|
|
 فوتوغرافيا الركوب - يا طسم مالقيتي من جديس هلكت يا طسم فهيسي هيس -
|
زعموا أنه كان بالعـــرب ملكاً ظلومـــاً غشوما يقال له عمليــــق وكان لا تــزف إمراءة الى زوجها إلا بدأت به فإفترعها ثم سلمها إليـــه ... قيـــل إن رجلاً من جديس تزوج غفيـــرة بنت غفار عظيم جديس فلما تم زفافها أدخلها الجواري إالي الملك عمليـــق وهن ينشدن :..
ابدي بعمليق ومعه فأركبي وبادري الصبح بامر معجب ..
فسوف تلقين الذي لم تطلبي ولم يكن من دونه من يذهب ...
فجعلت تقول وهي في زفافها قبل دخولها علي الملك الغشيم :
ما احد اذل من جديس أهكذا يفعل بالعروس
يرضي بهذا يا لقومي حر من بعد ما اهدي وسيق المهر
لأن يلاقي المرء موت نفسِه خيرُ له من فعل هذا بعرسِه
فلما دخلت عليـــه افترعها وأطلقها لزوجها فدخلت علي مجلس قومها وفيهم اخوها الأسود بن غفار فرفعت ثوبها عن عورتها وانشدت :
أيصلح ما يؤتي إلي فتيانكم وانتم رجالٌ كثرة عدد الرمل
وترضون هذا يا قومي الي اختكم عشية زفت في النساء الي بعل
فإن انتم لم تغضبوا بعد هذا فكونوا نساءاً في المنازل والحجل
ودونكم طيـــب النساء وإنما خلقتم جميعا للتزين والكحل
فلو إننا كنا رجالا وكنتم نساءاً لكنا لا نقيم علي نحل
فقبحاً لبعل ليس فيه حمية ويختال يمشي بيننا مشية الفحل
فموتوا ضراماً او اصيبوا عدوكم بداهيــة توري ضراماً من الجزل
وإلا فخلوا داركم وترحلوا إلا بلد قفر خلاء من الأهل
ولا تخرجوا للحرب يا قوم إنها تقوم باقوام شداد على رجل
فيهلك فيها كل وغدٍ مواكل ويسلم فيها ذو الطعانٍ وذوالقتل ..
ــــــــــــــــــــــــــ
شاعر اني كتبت القصة دي قبل كدة .. لكن ما مهم كله يهون في سبيل الثقافة :)
|
|
 
|
|
|
|
|
|
|
|
Re: فوتوغرافيا الركوب - يا طسم مالقيتي من جديس هلكت يا طسم فهيسي هيس - (Re: HAIDER ALZAIN)
|
وزعموا أنه بعد ذلك اتفقت بني جديس وبني طميس علي حرب الملك الغشةم عمليق واحتالوا له بان عزمه جديس الي وليمة في وادي لكثرة جنودهم فأطعموهم وسقوهم حتي ثملوا ثم قاموا عليهم قومـة رجل واحد بالسيف فهلك جميع جنوده وقتل عمليق ...
قيـــل ان الأسود بن غفار كان ينشد وهو يهجم علي الملك عمليق ويقول :
يا صبحة يا صبحة العروس حتي تمشت بدم جميس
يا طسم مالقيتي من جديس هلكت يا طسم فهيسي هيس ..
| |
|
|
|
|
|
|
|
|
 Re: فوتوغرافيا الركوب - يا طسم مالقيتي من جديس هلكت يا طسم فهيسي هيس - (Re: Mohammed Awad)
|
طبنجة يا قلب..
رمضان كريم ياخ وتصوم وتفطر بالف خير..
Quote: الواحد بقا مافاهم اى حاجة
ماعرفنا دا من الصيام ولا زمزغتكم دى |
البورد كما هو في حالتو لم يتغير .. جماعة عايشين ليك في اسطورة الهولوكوست الشمالي ..ور ور ور ور ينزنقوا في اي ملف بيجيوا المنبر يجعروا ان آآآه وآآآه
بل الواحد فيهم يكون جخلٍ عقخلٍ واي حاجة تلقاهو يكورك في نص البورد ويجعر بلسان غفيــرةٍ مبين:
أيصلح ما يؤتي إلي فتيانكم وانتم رجالٌ كثرة عدد الرمل
وترضون هذا يا قومي الي اختكم عشية زفت في النساء الي بعل
وطبعاً كما تعلم وررررررررررر يجوك ناس ان نياط قلبي يتقطع .. ونحن نعتذر لك عن ما اصابك..
ونيفك نيفك جيطتك جيطتك.. يبلع مخاطته ويمسح دموعو ويتحول لشهيد في محراب النضال والانسانية..
اها وقت تاخد ليك روقة كدة وتسالو مالك قبل بتجوط وتورجع وتكورك يقول ليك ببساطة ..:
ما بعرف والله لكن اتذكرت امي وعيشتنا زمان وشعرت اني مشتاق لي لطبة حنان وجرعة تعاطف ..
ــــــــــــــــــــــ..
عييييك سرحتا والبص وصل ام مقت كيف معاك 
| |
|
|
|
|
|
|
|
|
|
Re: فوتوغرافيا الركوب - يا طسم مالقيتي من جديس هلكت يا طسم فهيسي هيس - (Re: HAIDER ALZAIN)
|
Quote: وطبعاً كما تعلم وررررررررررر يجوك ناس ان نياط قلبي يتقطع .. ونحن نعتذر لك عن ما اصابك..
ونيفك نيفك جيطتك جيطتك.. يبلع مخاطته ويمسح دموعو ويتحول لشهيد في محراب النضال والانسانية..
اها وقت تاخد ليك روقة كدة وتسالو مالك قبل بتجوط وتورجع وتكورك يقول ليك ببساطة ..:
ما بعرف والله لكن اتذكرت امي وعيشتنا زمان وشعرت اني مشتاق لي لطبة حنان وجرعة تعاطف .. |
غايتو هو واحد من اتنين..
يارمضان دخل العضُم زى مابيقولو المُتجرسين
ياكمان فى نضمى تقيل جاى ورا... الواحد بعيد عنك مرات بيكون مشفر وماجايب خبر زاتو
وعلى العليها تجيك فى نُص رمضان دا تشفيرة مع حمرنة الصيام دى ماتصحا بيها الا بعد ما تاخد ليك هوك فى منتصف البوست وعلى مرأى من الجميع
دحين محراب النضال زااااتو بقا كايس لى جُحُر من كترة الهلم جرا ديل
ونحنا يالحبيب بقينا مرات نخُش نتاوق ساكت...
ياحبيبى مرات تدخل واسطة ساكت تلقا روحك بقيت قاعد مُستمع
والعبرة فى الشايفهم تحت ديل...
دحين انا قلت اسلم عليك من طرف ساكت لزوم الغيبة ورمضان كدا
وانت دايرنى انجرف معاك فى مستنقع الطسم والجديس...
ونبقا فى last warning .... وتحت تحت دى زاتو بقت مافي.. محط ساكت بس
-----------------------
قرصة بالله وديتنا بعيد
| |
|
|
|
|
|
|
|
|
|
Re: فوتوغرافيا الركوب - يا طسم مالقيتي من جديس هلكت يا طسم فهيسي هيس - (Re: محمد حمزة الحسين)
|
Quote: وزعموا أنه بعد ذلك اتفقت بني جديس وبني طميس علي حرب الملك الغشةم عمليق واحتالوا له بان عزمه جديس الي وليمة في وادي لكثرة جنودهم فأطعموهم وسقوهم حتي ثملوا ثم قاموا عليهم قومـة رجل واحد بالسيف فهلك جميع جنوده وقتل عمليق ...
قيـــل ان الأسود بن غفار كان ينشد وهو يهجم علي الملك عمليق ويقول :
يا صبحة يا صبحة العروس حتي تمشت بدم جميس
يا طسم مالقيتي من جديس هلكت يا طسم فهيسي هيس . |
اها كده ما جبتها في رقبة المك نمر ودار جعل (الله يحفظكم من العييه)
| |
|
|
|
|
|
|
|
|
|
Re: فوتوغرافيا الركوب - يا طسم مالقيتي من جديس هلكت يا طسم فهيسي هيس - (Re: عمار عبدالله عبدالرحمن)
|
ياعمار عبد الرحمن..
اسمع دي بمناسبة فقه الركوب ..:
قيــل انه كان للسلطان تيـــراب سلطان الفــــور ثلاثون ولداً ذكراً بالغاً غيــــر الإناث وما لم يبلغ الحلم من الاطفال ..
وزعموا بانهم كانوا طغاة مفسدين نكلوا بالسكان والعامـــة على عهد ابيهم وواطأهم هو علي ذلك ..
وبلغ بهم الطغي والتكبـــر مبلغ انهم كانوا لا يتنقلون إلا علي ظهور الرجال وعافوا الخيول والجمال ...
فكان اذا ذهب أي منهم الي قريـــة من القري او حاضرة من الحضـــر يختار أشد رجالها قوة فيركب ظهره حتي يبلغ محله الذي يقصده ويريده ،
ومن هناك يختـــار مطيته الجديدة ليركبها لعودته ....
| |
|
|
|
|
|
|
|
|
|
Re: فوتوغرافيا الركوب - يا طسم مالقيتي من جديس هلكت يا طسم فهيسي هيس - (Re: HAIDER ALZAIN)
|
بسم الله الرحمن الرحيم
حيدر الزين
كل سنة وانت طيب وتصوم وتفطر على خير
Quote: البورد كما هو في حالتو لم يتغير .. جماعة عايشين ليك في اسطورة الهولوكوست الشمالي ..ور ور ور ور ينزنقوا في اي ملف بيجيوا المنبر يجعروا ان آآآه وآآآه
بل الواحد فيهم يكون جخلٍ عقخلٍ واي حاجة تلقاهو يكورك في نص البورد ويجعر بلسان غفيــرةٍ مبين:
أيصلح ما يؤتي إلي فتيانكم وانتم رجالٌ كثرة عدد الرمل
وترضون هذا يا قومي الي اختكم عشية زفت في النساء الي بعل
وطبعاً كما تعلم وررررررررررر يجوك ناس ان نياط قلبي يتقطع .. ونحن نعتذر لك عن ما اصابك..
ونيفك نيفك جيطتك جيطتك.. يبلع مخاطته ويمسح دموعو ويتحول لشهيد في محراب النضال والانسانية..
اها وقت تاخد ليك روقة كدة وتسالو مالك قبل بتجوط وتورجع وتكورك يقول ليك ببساطة ..:
ما بعرف والله لكن اتذكرت امي وعيشتنا زمان وشعرت اني مشتاق لي لطبة حنان وجرعة تعاطف ..
|
وفوق دا يا حيدر لاحظت من العكات بتاعة الايام الفاتت والقبلها كتير
انو الذمة بقت زى اللستك تتمطى لى اخر الدنيا .. والحقيقة
الباينة وواضحة بحاولو يغطوها ويدغمسو حوالينا عشان
تضيع .. ولا المعيايير المزدوجة .. عييييك ..
اقعد عافية
ارتيقا
| |
|
|
|
|
|
|
|
|
|
Re: فوتوغرافيا الركوب - يا طسم مالقيتي من جديس هلكت يا طسم فهيسي هيس - (Re: محمد عبدالرحيم)
|
قال ابن الجوزي : كان إبراهيم بن أدهم يحفظ البساتين، فجاءه يوماً جندي، وطلب منه شيئاً من الفاكهة، فأبى فضربه على رأسه بسوط، فطأطأ إبراهيم له رأسه وقال: اضرب رأساً طال ما عصى الله فعرفه الجندي وأخذ في الاعتذار إليه فقال إبراهيم: الرأس الذي يليق له الاعتذار تركته ببلخ.
ـــــــــــــــــــــــــــ
في الترجمة نجد :
إبراهيم بن أدهم، أبو إسحاق، إبراهيم بن منصور بن زيد بن جابر العجلي ويقال التميمي أحد علماء أهل السنة والجماعة ومن أعلام التصوف السني في القرن الثاني الهجري من اهل بلخ ..
