|
سـودانـيـز اون لآيـن والـنِـسـوان !!! ...
|
شي عجيب !!! يا جماعة تصدقوا وتامنوا، أكان مسكت اللآب توب في إيدي بالغلت المرا تنفُض الفي إيدا، وتنفُش شعرا زي الجدادة المفقعة، ووشيها دا يبقى احماااار زي القرينة، واوداجها تنتفخ حتي تصير عروق رقبتا زي اسلآك الكُبانية، ويظهر في صوابعها كما المخالب، وتقول كدي تجي خافسة فوقي، أها، خلآس مشيت عليها ؟؟؟ فترنا. إنت يا راجل ما عندك شغلة غير زفتين اون لآين دي ؟؟؟ كرهتنا البيت زاتو...... إلخ
!!!!!!!!!!!!!!!!!
|
|
|
|
|
|
|
|
Re: سـودانـيـز اون لآيـن والـنِـسـوان !!! ... (Re: معاوية المدير)
|
سلام يامدير تعرف انو اغلب النسوان بتخوفن من حتة النت دي بصورة عامة بغض النظر عن المكان البتتواجد فيه علي طول تعرف بيني وبينك يامدير دي حاجة طبيعية جدا اي زوجة بتخاف وتغير علي زوجها لانو دي حاجة ربنا سبحانة وتعالي فطرهن عليها وانا من هنا بقول ليك دي مامشكلة دي حاجة طبيعية وكلنا مارين بيها
تسلم ياحبيب
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: وضاحة)
|
Quote: ود المدير كل عام وانت الحب |
أها شفت زي دا ياهو الجايب ليك الهواء يمين مرتك تشوف الكلام دا إلا تكسر ليك اللابتوب دا في صنقوعك دا
يا زول ديل بغيرن من الكمبيوتر في عضمو خليك من سودانيز
رمضانكم كريم وعيدكم مبارك مقدما
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: حمد عبد الغفار عمر)
|
سلام يا ود المدير
رمضان كريم
Quote: شي عجيب !!! يا جماعة تصدقوا وتامنوا، أكان مسكت اللآب توب في إيدي بالغلت المرا تنفُض الفي إيدا، وتنفُش شعرا زي الجدادة المفقعة، ووشيها دا يبقى احماااار زي القرينة، واوداجها تنتفخ حتي تصير عروق رقبتا زي اسلآك الكُبانية، ويظهر في صوابعها كما المخالب، وتقول كدي تجي خافسة فوقي، أها، خلآس مشيت عليها ؟؟؟ فترنا. إنت يا راجل ما عندك شغلة غير زفتين اون لآين دي ؟؟؟ كرهتنا البيت زاتو...... إلخ |
والله حالتك صعيبه خلاااااااااس
هي المرا البجيبا جنب الكمبيوتر شنو من اساسو ؟
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: وضاحة)
|
Quote: وضاحة
ود المدير ليها حق تغير
علشان عارفاك راجل مالى هدومك وبتملى العين وشيال تقيلة
الجود والسماح عندك جزم ثابتات تيلاد المكوك اياك عشا البايتات شيال التقيل بتسّند الواقعات ان حر الزمن ضلك ولو بنفات
ومكانتك عااااليا
ما زى العاملين رجال وبطاعنوا بى تحت تحت زى النسوان الزمن دا يا ود المدير النسوان خلوا المطاعنات ياخى اصلب طولك شد حيلك وابقى زى الرجال والله صحى ديك عدة كااااااااااااااااااااااااااااك
ود المدير كل عام وانت الحب |
الليلة وووووب بعد ده بمنعوك رسممممممي يالمدير
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: حيدر حسن ميرغني)
|
Quote: التقول مصاقر النت 24 ساعة ، كلها دقيقتين وتتخارج ياخي بوستيك ده زاتو لحدي ما ترجع ليهو بكون وصل الصفحة التانية انت ماشي بنظام " حتى تمر الخيل وتبتسم الجميلة" كدي خت لي الخيل والجميلة ديل في جملة مفيدة |
الحنين الزول يشكى ليكم همو تقوم تدخلو فى امتحان اصعب من المدخلنو فيهو ....!
غايتو ود المدير ده لو ما جاكم راجع اعرفو انو وضاحه ارتكبت ليها جريمه ....!
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: معاوية المدير)
|
Quote: الحمد لله ناسنا لسانهم كُتر لو قلت ليها بتاع اوراق مالية بتصدقني .. ياخي هي بتحلف بي ليه ماتصدَق |
ههههههههههههههههه،
غايتو جِنِس غشامة !!! عليك الله خليقتك دي خِليقة اوراق مالية، واللآ خِليقة يحلفوبا ؟؟؟ وحات ربي يا حنين إنت مرزق، مرزق عدييييييل كدا. دي لميت فيها وين ؟؟؟...
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: عزالدين عباس الفحل)
|
كل سنه والجميع بخير بوست جميل جدا بس الكلام دا ما بنطبق علي النسوان بس برضو علي الرجال راجلي حرمني النت في البيت اليوم كلو تشاغلي وتتونسي وتكتبي
لكن اظرف حاجه وبدون فضائح وذكر اسماء في مره من المرائر لووووووول قامت واحده راسلتني بالبريد الداخلي لاحد الاعضاء وقالت لي انتي مين بتتكلمي مع زوجي في النت المهم اديتها محاضره في الاخلاق انها هي اصلا ليه بتجسس علي زوجها وليه تفتش وراه ما واثقه فيه يعني وقلت ليها انا ما بسمح ليك ترسلي لي في بريدي الداخلي ولا تساليني اسالي زوجك ومفروض يكون في ثقه اكبر واحترام للخصوصيات المهم الزول دا لي يوم الليله ما رسل لي تاني الحاله كان بسال عن تمويل بس
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: عزالدين عباس الفحل)
|
Quote: ود المدير ليها حق تغير
علشان عارفاك راجل مالى هدومك وبتملى العين وشيال تقيلة
الجود والسماح عندك جزم ثابتات تيلاد المكوك اياك عشا البايتات شيال التقيل بتسّند الواقعات ان حر الزمن ضلك ولو بنفات
ومكانتك عااااليا
ما زى العاملين رجال وبطاعنوا بى تحت تحت زى النسوان الزمن دا يا ود المدير النسوان خلوا المطاعنات ياخى اصلب طولك شد حيلك وابقى زى الرجال والله صحى ديك عدة كااااااااااااااااااااااااااااك
ود المدير كل عام وانت الحب |
الليلللللللللللللله .......... ود المدير لحق الزينات ..... وضاحه ودتو أم صفقاً عراض ....... إنا لله ..... الله يكون في عونك يا صاحب .....
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: امير طمبل)
|
هههههههههههههههههههههه
بالله نفس القصة يا شاب ؟؟
----------- هو اصلو الصندق الاسمو الكمبيوتر دا هو العدو الحقيقي للجماعة ديل لكن الحمى بتخف حببببة لما المرة تكون عندها حبة مرضة بالصندوق دا اما اذا كانت زوجتك تعاني من امية تقنية او الكترونية فما تشوف الا النور هم عنده وهم انو كلللللل المصايب جاية بالسلك دا ..
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: معاوية المدير)
|
Quote: الله يعينك أو اتوسط ليها عند بكري يديها عضوية |
يا حسين ديقول يا اخي أنا بحب آخد راحتي في حوش بكري دا، عشان كدا جيتكم طالب حيلة تعينوني بيها، تقول لي يدوها عضوية ؟؟؟. عضوية دي معناتا يا أنا يا هي هنا.
يا اخوي مالك نزلت المدرجات، أوع تكون ختيتلك فطة ؟؟؟.
العيد يتبارك عليك...
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: haroon diyab)
|
Quote: أها شفت زي دا ياهو الجايب ليك الهواء يمين مرتك تشوف الكلام دا إلا تكسر ليك اللابتوب دا في صنقوعك دا
يا زول ديل بغيرن من الكمبيوتر في عضمو خليك من سودانيز |
العيد مبارك عليك يا حمد.
يا زول ما شايفني سايق البوست دا بالراااااحة كيف ؟؟؟، أخوك حويط جداً...
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: معاوية المدير)
|
Quote: بكت الخيل الجميلة
ود المديــر والله اخير لك دا مِلا احتلال الريموت .. داك امانة ما بيضيق الخلق خاصة ان سمعك فرفور في صمة اضانك ..!
غايتو انا ااكتشفت لي تكتيك استراتيجي بقيت اتلايق في الريموت واختو على ام بي سي اكشن لمن بقي الفكاك مني باللابتوب مفتوح قدامي
جرب ليك كدي هدف استراتيجي تضربه :) |
ههههههههههههههههههههه،
لقيتك أخطر من الترابي لكن. يا أخي ما تشوف لي دبارة معاك، أنا زولتي دي لآيوّقة ما بقدر علي الملآيقة.
بكت الخيل الجميلة، وأنا بقول معاك، حتي تمر الخيل، وعيييييييييييييييييك حِلّك كان الجميلة تفِر خشُما...
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: معاوية المدير)
|
الحق يقال انا بحب زوجتى لدرجة قف تأمل لكن :- ببقي السؤال ليه المراة بتبحث عن ضره إفتراضية خاصة داخل الشبكة العنكبوتية في الوقت نفسه ممكن تكون له دافع للمارسة إبداع في مجال كتابته أو حديثه ؟ ليه ما تكون مجال إنسجام بدل السخط وإضافة عطاء وايه البمنعنها من دا وكذلك انت ؟ السؤال الجهوري : هل حدث تبدل ودلفت الضرة من شباك الشبكة العنكبوتية طوال سنوات مكوثنا فيها ؟ الاجابة :- نحن كما نحنا لم نتبدل لم نتغير وحبنا مازال متقد
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: امير طمبل)
|
Quote: ود المدير ليها حق تغير
علشان عارفاك راجل مالى هدومك وبتملى العين وشيال تقيلة
الجود والسماح عندك جزم ثابتات تيلاد المكوك اياك عشا البايتات شيال التقيل بتسّند الواقعات ان حر الزمن ضلك ولو بنفات
ومكانتك عااااليا
ما زى العاملين رجال وبطاعنوا بى تحت تحت زى النسوان الزمن دا يا ود المدير النسوان خلوا المطاعنات ياخى اصلب طولك شد حيلك وابقى زى الرجال والله صحى ديك عدة كااااااااااااااااااااااااااااك
ود المدير كل عام وانت الحب |
فووووووق حتى ترى حكومة معاوية المدير ما كتبت وضاحة ..
نتلاقى في الآخرة يا مدير ههههه
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: معتز القريش)
|
Quote: أخوك كان داسي حكايه الباسورد بتاع سودانيز اون لاين عرفت كيف ما عارف المهم قعدت تنقق جبت لي ضرة |
كيدهُنّ عظيم يا سيد أحمد. والله صحي.
يا أخي الباسويرد دا أسهل حاجة ممكن تعرفا. فشل سحرة فرعون فشلاً ذريعا، بينما أدخلت زوجة العزيز نبئ السجن بكل بساطة، فتأمل يا قول فردتي ملاسي...
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: معاوية المدير)
|
Quote:
كل سنه والجميع بخير بوست جميل جدا بس الكلام دا ما بنطبق علي النسوان بس برضو علي الرجال راجلي حرمني النت في البيت اليوم كلو تشاغلي وتتونسي وتكتبي |
،،،،،،، وإنت بخير يا هويدا.
أنا كنت قايل الحكاية باقية علينا برانا. تاريهو وراء كل حامل باسويرد، وحاملة باسويرد، متربصين ومتربصات. الله يجازيك يا ابصلعة...
