيدان وقود) الراعوية وحدين يقرشوا الغنم العيش ووحدين يدفوا الواقعات من الزيفة ووحدين يلجوا البهم. ونسأل الله أن يسوق علينا البرق والدهراب والعِينة الروية، عشان غنمنا ما كيف إلبل أم عراقيب بمرقن في أم كدادة وجبل حلة وبروش وبياض ودونكي الحرة والمرة والمالحة وقبال بفوتن الكنغو ديل ما بنات جاندي (جانديل): أبو حبل فــــاض ودفـــــق معاهـــــو السيل ريح الدعـــــاش هب فـــــــوق بنات جانديل البراق دودا قبلي والهرع مزن صعيد كازقيل دى كردفان نوبة وبقاره وأباله يشدو الحيل احمد التجاني
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: أحمد التجاني ماهل)
|
Quote: العبيد سلام،اول باخد الاذن من صاحب الديوان،شيخ الطيب، واقول لي كلمتين تلاتة معاك،سيد الديوان انا بعرفوا منذ ان كان طالبا في حوش بكر،مرورا بالجامعة،ثم هوذا شيخ عارفين في حوش بكري،اجواد ،فالح،ذكي ونبيل،خبر الحياة منذ شبابه الاول،ولا زال شامخا في شبابه الثاني،مش اخير كده،اخدنا الاذن من شيخ الطيب نجيك انت ياالضؤ، بلدنا الله رحمها بارضها،مائها،وانسانها،زارعا وراعيا،وابتلاها بسياسين غفله،ضيعوا الحاضرة بالغائبه،فاسلموا البلد للفاقة والهوان،يا عبيد الطيب يامقدم، لن اتفلسف واقول اكثر من ان البلد لم يكن محتاجا لشوية حفائر ودوانكي ومراكز ابحاث ورقابة بيطرية،شوية قريشات يالعبيد تصنع مجدا،عارف طن اللحم بي كم، بلد احمق من يظن انا لها حياة غير زرعها وضرعها،وبدل ان يكون هذا هو المشهاد والعمار،طوينا كل الوطن وجعلناه في المركز،ابنية خرصانية فارغة ليست لها علاقة بالحياة والعمار التي مكانها الريف البعيد مزارعا كبري زرعا وحيوان، ولقد عرفتني مشاهدات كثيرة في دول غنية وفقيرة اننا اضعنا فرصة النهوض لجهلنا ببلادنا،. |
شكرا ليك كتير كتير عبد العزيز وأضف للزرع والضرع ضلع آخر حتي يكتمل المثلث وهوالعقول النيرة أمثالكم ورؤيتهم الفاحصة......! لكن وينهم ود روهم مع شليلنا الراح........!
Quote: وده ننضم فيه تاني اسع المجلس ده مجلس بشارة ومطر،ودايرين المتابعة اليومية لاخبار الرحمة لاننا نحن بعدنا خلاس،الا تركنا وراءنا احبة نحملهم في الحنايا هم الطيبين في بلادي، |
نعم ملح الأرض ودعاش الدنيا او كما يصفهم أخونا حنفي الطيب " أهلي البساط وإلإنبساط الحاشا ما صرّوا الجبين لي ضيف هجوع حاديهو جوع نازل ربوع المخلصين الودّهن صافي الحليب"
Quote: ولايماني بما اقول فورائي زرعي وضرعي،راجيين كلنا رحمة الرحمن،،،ودالمقدم نبدا ليك واحدات ميزن عليك الله نعمك كسه في الهيجة التناها مهيِق براقك بيقدح وهمبريبه بفيق بهم ريلك مجدع ياالفضاك مو ضيق علاوك مزرقن وشرفه نيله مزيق
|
النعم رتوع في الهبجة والهكاعة وعيل يتكاسع والبهم راقد من البدنة يا سلاااااااام يا زول شارفتو بينا
Quote: ،وله دي تمها ام بتيخ بدت تحت الرهاب الطالع جاها يحاكي في الشايل شحنتو وقالع واغل الفرو ذي برق الصبيب الشالع عطشانا علي كمعة براطمو مهالع
|
يا سلاااااام قلت ليّ عطشان علي كمعة براطمو مهالع والله دي ما سبقو عليها شاعر في العالمين اصلو الرّشاش بجيب الهلاع ومعاهو القداد لكن زولنا دي هلاعو هلاع السّرور داير ليهو كبسولتين من العراطم وهن عراطم خراب وسراب شوف فرّهن اي بسمتهن كيف برق أم رويق الشّالع " البرق البِولْوِل قِبلي يرسُم ويمحه شان ما يشيلُّو من فرَّت فِويطْرِك لمحه مع الدُّغشية سارق وجاب دعاشةً جمحه قلبي الغاوي شارف وشاشا ليك يا السمحه"
Quote: ياعبيد،يا محترم خلينا نشتغل بي اخبار الحياة،ونضار الانسان واحتفائه بزرعه وضرعها،هذا ما يشغلنا صحوا ومناما،حال عقابنا من الطيبين،يالله عليك الله ماتقيف،تحياتنا لزوار ديوان ابوك الطيب،مجتمعا يتصيد بشارات المطر |
شوف إحتفاء أخونا جمعة الكباشي البري بي قدوم "خريف الرّازة"
"البرق البعقلولو العطيش في حرور جاب لينا الدعاش قال الصعيد ممطور اصبح نملو فوق كوم الدباب منشور وطربان طيرو هبالو النسيم كافور اتراحل هرع من غادي جي مدفور واتحيَّن وقف منلم جميع مضفور اشابيب النِّحاسي وصبها المخبور* نزلت ديس فلاني الشبلولو سيور عينة النترة ساقت وخرف العتمور والضحوي البعم في صبو ديمة صبور السيل وهط العالي وعني الشختور واتخلط رحل عاد كبو مو معبور الوادي الرفس سقايو في الصنقور* ضهبان سيلو في سدرو الشدر مدفور مدَّرِّع رقبتو وممغي ممسور وفار جنحينو متمدد بعيد مفرور لا بتشوف درو ولا بنفرز كرور ولا بتعرف مفاصل ولا عدل مخبور صبح رهادو متقرن بعيد ممسور واتخلط جررب في مشافو بحور "النِّحاسي بعد الضّحوي وقبل الضهري ويكون سريعا وغزيرا السٌقاي هي الخيران الصغيرة التي ترفد الوادي الكبير شوفو مقوع الطاري كيف صوّر سيل الوداي عليكم الله اقيفو في "الوادي الوادي الرّفس سقّايو في الصنقور ضهبان سيلو في سدرو الشدر مدفور مدّرِّع رقبتو وممغي ممسور وفار جنحينو متمدد بعيد مفرور"
محبتي لك وللمتداخلين جميعا ويا بدر الدين إنت قريب من نفحات الدعاء وإلإجابة إن دخلت البيت المعمور مع الدغشية ما تنسي البلد اشركها في الدعاء
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: الطيب شيقوق)
|
Quote: اللقب: عبدالعزيز عثمان : .
عدد البوستات: 143 تاريخ التسجيل: 26-05-2013 محل الاقامة: usa : عنوان مكتبتى بسودانيزاونلاين دوت كم : FaceBook Page: Skype Name: اكلات مفضلة: gurassa الاسم الحقيقى: عبد العزيز عبدالرحمن عثمان التلفون: 5028214901 الجامعة/المعهد: U OF K الحالة الاجتماعية: Married العنوان الدائم: الفنان المفضل: اللون السياسى: GREEN النوع: Male الهوايات المفضلة: READING,FARMING الوظيفة: FARMER تاريخ الميلاد: 1958 درست المرحلة الابتدائية فى ......و سنة....: درست المرحلة الثانوية فى ......و سنة....: HANTOUB درست المرحلة المتوسطة فى ......و سنة....: شاعرك المفضل: عدد الاطفال: معلومات اضافية: مكان العمل: مكان الميلاد فى السودان: GAZEERA |
لا اشك ابدا في انك اخي عبد العزيز عبد الرحمن عثمان ابن قرية الطالباب الشاب الانيق والمرهف الاحاسيس والمشاعر جمعتنا الدنيا في غرفة واحدة في داخليات البركس خلال عامي 80 - 81 . تركتنا لدراسة القانون بعد ان قضيت عامين معنا ومنها رحلت منا الى كلية الاداب جامعة الخرطوم . اليس كذلك؟
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: الطيب شيقوق)
|
Quote: كسرة: يا جماعة المربوع : قليعات الزرق صبحن تعولن ماطرة ، حق ود دوقة من ناس كسلا، وهو حي يرزق وشغال تمرجي لا وكتاً قريب
تحياتي مثنى وثلاث ورباع |
الاخ بدرالدين - تحية طيبة ورمضان مبارك هذه الابيات سمعتها منذ زمن لاتعيه الذاكرة ولا اجزم بصحة نسب المربوع اعلاه كما جاء في روايتي لذلك ابتدرت بـ "والعهدة علي الراوي" وعلي العموم مثل هذا التراث عادة له اباء كثر ولا مُشاحَّة في أن تنسب له أباً من كسلا وإن كنت أري أن مجرد كون القائل تمرجي لايفسر البيت الأخير علي الأقل ناهيك عن الموضوع الذي يبدو في سياقه العام اقرب الي الرواية التي سمعتها . مع الأحتفاظ لروايتك بكامل حقها في اثبات النسب وبقي القول أن إعادتي كتابة النص لم يكن بغرض اثبات نسبه إنما قصدت إعادته كما سمعته ولا أدري ايهما اصح ولا أطعن في النص كما جاء به الأستاذ طراوة فكما قلت , هذا التراث مثل النصر في كورة القدم والرياضة عموماً حيث يقولون : للنصر الف أب والهزيمة لها أب واحد هذا والله تعالي أعلم
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: عبدالعزيز الفاضلابى)
|
Quote: الاخ بدرالدين - تحية طيبة ورمضان مبارك هذه الابيات سمعتها منذ زمن لاتعيه الذاكرة ولا اجزم بصحة نسب المربوع اعلاه كما جاء في روايتي لذلك ابتدرت بـ "والعهدة علي الراوي" وعلي العموم مثل هذا التراث عادة له اباء كثر ولا مُشاحَّة في أن تنسب له أباً من كسلا |
يا ابن عمي الفاضلابي تحية واحترام أذكر مرة في منتدى آخر كتبت المربوع ونسبته لعكير الدامر اتصل علي واحد من جدة وعرفني بنفسه (.... ود دوقة) من كسلا وذكر لي المربوع وإنه من نظم عمه فلان ود دوقة فاعتذرت له ..
فـ عذراً إن شعرت بشي من مداخلتي.. لم أقصد سوءاً على الإطلاق وبالفعل تجد مربوعات كثيرة تنسب لأكثر من شاعر وحتى هذه اللحظة توجد مربوعات لي ود الشيخ أو علي ود قدال ينسبها الناس لي ود ضحوية أو ود الشلهمة
ولك التحية مثنى وثلاث ورباع
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: الطيب شيقوق)
|
نفس الشخص، غير ان حالي كمثل ماقال عمران النبي،مسني الكبرووهن العظم مني واشتعل الراس شيبا وبلغت من العمر عتيا، واقفين في معسكر الفقراء وشاربين من عكارة الفقرا، عشت زمنا في افقر جهات الدنيا،موزمبيق واخواتها،واعيش حاليا باجمل مدينة في الغرب،ورتعت سنينا طوال من خيرات الخليج والسعودية اكثر من العشر،وقلبي وروحي مع غبشي وغباشتهم،المهم وجرحهم ولست في هذا ابدا من المحايدين، احاحي مع احبابي السحب كي تسقط خيرها علينا، وتنبت الارض لانسانها وسعيتها، الحياة هنا جد جميلة،ولكن اوجاع بلادنا واهلنا هي ما يشغل،نوما وصحوا.دمت بعافية ونضار.
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: عبدالعزيز عثمان)
|
Quote: نفس الشخص، غير ان حالي كمثل ماقال عمران النبي،مسني الكبرووهن العظم مني واشتعل الراس شيبا وبلغت من العمر عتيا، واقفين في معسكر الفقراء وشاربين من عكارة الفقرا، عشت زمنا في افقر جهات الدنيا،موزمبيق واخواتها،واعيش حاليا باجمل مدينة في الغرب،ورتعت سنينا طوال من خيرات الخليج والسعودية اكثر من العشر،وقلبي وروحي مع غبشي وغباشتهم،المهم وجرحهم ولست في هذا ابدا من المحايدين، احاحي مع احبابي السحب كي تسقط خيرها علينا، وتنبت الارض لانسانها وسعيتها، الحياة هنا جد جميلة،ولكن اوجاع بلادنا واهلنا هي ما يشغل،نوما وصحوا.دمت بعافية ونضار. |
يا سلالالالالام ياعزووالله الواحدما يصدق ابدا - انا في السلطنة ويقيم معي في شقة واحدة الاخ محمد اضو لمدة تجاوز 12 عام - كان شخصك دائما هو الحاضر الغائب في كل حكاوينا عن ايام الزمن الجميل . محمد الضو ان في السودان .
ارجوك اسمك على الاسكايبي او اى رقم تلفون عندك
كتبت الكلام الفوق دا في رسالة خاصة لكن للاسف لم تسافر لاسباب فنية
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: الطيب شيقوق)
|
Quote: للاسف ما زالت اهتمامات اقلام سودانيز هي :
- النضال السياسي الكي بوردي الذى لا يسمن ولا يغني من جوع - اغاني واغاني هذا البرنامج الاستثماري الذى اصبح لا لون ولا طعم له
|
فوق عشان خاطر سعادة المستشار
وفوق عشان جو ماطر
وفوق عشان خواطر كم زول شاعر
جعلها الله أمطار خير وبركة
شيقا رمضان كريم
إت يازول يا بركة
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: الطيب شيقوق)
|
سامح الله الجادين او الهازئين في تاملاتهم. لكنه يوجعنا اخي الطيب واخي الشفيع. يوجعنا ان الناس لا يعلمون كم الوجع،والعنت والشقاء الذي يكابده اهلنا البسطاء الشرفاء،زراعة وسعية، كم هي الاهوال والصعاب والعذابات التي يواجهونها،ليكون للانسان السوداني حياة وغذاء،كم هي الليالي التي مشوها راجلين يبحثون عن بقعة فتح الله فيها بفتحه،وحولهم الاخطار،والامراض،العطش، والذي تضن عليهم دولتهم السنيه بحفر الحفائر او الدونكيات،بينما تراها سخية في اليخوت او استجلاب الفواره, تموت الجزيرة بالعطش،وهي التي حفر كنارها العظيم بايدي الاباء،ويتم تطهيره بالسلحفاة النبيلة، الكراكة ام دلو،احدي عجائب الزمان القديم،والان في عصر الاله التي تطهر الترعة في بعض ساعة،يموت الزرع عطشا لانسداد الشرايين. وتموت الحيوانات مرضا وتموت عطشا،ولا رحمة الرحمن وجهد الساعي الخرافي لما اكل احد لحما ولا شرب لبنا في هذا الوطن العجيب ،وطنا ضخ له البترول مليارات الدولارات لم يكن لبنية الحياة زرعا وضرعا من نصيب،بل ان الزارع يكرم بالسجون حين يعسر ولم التقي في حياتي بزارع سارق او ساع الا عفيف،لم تفعل الدولة غير ان رمتهم بقلاظ شداد اوهنوهم بضرائب وقطعان وجبايات،ان صاحب السعية يبيع كيلو لحم البقر بخمسة عشر جنيها واقل ولكن رجال حول الحكومة يجعلوه يصل المواطن باربعين،ما زاد السعر ليس الساعي فتامل وفكر في من زاد. ولولا رحمة الرحمن المنان،ذو الجود والاحسان،ولولا جهد الانسان الفقير النضر الاغبش العفيف الزارع الساعي الراعي،لما وجدتم قطعة خبز ولا مزعة لحم،فتامل هذا الامر. غفر الله لنا ولكم،وليسامح الله من يسخر من اوجاع الموجوعين،جادا اوهازئا،فلعلهم اخي الطيب رغم كثير علمهم،وعظيم معارفهم، فهذا الامر ،يجهلون.
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: عبدالعزيز عثمان)
|
يا عزو برجع ليك لكن شايف لمحت لي زول عظيم معلق تحت من نافذة الفيس بوك وهو الاخ اديب البوادي والشاعر الفذ محمد حنفي حاج الطيب
شوفو قال شنو يا عبد العزيز اخوى :Quote: مستنى يوم تتــْعب رؤاى يرموهو تى شيرتك عـَلـىْ ترحل غشاوات العيون بصراً حديد يرتدَ لــَى واقراكى بى شوفى الجديد انسانه خلت جمرى حى ما عارقه من بسمه بتشيلْ ( عبـــّادى ) لو آنستَ ضــىْ بحسب بتوقيت البروق افطر على وجهل واصوم
الطيب شيقوق سلام ورمضان كريم (قطعتوا قلبــِنا قكو دربنا ) |
يا ريت الاخ العبيد ود المقدم يكون متابع طلة الاستاذ حنفي لينا من نافذة الفيس بوك .
وتاني يا ود المقدم لازم نتلهم بكري ونطالبه بمنح عضوية كاملة لاخينا الحنفي
شكرا ليك اخي حنفي وكل عام وانتم بالف خير
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: الطيب شيقوق)
|
Quote: يا ريت الاخ العبيد ود المقدم يكون متابع طلة الاستاذ حنفي لينا من نافذة الفيس بوك .
وتاني يا ود المقدم لازم نتلهم بكري ونطالبه بمنح عضوية كاملة لاخينا الحنفي |
أبوي الطيب سلام ليك ولعثمان وللمتداخلين جميعا شكرا لطلة شاعرنا حنفي البهية ولازم زي ما تفضلت نطالب الجميل بكري ان يجعل للأخ حنفي دمرا في تلاله الوريفه حتي نضرب لحنفي الخيام في السناف والعلو ليشبُّ قبس و شهاب الدوبيت الرصين في السناف
والقلوب شواهد وانا اصنع إداما للأفطار تذكرت قصة حنفي مع صديقي مرغني وحلته الشهيرة "حلتي مرغني" عليك الله خليهو يبعثها ليك في بريدك
ومن روائع حنفي في الخريف
Quote: تذكرت يومأً حالها ذات بهاء . بروقها ورعودها أمطارها جبالها وهادها أشجارها أزهارها وديانها وأهلها رعاهم الله الظاعنون يوماً والمقيمون يوما إذا صدق الخريف - ودائما كان يصدق ـ بناتها (العيونهن صفاهن سماى) وهيبة رجالها ( البتسنِد قفاى). تذكرت مغنييتها الراقصة طيرة (أم سورج) ويسمى أحياناً (ابو التكــّو الأزرق) والمستعدة للرقص والغناء ليوم كامل أجزم لو أن كاميرا ذكيه رصدتها تغنى وترقص قد تفوز بجائزة برنامج .so you think you can dance لم أشاهدها ترقص صيفاً أو شتاءاً فيوم أن تغنى و ترقص رقصتها النهارية تلك أضبط ساعتي عند منتصف الخريف فجماهيرها غيوم لا فراغات بينها وموسيقاها المصاحبة رياح جنوبـــية . فلا السامبا ولا الرمبا ولا حتى رقصة الخرطوم في أبهى لياليها تدانيها ذكرتها فغنيت لها: بــرّاق الصعيدْ جـَدّدْ علىَّ حسارىْ فــَكْ ساهيتو والزيف البولـِع نارى والضحوى العويـــر عقينو ليهو سوارى خلــّـن حتى دوداب المشارِع جارى والوادى المجــرِّّف وعــرقو بلحيل ضارى جابْ هــَشّومْ مَكـَـنّتْ ماشى كـنّّــو لوارى بى العربية محتاح لى ثمانية كبارى قطعوعو الضعنهن فى الرحيل متبارى وإتشبح فريق عرباً عزاز ومضارى فوق قوزاً عضى وساوى ومقامو بضارى ماهن ناس جـَررّب ناس قفوف وضهارى حد عينك تشوف بتشوف خضار× خضارى نازلين فوق بِخــيِِّّت دنيتو البَـــقـــّارى ترا ( الحــُــم ) جاورَنو وحـمره جاتو عصارى (الحُُم النساء وحمره البقره) والبسطه الكبيره السيّد ( الكبسارى) (كبسور راعى الضأن) يعزم بى طلاق عيل تشرب( الدبّارى) (الدبارىالشاى بدون سكر) خلاص جوعة الرشاش عدت صرفها البارى ضحى بطقطقها مُطّالتو أم حروف ما بضارى و(أم سورج) مُوَقـِّفا بوشها (كُـــدّه ) نهارى شبعت فى الرقيصْ عيل مالقت طنبارى وناس زينوبا وردن لى الرهود وا نارى وجابن ذكـــرة المتقشطين بى كمارى (الكمر: حزام تحفظ به الذخيرة ويتمنطق به) ولداً كيفى طافش وفى المدارس قارى ما بتسمعلو فى طاعم غناهن طارى واللبـــَّـاعة جاتهن من من سِهَم ناس سارى ( اللبّاعة : الناقة) تتراحل مع الهرع البسوق متبارى متبارى (والماشى العرب شدّه البهيح البارى) (قصـّــر لى المُشط شال الكلاش الفارى) ( ما بين الأقواس للشاعر النور شيخ إدريس) ديل يا خويا مو جايبهن الجــرّارى جايــين عافية بس مستغرضين فى مضارى البَذر القعادهن فى الفريق لى طارى ( البذر : الصبيان) جاب ليهن بشارة السافل المُخبارى بعد باكر بغــيـِّر كل زول فى بشارى وبخــلّو الدكــة لى عاشق الشفون والسارى
قصاصة من مقال لحنفي بعنوان "إبن سرحتها"
|
محبتي
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: عبيد الطيب)
|
Quote: ان يجعل للأخ حنفي دمرا في تلاله الوريفه حتي نضرب لحنفي الخيام في السناف والعلو ليشبُّ قبس و شهاب الدوبيت الرصين في السناف |
حرم حنفي ما بنرضى ليهو السرحة في شقلة بكري التحت ولا خراشة الفيس السايبة
Quote: والقلوب شواهد وانا اصنع إداما للأفطار تذكرت قصة حنفي مع صديقي مرغني وحلته الشهيرة "حلتي مرغني" عليك الله خليهو يبعثها ليك في بريدك |
والله ما بقصر قبل ايام ارسل لي اروع اعماله الادبية وكانت قمة في الابداع
Quote: ولداً كيفى طافش وفى المدارس قارى ما بتسمعلو فى طاعم غناهن طارى |
ناس كارب ص............. ديل يا الحنفي هههههههههههههههههها
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: الطيب شيقوق)
|
العبيد اخوي،ابوك الطيب خلانا نجر في السبح نحاحي في السحاب،قاعدين في سدر ديوانو،عليك امان الله من ما الخير انبهل،خلانا في قعدتنا،ولا بشرنا،مشي بي هناك يبشر في ناس البنادر،رغم انو الزولة تستاهل اكلموها اصيلة، لكن اكان علي الاقل اجينا صاد اخبرنا،انا بتم خريفي في الجزيرة مع ود البخيت ،القاك بي هناك،شيخ الطيب مابفضا لينا بعد ده،دحين انا ماش اميز زراعتي الطيب بنجيهو بعد المثور ان بقت في عافية.
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: الطيب شيقوق)
|
Quote: يا عزو برجع ليك لكن شايف لمحت لي زول عظيم معلق تحت من نافذة الفيس بوك وهو الاخ اديب البوادي والشاعر الفذ محمد حنفي حاج الطيب |
والله يا شيقوق دا زول فايت الجمال والروعة بي غادي بالمناسبة هو قريب ود المقدم (ود خالو أو شي من هذا القبيل) وهو من شعراء البادية الغربية المشاهير (يلقب بالحردلو)
تحياتي مثنى وثلاث ورباع
| |
|
|
|
|
|
|
Re: بدأ الدولار يرفرف فوق وتحت مع رفرفة البرق العبادي (Re: بدرالدين بابكر مصطفى)
|
Quote: العبيد اخوي،ابوك الطيب خلانا نجر في السبح نحاحي في السحاب،قاعدين في سدر ديوانو،عليك امان الله من ما الخير انبهل،خلانا في قعدتنا،ولا بشرنا،مشي بي هناك يبشر في ناس البنادر،رغم انو الزولة تستاهل اكلموها اصيلة، لكن اكان علي الاقل اجينا صاد اخبرنا،انا بتم خريفي في الجزيرة مع ود البخيت ،القاك بي هناك،شيخ الطيب مابفضا لينا بعد ده،دحين انا ماش اميز زراعتي الطيب بنجيهو بعد المثور ان بقت في عافية. |
هههههههههها يا عزو كيف اخليكم؟ انا مشيت فتحت ليكم بوست مخصوص بهناك عشان تفرحوا وتغنوا وعشان الخروف يصير بتلاتة مليون لناس البندر .
| |
|
|
|
|
|
|
|