كان من أبناء الملوك والمَياسير. خرج متصيداً، فأثار ثعلب واذا هو طلبه، هتف به هاتف من قربوس سرجه: "والله! ما لهذا خلقت!، ولا بهذا أمرت!". فنزل عن دابته، وصادف راعياً لأبيه، فأخذ جبته فلبسها، وأعطاه ثيابه وقماشه وفرسه وترك طريقته، في التزين بالدنيا، ورجع إلى طريقة أهل الزهد والورع. وخرج إلى مكة، وصحب بها سفيان الثوري، والُفضيل بن عِياض. ودخل بلاد الشام، فكان يعمل فيها، ويأكل من عمل يده...
| |
|
|
|
|
|
|
|
|
 Re: فوتوغرافيا الركوب - يا طسم مالقيتي من جديس هلكت يا طسم فهيسي هيس - (Re: اسلام عبد الرحمن عمر)
|
نعم لبيك .. ومرحب يا اسلام :)
افتراع كلمة لا علاقة لها بالـ"بلوم " السوداني .. لغة صحراوية قحة حينما كان الرجال " يركبون " الخيول والجمال ويفترشون النساء افتراشاً فهن فراشاً وهن ارض حرث وبذر تُحرث حرثاً وتُفترع افتراعاً ..
وان كان جريـر بن عطية ايضاً سبق ميثاق سيداو حينما جعل للمراة الحق في المبادرة وافتراش بعلها فقال :
باتت تُعارِضُه وباتَ فِراشُها خَلَقُ العباءةِ في الدِّماء قتيلُ
لك المودة
| |
|
|
|
|
|
|
|
|
|
Re: فوتوغرافيا الركوب - يا طسم مالقيتي من جديس هلكت يا طسم فهيسي هيس - (Re: محمد حمزة الحسين)
|
مشكور ياخ على الرد الوافى وشرح كلمة ( افتراع )
ف شفت كيف ..
يعنى الحاجات ممكن تتقال بى لغة ويطلع شكلها ظريف ومقبول على القارى والسامع
ماعارف القصة دى من شنو ؟؟ هل لانو مامتعودينا على الكلمات دى او هى موجودة فى زاكرتنا
(قاصد الحاجات ) بى شكل محدد ومفردات معينة .
اها اساء خشت حاجات جديده ياعمك يعنى مثلاً كلمة ( جنس ) ومعاها اختا (سكس ) بيدو نفس المعنى
لكن برضو ارتبطو جوانا كده بى الحياء والحاجات الماكويسة وبالعامية ممكن يستخدموهم ك (نبذ ) عديل
ويشتم بيهن الزول لكن متخيل معاى زول ينبز ليه تانى يقول ليه (افترع امك ) هههههه
خالص الود ياخ والاحترام
| |
|
|
|
|
|
|
|
|
|
Re: فوتوغرافيا الركوب - يا طسم مالقيتي من جديس هلكت يا طسم فهيسي هيس - (Re: اسلام عبد الرحمن عمر)
|
استاذتنا سلمى سلامة كتبت عبر الفيس :
| Quote: يعنى من الاخر يا حيدر اياك اعنى واسمعى ياجارة ولا ما ياهو ؟ |
استاذتنا سلمى الشيخ سلامة..رمضانك كريم ومبارك عليك..
والله ماعارف ايتها جارة بتقصديها ..لكن عموماً المقصد بالبوست هو استدعاء حكايات متفرقة وقصص من التراث العربي وغيره بشان بشأن التسميات الغريبة للامر المتعلق بفقه الركوب ..ولا بأس بشئ من التخريم عندما يستدعي الامر الطبطبة والعناق المتعاطف..
تحياتي وتقديري
| |
|
|
|
|
|
|
|
|
|
Re: فوتوغرافيا الركوب - يا طسم مالقيتي من جديس هلكت يا طسم فهيسي هيس - (Re: طلحة عبدالله)
|
الفوتوغرافيا .. دقة التفاصيل و تسجيل اللحظة الرويانة التريانة (اعتبرني بعض قد فحط به صديق الذكر رمضان ، و نحن هنا يا صديقي ، الصيام طمنطاشر ساعة حسوما و صيف اخير منو قلاية كلتومة ست الجبنة في شارع الجامعة حينما كانت جامعة ، مجرد النيل من استقلالها سبب كافي لإشعال الثورة ، و اليوم الخلق تموت كما الضبان و الثورة يحنسوها تحنيس السنين عشان تقون ، و حينما نقول الأجر ح يكون اوفر تايم ، حتى لو من باب المزحة ، تلاقي من يستغفر طمنطاشر مرة ، بقدر ساعات الصيام في هذي البلد الفرحين اهلها للطيش..الذ خلق الله في المسلمين و الصيام هنا ، يا حيدر يا زين ، ، السادة الصوماليين و الصوماليات ، و دي اوعك تسأل عنها ، ياخي ان شاء الله من باب لا تسألوا عن اشياء ان تبدو لكم..!!) ..داير اقول شنو ، ايواتا ليك ، الفوتوغرافيا ، انت صحي كده ، الكلام الغــُلاد غــُلاد ده قاعد تجيبو من وين يا حيدر؟ انت بقيت مثقفاتي ورانا و نحن ما جايبين خبر ولا شنو معني العبارة يا صديقي؟!!!!
الفوتو غرافيا بتاعة البتاع (طبعا ما ح نجيب اسمو ، مش لأنو الهوا ح يقسمو ، و انما ، لأنو الخلق ح تملانا ليك فقر ما انزل الله به من سلطان، و نحن ورانا عيال يا قريبي ، و زي ما عارف مرات الخواف بالخوف ممكن يربي عيالو ، المهم زي ما انت عارف) ، بت ابا سلمى شكلها اتحسست ، لكن يا حيدر ، حكاية عيال ابا السلطان تيراب ، في واحد روائي سوداني نجيض نجضها ليك نجاض قبورة..ياخي الزول ده كتب عنها ، بصورة تحنن الكافر ، و انا قريتها في الصقيع ، الصقيع يا حيدر يا عريبي ساكت.. زي ما تقول كتاحة امدرمان الواحدة ديك ، تقوم بدل التراب تخط جليد ، و الجليد هو الثلج يا اخانا الذي نحب ، مش شيوخ السعودية قاعدين يقولوا اللهم اغسله بالثلج ولا شنو كده ماعارف ،..و الله هي لحظة الله لا وراك ليها دنيا و اخرى ، اها في هداك الصقيع و كتاحة الجليد الزايغ منها قريبي معاوية المدير ( طبعا معاوية ده يا حيدر زي السي أي ايه.. تقول ليهو اخير نحكي الحاجات على اصولها ، يقول ليك لأ.. اصلا الجماهير رهيفة ، و الحقائق ح ترعب الجماهير و تخليها تتضاير في السهلة ، و نحن ما بنقدر نضبط الجماهير لمن تعير خوفا أو تحسسا ساكت ، عشان كده العارف ليهو كارثة اخير يسكت بيها تقديرا لشعور الجماهير..!!.. عليك الله نضم ز ي ده غير السي آي اٍيه في زول بيقدر عليهو ، يا حيدر؟!!).. في هداك الصقيع الكافر اللئيم ، سنحت لي الظروف اقرأ صاحبنا الروائي النجيض ذاك ، بالمناسبة أسمو امير تاج السر ، ياخي ده متعقد من انو الناس تقوم تنسبو للطيب صالح ( طبعا جينولوجيا بيناتهم نسب ، لكن ابداعيا ، امير ده اظرط من الطيب صالح ، سجن سجن غرامة غرامة..!!)..غايتو حكاية البتاع ، و عيال ابا السلطان تيراب ، و انا اشهد بكامل وعي و ارادتي المعتبرة شرعا و قانونا ، مافي زول وثقها بصورة ابداعية مثل امير تاج السر حينما كتب روايته الكارثة الجميلة الموسومة ( مهر الصياح)..!!
بت ابا استاذتنا الجميلة سلمى الشيخ سلامة ، جارة شنو يا سلمي أخير انتي قلت ( كالحمـــــار) ، ول ابا امير تاج السر خطاها توووووووووووووووشك بشر عديل ، و الراكب يعفــط فوقهم لدرجة انو العفيط بيعمل ورم ، بعضهم يشك انو خبيث و بعضهم يشك انو حميد .. ، نظام بشر متلي و متل الشاب حيدر الزين..!!
انتا يا حيدر ، زول لضيض ، تلقاك قريت رواية امير تاج السر سبع مرات ، لكن الكلام في المثقافاتية البيجوعروا ليك في الملأ و يقولون ثقافة الأجلاف...باقي ليك ديل قرأوا امير تاج السر؟.. كتبت كلام سمح جنس سماحة عن امير تاج السر ، لكن الكمبيوتر اتفورس ، و انا اتهم الجبهة الثورية بانها فيرست كلامي عن تاج السر ، في شان شنو ، في شان زمان اخونا الجميل احمد القرشي ( دكتور احمد القرشي عبد الرحمن لناس المثقافاتية الوهم) .. ايام الجامعة ، كان بيتريق على الكيزان و يقول ليك ، لو كوز خالط كوزة ، و قام اتكبكب و دفق العصير في طرف توبا ، يقول ليها : ولا يهمك ، ده مخطط يساري...!!!..و نحن برضك بنقول فيرست كلامنا عن امير تاج السر ، على بالحلال ، مخطط جبهة ثورية.. سجن سجن.. غرامة غرامة..!!!
ما اصعب الكتابة في وكت السحور..، خصوصا لو كان الصيام طمنطاشر ساعة..!!!
كبر
| |
|
|
|
|
|
|
|
|
Re: فوتوغرافيا الركوب - يا طسم مالقيتي من جديس هلكت يا طسم فهيسي هيس - (Re: Kabar)
|
كتب أحدهم * :/
12- البحر...!
قال الولد المحروم لأبيه المثقف الذي ضيع حياته كلها في قراءة الكتب الصفراء والحلم بالليالي الحمراء وقصر الملاح : " سأذهب مع إخوتي إلى البحر كعادتنا، لماذا لا ترافقنا يا أبي إلى البحر لنتشرف بك ونقدمك لأصدقائنا وزملائنا؟ قال الأب وهو يحمل صندوقا من الكتب: لن استطيع الذهاب إطلاقا، فلدي الكثير من الكتب التي سأخضعها هذا النهار للتصنيف الببليوغرافي، ولكني بالطبع سأنتظر البحر حتما ليزورني مع الفيضانات . وغدا، سأكتفي بالسباحة في مياه البرك والأوحال التي غزت شوارع مدينتنا المنكوبة... "
9- فيضانات
كثرت الأمطار الغزيرة في مدينة مهمشة لم تعمر منذ ربع قرن، ولما استبشر السكان بالعمران الحكومي في العهد الجديد، بدأت الإنجازات الهائلة تسبح في البرك والأوحال عارية متبرجة بدون استحياء ولا خوف من شرطة الآداب.
6- لجـــن
اجتمع رئيس النقابة في منطقة نائية مهمشة مع كل العمال المطرودين وممثليهم قصد الدفاع عن حقوقهم المشروعة، بعد أن أغلق الباطرون الأجنبي المتخم بطنه المنجم لأسباب واهية، وسرح العمال فشردت الأسر والعائلات الفقيرة. قال الرئيس للمحيطين به:"عليكم أن تشكلوا اللجان، ومن كل هذه اللجان، ستختارون لجنة التي ستعين بدورها لجنة اللجان. وبعد ذلك ، ستنتخبون لجينات فرعية، ومن هذه اللجينات ستختارون لجينة إقليمية لتنتقي لجينة جهوية محاورة لتذهب إلى العاصمة المركزية للتفاوض مع مجموعة من اللجان واللجينات ، فيصل أمر القضية بعد سد أبواب الحكومة دائما إلى اللجنة التي سيختارها القصر لترجيح كفة لجنة أو لجينة ما والتفاوض بشكل ودي ونهائي مع كل اللجان واللجينات إلى أن تعود اللجينة المختارة إلى عقر دارها راضية بفتات اللجان واللجينات".
3- البستان
تنام حسناء عارية ظمأى فوق سريره، فتحولت لحظة إلى بستان طري، فتحول بدوره إلى مطر غارق...
1- تحولات
تتحول المرأة إلى جحيم لايطاق طوال النهار. وفي الليل، تتحول فوق السرير إلى ملاك رومانسي رقيق...
ـــــــــــــــــــــــــــــــــ
* هو : د .جميل الحمداوي ..قاص وشاعر مغربي
| |
|
|
|
|
|
|
| |
HAIDER ALZAIN
abas
محمد عبد الماجد الصايم
Mohammed Awad
محمد حمزة الحسين
عمار عبدالله عبدالرحمن
حامد بدري
Artiga Gilani
محمد عبدالرحيم
طلحة عبدالله
Kabar
فيس بوك
تويتر
انستقرام
يوتيوب
بنتيريست