كلمات الشاعر البوردابي / بدري الياس الخليفه الحان واداء / سيف عثمان
يا مارقة من حُزني وعلي مَتْكُولةْ ما أشهى السُّكات والكلمة تتوضاك وضوح يا بنية كيف صُغتِي الثَّبات في بسمة واهديتي الحزن عينَيّْ يا اشهى من نغماً صِبَيْ شايلاهو غُنْوات البنات أنا ما احتكرت لي شِتا الغربة ونهارات الشجن حاشَا ولا دَفَقْتِكْ في مسَادِير الحَزَنْ أبيات غنّيتِك أَيوة مع الصحاب جُوَّايا شتلاتِك تَكَنْ صنَّتْ نَهارَات العذاب ساعة عويناتك حَكَنْ طعم الحفيف جُوّايا بَاتْ ساهرت حارسك من دموع الحُرْقَة في اللّيل الحَرَنْ ضاريت قصايدي من النجوم اللابدة فوق كتف الزمن لَمَحَنّي من تِحْتْ الغُيوم شَارَنْ عليّ ووَسْوَسَنْ عجّلتِ لمّيتِك غُنَا وشتّتُو في كل الجهات وانا ما دَفَقْتِكْ في خلايا الأُمْنِيات لحْظَةْ تَهاجِر في الوريد ألحان عصافيرِك بَتُوهْ ألقَانِي في كل الوُجُوه شامَةْ رِضَا ده كأنّو عهد البين مَضَى ونخل التلاقي محبة حات يا فاتحه جُرحِك للعصافير أغنيات لو شارع النيل يبتسم من المَصَبْ لي منبعو لو بَنْدِقْ اللّيل يِنْهدِم لو مُغنيك يرجعو ويملُو الشوارع طنبرات يا مالية ظَرْفِكْ بي رسالات الحنين ومعوِّدانِي على السّهر يا كاحله طَرْفِكْ باليَقِينْ ومَلَقِّي طَرَفِك للمطر وللشوارع فِكرَتِك ووهج وسامتِكْ للجِنَاتْ شوفيني كم مَرْقةْ بَحرْ وانا مُنتَظِر كم مرة شُفَّعْ عِيدْ يَجُو ويملو الحواري الفيني صَرْ وانا منتظر كم مرة كِسْوَةْ غيم جديد تَسْتُر بَوادِي بِتِحْتَضِرْ وانا منتظر كم مرة فُوق درب التُّرُكْ عَرَق التّعَب وريحْةْ الدّفِيفِيقْ النّضِر وانا منتظر كم مرة كلمة حَقْ تَنِحْ يبدا النَّصَبْ وحلْقْ البنادق يِنْفَجِر وانا منتظر شوفيني مرقة كم بحر جوّاي دواير الشوق تزيد كل ما الظروف فنَّت حجر واتْلَمّه فيك عِزّ الشّتات وانا ما رَجيتك في منام أو رسَمْتِكْ مُلهِمة نَقَّدْ صِدِقْ عِشْقِي الحمام دينَاشِي من كَبْدْ السّمَا ما ذنبي لو مطر الكلام غفَّل مواعيدِي وهَمَى مُنْحَاز لأحزانِك تمام جابِد غُطاكِي علي لما عَارِفْنِي من نَزْفْ المَسَامْ بَمْرُقْ إشاراتِك دِمَا يا كُلّمَا حَفَلْ المَقَامْ أشْرَقْتِي فِيْ يا كلّما واقراكي ذات
العنوان
الكاتب
Date
المرهف بدري الياس والفنان سيف عثمان ( شارع النيل ) فديو
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة