تحية للجميع و رمضان مبارك عليكم إن شاء الله لفتت نظري عبارة للزميل اسامة في بوست فتحه محمد حامد جمعة منتقدا سلوكا غير لأئقا لإحدى الصحف العبارة تقول - في ما معناه: ان محمد لا يشبه الكيزان وأخلاقهم وكثيرا ما تلاقينا تشبيهات زي دي أن فلان كويّس لكنه كوز, حسب فهمي أن قولة كوز كناية عن انه منظم تبع حزب أو اتجاه سياسي معيّن يعني زيّو وزي شيوعي, اتحادي, حزب أمه .. إلخ لكن لماذا صارت قولة كوز عند البعض دلالة على أخلاق معينة سالبة أها عايز أعرف ماهي أخلاق الكيزان السيئة المقصودة و كبياض كدا ما انتقده محمد حامد في البوست المذكور كان تناول صحيفة لِشأن خاص بياسر عرمان وأسرته فا احد هذه الأخلاق المعنية ممكن نقول تناول و التعدّي على خصوصيات الناس
07-01-2013, 12:28 PM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
موضوع شرف الخصومة هذا غبض من فيض لكن لو عايز كيس تو استدي استمع لحطاب مرسي العياض الاخير عن الوضع الراهن في مصر وانت تستمع ذكر نفسك باستمرار بأن المتحدث هو رئيس الجمهورية وتأكد ان هم ذهبت اخلاقهم ذهبوا
فالكوز ليس بينك وبينه خصومة لانه في رأيه تجاه الاخر انه كافر لا يستحق ان يكون علي وجه الارض
و عندما تري موقفا مخالفا لاحدعن تأكد من لدية دافع شخصي و ليس الحيثية الاخلاقية
07-01-2013, 12:49 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
يا ابو يمن خليني من العد للصباح النمسك القلتها دي (الغاية تبرر الوسيلة)
5 - الكيزان ميكافليين
ابو رغيم مالنا بي المصريين و الغرباء خلينا في ناسنا هني, لكن لنفترض انو كلامك دا عن جماعتنا
Quote: فالكوز ليس بينك وبينه خصومة لانه في رأيه تجاه الاخر انه كافر لا يستحق ان يكون علي وجه الارض
و عندما تري موقفا مخالفا لاحدعن تأكد من لدية دافع شخصي و ليس الحيثية الاخلاقية
6- (تكفيريين) ممكن نسميها اقصائيين 7- الآخر المختلف لا يستحق ان يكون على وجه الأرض ممكن نسميها لا يعترفون بحق الإختلاف 8- دوافعهم شخصية حتى في المواقف النبيلة
تمام يا شباب !
07-01-2013, 12:51 PM
أيمن الطيب
أيمن الطيب
تاريخ التسجيل: 09-19-2003
مجموع المشاركات: 5845
** ود البُشرى.. ** سلام.. ## لا علاقـــة لــهم بأول كلمه من عنوانك .... ** ولاعلاقة لهم بالدين الذى نعرفه والذى يدعو لمكارم الأخلاق .. فمن أخلاقهم الولاء للتنظيم وليس الولاء للدين , وهُم أبعد الناس عن الدين .. ## وبالتالى حسب تصنيفى الخاص لهم لاأخلاق لهم ... وماخُــفــى عــن سـلوكياتهم أعـظــم!!!!!! (ودام الود بيننا)
07-01-2013, 01:03 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
وعليكم السلام ابوفؤاد كيفن ما عندهم علاقة بالأخلاق, ما قلنا عندهم أخلاق سيئة يكفي قولة انك كوز حتى تتصف بها و عايز أصنّفها وافرزها شنو هي اخلاق الكيزان السيئة دي الولاء للتنظيم لا للدين دي ما عرفات اصنّفها كيف كخلق سيئ, فوق قلنا كذّابين و يستخدمون الدين مطية لأهداف دنيوية يعني تمشي كذّابين الفوق على قصة الولاء للتنظيم دي؟
07-01-2013, 01:10 PM
أيمن الطيب
أيمن الطيب
تاريخ التسجيل: 09-19-2003
مجموع المشاركات: 5845
غايتو يا ابو الريش منسوبي الحكومة - على الأقل في المنبر - ما بخجلوا منّها ولا شايفنها شتيمة النفى ليك دا ما يمكن صادق وفعلا هو ما كوز, أشققت قلبه :) المهم كدي ادينا من عمايلهم نماذج تنفع تتخت في لستة (أخلاق الكيزان)
Quote: أسوأ من سوء الظن نفسه,,
ودي ح اكتبها ازاي يا حسين هههههههه ياقريبك قلنا ليك ادينا صفات تصلح تنزل في اللستة
وعليكم السلام عبد اللطيف يعني نقول : 9 - مستهبلين 10 - يستعبطون الناس
07-01-2013, 01:29 PM
بشير أحمد
بشير أحمد
تاريخ التسجيل: 03-21-2008
مجموع المشاركات: 10017
Quote: 5 - الكيزان ميكافليين 6- (تكفيريين) ممكن نسميها اقصائيين 7- الآخر المختلف لا يستحق ان يكون على وجه الأرض ممكن نسميها لا يعترفون بحق الإختلاف 8- دوافعهم شخصية حتى في المواقف النبيلة
ممكن تدينا امثلة بشواهدها.
غايتو ح تلم بقايا الشيوعين ومن طقّتهم(ومن امثالهم)
07-01-2013, 01:38 PM
osman righeem
osman righeem
تاريخ التسجيل: 06-21-2007
مجموع المشاركات: 10872
يا بشة اوعى تكون اتحسّست ههههههههه كدي خلينا ننتهي من حصر الصفات الشايفنها فيكم الناس وتعالوا انتوا فنّدوها واحدة واحدة و زرزروا قائليها في موضوع الشواهد و حاججوهم لكن كرمال جيتك دي يمين ما ترجع فاضي بالنسبة للميكافيلية فا حكاية تسليم ملفات المجاهدين و التعامل مع السي آي إيه اللي للمفارقة قبل كم سنة كان مفروض تلم جدادها و دنا عذابها تكفيريين دي انا اشوف اقصائيين انسب, ودي ما دايرالها شاهد يا بشير ولاّ كيف أما عدم الاعتراف بحث الآخر في الإختلاف فدونك و وصف اي مخالف بانه عميل لدول اجنبية و مرتزق وبلا بلا بلا الأخيرة دي عاد أسال منها ابو رغيم بتدخلنا في قراية نواياوافتراضات وكلام من دا
07-01-2013, 01:48 PM
بشير أحمد
بشير أحمد
تاريخ التسجيل: 03-21-2008
مجموع المشاركات: 10017
سلامات يا عمك اتخيل لي السياسيين اغلبهم سواء كانو كيزان او او او , بشتركو في حاجات كتيرة سيئة الكذب و الغاية تبرر الوسيلة و التلفيق دي صفات مشتركة عندهم كلهم في الجامعة إبان توقف اتحاد الطلاب لفترة طويلة جات فكرة روابط الكليات اي كلية بتنتخب المكتب التنفيذي للرابطة بتاعتها في كليتنا تم انتخاب المكتب و رئيس الرابطة طلع فردتنا و نقوم و نقع سوى و حكمة ربك زول مجتهد و متفاني شديد و في زمنه الكلية شهدت حراك "حراك دي ريحتني والله" شهدت حراك في كل المجالات و عيبه الوحيد انه ما كان منظم, اها لمن جات فكرة استعادة اتحاد الطلاب من جديد, بدأت التنظيمات في الحشد و الاستقطاب احدى التنظيمات " الغريبة ما الكيزان" لمن غلبها تستقطبو باعتبار انو رئيس الرابطة و شخصية فاعلة و مؤثرة بين طلاب الكلية طلعو بيان تاني يوم و وزعوه بين الطلاب إنو فلان الفلاني اللهو رئيس الرابطة "أمنجي" من ديك عرفت ليك الشغلة كلها مواسير في مواسير
07-01-2013, 08:16 PM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
معقول? بوست لتعديد اخلاق الكيزان السيئة? ام ده بوست -كان مفروض يكون -ذى بوستك ده : حتى لا يكون الكلام مجاني: أقلام معارضة قوية تركت المنبر... الكيزان كعبين يا ود البشرى...و ما محتاجة بوست. و لو عاوز امثلة فى التعدى على خصوصيات الناس و التجنى عليهم.... اذكرك بصحيفة الراية و الالوان ايام الديقراطية. اصلا الكيزان هم من ادخل السخف ده فى السياسة السودانية. و فى البورد بوست علا الدين اللى فيه التقرير الطبى بتاع صفية ما بعيد. حقيقي انا ما شفتا انحطاط اكتر من البوست اياه. لحدى الان و كل ما اصلى -واكون متذكرة الموضوع ده- برفع يدى و اسال ربنا ينتقم منه فى الدنيا قبل الاخرة.
________________________________________ شفتا يا ود البشرى....هنا بتبقى الرمادية (او الحياد) شيء ما كويس. و عشان ما ابقى محايدة ذيك ...ح اقول ليك ان الرمادية شيء سي الان فى الوضع الواقع فيه السودان ده.
07-01-2013, 09:49 PM
محمد أبوالعزائم أبوالريش
محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
Quote: بغض النظر عن (باشمهندس) اظنك عايز تعمل اسقاط
لا ياخ لا تغض النظر عن (باشمهندس) ففيها الكنتة و الدهن كلّو - راجع تصنيفات الحبشي لقراءة المهندسين :) وبالنسبة لظنك عن الإسقاط, فا بعض الظن إثم :)
يا بشّة القصة ما هلال مريخ, بعدين قول عملنا بوست عن أخلاق الشيوعيين و طلعوا اولاد لذينا و أخلاقهم أسوأ من أخلاقكم - جدلا ساي هل دا بعفيكم من ارتباط تسمية كوز بالأخلاق السيئة في أذهان الناس ؟؟ انت عليك بما يليك لا زم بعد نهاية الحصر تمسك الإتهامات دي واحدة واحدة وتفنّدها أو كمان تعترف بيها في النهاية طلعتوا ولاّ نزلتوا انتو حزب سياسي - وكمان حاشين افكارنا بإنكم أصحاب رسالة :) - فضروري تراعوا لصورتكم في أذهان الجمهور المستهدف بطرحكم و رسالتكم, ولاّ شنو؟
هلا هلا حسبو كيفك
Quote: اتخيل لي السياسيين اغلبهم سواء كانو كيزان او او او , بشتركو في حاجات كتيرة سيئة الكذب و الغاية تبرر الوسيلة و التلفيق دي صفات مشتركة عندهم كلهم
قد وقد لا يكون التعميم صحيح لكن الحقيقة القدّامنا هنا انو الكوز فقط - على الأقل في البورد - هي ما ارتبطت في الأذهان بالخصال السلبية دي ليه حصل الربط دا و شنو هي الخصال المقصودة, دا البحاول اصل ليه في نهاية البوست - لا مانع من بعض البونص وكدا بالطبع
هلا هلا بالـ (باشمهندسة ) سمارت انا
Quote: معقول? بوست لتعديد اخلاق الكيزان السيئة? ام ده بوست -كان مفروض يكون -ذى بوستك ده : حتى لا يكون الكلام مجاني: أقلام معارضة قوية تركت المنبر... الكيزان كعبين يا ود البشرى...و ما محتاجة بوست. و لو عاوز امثلة فى التعدى على خصوصيات الناس و التجنى عليهم.... اذكرك بصحيفة الراية و الالوان ايام الديقراطية. اصلا الكيزان هم من ادخل السخف ده فى السياسة السودانية. و فى البورد بوست علا الدين اللى فيه التقرير الطبى بتاع صفية ما بعيد. حقيقي انا ما شفتا انحطاط اكتر من البوست اياه. لحدى الان و كل ما اصلى -واكون متذكرة الموضوع ده- برفع يدى و اسال ربنا ينتقم منه فى الدنيا قبل الاخرة.
