|
يا تلفزيون يا ..(أخطاء وطرائف القنوات الفضائية السودانية )
|
لا أعتقد أنني الوحيد الذي شاهد وسمع
ولكن الكثير منا شاهدوا وسمعوا الكثير من الطرائف الغريبة والمواقف والجمل الخاطئة في القنوات التلفزيونية السودانية الفضائية
وهذا البوست مخصص لعرض تلك المواقف والطرائف في كل ما تقدمه القنوات الفضائية السودانية من
برامج لقاءات أعلانات وحتى التصوير والاغاني وخلافه
وبالتأكيد هناك الكثير المثير
|
|
|
|
|
|
|
|
Re: يا تلفزيون يا ..(أخطاء وطرائف القنوات الفضائية السودانية ) (Re: garjah)
|
الاخ جمال السنوسى
لك التحية ..
امدرمان
قناة محبوبة ومهضومة ...
اليوم عصرا (بتوقيت السعودية) برنامج عن نيالا ونهضتها ...
قال التقرير: بنت الحكومة فيها مبانى جديدة مثل مبنى الولاية ...!!
ومبنى مجلس الشعب ...!!!
ومبنى الموتمر الوطنى ....!!!!!
امتلك الموتمر الوطنى البلاد واصبح هو الحكومة (الدولة) وعجبى منهم .....!!!!
| |
|
|
|
|
|
|
Re: يا تلفزيون يا ..(أخطاء وطرائف القنوات الفضائية السودانية ) (Re: أحمد محمد موسى)
|
مذيع قناة النيل الازرق ...في تقديم لبرنامج عن الاستقلال...شابكنا ليك ..
نحـن أبنـاؤكِ فـي الفـرح الجميـل نحـن أبنـاؤكِ فـي الحُـزن النبيـل سنغني لك يا وطني كما غنى الخليـل مثـلـمـا (صدحت) مـهـيــرة تُلهـم الأجيـال جيـل بعـد جـيـل ونغني لحريق المَكِ في قلـب الدخيـل لـــلــــجــــســــارة حينما (مات) في مدفعـه عبدالفضيـل
. .صدحت ومات ..مرة واحدة ...
والعجيبة القعدة بالجنبة..نظام مثقف وكده..
| |
|
|
|
|
|
|
Re: يا تلفزيون يا ..(أخطاء وطرائف القنوات الفضائية السودانية ) (Re: ياسر منصور عثمان)
|
برضو في برنامج استضاف اتنين موظفين كده في الحكومة
( شكلهم وطني)
وهما من شرق السودان
اتحدثوا بإسهاب عن القهوة في شرق السودان
صناعتها
تحضيرها
مرافقاتها
ما خلو حاجة ما وصفوها في القهوة
في نهاية البرنامج
المذيعة سالت الأتنين عن طعم ومذاق القهوة
الاول قال أنا ما بشربها لاني عندي قولون
والتاني قال انا إتولدت نشأت في الخرطوم وما حصل مشيت الشرق
طيب انتو ببتكلموا عن شنو
وزي ما قال الجابري الله يرحمه ( جني وجن الزول البفتي في الشي وهو ما ضاقو)
| |
|
|
|
|
|
|
Re: يا تلفزيون يا ..(أخطاء وطرائف القنوات الفضائية السودانية ) (Re: جمال السنوسي)
|
تحياتي جمال ......
أتوقع أن يكون بوستاً دسماً
الأخطاء أكثر من أن تحصى .....
*****************************************
لكن قبل بضع سنين .. وأنا أطالع رسائل الإس إم إس على الشريط
قرأت رسالة لفتاة معجبة بفرفور .... تقول والعياذ بالله ..... أنها تعبده بعد الله مباشرة؟؟؟؟
*********************************
مذيعة تقول : مارتن لوثر كنج ...... مؤسس حركة الإصلاح الديني!!!!!!!!!!!!!
******************************************
| |
|
|
|
|
|
|
Re: يا تلفزيون يا ..(أخطاء وطرائف القنوات الفضائية السودانية ) (Re: عبد الباقي الجيلي)
|
قالوا يا جيمي...في جنازة فنان كبير - الله يرحمه..
فريق عمل إحدى تلفزيوناتنا الكتيرة دي ما شاء الله..
عامل فيها حزين ...وفي المقابر..ووسط المشيعين..
يعني نظام الولد عايز يعمل تغطية رهيبة للرحيل والفراق المر..
يفتش على زملاء الفقيد حتى يتصيد منهم عبارات العزاء للشعب المكلوم..وكدا..
لسوء حظه..وقع اختياره على فنان لئيم جداً...
طوالي دخل معاهو في الحوار...
- ومن بين المشيعيين أعزائي المشاهدين وجدنا أحد رفاق الدرب وتبدو عليه علامات التأثر والحزن على الفقيد..
(سعداء جداً ) يكون معانا الأستاذ..............ويكلمنا عن هذه اللحظات الرهيبة...
- إنت يا ولدي قريت شنو؟؟ دي حتة بتاعة سعداء جداً؟؟ أما قلة حياء فارغة..
.. طبعاً كتر خير المونتاج...
..
.
| |
|
|
|
|
|
|
Re: يا تلفزيون يا ..(أخطاء وطرائف القنوات الفضائية السودانية ) (Re: م. سيد احمد قدورة)
|
أكتر حاجة بتضايقني في قناة النيل الأرزق, يجيبوا دعاية لبرنامج ما ويكتبوا قريبا .... طيب هم لمن ما قادرين يحددوا زمن البرنامج ليه بجيبوا دعايته ما ينتظروا لحدي ما يحددوا المواعيد؟ أنا غايتو الحركة دي ما شفتها إلا في قناة النيل الأزرق.
الشروق مرت من هنا فيها كمية من الأخطاء وبعدها ترتقي لقلة الأدب ولو في رقابة صحيحة مفرضو يتم محاسبتها. مثلا حكاية الإسبتالية بي وين؟ خشوا بي هنا؟ اللبيب بالإشارة يفهم
| |
|
|
|
|
|
|
| |