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: معاوية المدير)
|
شفتا يا ود المدير متل نطيطك يا هو دا البجيب ليك الهوا ظاااطو .. تقعد تفرفر تفرفر بي هنا والمرا تكون مشغلة ليك رادار ساهر بي هناك .. تفوت السرعة القانونية تجيك زي شرطي المرور تطلع غلطان وسكران كمان .. اها النصيحة ليك .. شفر البوستات هقتك دي وخلي كلامك خارم بارم كم يوم كدة لمن هي تفهم حاجة ..
والله انتو بتجيبو لينا انحنا زاتنا الهوا ..
--------------------------------- حوالينا ولا علينا ..
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: هشام كمال عبادي)
|
Quote: الليلللللللللللللله .......... ود المدير لحق الزينات ..... وضاحه ودتو أم صفقاً عراض ....... إنا لله ..... الله يكون في عونك يا صاحب ..... |
ههههههههههههههههههههههه،
يا إدريس أُم صفقاً عُراض القريبة دي ؟؟؟ ابت وضاحة إلا أن تغتس حجري، وربنا يكون في عونك يا إدريس وأنت الحب...
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: معاوية المدير)
|
Quote: ببقي السؤال ليه المراة بتبحث عن ضره إفتراضية خاصة داخل الشبكة العنكبوتية في الوقت نفسه ممكن تكون له دافع للمارسة إبداع في مجال كتابته أو حديثه ؟
|
مِتلقيات حِجج يا عادل. والله صحي.
حبوبتي حفصة بِت أُمحد اللمين أكانت تكحِل عين، وتخلي التانية وأكان زول سعلآ تكاتلوا !!!...
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: معاوية المدير)
|
Quote: فووووووق حتى ترى حكومة معاوية المدير ما كتبت وضاحة ..
نتلاقى في الآخرة يا مدير ههههه |
ههههههههههههههههه،
يا معتذ يعني خلآس إسديت بتاعت الشهادات ؟؟؟.
يا اخي إن شاء الله يجنّك من أمامك ومن خلفك، وعن يمينك وعن يسارك، وما تقدر تحُك راسك خليّك من تتفوجج في حوش بكري...
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: معاوية المدير)
|
Quote: شفتا يا ود المدير متل نطيطك يا هو دا البجيب ليك الهوا ظاااطو .. تقعد تفرفر تفرفر بي هنا والمرا تكون مشغلة ليك رادار ساهر بي هناك .. تفوت السرعة القانونية تجيك زي شرطي المرور تطلع غلطان وسكران كمان .. اها النصيحة ليك .. شفر البوستات هقتك دي وخلي كلامك خارم بارم كم يوم كدة لمن هي تفهم حاجة ..
والله انتو بتجيبو لينا انحنا زاتنا الهوا .. --------------------------------- حوالينا ولا علينا .. |
ههههههههههههههههه،
يا هشام شايفك مرتاااااح، حتي ممرق سريرك في الحوش كمان. يا اخوي لا تفرح الدور بجيك نعمنو الصنف وااااحد.
قال حوالينا قال !!! غايتو أنا بجرب وصفتك دي، وأهلنا قالوا المضطر يركب بوستات الفحل...
| |
|
|
|
|
|
|
Re: سـودانـيـز اون لآيـن والـنِـسـوان !!! ... (Re: Hisham Ibrahim)
|
Quote: نحنا يا دوب جينا راجعين لسودانيز دا والله من النقه حقتو فارقتو قريب سنه قمرية أتارينا ما برانا
سلام للجميع بدون فرز .... ومشينا السودان وجينا ...
لقينا بلد بلا حكومة .... وناس غنيانة وناس محنانة وتعبانة !!!! مودتي يا مدير ... |
سلآمات يا هشام، ويا اخي أسفين أشدّ الأسف علي الرد المتأخر.
نسأل الله أن يكون في عون البلد، وخليك معانا هنا ننق والأعداء ينقو فوقنا، وبيني وبينك ما في أحلى من نقتهم.
ولك مودتي يا عزيز...
| |
|
|
|
|
|
|
|