تصدقو امبارح انا حلمان يااخوان انا حلم مشيت السودان وقضيت كل لليلى فرحان واشوف امى قاعده فى داكا البكان وابو يحلق فى دقنو قدام الديوان وناسى ياهم ذاتم فؤاد وبابكر مساعد ووديدى وعثمان وانا اسف ما لحق الاقى كل الاخوان والصورة ياها المرسومة فى ذهنى من زماااااااان والسودان ياهو السودان على مر الحقب والازمان العصفور يشدو فى البستان وقمرى يقوقى نشوان وياسلام على جمال الطاوؤس والكروان وبالله شوف كيفن الشارع مزدان والفرح منثور فى كل مكان ناسن قوبالا غل لا حسد لافيهم السباب ولا الطعان ولا اللعان تجيهم يقومو ويقابلوكا بالاحضان وبى كل ترحاب حليل الناس الحنان وانا مع ابوى فى الونسة غرقان ويجينا صوت من الجيران ياعم خلف الله انتا ماسمع ماتوفى فلان نمرق الشارع نلقا عم محمد من اللخمة والله جارى حفيان والناس يبدو عليها الالم ومافى زولا مابحس ولا هو حزنان عم حسن يقول لى ابوى الناس اتوزعو ووحدين بيصلو ووحدين صبقونا على ال######## والشباب خلاص دقو الصيوان وفى طريقنا نسلم على كل انسان هناك شفع يلعبو جنب الدكان وفى ناس كبار متلمين قالولى حمدلله سلامة والله لحق فى كم وعرس كمان وختان ولحظتا نسيت نفسى وودع لى همومى والاحزان وفجاءة يصحينى صوت الاذان والقى نفسى نائم فى نفس المكان ولا سافر ولا بارح للمكان واتارى انا يااخوان كت بس حلمان وقالو العيش حلم للجيعان والغريب حلمو يعود للاوطان
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة