|
|
 اعتذاااار ................. بس لكن للطفيليين ديل اموت وما اعتذر !!
|
كان النميري عندما تشتد عليه المظاهرات ولا يجد حل يأتي للتلفزيون ويخاطب الجماهير والشعب عبر برنامجع الشهير ........
اول كلامة كان يفول : ان الثورة تراجع ولا تراجع .............
ان الملوك والامراء لا يعتذرون
وانا امير ابن امير
لكني اعتذر لناس الضهاري الفهموني غلط
انا والله ما قاصدكم الا بكل الحب والخير ولكن ربما من خلال اسلوبي في الكتابة يكون مساكم طرف السوط
وكل مشكلتي وانا واثق انها تفس مشكلتكم الناس الطفيليين ديل
الناس السوس
وشوك الحوت الما بيفوت
الكتمو علينا النفس في الخرطوم
وعملو ليكم ازمة شوفونية في الاقاليم والضهاري
|
|
 
|
|
|
|
|
|
|
 Re: اعتذاااار ................. بس لكن للطفيليين ديل اموت وما اعتذر !! (Re: سليمان القرشي)
|
Quote:
وان عدتم عدنا
ايها الطفيلييت ...
ولكن بعد رمضان والعيد
والمعركة لن تنتهي بالقطع |
هههههههههههههههههههههههههههههههههههه
والله يا توفيق زكرتني بنكتة الزول المخاصم جارو ولمن أتي موسم الحج وكان يرغب في الذهاب
الجماعة قالو ليهو يأخي أمشي أتصافي مع جارك الموت من الحياة ما معروفه فقام مشي قال لجارو
يازول انا ماشي الحج فاشنو اعفي مني واعفي منك ولو توفيت هناك العفو في العافية ولو رجعت الحال في
حالو .
عليك النبي الطفيليين ديل منو كدي أدينا نماذج حتي لا يتشابه علينا البقر ههههههههه
| |
|
|
|
|
|
|
|
|
 Re: اعتذاااار ................. بس لكن للطفيليين ديل اموت وما اعتذر !! (Re: الجنيد حمد)
|
توفيق عيسي مكي
رمضان كريم
Quote:
كان النميري عندما تشتد عليه المظاهرات ولا يجد حل يأتي للتلفزيون ويخاطب الجماهير والشعب عبر برنامجع الشهير ........
اول كلامة كان يفول : ان الثورة تراجع ولا تراجع ............
|
بديت الكلام بجنرالى المفضل ........ البرنامج أسمو المصارحة والمكاشفة
كان زمن سمح بالحيل ... زمن رائق .......... ولانك من ناس الزمن داك
كنت بتوقع بستمرا يكون عندك طرح أهدي وأروق من كده بكتير ........
أدناه صورة من الزمن داك يا توفيق ............
ما القصد الجنرال لكين عين للوجوه وشكل الهدؤ والروقة الكانت ................
وبالتالي الصبر والحكمة المفروض تكون موجودة ...... ما حصل اتداخلته معاك في الموضوع الاصل
لانوا فارغ شديد يا توفيق ........... كلامك بعيد كل البعد عن الواقع والشي الحصل في السودان
الخلى ناس الضاهرى البتقول عليهم ديل يسيبوا أرضهم ويجوا كلهم الخرطوم
وكأنوا الناس ديل حيث كانوا أتوفرت ليهم الصحة والتعليم والعمل .................
عشان ما يجوا ويضايقوك في خرطومك ............
الناس يا توفيق ولاد بيئتهم وثقافتهم وبالتالي أختلاف البئيات والثقافات ما بدي الحق لناس
تستعلى أو تنكر حق أخرين أنو يكونوا بثقافة مختلفة ..... ولما تتعامل معاهم ما من الحكمة
تظهر رفضك المبالغ ده ليهم ........... لانوا مافي سبب لشي زي ده
ده غير حق الناس تنتقل وتعيش في أي شبر من تراب بلدهم دي أصلوا ما فيها نقاش
ما عوز اكلمك عن قيمة أنو الانسان بأستمرار يعرف ويطلع على ثقافات مختلفة ده مهم قدر شنوا
وكيف بزيد من معرفتوا وخبرتوا في الحياة بعكس التمترس وراء مفاهيم معينة ورفض غير مبرر
للأخر .... الخوف من الاخر ده معناها أنك ما عندك البتقدر تقدموا ليهوا أو تخلق بيهوا تواصل معاهوا
وفي نفس الوقت ما بتدي نفسك أى فرصة تشوف حاجاتوا ...... وبالتالي حتكون إنسان جامد جدا
متبني صور نمطية عن الاخر ممكن تكون بعيدة كل البعد عن حقيقتوا البتصله بتعاملك معاهوا ......
# ما مشكلة تكون ثقتك بنفسك واعتزازك بيها قوي ........ أمير ود أمراء ......... يبقي مطلوب منك
هنا تقدم السلوك البخلى غيرك يلمس فيك الحته دي .... البرضوا ما من الحكمة تكون محور كلامك لانوا
الناس يا توفيق ما ليها بحته (( أنت منو )) كون التكونوا .......... بهمهم تعاملك معاهم شنو !!!!!!
باستمرار عندي تفاؤل كبير أنك قادر تعدل من الصورة الحّادة دي لصورة مقبولة وأكتر إعتدال
ولك أكيد التقدير
| |
|
|
|
|
|
|
|
|
|
Re: اعتذاااار ................. بس لكن للطفيليين ديل اموت وما اعتذر !! (Re: وضاح عبدالرحمن جابر)
|
السودان 99% من شعبه امراء ...
فالمهدية جعلت من الكثيرين امراء ...
فشنو كمان فى حضارات وممالك فى كل انحاء السودان ...
هى اتذكرت حكاية التركى (المسئول ....
بتقول عمك نزل المعاش ...
جاب ليهو عدة قلل وعمل سبيل وصبغ هذة القلل بالوان ..
يعنى اصفر واحمر واخضر وكدة ..
اهاااااااا عمنا التركى قعد فى كرسيه المفضل تحت الشجرة الظليلة وامامه قلل السبيل ...
يجب واحد من الجمهور يشرب ويشل القلة الصفراء عمك التركي يكورك ليهو: لا شيل البيضاء ....
نحن اولادك يا وطن نقعد نقوم على كيفنا ...
| |
|
|
|
|
|
|
|
|
|
Re: اعتذاااار ................. بس لكن للطفيليين ديل اموت وما اعتذر !! (Re: مازن الجمّال)
|
توفيق رمصان كريم ياخ
غايتو اعتذارك ده ذكرني بموقف كدة من زمن الطفولة
كنا ونحن اطفال قاعدين في الركوبة نشاهد في تلفزيون السودان
وكان مظهرنا مبهدل بهدلة شديدة
فجاة ظهر خالي وعاين لحلتنا المبهدلة
في نفس اللحظة كانت مذيعة التلفزيون تبتسم وتقول
" اعزائي المشاهدين نعتذر عن تقديم برنامج قرسان في الميدان ونقدم سهرة منوعات "
خالي عاين للمذيعة وقال
( والله اعزائك المشاهدين ديل لو شفتي خلقتم دي ما بتعتذري اصلو)
| |
|
|
|
|
|
|
| |
توفيق عيسى مكي
abas
سليمان القرشي
عادل الباهي عبدالرازق
Mahjob Abdalla
محمد جبره
الجنيد حمد
وضاح عبدالرحمن جابر
عبداللطيف شريف على
مازن الجمّال
عبدالله محمد احمد بلة
فيس بوك
تويتر
انستقرام
يوتيوب
بنتيريست