|
مشيت لقيت الخرطوم في كماشة كنسية شيعية صعبة !!!!!!!
|
قبل شهر كنت في إجازة مشيت السودان لقيت التشيع دة بقي من المسلمات ! زمان كان الواحد ما يقدر يقول أنا شيعي إلا من وراء حجاب !اسي يقال ليك علي عينك يا تاجر ! والمصيبة التانية التنصير !!!! يادكتور الخضر اتقي الله ! نشاط دعوي مريب ! ومجلس هيئة علماء السودان منصرف في أمور لا ندري ما هي ؟ وهناك خطر يهدد وجود الإسلام من اصلة ! نرجع لدكتور الخضر ! في طريقي للوادي الأخضر استوقفني مبني في حجم إستاد الخرطوم أو يذيد ! سالت بتاع التكسي المبني دة شنو ياحاج ؟ قبل ما يجاوب قربنا شوية أشوف صليب بأربع اتجاهات !!! قلت ديل قاصدين ناس الوادي الأخضر عديل ! دخلت الوادي بكل مربعاتو ما شفت لي صرح إسلامي واحد موازي للكنيسة دي بضخامتو وحجمة دة ! وين وزارة الشئون الاجتماعية ولاية الخرطوم ! ؟ آها .. مشيت سوق امدرمان واقف بشتري لي طاقية جاني واحد مد لي مطوية للقراء عرفتو من الصليب قبل أمد يدي قلت ليهو شايفني بشتري طاقية من الحاجة دي ! يعني دي ما طواقي مسلمين ياخي ما تتوكل علي الله ! يا مجلس علماء السودان الأمر جد خطير اصحوا !!! ياهل الإحساس لابد من بناء مجمع دعوي إسلامي في مقابل هذا الصرح الكنسي !! لان لهؤلاء نظرتهم المستقبلية وجني النتائج علي المدي البعيد . اللهم فشهد أني قد بلغت !!!!.
|
|
|
|
|
|
|
|
Re: مشيت لقيت الخرطوم في كماشة كنسية شيعية صعبة !!!!!!! (Re: عمر نملة)
|
الاخ محمداني
يعني الخرطوم ما في كماشة كيزانية اخوانية امنية بيوت اشباحية عسكرية تقصف المدنيين بالطائرات ليل نهار؟؟ يعني اصلوا ما لاقاك مبني للمؤتمر الوطني في كل زاوية م######ش البلد دي من شرقها لغربها؟؟ هل لفت نظرك انو تجار الدين م######شين اسواق البلد، سوق الدولار، سوق الخضار، سوق الدواء، سوق السكر .... الخ
تحياتي
| |
|
|
|
|
|
|
Re: مشيت لقيت الخرطوم في كماشة كنسية شيعية صعبة !!!!!!! (Re: عماد حسين)
|
اخى محمدانى
تحياتى وتقديرى ..
فى الزمن الجميل وفى خرطوم 2 ..
حاليا (مستشفى ابن سينا )مقابلها شرقا ...
كان هناك مسجد وبار وكنيسة ....!!!
كانت لوحة رائعة الجمال ..
تفتكر كان فى خصام او حتى مجرد لوم وعتاب ...!!!
الشرطة كان لا يهمها سوى ان يسود السلام وكان هو الحاضر .......!!
فى ذلك الجمال كانت طلقة السلاح اغلى واندر ما فى السودان ....!!
يتم عد الذخيرة وكأنها سبائك ذهب عند استلام الدورية وتسليم العسكر لبعضهم البعض ...!!
اخى الفيل عندك والظل لا يُطعن والظلام لا يُلعن ...!!
وقم بنا الى ثورتنا ...
لنبنى مجد الوطن بالسلام ...
| |
|
|
|
|
|
|
|