|
|
 الراتب ما مهم ما دام مندوب مشتريات.!!!!!!!!
|
تصحيح الاوضاع بالسعودية لخبتت الناس والمهله قربت تنتهي الله اكون في عون الناس الامورها جايطه.
واحد من اهلنا ناس الجزيرة امورو جايطة بصورة غريبه مشتري فيزا ما عارف كفيلو وين تعاملو مع السماسرة حتي طلعو الاقامة والتجديد بواسطتهم المصيبه الكبري المهنة تربية مواشي هذا ما يخص المستندات اما ما يخصه.
الزول عمرو كبير اولادو اتخرجو وبناتو عرسو ولي حسي عامل فيها ((حبيب الله )) بتاع جكس مظبط روحو صبغ ودهانات الغريبه تشوفو تقول عمرو 30 ما بتكتشف الراجل ضربو السوس الي إبيت ونوم معاك من علامات الكبر دخول الحمام كثير ... البروستات ...وبعد تطفي النور بقابض الحيط عشان امشي الحمام اضافة لكيس الحبوب الطابقو معاهو وكمان جلدة بصورة قروشو ما تطلع الي لي الجكس .
ليهو حكاوي غرام:
كان متابع ليهو بت في الفيس دخل معاها في شات وهاك يا ونسة الراجل محظوظ البت طلعت من الرياض زيتنا في بيتنا وعاش دور الحبيب المنتظر وفجأة البت اتقطعت من الفيس وعالم النت الراجل راسو ضرب ودخل في مرحلة جنون وعدم استقرار نفسي .....
بعد كم يوم ظهرت البت تاني في الشاشة!!!
ازيك يا فلانه بالغتي وبوظتي اعصابي وين انتي تختفي بدون مقدمات وعارفه انا وجدانيا ارتبطه بيك وريني قوام اختفيتي وين وليه ؟؟؟؟
والله يا فلان اسفه جدا قصبا عني الوالده تعبانه جدا وراقده في المستشفي لسع ما طلعت عندنا مشكله كبيرة مافي داعي ازعجك بيها.
عيب يا بت البينا كبير لو ما قلتي لي بزعل منك مشكلة شنو؟؟؟
مافي داعي ازعجك ما دام مصر بقول ليك الوالده حجزوها في المستشفي بعد بدات تتماثل في الشفاء ومفروض اطلعوها .
يا سلاااام ليه حجزوها بالغتي ما تقولي لينا عشان نزور الوالده ومنها نشوف وشك الصبوح بزعل منك لو ما قلتي لي حجزوها ليه؟؟؟؟
ما عايزاك تفهمني غلط حجزوها عشان مصاريف المستشفي وبابا ظروفو سيئة مع مرضها كان الايجار للشقة ومصاريف المدارس وحول قروش للسودان.
قولي لي كم انا رقبتي سداده ولو ما وقفنا معاك في الحاره تاني نقيف معاك وين و ل انتي ما معتبره البينا كبير وانا بقطع علاقتي معاك القروش كم؟؟؟
ما تفهمني غلط أنا ممكن اشيل منك القروش بس باعتبار دين وبرجعها ليك المبلغ عشرة الف ريال.
طيب نتقابل وين اديك ليهو ؟؟؟
أعفيني من المقابله حسي برسل ليك صاحبة امي في اسواق الجزيرة تقابلا وتديها القروش وبعد الوالده تطلع انشاءالله نتقابل في بيتنا مع الكرامة.
الراجل كب ليهو فتيل ريحه واتوجه لي اسواق الجزيرة لقي المرأة منتظراهو بدون اتصال جوال عرفها جقه شطورها ماليات حلقها اداها القروش ومشي.
البت اختفت تاني من النت والفيس وصاحبنا مقلق اخيرا اكتشف الجقه هي ذااااااتا البيت وقروشو راحت شمار في مرقة.
جرينا عشان نعرف كفيلو وين غلبنا!!!
زهجت وخليت جماعه ساكين ليهو بعد فترة سالت عنو قالو لقو ليهو شغل في الدمام اتصلت عليهو....
سلام يا فلان انشاءالله امورك اتظبطت قالو لقيت شغل وممكن تنقل ؟؟؟؟
لقيت شغل مندوب مشتريات في مطاعم وبحاول أستقر.
أها الراتب كم؟؟؟؟
ياخ خلي الامور تظبط الراتب ما مهم ما دام مندوب مشتريات.!!!!!!!!
يا زول انت امورك مطينه خلي النيه كويسه وخاصة انت عمرك كبير علي بعد خطوتين من القبر ، من حسي نويت الخبت؟؟؟
مشكور علي الاتصال وخلي الكلام الشين بتاع القبور والنصائح البتقول فيها والراجل الناس بتقيمو بي جيبو ورحو الشبابيه دائما انت مستفز.
انتهت المكالمة ... بعد فترة الراجل خلي الشغل ولقيتو مع العذابه والناس تتناقش معاهو ...ياخي اليومين الظروف كعبه ليه خليت الشغل وما دام لقيت ليك كفيل وكمان الشغله الانت عايزها مندوب مشتريات!!!
يا جماعه استهدو بي الله الزول قال لي بديك 1500 ريال راتب وسكن والعربية البشتري بيها الحاجات للمطاعم قلنا خير وبركه الفرقه بنتمها من المشتريات المصيبه الهنود الشغالين معاهو الطماطمه بي كم عارفنها شهر شغال معاهم بعد الراتب جاء لقيت كلو خصومات تصدقو المويه والاكل في المطعم خصمو مني يعني اشتغل بي بطني.
|
|
 
|
|
|
|
|
|
|
|
Re: الراتب ما مهم ما دام مندوب مشتريات.!!!!!!!! (Re: الصادق صديق سلمان)
|
Quote: مستنير شديد
عباس الدسيس انت بتلعب بعداد البوست بكود معين معروف ... بكري لو انتبه ليك بجدعك برة ... ودا + كتاباتك لا ترقى ان يشاهدها 10 قراء/اليوم ... بعني اي كلام في اي حتة .. معقول ياخ 1200 مشاهدة في ساعة انت قايل نفسك حسن موسى ؟
|
Quote: Samer Konjo
انت يا مستنير العرفك شنو ؟؟ مالك ومالو يتلاعب ولا ما يتلاعب البورد دا حق ابوك عالم حاقده بس
|
سلام يا حبيبنا سمير
جزيل شكري وتقدير علي الرد لو سمحته عندي اضافة صغيرة:
الرئيس نميري زمان كان بدعي الثقافة عمل مهرجان الثقافة كحدث سنوي الافتتاح دايما محضور من رئاسة الجمهورية والليلة الافتتاحية يقيمها كبار الفنانيين نميري قاعد في المقاعد الامامية طلع الفنان الكحلاوي وبدا اغني:
قالو قالو علي شقي ومجنون
صحيح مجنون
انتو سبب جنوني يا حلوين
ازيد في الجن
اجن جني يا حليون
قالو قالو علي شقي ومجنون
نميري قال ليهم مين دا !!!! معقوله ده فنان نزلو من المسرح عندو عبط في الاداء.
الكحلاوي عندو جمهور وود الامين بي جمهورو ومحمود عبدالعزيز بي جمهورو وندي القلعة عندها معجبين.
اما حكاية اللعب في العداد بدل تشوتني بره بتوصية للباشمهندس خليك محضر خير وارفع توصية لي بكري اعمل جمرة خبيثة عشان ما نتلاعب ..... حلوة صاح
قال عداد وتلاعب ... شايفنا ساكين القيد الصحفي..
إ حنا ناس بنستمتع بي الكتابة عشان نفرغ كمية الزهج والقهر الفي داخلنا لو لا كده كان حالنا تاني بنتعامل مع الكتابة كعلاج لحالاتنا عشان ما نصاب بي نفسيات ونقعد ننابذ في الناس ونفتي بي حاجة ما بنعرفا بالاضافة للاهداف الاخري.
عموما شكرا علي رايك بالله اطلع من العشرة قراء خليهم 9 منها بتكون ساهمت في تقليل عددية المشاهدات.
| |
|
|
|
|
|
|
|
|
|
Re: الراتب ما مهم ما دام مندوب مشتريات.!!!!!!!! (Re: عباس الدسيس)
|
| Quote: الراجل كب ليهو فتيل ريحه واتوجه لي اسواق الجزيرة لقي المرأة منتظراهو بدون اتصال جوال عرفها جقه شطورها ماليات حلقها اداها القروش ومشي. |
هههههههههههههههههههههههههههههه
عباس الدسيس
نهارات السعادة ياخي ضحكت حتي صرت اقع من الكرسي الهزاز
بالله إنتو في الرياض عندكم نفس حنك النمل ده .غايتو نحن هنا عندنا
الحفتيات بس ديل نجضو جماعتنا بي حاجات تانية بس اغلبيتها
إيجار بيت و (طرلشي رصيد) هههههههههه
زي العالم الداقسة دي خلي بالك بتكون مناطقهم في البلد
هناك ترزي ستاتي مافي ولا محل لبيع الملابس الداخلية
تبا لهم جابو لينا الكلام
| |
|
|
|
|
|
|
|
|
|
Re: الراتب ما مهم ما دام مندوب مشتريات.!!!!!!!! (Re: امير طمبل)
|
Quote: ما شاء الله يا عبس يادسيس
انا اول واحد ادخل البوست
وكان العداد مصفر مشاهدات وردود
لما طلعت لقيتو تجاوز ألف مشاهدة
فعلا تستاهل كل هؤلاء القراء لما تمتلكة
من سرد رائع محبوك بتلقائية بسيطة
معاشة في الواقع وهذا مايبحث عنه الناس
تحياتي ومودتي لك ....
محمد الامين |
محمد الامين سلام يا الحبيب
متشكر علي المتابعة ووجهة نظرك
خالص تقديري وشكري
| |
|
|
|
|
|
|
|
|
|
Re: الراتب ما مهم ما دام مندوب مشتريات.!!!!!!!! (Re: عباس الدسيس)
|
Quote: حبيبنا الغالي الما منظور ينسانا ( عبس ) وينك يا راجل ليك مدة ما بنته ..
غايتو زولك ده بالغ جنس بوليغ ...
يجازي محنك يا عبس زولك ده ما كان تديهو راسو ..
تحياتي : ياسر العيلفون |
ياسر العيلفون اخبارك يا فنان والاسرة الكريمة مشتاقين ليك يا حبيبنا
الناس هنا كلها بقت راسها دايش ومع التكنلوجيا والنت ربك فتح للبلوم رزق.
تحياتي وتقديري
| |
|
|
|
|
|
|
|
|
|
Re: الراتب ما مهم ما دام مندوب مشتريات.!!!!!!!! (Re: عباس الدسيس)
|
Quote: ماشاء الله
سرد جميل
بس مشتريات لي مشتروات تفرق يا عباس
بعدين الهنود ديل ما معاهم منافسة في المجال دا بالذا (المشتروات والمبيعات)
وبعرفوا يطلعوا حقهم زي الترتيب وما تقدر تعرف اي حاجة عنه |
الصادق يا وجيه سلام وتحية
الهنود فعلا حيرونا خلي بتاعين المشتريات الشغالين مبيعات بعد ما تشتري منو اقول ليك (( سديق انت ابقي فاتوره و ل اثنين)) لو واحده انت زول ما فيك كده لو اثنين بضاعف ليك السعر وياخذ 50% من المبلغ المضاف هنا ياكلو وهناك ياكلو.
تحياتي
| |
|
|
|
|
|
|
|
|
|
Re: الراتب ما مهم ما دام مندوب مشتريات.!!!!!!!! (Re: عباس الدسيس)
|
Quote: هههههههههههههههههههههههههههههه
عباس الدسيس
نهارات السعادة ياخي ضحكت حتي صرت اقع من الكرسي الهزاز
بالله إنتو في الرياض عندكم نفس حنك النمل ده .غايتو نحن هنا عندنا
الحفتيات بس ديل نجضو جماعتنا بي حاجات تانية بس اغلبيتها
إيجار بيت و (طرلشي رصيد) هههههههههه
زي العالم الداقسة دي خلي بالك بتكون مناطقهم في البلد
هناك ترزي ستاتي مافي ولا محل لبيع الملابس الداخلية
تبا لهم جابو لينا الكلام |
امير طمبل يا حبيبنا سلام وتحية
حكاية النصب بقت مشكله كبيرة...
قابلني صديق (( وين انت غائب والله فاتك مولد فلان داك كان عندو جوالات ببيعها بالدين والناس تخم أنا شلته اثنين))
اوع تقول لي فلان بتاع الكوست ناس الشجرة ؟؟؟
ياهو ذاتوووووووووو...
فلان كان قبل كده عرض علينا حكاية الكوست والشجرة ما عارف تجيب واحد باليمين والواحد اجيب شنو وهكذا في الاحلام تلقي روحك بقيت مليونير الشرط تشري منتج وبسموهو التسويق الدائري البتجيبو بشتري بدوك ارباح من مشترياتو مشتريات الناس البشتركو بي واسطتو وهكذا لو حسبتها تلقاها بعدين ملاين...
اها زولنا وقت ما لقي ناس تحتو في الشجرة بقي اجيب ناس بعرفم ادينم قروش عشان اشتركو وشجرتو تكبر عرضو علي الدين عشان اتاكد وما اتورط في دين قلت ليهم لازم اقابل الزول بتاع الكوست المسؤل !!!!!!!!!!!
تصدق مشينا ليهو في بيتو لقينا ساكن في اوضة سكن شعبي في حي تعبان وخاتي اللبتوب بتاعو وبقابض في الشبكات الطايره من ال WI-FI.
بعد فترة الزول زاغ بي لابتوبو وصاحبنا مدين الناس قروش اكثر من 80 الف ريال.
اما حكاية مولد الجوالات عايز ليهو من زول قروش في شغل ادها ليهو جوالات والراجل عندو علاقات في الفيس مع جكس كمية بالغلط واحده من محبوبات الفيس كلمها بي حكاية الجوالات وعايز ابيعها قالت ليهو حكاية البيع بالدين وإركب فيها فايدة كبيرة البداية كانت مع الاصدقاء بعدها البت بتاعت الفيس فكت فيهو الجكس شايل الجوالات وحايم في الاسواق البت بتجيب ليهو عملاء بنات وشايل ليهو نوته اسجل فيها رقم التلفون بتاع البت وحريص جدا زول ما افتح النوته لانو البنات محزراتنو وهن بنات اسر ممكن واحد اشيل رقم الجوال واتلاعب.
اول شهر للسداد صاحبنا لقي الجوالات كلها ... عزيزي المتصل إن الجوال المطلوب مغلق نرجو الاتصال في وقت لاحق....
| |
|
|
|
|
|
|
|
|
|
Re: الراتب ما مهم ما دام مندوب مشتريات.!!!!!!!! (Re: أيمن محمود)
|
Quote: صراحة ياعباس الفيس دا ورط ناس كتار
باختصار القصة هادفة |
حبيبنا صالح عبده سلام وتحية
مع الفيس هنالك المساعدات الاخري البتورط وتجرجر الناس اسكايبي وخلافه طبعا دي مراحلة مقدمة بعد الزول اكون غرق لي رقبتو
التعامل مع التكنلوجيا باحترام مهم
تحياتي وتقدري
| |
|
|
|
|
|
|
|
|
|
Re: الراتب ما مهم ما دام مندوب مشتريات.!!!!!!!! (Re: عباس الدسيس)
|
Quote: شكرا يا دسيس ..
اتفش فينا ونحن فريحين شديد ..
والله الواحد بقى يتاوق لفشيتك ..
لكن وا سماحتها فشيتك ..
اتفشى زى ما داير ..
والما عاجبو يقفل القزاز ولا يشغل الراديو ..
وعليك الله قرب الحكاية ما تطول الغيبات ..
تقبل مودتى وتقديرى . |
حبيبنا عبداللطيف شريف علي سلام وتحية
ممنون وشاكر للمشاركة والمتابعة
سعيد جدا بتواصلك وابدا اريك
تحياتي القلبية
| |
|
|
|
|
|
|
| |
عباس الدسيس
ياسر السر
الصادق صديق سلمان
امير طمبل
صالح عبده
عبداللطيف شريف على
أيمن محمود
فيس بوك
تويتر
انستقرام
يوتيوب
بنتيريست