معقول يا سمارت ليه لأ؟ قصة نمشي على عمانا و نشتري اي تراش دي انت عارفة ما عندنا هنا, لازم نسال و نحاقق اي كلام يطلق كحقائق و نستخدم عقولنا لفرزه قبل تمريره فكرة البوست شبيهة بفكرة البوست الجبتي رابطه دا, حتى لا يكون الكلام مجاني و مطلوق ساي البقول حاجة وعايزها تمشي كحقيقة لا تقبل الجدل اليثبتها أول و يراعي انو بخاطب من يستخدمون عقولهم مسالة الأمثلة دي ما جاء وقتها الآن, يمكن نحتاج ليها لقدّام ويمكن لا, دا بعتمد على أخونا بشير وصحبه هل ح يقبلوا ما يصفوهم به الناس ولاّ عايزين يحاججوا بالنسبة لبوست علاء الدين كويس انك قلتي (أنا ما شفت ...) وما خليتيها مطلقة او عممّتي شوفك, لأنو الحاجات نسبية, انا مثلا شايف انو هنا عشرات البوستات تفوقه انحطاطا بما لا يقاس
Quote: شفتا يا ود البشرى....هنا بتبقى الرمادية (او الحياد) شيء ما كويس. و عشان ما ابقى محايدة ذيك ...ح اقول ليك ان الرمادية شيء سي الان فى الوضع الواقع فيه السودان ده.
ياود البشرى انت عارف امس مريت علي هذا البوست في بداياته كنت اظنه تهكمي لذلك مررت عليه سريعا ...اول حاجة ممكن اسالك سؤال في اي حقبة زمنية درست الجامعة ؟؟؟ لانو الاجابة علي هذا السؤال مهمة جدا و بتختصر موضوع النقاش وممكن تضع النقاط علي الحروف ...
Quote: لكن الحقيقة القدّامنا هنا انو الكوز فقط - على الأقل في البورد - هي ما ارتبطت في الأذهان بالخصال السلبية دي
إستوقفتنى عبارة على الأقل فى البورد!!! البورد يا محمد لا وزن كبير له فى الواقع الحقيقى وشريحة معينة وضعيفة من الشعب السودانى تتعامل معه وإدمانه قد يصيب من يجعل منه مرجعية فى كل أموره بحالة غريبة من الإبتعادعن الواقع الحقيقى وإرتباك نظرته لأشياء كثيرة ,,,
ليس ما إرتبط بأذهان الناس فى البورد يا صاحب,, الواقع الحقيقى يقول أن مجرد إرتباط شخص الآن بمنظومة الفساد والكذب والسرقة والنفاق والغش ونهب أموال الناس والدولة بالباطل لا يمكن أن ينجو من بعض التوصيفات وإن كان إحتمال أن يكون هذا الشخص فى نفسه غير ذلك ولكن مجرد وجوده داخل دائرة ذلك التنظيم يضعه تحت الإشتباه بقوة ويجعل من إتهامه بأنه إما مستفيد أو متكسب أو منافق أو إنتهازى أو مغفل أو متسلق وعديم مثل وأخلاق ومبادى أمرا طبيعيا,,, هنا لن نتحدث عن جرائمهم تجاه الوطن وإنسانه ورهنهم له لكل من يضغط أكثر وتضييعهم وتحطيمهم لأشكال الحياة المختلفة فتلك ندعها تتحدث عن نفسها,,,,
التلويث قد يحدث دون أن يشعر الفرد والمبادئ التى كان عليها جيل الكيزان الأول والتى مات عليها الكثيرين نفهمها تماما ولكن إذا جاء إلى الحياة الأن أناس كالزبير وإبراهيم شمس الدين وعلى عبدالفتاح ومختار محمدين كأمثلة متفرقة لأجيال الإسلاميين الأخيرة صدقنى ستكون مصيبتهم فى تنظيمهم والرفاق أعظم مما نتخيل,,
أهواء النفس و السلطة والمال تجعل من الإنسان ضعيفا وعندما يتحطم حاجز الحماية الأخلاقى الأول يتوالى السقوط,,
الأمثلة الحية والأسماء والشخوص موجودة حولنا وقربنا وفى أذهاننا وحياتنا بكثرة ولكن ليس من مجال وليس من أسباب لتناولها هنا,,,
والله الواحد نفسو يقول ليك أخلاق مين الإنت جاى تقول عليها
التنظيم ذو المبادئ إنهار زمان وحل محله التشكيل الذى تراه ماثلا أمامك الآن ولك ولى ولكل شخص أن يحكم حسب معاييره...
