|
Re: الإفطــار السـنوي لبورداب الرياض.. رمضان 1434هـ (Re: أيمن دياب)
|
يا عمو ABUHUSSEIN سلامات وسلامات كمان بطقع بالكراسي مالك عايزنا نحرد فطوركم ولا شنو صيحتوا وجاءنا صياحكم في رياض الجن برلوم وعاوز زوادة معرفة بشخضكم فوكا شنو يعني
Quote: و تاعب نفسك ليه .....؟؟؟؟
كان طشيت بنرسل ليك الكرسي في مكانك أقعد فيه و لم تتعب أرجع البيت ... و شيلو معاك كمان ....
|
أقولك لا تضرب ولا عايزين الكرسي كمان حبابك الف كان الود ما لقه ولف
| |
![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: الهادي ابوبكر)
|
الأخوان الكرام: مصعب محمد عثمان عبداللطيف شريف علي النعمان خوجلي الهادي أبوبكر علي محمد الفكي درديري كباشي جمال عبدالناصر محمد الأمين كامل عبدالعزيز محمد عمر حسين ديقول حسن مهدي أبوطالب القرشي محمد شيخ الدين ابراهيم ناصر النعمان البدوي عوض داؤود عادل البراري حضوركم يشرفنا ولأول مرة نقابلكم في لمة بورداب الرياض.. نتمنى أن يدوم التواصل.. وكل سنة وانتو بألف خير وعافية..
| |
![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: عصام الدين نصر ابراهيم)
|
يا عمك طارق ميرغني وكت إنت متكفل بكراسي البرالمة ما تتم حسنتك وانا كـ برلوم رسل لي فيزا وتذاكر الخرطوم الرياض وبالعكس بجي أبستف ليك بسبوسة سامية حامد وفطاير داليا الكباشي وتقلية عفاف أبو حريرة .. وبقية العدة واختما بي شيشة ود الصايم وابقى مارق نفسي أحضر ياخ :)
____________ إنشاء الله يا ربي يوم الجمعة تجي مطرة من الساعة 4 ما تقيقف الا الساعة 2 بالليل والشوارع دي الما بعرف يعوم زيي كدا ما يقدر ينزل من شقتو :))
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: محمد عبد الماجد الصايم)
|
كل عام وأنتم بخير......تقبل الله منا ومنكم صالح الأعمال عفارم عليك ياود الصايم......لسع بس ضحكتك الحلوه الكبيييييره دي..والله كان جيت رحعت زينا وقعدت هنا...الضحك دا تاني كان كلكلوك ما يمرق منك وبعدين يا قدامى البورداب...إنت وناس غريبه والشايقي وأبو جهينه..والكوامر القديمه..ما عندكم عشره ليه؟؟؟؟الناس المشوا منكم مره كدا كشكره ساكت قولوا الدعوه موجهه لقدامي البورداب الرجعوا السودان...طبعا ازولا فينا بجيكم مافي بس قولوها ساااكت عشات نعرف إنكم ما نسيتونا...
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: محمد عبد الماجد الصايم)
|
غايتو ياود الصايم واضح انو المعسل راميك رمية صاح وبقيت مابتقرأ إلا اخر مداخلة ههههههه
الزول قال ليك :Quote: غالباً ما يكون الإفطار يوم الجمعة القادم بإذن الله.. ولكن.. بعد تحديد الاستراحة مساء اليوم.. |
: شيل الصبر ياخ لغاية بعدين وكان مستعجل أمشي مخرج 18 حدد لينا استراحة هواها جنوبي عشان الفحم مايموت / إيه دا !!
ذبحتنا النجيضة النجيضة : هسي في القهبونة دي كان ادوك ليها نية بتاباها؟؟ ههههههه
كتر المباسم!!
| |
![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: أيمن دياب)
|
Quote: يا عمك طارق ميرغني وكت إنت متكفل بكراسي البرالمة ما تتم حسنتك وانا كـ برلوم رسل لي فيزا وتذاكر الخرطوم الرياض وبالعكس بجي أبستف ليك بسبوسة سامية حامد وفطاير داليا الكباشي وتقلية عفاف أبو حريرة .. وبقية العدة واختما بي شيشة ود الصايم وابقى مارق نفسي أحضر ياخ :) |
الأخ حافظ أنقابو الرجاء الالتزام بتسلسل المداخلات.. يعني ما تقوم تحشر لينا مداخلتك دي في نص البوست..
| |
![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: Awad Daoud)
|
Quote: الفطور الجمعة القدامنا دي.. يعني 11 رمضان حسب توقيت أم القرى الموافق 18 يوليو 2013 |
جهجهتنا ياخ اتا صايم بشوف العين يا اخوي ؟ طيب احسب بالاصابع وعدل عدل عدل ياخي عدل . . عاين جاي امام الجامع بمناسبة اجازة السبت قال للمصلين الاجازة صارت يوم السبت ماتنسو صلاة الجمعة يوم الجمعة
| |
![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: ABUHUSSEIN)
|
Quote: دا من جده و شوفو كمية الطلبات في السطرين ديل .....
غايتو يا بورداب الرياض مفروض أبو صلعة دا إدفع ليكم حاجة كويسة .... |
شنو يا شيخ ابو حسين انت عارف عشان ردودك الجميلة دى انا مصر احضر الفطور دا باذن الله
وانت عارف لو ما التزم اخونا التلب مشكور كنت وضعت طلب اخر لك انت التوصيل المجانى من الفندق الى الاستراحة وبالعكس .................... ولكن سماح
| |
![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: أيمن دياب)
|
Quote: الناس الكبار ديل كل ما يقيفوا نقّتهم بتكتر!! |
يا سيد احمد وعبرك لكل الاحباب البورداب الجدد
ما تشتغلوا بي كلام ابوحسين دا اصلوا زي ما قال ود الصائم
الناس لمن يكبروا استحملوهم كلامهم بيكتر
الراجل دا حتعرفوهوا لمن تجوا وحتتفاجأوا لمن تقابلوهو
بي حلاتو خاصة لو جابوا معاهم بسبوسه
Quote: يا عمك طارق ميرغني وكت إنت متكفل بكراسي البرالمة ما تتم حسنتك وانا كـ برلوم رسل لي فيزا وتذاكر الخرطوم الرياض وبالعكس بجي أبستف ليك بسبوسة سامية حامد وفطاير داليا الكباشي وتقلية عفاف أبو حريرة .. وبقية العدة واختما بي شيشة ود الصايم وابقى مارق نفسي أحضر ياخ :)
|
يا شيخ انقابو
الفيزا ساهله
لكن شكلك متفائل اوي بالطيبات الذكرتها دي لكن غايتو باضمن ليك شيشة ود الصائم لانها اسهل حاجه !!!!!
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: الهادي ابوبكر)
|
Quote: مسافر مسافر ديقول بعد شيل حسك لي بورداب الرياض مفروض تكفر عن موضوع العصيده ده بي كبش حنيييييز ههههههههههههههههه رد · · منذ 7 ساعات |
مسافر مسافر من طاقة الفيس
باقي ليك الجماعة ديل كان انستروا معانا من البداية الخروف بغلى عليهم
بس سوها لينا ولادنا ممتحنين وما ممتحنين وعذرناهم وبعد انتهت الامتحانات طنشونا
وهسع بارك الله في أيمن صاحب المبادرة .
| |
![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: معتصم دفع الله)
|
سلام مربع لكل بورداب الرياض اجمل ناس القدامى والجدد
أيمن دياب يديك الف عافية وما قصرت ابدا وخاصة في الإستراحة اختيار جميل وموفق جدا
Quote: سامية حامد احتمال ما تحضر لظروف خاصة.. |
لا خلاص الظروف الخاصة إتأجلت وانا حضووووور إن شاء الله والبسبوسة قدامي
حافظ إنقابو تشرفنا كتير والله
سيدا احمد شامي يا ريت والله تكون نورتنا كتير وابو حسين صاحبك وانت عارفو كويس كلامو من بره قلبو
| |
![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: يازولyazoalيازول)
|
Quote: بوردابى قديم ، وجديد ومطشش فى الرياض ، ممكن أجى؟
بعدين الرياض دى أبت تتبلع لى كلو كلو ، أنتو قاعدين فى البلد دى كيف؟ |
حبابك يا هشام وألف مرحب بيك والله.. ورمضان كريم ده انت حتكون صاحب الدعوة والمناسبة ونحنا الضيوف.. ناس جدة معروفين ما بنفعوا يعيشوا في الرياض.. والعكس أيضاً صحيح..
| |
![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: ساميه حامد)
|
Quote: بوردابى قديم ، وجديد ومطشش فى الرياض ، ممكن أجى؟
بعدين الرياض دى أبت تتبلع لى كلو كلو ، أنتو قاعدين فى البلد دى كيف؟ |
مرحب بيك اخونا هشام واكيد تشرفنا بحضورك
لو جيت لمتنا دي ها تتبلع ليك اكيد انا كنت زيك كده لما جيت جديدة
بس بعد ما إتعرفت على الكتير من الاخوة والاخوات إتبلعت لي
ومرة تانية مرحب بيك بينا
| |
![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: tmbis)
|
هههههههههههه@ تامبا!! ياخ إنت ما عرفت الخبر؟ أخوكـ عمر Restart .. بقيت أضرب في المعسل الاحمر دا ساااي .. تفاحتين ونعناع (^_^)!!
كلو بقى ما جايب بعضو يا معلم! الواحد لما يحس رجلينو دايرة تنمّل بالفرح التنميل يروح تاني!!
_ غايتو المفاجأة ليست بعيدة عن هذا المجال!!
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: محمد عبد الماجد الصايم)
|
Quote: الاحمر دا ساااي .. تفاحتين ونعناع (^_^)!! |
ههههههههه .. لكن والله معلم .. عارف امس وانا بعمر في حجر ما بعد الفطور .. لاحظت ليك انو يديني بقت حمراااااااا .. تخيل خطر في بالي طوالي آخر معسل مظبوط من السنة الفاتت بعدما شفته الصور المرفقة في البوست .. تحسرت على الايام .. وقلت ياربي ود الصايم دا بقى بيخلط بي شنو ..؟ اشترى ليهو خلاطـة كويسـة واللا بضرب في الأحمر دا زينا واحد .. اهو طلعت زينا واحد .. .. ياخ الواحد بقى يعمل ليهو تلاتة اربعة حجار ورا بعض حتين يادووووووووبك يحس بي اصبعو الصغير بدا ينمل .. يحليل المعسل البخليك لما تاخد ليك نفــس واحد .. تشوف نجوم .. .. بعدين مفاجأتك شنـو .. جايب بنقـو ..؟ غايتو الا بنقـو
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: tmbis)
|
Quote: ايمن اي زول يسالو يقول ليهو المطولب شنو يقو ليهو حضورك فقط انت يا ايمن مودينا نفطر في الجامع ولا شنو او عاملين لينا مفاجاة ومتفق مع النافورة للاسماك :) هوي المطلوب اي زول يجيب فطورو معاهو باستثناء العزاب |
ياهندسة الكلام ده لو ملاحظ للبرالمة فقط.. والناس الجايين لأول مرة.. وبالنسبة للتكاليف وترتيب الأكل والمشروبات دي مسعولين منها اسماعيل عباس ومعتصم دفع الله.. يعني اتوقع منهم تلفون الليلة بكرة.. وبالله القهوة العجيبة نفس الصنف بتاع السنة الفاتت..
| |
![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: أيمن دياب)
|
أيمن بالله أكتب أسماء الناس الجداد كلهم ... و أطبع لي كل واحد إسمو في ورقة بي خط عريييييييض
و أول ما إجي داخل تعلقها ليه في صدرو ...
علشان نحن قبل ما نسلم على أي واحد نكون عارفنو هو منو
و إحتفظوا بي الورقة لغاية النهاية علشان نحن ما ممكن نحفظ أسماء الناس دي كلها في يوم واحد
غايتو أبو صلعة ورطنا ورطة كبيرة خلاص ....
| |
![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: أيمن دياب)
|
Quote: أيمن بالله أكتب أسماء الناس الجداد كلهم ...
و أطبع لي كل واحد إسمو في ورقة بي خط عريييييييض
و أول ما إجي داخل تعلقها ليه في صدرو ...
علشان نحن قبل ما نسلم على أي واحد نكون عارفنو هو منو
و إحتفظوا بي الورقة لغاية النهاية علشان نحن ما ممكن نحفظ أسماء الناس دي كلها في يوم واحد
غايتو أبو صلعة ورطنا ورطة كبيرة خلاص .... |
استاذنا ابوحسين ..
يا اخى بالغت ...
انا غايتو حاكون اكبر واحد فى البورداب الجداد\ وراسى كلو شيب (شيب بنات ساااكت ما كُبر)...
ورايك ده سمح ونحن كمان بنطالب نشوف اسماكم على صدوركم ايضا ...
وانا غايتو بجيب ليكم معى عصاير نادك وبس .....!!! وبكره الجمعة بتجى (باذن الله يحضرنا ليها ) ونشوف ابوحسين و ود الصايم وطارق مرغنى زول بحرى ...
| |
![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: ABUHUSSEIN)
|
Quote: وبعدين يا هندسة.. أخونا حسين ديقول ده شايل حالنا السنة كلها.. الفيكم اتعرفت يابورداب الرياض.. الفيكم اتعرفت يا بورداب الرياض.. يعني معقول نقول ليهو جهز (الشيرنغ) بتاعك؟ نحنا ناقصين شيل حال؟؟ |
مبدئيا كدا ح نعمل ليكم حلة ملاح روب تحسبا للمفاجات وكدا
انتو شوف ليكم زول للعصيدة .
| |
![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: أيمن دياب)
|
Quote: وبعدين يا هندسة.. أخونا حسين ديقول ده شايل حالنا السنة كلها.. الفيكم اتعرفت يابورداب الرياض.. الفيكم اتعرفت يا بورداب الرياض.. يعني معقول نقول ليهو جهز (الشيرنغ) بتاعك؟
|
.. Quote: مبدئيا كدا ح نعمل ليكم حلة ملاح روب تحسبا للمفاجات وكدا انتو شوف ليكم زول للعصيدة . |
اهو شوف يا ايمـن .. ديقول شايل حسكم السنـة كلها ومن قبال ما يسجل .. في النهايـة طلع بي ( حلة ملاح روووب .. مسووووح .. ) ملاح روب شراااب عديل دا ..
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: ABUHUSSEIN)
|
Quote: أيمن بالله أكتب أسماء الناس الجداد كلهم ...
و أطبع لي كل واحد إسمو في ورقة بي خط عريييييييض
و أول ما إجي داخل تعلقها ليه في صدرو ...
علشان نحن قبل ما نسلم على أي واحد نكون عارفنو هو منو
و إحتفظوا بي الورقة لغاية النهاية علشان نحن ما ممكن نحفظ أسماء الناس دي كلها في يوم واحد
غايتو أبو صلعة ورطنا ورطة كبيرة خلاص ....
|
ابو حسين ،،،
نحن ناس سناير في الرياض ياخي ما يحتاج ،،،
| |
![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: الهادي ابوبكر)
|
ستة صفحات ودا حالتو لسه الفطور ما اتعمل ؟! طيب بوست ما بعد الفطور حايكون كم صفحة ؟! طبعا ولا بقدر اقرأ ليكم الكلام دا كلو ولا شي .. الدنيا رمضان زاتو (:
كل سنة وأنتوا طيبين وتصوموا وتفطروا على خير انشالله وأنشالله دايماًً تامين ولامين .. والف مرحب بالأعضاء الجدد ..
بعد الفطور بالله ناس الضغط يقيفوا بي جاي وناس السكري يقيفوا بي جاي (: ناس الشيشة ديل ما بنقيس ليهم بيخربوا لينا الميزان (: (: واي زول ما جايب فطور ما بنقيس ليهو ..(: والدخول بالملابس الرسمية بالمناسبة .. كل زول يجيب بدلتو من الدراي كلين .. والماعندو بدلة يجيب عصيدة لي ملاح الزميل ديقول .. (: واللي يحبنا ما يضربش نار (: وطبعا انا ايمن المطلوب حضوري فقط موش كدا (: (:
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: محمد إبراهيم علي)
|
كتب الزميل ايمن طمبل معلقا على مداخلة الاخ على محمد الفكى
Quote: المذكور أعلاه يا ايمون لازم تتاكدو من شخصيتو تماما عبر صورة الإقامة ما تنسي يا حبيبنا ده اذا هو فعلا سيحضر |
يا عزيزى طمبل لا ادرى سببا لمداخلتك هذى و فى هذا البوست الاجتماعى لعلمك على محمد الفكى على معروف و عدم معرفتك به لا يعطيك حق التشكيك فى ضرورة الاطلاع على اوراقه الثبوتية خصوصا و ان هذا الافطار يتعلق ببورداب الرياض و حسب علمى انك لست منهم. اراك منذ فترة تحمل بقجة غبائن ملاحقا بها الاخ على و هو كما عهدناه يلوك الصبر راسخا قويا صامتا لا يرد الا عند اللزوم. عليه ان اردت توجيه خطاب او لوم فلكل مقام مقال. عفوا صاحب البوست مع التحية
| |
![Edit](https://sudaneseonline.com/db/icon_edit.gif)
|
|
|
|
|
|
|