طارى الجيى وكل ما لا مقفله وماشى لى قدام وتزيد منى بعد وعلا اشتهيت الزول العيون مكحله وجانى العيد واتذكر ناسن حلوين حلا سائل الله الكريم امورى تحلحلا ودربى الرسمتو بعد استخارة وذكر الله ولىالحبيب كترت الصلاة وانا السلك دريبا عديل مافيهو لولوة مرسوم بى كل دقة هندسة مثلت ومنقله ومافى زولا بشوف فى دنياهو والحياة الله مو طالقا سمبلا ممكن تلاقيك ياعصفور بعض الصعاب والهرجلة ولو طاش سهمك لا تياس عيد وكرر وحاولا وحتى تنال مبتغاك عليك بالعمل والصبر ومسيرتك واصلا قريب باذن الله تدخل بالشموع والجميع يقولك ياهلا وياهلا وبى فرحة تنزل تنزل دموع الشوق وللخواطر تهديها وتبللا بس فى شيتن مبيخلى اللوحة مكمله بعدك بلقا الحوش خلا وياحليل امى الفاضلة وهى كانت عندى الفاضلة وعمرى ماختيتا فى مقارنة مع حد او فى مفاضله وكان منايا اجيكى وابرك وراسك وايدك اقبلا ورحلتى وخليتينى اندم على كل يوم ضاع فى الغربه وعزايا الله هو العارف خبايا الاسرار ويعلم الاحوال والمسالة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيس بوك
تويتر
انستقرام
يوتيوب
بنتيريست