|
|
 الدم السوداني و احد...حوجه ماسه للتبرع بالدم في مسشتفيات الاطراف!
|
الان....فالنثبت لهم ان الدم السوداني واحد
الان ستجري دماء الشايقي في عروق اخيه الفواروي
و ستجري دماء الجعلي في عروق اخيه الدنقلاوي
وستجري دماء التنجرواي في عروق اخته الرباطابيه.....
اثبتوا لهم ان الدم السوداني واحد
هبوا يا اهل الخرطوم هنالك 11 شاب جريح بمسشتفي الحاج يوسف اصابهم قناص واحد
اجسادهم ضعيفه و المستشفي لا امكانيات له. وهم بحوجه لنقل دم عاجل.
و الاطباء بكل المتسشفيات الطرفيه يتسنجدون انه هنالك حوجه عاليه للشاش و القطن لانه اغلبيه الحالات نزيف حاد واصابات خطيره وحصل نقص رهيب في الشاش و القطن.
فهلا تبرعتم....هذا انقذتم اخوتكم ...جرحي المظاهرات؟
|
|
  
|
|
|
|
|
|
|
|
Re: الدم السوداني و احد...حوجه ماسه للتبرع بالدم في مسشتفيات الاطراف! (Re: Tragie Mustafa)
|
والتحيه لعزام حسن فرح فقد تقرر ان يفعل شيءا ايجابيا
| Quote: علي بِالطلاق بتصِل هسسسسع دي بأولادي في السودان وأوصيهم يمشو هُم وأصحابُمْ مُسْتشفى الحاج يوسُف ويتبرعو بِالدم لله.. |
كثر خيرك يل عزام...وحتي لو لم يصلوا الاواد كانهم وصلوا...
وشكرا لانك اثبت لنا انه الدم السوداني واحد....هؤلاء شباب كالورد يا عزام بدلا عن انقاذهم ظلوا متفرجين....
وكاننا ننتظر استهشادهم لنكتب عنهم....
اما بقية كلامك فكله من حقك وقد اتفق مع الكثير منه رغم توهمك اني قد لا اتفق معه جملة وتفصيلا:
Quote:
بس خليني أوضِح حاجة
أنا عزام حسن فرح محمد عبدالحميد (حاج) خليل، بعد تجرأت ما يُعرف بِالجبهة الثَوَرِية (عقار/الحلو/مناوي) "تجمُع كاودا" التي تَتَمَول مِن "الحركة الشعبِية لِتحرير السودان"
وهو الحِزب الحاكِم لدَولة جنوب السودان والذي لايزال مُصِر على مُسمى "تحرير السودان"، بعد أن تجرأت الجبهة الثَورِية-تجمُع كاودا بِالقَول بِـ"تحرير السودان"،
بِتُ مُسانِد للإنْقاذ وأُناضِل لتحقيق العدالة الإجْتِماعِية وإجْتِثاث الفساد ومُحاسبه المُفْسِدين عبر آلِية "مِن أين لك هذا". (إنْتهى)
وعلَيْهِ أقول بأن الذي يجِب أن يكون هو:
كما نُناضل ضِد إسْتكبار الإنقاذ كُلٍ حسب سعته (بِاليد/اللِسان/القلب) كذا نُناضِل ضِد الأحزاب الـعُـظـامِـيـة (الأمة-الصادق المهدي وآلِهِ/الإتِحادي-محمد عُثمان الميرغني وآلِهِ)
ونُناضِل ضِد المؤتمر الشعبي (التُرابي) الذي قام بِإنْقِلاب الإنقاذ وكرس حكمه، ونُناضِل ضِد أحزاب الـفَـكـه (المُنْشقون عن أحزابهم الأصل) + ونُناضِل ضِد الأحزاب ذات الأفكار
المُسْتَوردة (الشِيوعي/حق-هالة عبدالحليم/البعث-جادين والصاوي/حركة اللجان الثورية-عبدالله زكرِيا) نُناضِل ضِد الأحزاب المُتوالِية مع الإنقاذ..
لِتقُم أجسام مدنِية جديدة.. بِدماء جديدة.. أفكار تُلائِم القرن الـ21 وتُلائِم المزاج السوداني وأن تكون أصيلة ذات أجِنْدة واقعِية وبرامِج في حَيِز المُمْكِن والمُطاق.
|
بتفق معاك في انه هنالك حوجه حقيقه لبناء اجسام جديده تلبي احلام الشعب السوداني.
وشكرا لك....لانك اثبت لي ان الدم السوداني وواحد
وبالمناسبه المتسشفي اسمنها مستشفي البان جديد بالحاج يوسف.
| |
|
|
|
|
|
|
|
|
|
Re: الدم السوداني و احد...حوجه ماسه للتبرع بالدم في مسشتفيات الاطراف! (Re: عبدالعظيم عثمان)
|
مهم جدا تراجي
تحياتنا لاوراح الشهداء
Quote: لشهيد
الشاعر/ لمحجوب شريف
صدقنى أنا لا قيتو امبارح
لا بحلم كنت ولا سارح
كان باسم وشامخ كالعادة
نفس الخطوات البمشيها
نفس الكلمات الوقادة كان فاتح قلبه على الشارع
صحيح أنا قبلك صدقت
جريت وبكيت لما سمعت
يوم نفذوا حكم الاعدام
لكنه بكل تفاصيلو
جسمو .. لونو .. ضحكو .. صوتو
مشيهو وطولو
لاقانى وبحلف نتأكد
لا طيف لا واحد من جيلو
فوجئت حقيقة وبصراحة
لو مش أبعادو الشخصية
والسوق .. الحركة هدير الكارو
حديث المارة مع الباعة
والناس ، الداخل للبوسته
الطالع منها ، والساعة
زى سبعة صباحا ، والشارع
مليان عمال وأفندية
وفى طول الوقت وكنت بفكر
امكن بحلم
امكن كل الحاص اشاعة
بس لكنى جرية قريت أيام المحنة
سمعت اذاعة
وكل الزملا الشهدا ، شرفنا
صانو شرفنا بكل شجاعة
واستبسالم كان فى الدنيا
حديث الساعة
وشفت بعينى
فتشو بيتنا وبيت جيرانا
رفعت ايدى
مرة الدبشك ، ومرة السنكى
ومرة زناد ما بين عينى
دا كلو تمام انا وعشتو
لحظة بلحظة مشاهد حيه
بس لكنو هداك قدامى
كمان شايفنى بعاين لى
وفطول الوقت .. كنت بفكر
امكن بحلم
امكن امانى
امكن بشبهو واحد تانى
وفجأة الصوت اياه .. عرفتو
عرفتو الما بغبانى
"يااخينا ازيك"
اهلا مرحب .. ايوه اتفضل" نادانى
مشيتلو.. مصدق وما مصدق
سلمت بقلبى واحضانى
وشعرت كأنه بيعرفنى
شعرت كأنه بيقرانى
راجل نكته عميق ومهذب
رائع جدا وانسانى
ولما جمعنى وشجعنى
سألتو بدهشة عن الحاصل
قاطعنى .. "بتعنى الاعدام؟
اعدامنا .. بتقصد اعدام؟
الموت لو شنقا حتى الموت
الموت .. لو رميا بالرصاص
ما هو الموت"
"الشعب يقرر من الحى والميت مين
الشعب يقرر مين الحى والميت مين
ونحن عمرنا القدام
الحزب .. اليقظة .. الاقدام
الحزب .. اليقظة .. الاقدام
الحزب .. اليقظة .. الاقدام"
وبسرعة انكسر الميدان بالناس
عشرات العشرات
أطفال .. عمال .. وطليعيين
وبنات طيبات
ومنشورات |
| |
|
|
|
|
|
|
| |
Tragie Mustafa
Yassir Tayfour
Bashasha
مهيرة
حسام يوسف
بثينة تروس
عبدالعظيم عثمان
الفاتح سليمان
فيس بوك
تويتر
انستقرام
يوتيوب
بنتيريست