تحياتى
07-02-2013, 09:00 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
البوست ما تهكمي يا اسامة بالعكس انا جاد فيه, بوستات التهكّم بزيّنها بأيقونة ضاحكة انا درست الجامعة في الفترة من تسعين لا خمسة وتسعين طبعا اخوك محتار في كيف المعلومة دي ح تختصر النقاش وتضع النقاط فوق الحروف !!
يا ابو يمن متفّفق معك مية في المية في عدم اخذ البورد كمرجعية لذا بكون حريص دايما على الإستثناءات و الجمل الإعتراضية البتحصر ما اطرحه واناقشه في البورد فقط لأن اطلاق أحكام عامة - زي كون قولة كوز مرتبطة في اذهان الناس بأخلاق سيئة - في حالة الحديث عن الواقع الحقيقي صعبة جدا بل مستحيلة بدون توفر بيانات احصائية, حتى في البورد لا تتوفر هذه البيانات الدقيقة لكن تجاوزا و من المتابعة وتفاعل الأعضاء ممكن الواحد يطمئن للنتائج التقريبية باقي الحديث نسبي و يؤخذ منه و يرد مشكلتنا يا أيمن اننا نفكّر لنا و للآخر برضه, ونحكم بزاوية شوفنا فقط بل وأحيانا يبلغ بنا التطرف أن نحجر عليه حق ان يكون ليه زاوية شوف مغايرة, ونلجأ لتخوينه وشيطنته و تجريمه على سبيل المثال ومن مداخلتك اعلاه و الكوت التالي
Quote: إحتمال أن يكون هذا الشخص فى نفسه غير ذلك ولكن مجرد وجوده داخل دائرة ذلك التنظيم يضعه تحت الإشتباه بقوة ويجعل من إتهامه بأنه إما مستفيد أو متكسب أو منافق أو إنتهازى أو مغفل أو متسلق وعديم مثل وأخلاق ومبادى أمرا طبيعيا,,,
أنا لا اتفق معك في مجملها ولا اراه امرا طبيعيا أن اتهم - لنقل الزميل بشير أحمد مثلا - بكذا كذا دون دليل لأنه فقط كوز!!
07-02-2013, 09:24 AM
أيمن الطيب
أيمن الطيب
تاريخ التسجيل: 09-19-2003
مجموع المشاركات: 5845
الفرد إذا كان مصرا على التواجد فى مواضع الشبهات فليتحمل التبعات وإن كان ملاكا!! الناس فيها البسيط جدا كمعظم حال أهلنا وزى ما مشت فيهم من زاوية مغايرةأن الشيوعى مثلا بالضرورة ملحد وكافر وغير موحد وفاسق ولا عهد له ولا دين له,,
نفس السيناريو يتكرر ووجود الأخيار الأتقياء الأطهار فى وسط عصابات من اللصوص وتجار الدين والمنافقين والمتنفيعن والمتكسبين بإسم الدين والمخادعين لخلق الله بإسم الله وإسم رسولنا عليه الصلاة والسلام مثلا حتى وإن كانوا هنالك بقصد محاولات إصلاح الحال يجعل منى أنا الإنسان البسيط وغيرالمسيس وغيرالمهتم كثيرا بلولوات السياسة وقذارة ألاعيبها وكذبها أنظر فقط للمحصلات,,,
السؤال سيكون الزول الكويس المتدين الخلوق المحترم دا المقعداه مع ناس زى ديل شنو؟؟؟؟ أوجه الشبه والإتفاق يا ربى ممكن تكون شنو!!!
إذا إتفقنا على سوء الأخلاق وسوء الأفعال والأقوال وسوء النوايا سنتفق على الباقى بسهولة,,
تحياتى
07-02-2013, 09:28 AM
محمد أبوالعزائم أبوالريش
محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
Quote: وليه منتظرو من أبوحتوت؟ أبو حتوت عمل (أخلاق الكيزان)، لو شايف ضرورة للبوست الإقترحتو أعملو إنت. بعدين مين قال (كيزان) بتقابلها (شيوعيين
زولك ده ، أعني بشير في ظني مشى مع قرآءة جمال لهدف البوست أن يمهد ودالبشرى بالسؤال عن أخلاق الكيزان وبعد أن يتلق الإجابات يقول : طيب ما معيط و زعيط برضو بيعملو كده
07-02-2013, 09:40 AM
usama Babiker
usama Babiker
تاريخ التسجيل: 01-07-2013
مجموع المشاركات: 2285
Quote: البوست ما تهكمي يا اسامة بالعكس انا جاد فيه, بوستات التهكّم بزيّنها بأيقونة ضاحكة انا درست الجامعة في الفترة من تسعين لا خمسة وتسعين طبعا اخوك محتار في كيف المعلومة دي ح تختصر النقاش وتضع النقاط فوق الحروف !!
كويس ياود البشرى في اواخر التسعينات عاصرنا الكيزان وكنا نعتقد بانهم حقا يعملون من اجل الدين ... وفي هذه الفترة بالذات استخدم هؤلاء اي اسلوب يخطر ببالك من اجل الحصول علي مقاعد الاتحادات ... تزوير علي مرأى ومسمع ودون خجل ... استخدام جميع اساليب الترهيب والابتزاز للطلاب الذين يخالفونهم في الفكر ... وسؤالي ليك للفترة الجامعية لانني اعلم تماما بان من عاصر الكيزان ايام الدراسة الجامعية ورأى فعايلهم ... بدون ادنى شك بدون اخلاق زاته في عضمة ده لا اظن بانها الوصف المناسب لفعايلهم ... انت تشوف التزوير امام عينك وخج الصناديق بواسطة العساكر استخدام جميع وسائل الترهيب والابتزاز لقمع من يخالفهم الراي ادخال العنف والقوة والعسكر في الجامعات الاغتالات التي تمت للشرفاء كانت تتم بايحاء من زملاؤهم في الدراسة الكيزان ..( الشهيد محمد عبد السلام مثالا ) وردي لمحمد حامد جمعة بانه لا يشبه الكيزان لاني رايته كثيرا يقف مع الحق ونقده لتلك الصحيفة موقف منه اراه مشرفا ... ولا يشبه اخلاق الكيزان الذين يبحثون لمثل هذه الامور للاغتيال والابتزاز ..... انت ياهندسة الاخلاق غيروها ؟؟؟ لم ارى اجمل من وصف الاستاذ محمود محمد طه لهم ( انهم يفوقون سوء الظن العريض )
07-02-2013, 02:32 PM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
الكلام ده قبل ما يكون كوز وحينما كان والان عندما تركهم لم تتغير اخلاقه بتغيير موقفه السياسي
لكن برضو كلام اخونا ايمن صاح .. البخت نفسه في سله واحده معاهم يقبل الحكم العام عليه
الاصل في الحكم على البشر ان تفرض فيهم حسن النية والاخلاق الحميده .. إلا ان تاتي التجربة بغير ذلك .. او افادة من شخص موثوق ومشهود له بالصدق
في حالة الكيزان يكون العكس الحكم عليهم يكون بفرض سوء النية عليه .. وذلك لتجارب الناس معهم .. ويستثنى من تثبت لك التجربة عكس ذلك .. او تاتيك عنه افادة من شخص موثوق وصادق
سلام يا ود البشرى كوز حالياً في السودان تعادله كلمات كتيرة في السودان امثال :- قاتل ، جشع ، حرامي مستهبل ، دجال ، مختلص ، تمساح ، كذاب ... الخ الصفات الذميمة. ممكن برضو يا ود البشرى عشان تعرفهم اخلاقهم ترجع للتاريخ القريب (خليك من القدييييم داك بتاع المشاكل بتاعة الإنقسام بين جعفر كرار و الترابي و قصة الغاية تبرر الوسيلة) ... شوف بس من (اذهب للقصر رئيس و ساذهب للسجن حبيس و اقرأ معاها الإفادات الطلعت قبل فترة عندما كان الترابي في السجن و كان على عثمان الكل في الكل عشان تعرف كيف اخلاقهم فيما بينهم (خليك من ساعة قبلو على الشعب المسكين) و اقرأ برضو اخلاقهم لحظة الإنقسام بينهم (و طني و شعبي) و شوف الإنقسام دا و ضح اخلقهم لياتو درجة ... وشوف الترابي قال شنو في ما سموهم بالشهداء في اول حكمهم عشان تعرف ماذا تعني الأخلاق لديهم . برضو ممكن تشوف قصة الغاية تبرر الوسيلة دي في كل مشوار الاتفاقيات بينهم و بين من يحملون السلاح و كيف انهم لا يهمم حل قضية الوطن بل يهمهم شراء ذمم من يعارضونهم و بالفلوس اولاً و برضو شوف اخلاقهم بتعيين رجل هم يطلبونه للمحاكمة القانونية بتهمة التخريب و ياتون به كنائب للرائيس (الحاج آدم). و كتييييير كتييييير يا ود البشرى و ممكن اعدد ليك من هسي لشهر قدام بس الفوق دا حاجة سريعة .
كن بخير .
07-02-2013, 03:22 PM
محمد حمزة الحسين
محمد حمزة الحسين
تاريخ التسجيل: 04-22-2013
مجموع المشاركات: 1437
Quote: يا بشّة القصة ما هلال مريخ, بعدين قول عملنا بوست عن أخلاق الشيوعيين و طلعوا اولاد لذينا و أخلاقهم أسوأ من أخلاقكم - جدلا ساي
ود البشرى يا هندسة اذا كان الكيزان بكل هذا القبح وحكموا 24 سنه ومشاين فى السكة يمدوا الرماد كال خشم المحكومين ديل لان الحديث يقول كيفما تكونوا ويولى عليكم انا شخصياً بعتبر الشعب السودانى شعب واعى وراقى ومتحضر والبحكموهو ديل اذكى مما توقعت كوندليزا رايس او كما قالت فى احدى جولات التفاوض فى اديس ولكل مجتمعِِ شواذهـ : : : مع التحيات لله الزاكيات
07-02-2013, 04:23 PM
معاوية الأرباب
معاوية الأرباب
تاريخ التسجيل: 07-03-2008
مجموع المشاركات: 1066
غايتو ده مدير الجمارك مدير الامن القومي مالقييت ليو فيديو كااااااااااااااااااااااااااك داك قالو عندو فرار طقو ركب وراس اخلاق الكيزان في الميزان لازم نتكلم باللاوندي يعني
07-02-2013, 06:30 PM
المر
المر
تاريخ التسجيل: 11-08-2007
مجموع المشاركات: 2265
إيييييك.. لوم السواد والله يا شباب ابو الريش ابوساندرا اسامة الشفت عبد اللطيف سوفي نب محمد حمزة معاوية حامد المر شكرا جزيلا على التعليق, ومعذرة على التاخير وما تجاهل والله لكن القلم - الكيبورد - كالقدم ليه رافع زي ما بقولوا ورمضان كريم عليكم جميعا إن شاء الله قبل ان اعود لتعليقاتكم اشوف كنا واقفين وين بالنسبة لموضوع البوست
عندما نقول فلان كوز - في البورد - يتبادر لأذهان البعض أن له الأخلاق و الصفات التالية : 1- متعدي على خصوصية الآخر 2- كذّاب 3- لاشرف له في الخصومة 4- لا خطوط حمراء له 5 - ميكافليي 6- (تكفيري) للتخفيف اقول - اقصائي 7- لا يعترف بحق الآخر في الإختلاف 8- دوافعه شخصية حتى لو اتخذ موقفا نبيلا 9- مستهبل 10 - يستعبط الناس - قول يستغباهم
ها .. حد عايز يزوّد ولاّ نسقف على كدا :)
07-26-2013, 01:06 PM
amir jabir
amir jabir
تاريخ التسجيل: 01-12-2006
مجموع المشاركات: 5550
ارجع اقرأ أول البوست بتقع ليك الفكرة بالنسبة لكلام ناس الشمال وما ناس الشمال حاول اطلع من صندوق العنصرية الحاصر تفكيرك فيه يمكن حينها تقدر تفرز الكوز من الما كوز
07-27-2013, 01:07 AM
ibrahim alnimma
ibrahim alnimma
تاريخ التسجيل: 03-28-2008
مجموع المشاركات: 5197
سلام ياودالبشري ورمضان كريم : ساحاول الخروج شوية بفكرة لعلها جديدة عما كتبه بعض الزملاء ......فالاخوان لا يعتمدون علي نبش سيرة بالشينة فقط ....فهم ايضاً يمتدحون بعضهم البعض ....مثل الايادي والمتوضئة والزول ده خلوق وود قبايل وود ناس وكريم واصيل .......وووووو هذا منهج سواء اتت سيرة الناس علي السنتهم سلباً او ايجابا ......وبتقديري ان هذا منهج فكري يعتمد الانسان بغض النظر عن فكره ......فالاخوان يقدمون عضويتهم بناءاً علي سرتهم الشخصية سواء كانت مقطوعة من الراس" ايجاباً" او انها ملفقة "سلباً " والانسان الذي يعتمد في حياته السياسية علي فكرة معرفة كنه الزول لا تفكيره واراءه السياسية حري به ان يتتبع سيرة الناس .......وبالمناسبة الحاجات مثل هذا السلوك موجود في المجتماعات المتخلفة والردئية وقليلة العمل والحراك ......"الحرااك دي بالمناسبة بذكرني بالكوز بدر الدين اسحق ولذلك اتحفظ عليها شوية " ولذلك تلاقي الكوز سريع الوصف للشخص دون الولوج لما كتب .....ولذلك تجد الواحد لا يتحدث عن مطالب ياسر عرمان السياسية فطوالي يقول ليك هو جعلي الحشرة مع حركات دارفور والنيل الازرق شنو ؟ وطبعاً دي نفسها شخصنة للعمل السياسي سواء تمت لياسر او وصف الاحتجاجات كلها باعتبار انها احتجاجات خاصة بقومية معينة ........... ومثل هذا الضرب من تناول القضايا العامة تجده ايضاً عند الكثير من رجال الدين فهو لكي يتناول موضوع معين تلاقيه يضرب ليك مثل عن واحدة جاءت كلمته عن زوجها الذي يحشش أو اخوها الذي يزني ......نعم قد لا يذكر اسم الشخص او السيدة ولكنه يبدو انه متصنت من الدرجة الاولي ....وهذه الطريقة لا تناقش القضايا من وجهة نظر علمية بعيدة عن العنعنة .............وكما اسلفت مثل هذه الطريقة في الحديث فضلاً عن انها طريقة غير علمية فهي طريقة تنم عن اخلاق ردئية وخبيثة ..... كما ان هناك ضرب اخر من التعالي في الحديث في الشان العام ......فتجد انهم يتحدثون بلغة امنية .......متعالية تهدف لتجهيل المستمع وصبغ حديثه بالوثوق والصحة المطقلة ......فمثلاً الكوز يقول ليك عندنا معلومات مؤكدة بتشير لكذا وكذا ......حتي لو عندو معلومات زي دي انا مالي ومالها ان لم يثبتها........وماعلاقتي انا المستمع او المحاور بمعلوماته الخاصة ......ان لم يتم اثباتها وطرحها ......وزي الكلام ده بتلقاه من اصغر كوز اي مرسي العياط ...... من الطرائف في هذا الشان اني كنت في حوار مع احد اقاربي الكيزان ......وكان ايام الجهاد ديك ......فقد ذكر لي قريبي بان الشهيد قد راؤوه اقوام كثيرين بانه في الجنة بجانب الحور العين يمازحهن ويلاطفهن ......وكان فاكر انو مافي طريقة لنقاشه لانه استند لرؤي في المنام حيث ان في المنام لا يكون شهداء ولا يمكنك ان تطالبه بالاثبات لان الشريط غير قابل للاعادة ......فقلت له ياقريبي ان رؤياك هذه ليست لها دليل ولو كانت شهادة .....فهاك رؤيتي فانا قد رأيت شهداءك هؤلاء في النار ومزرزرين في في اموال الناس والغش والنفاق ......يعني الكذب بقروش ماهو حلم في حلم فضحكنا سوياً وانتهي الحوار الي مزاح والحمدلله هو خرج منهم والان يعترف باكاذيب لهم ما انزل الله بها من سلطان....... كما اسلفت ان الكيزان هم اكثر التنظيمات السياسية خواءاً وضعف لذلك تجدهم ميالون للشخصنة العمل السياسي .....فهم مثلاً عن الصعيد السياسي حينما يدور حديث عن ضعف الجيش وضعف تصديه للامن القومي فانهم يرمون بالوم علي وزير الدفاع ........وربما يكونو صادقين في قصر نظرهم لان هذه تربية التنظيم الذي يربي عضويته علي السمع والطاعة وترديد الكلام الرسمي التنظيمي .......ولكن المشكلة الحقيقية التي اخفاءها عليهم التنظيم هي عمومية المشكلة وليس وزير الدفاع ..... وحينما ينتحدث عن تدهور العملة الوطنية يصوبون سهامهم نحو وزير المالية وهكذا وصلاً الي وزراة الثروة الحيوانية والسدود ......فهم لا يتحدثون عن النظام ....اذن منهج الحديث عن الافراد هو منهج مميز ولصيق ومنطقي لمن تربي في مدرسة الاخوان المسلمين .......
07-27-2013, 01:32 AM
الشفيع وراق عبد الرحمن
الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
ود البشرى سلام يغشاك ودايما بتجينا بي مواضيع متجددة او بزوايا جديدة
شفت البوست قبل فترة وكنت ناوي اخش بحكم اني كوز، ودايما بقولوا لي اني ما بشبهم ثم انشغلنا بالصيام واختفى البوست هسع لفتتني ليهو مداخلة اخونا ابراهومة، مع اني ما قدرت اعرف هو داير يقول شنو :)
المهم على قولك نرجع لي موضوع البوست فنعم، دايما بنشوف هنا وفي الحياة العامة ناس يقولوا فلان ده كويس شديد واخلاقه ما بتشبه الكيزان وتتكرر الحكاية كتييير طيب يا ود البشرى موش ممكن ولو باحتمال بسيط "نكون" فرضنا شيء غير صحيح لما يصطلح عليهو اخلاق الكيزان المفروض تكون؟ كدي حاولوا ناقشوها وادرسوها من الزاوية دي
ايوا لقينا الهوا ماشي كده، وقنا نضري عيشنا
07-27-2013, 10:44 AM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
Quote: موش ممكن ولو باحتمال بسيط "نكون" فرضنا شيء غير صحيح لما يصطلح عليهو اخلاق الكيزان المفروض تكون؟
يلا يا الشفيع وباعتباري من الناس البتشكك انو احتمال يكون افتراضهم غير صحيح بالتبادي اخلاق الكيزان - ده ما افتراض! - الافتراض هو ما ليس مثبت او على الاكثر غير مثبت بشكل كافي اما (معرفتي، معرفتنا) ناتجة عن معايشة ومزاملة وواقع ينطق بسوء الكيزان الناس ما عبثاً ساي كده افترضت انو الكيزان كعبين !، الناس عايشت الكيزان في الدراسة وفي العمل وفي الاحياء ووصلت للقناعة والمعرفة دي! فبالتالي الناس لما تلقى فرد (كويس الى حد ما) بتقول انو ده اخلاقو ما زي اخلاق الكيزان !
07-27-2013, 11:20 AM
الشفيع وراق عبد الرحمن
الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
مراحب ايمن وانا موافق لاخضاع الافتراض للاختبار وبما انه لا يوجد جهاز "اخلاقوميتر"، فيلزم ان نجتهد بطرق فنية محترفة للفحص والقياس
يلا جيب مسطرتك وادواتك وانا جاهز
وعشان نأسس للموضوع، اعتبر جملتك دي:
Quote: اما (معرفتي، معرفتنا) ناتجة عن معايشة ومزاملة
نقطة بداية معقولة، نجمع "معارفنا" كلها (انا وانت وهم)، ونطلع الخلاصة
يعني المطلوب استطلاع راي عينة عشوائية عايشت الكيزان والمفروض تكون العينة معتبرة، يعني حوالي 3-5 الف شخص، مختلطة ذكر/انثى اعمار مختلفة، من مناطق مختلفة من السودان اذا موافق، نبدأ على طول
07-27-2013, 01:19 PM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
هلا يا الشفيع ملاحظة مهمة جدا فرضيتك كالآتي: اعتقاد السودانيين بأن اخلاق الكيزان سيئة اعتقاد خاطئ (السودانيين فاهمين الكيزان غلط) وهذه الفرضية تختلف عن: لا يعتقد أغلبية السودانيين بأن اخلاق الكيزان سيئة (بل اغلبية السودانيين بيعتقدوا ان اخلاق الكيزان حسنة) وتختلف عن: اخلاق الكيزان ليست سيئة (بغض النظر عن السودانيين بيعتقدوا شنو اول حاجة خلينا نتفق على الفرضية عشان نمشي لمسألة نثبتها او ننفيها كيف
-ــــــــــــ حدود الاستبيان مفروض تكون في حدود القدرة على اجرائه
07-27-2013, 09:03 PM
الشفيع وراق عبد الرحمن
الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
(اخلاق الكيزان حسنة/سيئة) والدليل على ذلك ان (اغلبية السودانيين بيعتقدوا ان اخلاق الكيزان حسنة/سيئة)
دي الفرضية وتم تأسيسها على اما (معرفتي، معرفتنا) ناتجة عن معايشة ومزاملة
ثم خلينا نتفق على الاستبيان قبل القفز الى القدرة على اجرائه
يعني المطلوب استطلاع راي عينة عشوائية عايشت الكيزان والمفروض تكون العينة معتبرة، يعني حوالي 3-5 الف شخص، مختلطة ذكر/انثى اعمار مختلفة، من مناطق مختلفة من السودان اذا موافق، نبدأ على طول
07-28-2013, 07:47 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
ابراهومة, الشفيع, أيمن و أبوحسين شاكر المرور و المساهمة, لي عودة يا ابراهيم و الشفيع لمداخلاتكم بإذن الله
مساهمة من الأخ الباقر عن طريق الفيس بووك أذن لي بإدراجها في البوست
Quote: محمد بشرى شايفك كاتب بوست عن اخلاق الكيزان واخلاق الكيزان اى شى ممكن تصورة لمجموعة تتاجر بالدين وتستخدمة مطية لتحقيق اهدافها الدنيوية اللى لا صلة لها بالدين ونحن مثلا فى جامعة امدرمان الاهلية كنا فارضين عليهم العزلة الاجتماعية عديل كدة مافى اى علاقة مع كوز علاقة من اى مستوى وسوء الاخلاق يبدا من الكذب والتدليس والخداع و تشوية صورة الاخر المختلف معهم فكريا فيما اسماة منصور خالد ابلسة الاخر اسمع منك يا عزيزى
Quote: نسيت مرة فى الجامعة قابلنا المتحدث باسم الحركة الاسلامية قلت لية انت بتكذب لية ولية بتخدع فى الطلاب قال لى لازم نكذب لانو نحن عاوزين نثبت ونركز الدين
ولو ما كذبنا ما نقدر نجارى العلمانيين
ولك ان تتخيل اى شى يتم تجيرة لصالح السلطة قلب الحقائق وتشوية الصور لصالح التمكين
بالمناسبة اذا قدر للنظام انو اتغير فان هذة هى الصورة المرسومة لدى المواطن العادى قد يحتاجوا لعشرات السنين لتغييرها
ساعود للتعليق عليها ومناقشتها إن شاء الله
07-28-2013, 08:36 PM
عبدالفتاح أبوشيمة
عبدالفتاح أبوشيمة
تاريخ التسجيل: 04-15-2008
مجموع المشاركات: 4163
سلام ود بشرى سلام يغطيك ربك العلام - لك التحية ولضيوفك - أحسن ليك رماديتك وتتسلطن عموديتك وتحكم ساي في باديتك لا ناس قلنا لا ذينك - والزوايا الهندسية واصطلاحات غبية - والواصفة الرأسية الأخلاق الإسلامية والأوصاف اللدنية للذات العلية وسنتنا النبوية والأسباب البعثية ومع الحكمة النصية: ( وإنك لعلى خلق عظيم ) " إنما بعثت متمماً لمكارم الأخلاق " إنما الأمم الأخلاق ما بقيت فإن هموا ذهبت أخلاقهم ذهبوا - وخلاصة النصوص لا تنه عن خلق وتأتي مثله عار عليك إذا فعلت عظيم - وياي بلدنا وكلّنا إكوان وأقول لضيوفك اذكروا محاسن موتاكم خلق إسلامي ونحن في موسم كريم فاذكروا أيضاً محاسن أحيائكم ومن كان منكم بلا خطيئة ... ولو كنا تدارسنا الأخلاق الإسلامية وشمائل نبيّنا لكان أفضل والتعميم دائماً مخل - أما أنت فبوستاتك جميلة مافي شك وأرجو تبحّت لي بوستاتك اللي بتتناول الأزمة المصرية
لأني مغروض فيها وياحبذا لو جبت لي لينكاتها في بوست ودق ناقوس الخطر وشكراً
07-28-2013, 08:50 PM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
اوكي يا الشفيع مجتمع الدراسة بقترح يكون سودانيزاونلاين أو الفيسبوك - مسألة انو يكون المجتمع السوداني ككل هو مجتمع الدراسة يبقى من الصعوبة استطلاع اراء 3-5 الف فرد منه ! والا وريني ممكن نستطلع العدد ده كيف ومتى وأين؟
07-28-2013, 10:40 PM
الشفيع وراق عبد الرحمن
الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة