حبيبة دى مره بسيطة من جبال النوبة بسب الحرب جات ولقت جبنا فى مدنى قطعة فاضية استغلتها كبيت وبيتا ده قوامو بروش وقش اوضة من جالوص0000سمعت بالخريف والسيول تذكرتها وقلت ليها
كيف ياحبيبه شعورك لما تشوفى غيمة وانتى البيتك من ش جالوص وخيمة اكيد كل همك جناكى متشيلو شيمة عشتى معانا وشهدنا كفاحك ووريتى محمدو معنى العمل والقيمة وابدا ماعاينتى ولا حقدتى على الناس الطبعا الجشع واصلا لئيمة قمت من الدغش جهزت طعامك كانون وعود حطب النيمة اكلتو وحمدتو الله قلتيلم اخير والله من اى وليئمة اديتى فرضك وعملتى وردك وماكى الفاضية ولبتحبى نميمة يااخوانا اختنا حبيبة مادرست جامعة لكن هى لى كل شى عليمة وهى الكانت هناك فى بلدا عزيزة وكريمة وجاتا الحرب ونزحت هى والله عليلة وسقيمة ولكن ابدا مازعلت ورضت بالواقع وهى الضاحكة ديمة قالت جيت استر عيالى ومنايا ارجع بلادى والقاها سليمة وهى البتراعى حق الجيرة وطبعا سمح ومحياها وسيمة وفى جبهتها علامة الصلاة وهى الام والاب حنونة رحيمة جرت سلك للكهربا من الجيران نورت بيتا بدت تعمل بى همة وعزيمة ناضلت وكافحت وحصادا حب الناس وهى بالجد انسانه عظيمة والله ياحبيبة انتى مثال وتحتاجى تكريم وعمل تمثال ومابكفيكى كلام ومقال اكلتى اولادك لغمة حلال من تعبك وعرقك السال مليون تحية اديتى رسالتك وربيتى رجال
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة