|
|
|
 Re: السحركة .. (Re: Ashraf el-Halabi)
|
///////////////////////////////
واحتكت اليتيها بوركه اليسار .. ثم ضغطت ... جلست صاحبتها واذداد الضغط .. وبرد الجو .. ونزل المطر .. وحاجات تانية
////////////////////////////////
يا ساتر !!!!!!
الليلة اليوم جمعة يا ولى ....
يعنى قضى غرضه فى البص ؟
| |
  
|
|
|
|
|
|
|
|
Re: السحركة .. (Re: انور التكينة)
|
التكينة يا صاحب
الكلام البكتب فيه ده مكتوب ليه قريب تلات سنوات .. لكن الهاردسك الكاتبو فيه ضرب مرة واحدة وطش الكلام
محاولة بتاعت رواية اسمها
في بص الثورة
اها هسع قنعت من كتابتها .. وحا انقل احداثها من الذاكرة لو وفقت في ذلك
ده موقف واحد منها
القصة متمحورة حول انو الحكم بالمظاهر .. والتركيز على عيوب الناس .. دائما ما يكون غير صحيح
واحيانا يكون عند شخص عيب معين .. لكنه كذلك لديه حسنات كتيره وكبيرة يغطي عليها هذا العيب
وكذلك الناس تتجاهل مسببات هذا العيب .. وهل هو حالة عرضية مرتبطة بظروف ولا حالة متاصلة في الشخصية
كان كلام كتير
طش والله
| |
|
|
|
|
|
|
|
|
|
Re: السحركة .. (Re: أسامة البلال)
|
يا شفت من زمن رامبو وتخصيص الباب الامامي و العشرة كراسي القدامية للنساء كنت فاكر القصص دي انتهت
معقول بعد كم وعشرين سنة رجعت تاني مع باصات الوالي
| |
|
|
|
|
|
|
|
|
|
Re: السحركة .. (Re: محمد البشرى الخضر)
|
تحرك البص .. وزادت حركته من تلاصق الاجساد .. انتهز الفرصة و تمعنها.. ترتدي بلوزة زيتيه اللون طويلة الاكمام .. واسكيرت طويل ضيق من منطقة الارداف ويتسع عند نهاياته .. لا تضع طرحة .. لكنها تلف شعرها بايشارب لون ابيض مطفي .. تمتلك جيد طويل وعريض في منطقة الالتقاء مع الكتفين ويضيق كلما ارتفع ليحمل الراس ويكون في ذلك الموضع نحيفا رقيقا .. جيد خالي من العيوب بتاتا .. وهو ينظر اليه من الخلف لاحظ ان فيه شعيرات دقيقة ورقيقة .. ومن شكلها وحجم لفافة الاشارب عرف ان لديها ديس طائل وناعم .. فابتسم وتذكر المقولة المشهورة "عندها شعر .. وقعر " .. وكانت كذلك ..
في اخر العنق ناحية الكتفين ترقد شامة صغيرة تكسر لون العنق الابيض فتضيف بعدا جديدا ومثيرا .. تخيل صديقنا المنتشي نفسه وهو يمسها بشفتيه – يقصد الشامه – ثم يلحسها بمقدمة لسانه مسعورا .. وصاحبتها ترتجف نشوه ..
وهو في قمة تخيلاته قاطعته هي بسوال بصوت رقيق بعد ان التفتت بانوثة براسها فقط : ان شاء الله ما اكون مضايقاك؟
اجاب مسرعا .. لالا ابدا مافي ضيف .. واردف .. ان شاء الله انت الما متضايقة ؟
ردت وهي تضغط على اسنانها : ابدا .. مبسوطة جدا
| |
|
|
|
|
|
|
|
|
|
Re: السحركة .. (Re: وليد محمد المبارك)
|
اجاب مسرعا .. لالا ابدا مافي ضيف .. واردف .. ان شاء الله انت الما متضايقة ؟
ردت وهي تضغط على اسنانها : ابدا .. مبسوطة جدا
ـــــــــــــــــــــــــــــــــــــــــــــــــــــــــــــــــــــ
يا ساتر ..
الكلام دخل الحوش ...
| |
|
|
|
|
|
|
|
|
 Re: السحركة .. (Re: محمد البشرى الخضر)
|
دي واحدة!!!
اها الباقي قصة حضرة الصولات
واولاد مدني, قصص الفنانين
ووو.... والقائمة تطول.
شاهد شاف كل حاجة, ولسه
ماشافش حاجة..
احكي باسم الحال الذي حدث
حدث بلا حرج.........
| |
|
|
|
|
|
|
|
|
 Re: السحركة .. (Re: Albino Akoon Ibrahim Akoon)
|
أشكر ربي ليل نها وأحمده أن جعلني من سكان الولايات المتحدة الامريكية
أشكر الله ربي وأحمده ليل نهار بان جعلني انتمي لهذه البلد
أشكر الله ربي ليل نهار بان أزاح عني نظرات وهبل وتهبيل وبلادة ######افة الرجال في الشارع والمواصلات العامة
| |
|
|
|
|
|
|
|
|
|
Re: السحركة .. (Re: Rawia)
|
غير صحيح يا راوية
اعملي سيرث في القوقل عن الموضوع ده في الباصات في امريكا وعينة ما حا تشوف الا النور
شغل عديل كده وقدام الناس ما تلصق
بتاعكم في امريكا موثق عدييييييييييييييييييل يا راوية
_____________
يا جماعة خلوني اتم البتاعة دي بعدين علقو
| |
|
|
|
|
|
|
|
|
|
Re: السحركة .. (Re: وضاحة)
|
اعتبر ردها اعلان موافق .. وشرع في السحركة لمداها .. وساعدته هي بالتموضع الجيد .. وصاحبتها بالتغطيه .. وقبل ان يعبر البص الكبري العتيق .. كان صاحبنها قد قضى وطره .. واصبح دلقون كُهنة .. اما هي فقد اصبحت في قمة الاثارة .. وتطلب المزيد .. لكن كيف ؟
انقذه نزول احد الركاب الجالسين في محطة العشرين .. ودعوة جميع الوافقين في البص للفتاتين التوسيع في الكرسي الخالي .. قامت صاحبتها بسرعة واخلت الكرسي لها .. وقالت هامسة لهما : اكون طالباكم واحدة .
اصلحت من جلستها .. ثم نظرت له وتبسمت .. فابتسم ابتسامه باهتة ..
قالت : ان شاء الله ارتحت ؟
اجاب متفاجئا : شنو ؟
ردت بخبث : قصدي ان شاء الله ارتحت مننا عشان ضايقناك في كرسيك ..
رد هو : العفو ياخ .. لو ما شالكم الكرسي يشيلكم راسي ..
اجابت هي بنفس الخبث : ياتو فيهم ؟
ثم ضحكت
| |
|
|
|
|
|
|
|
|
|
Re: السحركة .. (Re: وليد محمد المبارك)
|
يا وليد ممكن تنظر وتقول اى حاجه عن المجتمع الانتا عايش فيه
لكن ما ممكن تتكلم عن امريكا بى كل ثقه اكتر من الناس العايشيين فيها
اولا الشعوب فى الدول الغربيه بصفه عامه وامريكا بالتحديد موضوع الجنس ما عامل ليهم هاجس
زى ما عندكم لاسباب كتيره ....
ثانيا الجنس بالنسبه ليهم ما بعنى ابتذال - على حسب وصفك فى القصه اعلاه - ولاكنه علاقه تتم بالتراضى
بين البالغيين من الجنسين وده فى حد ذاته موضوع خاضع للنقاش وبرجع لى المرجعيه الاخلاقيه بالنسبه ليهم
ولازم تعرف انو لو اى امرأة اتصلت بالبوليس وقالت ليهم فى واحد هنا بيشاغل فينى الحكومه كلها بتجى فى لحظات
لاحظ ....اذا هى قالت بيشاغل فقط ...بعنى اذا بس فتح خشمو وقال ليها والله انتى عندك سماحه كدا ولا كدا يمين بالله يفتش
لى الشىء البحلو مايلقاهو وعلى فكره حيكون موجود فى الركورد بتاع الشخص القام بى التحرش الى مدى الحياة
وحتى لو طلع البلاغ كاذب ...
انا من معايشتى للمجتمع الغربى والسودان بجد انو مافى اى مكان بتكون المرأة فى مأمن من تحرش الرجال غير امريكا
القانون ما بلعب فى المواضيع الزى دى
الكلام دا ما بعنى انو الناس ديل ملائكه وما بمارسو الجنس ..لا ....بس هم الفرق بينهم وبينا انو هم بحترموا الشريك وبحترموا ممارسه الجنس فى حد ذاتها وياتون البيوت من ابوبها
يعنى الزوجه لو قالت لى زوجها No ...she means No والا يعتبر اغتصاب
ياخى انحنا عندنا حتى ممارسه الجنس و بالحلال تلقى الزول احساسه زى احساس الزول العمل ليه جريمه
فى ناس معلوماتها عن المجتمعات الغربيه ماخدنها من الافلام والانترنت وقناة اقراء البتألف القصص
وجايين امريكا مفتكريين انو الجنس دا ساهل خلاص بس من طرف ...فى واحد جاء امريكا بنفس هذا المفهوم
لى يوم الليله مرمى فى السجن
| |
|
|
|
|
|
|
|
|
|
Re: السحركة .. (Re: زينب محمد عبدالله)
|
مرحب زينب
لعلك بعافية
بعد ما عملت مداخلة فيها احصائات بتضحد كلامك الوردي عن امريكا من احصاءات عملتها جامعات امريكية ومراكز بحوث امريكية برضو عن موضوع الاغتصاب ده في امريكيا .. ما عاملنها ناس اقراء
سحبتها حتى لا ينحرف بوستي عن غرضه الذي فتحته من اجله
ممكن في فرصة تانية اوضح ليك وبوست تاني ( او فتحته او فتحو زول تاني ) اجيب الدراسات الساوينها ( الامريكان ) عن موضوع الاغتصاب ده
ونشوف المرأة محمية في امريكا كيف !
في الوكت ده ادعوك للرجوع لشيخ قوقل زي راوية لكن من زاوية مختلفة اساسها الاحصاءات والدراسات الامركية عن الاغتصاب فيها
خالص الموده
| |
|
|
|
|
|
|
|
|
 Re: السحركة .. (Re: وليد محمد المبارك)
|
سلامات يا ولي ..
ذكرتني موقف زماااااان حصل قدامي في واحدة من حافلات الصحافة
لمن ركبت الحافلة كانت تقريبا لسة فاضية فا اخترت واحدة من الكراسي السينقل البتكون في نفس خط الباب وقعدت في انتظار الحافلة لحدي ما تشحن .. المهم يا زول جا واحد شفت كدا وقعد في كنبة شكرا هنااااااك في أقصى الركن وبعد شوية قعدت جمبو بت .. بعد شوية الحافلة شحنت واتحركنا .. أنا كنت قاعد بي زاوية بتسمح لي أشوف كل الركاب بما فيهم ناس كنبة شكرا الوراي مباشرة .. وحسيت ليك بي عمك الشفت دا ماااااا قاعد ساي شكلو كدا بهبش وبحاول يدخل يدو والبت شكلها ما متجاوبة معاهو .. لمن وصلنا شارع محمد نجيب البت شكلها اتضايقت شديييييييد قامت قطعت ليك في الشاب دا كف .. طرررراااااخ .. والحافلة الوقت داك صانة صنة شديدة جدا .. ومع صوت الكف الناس كلها اتلفتت ورا عشان تشوف الحاصل شنو .. بما فيهم السواق بقى يعاين بالمراية .. فجأتن .. قام الولد على حيلو وبقى يكورك في البت المسكينة .. بنات قليلات أدب .. ما محترمات بي أعلى صوتو ... البت إتحرجت إحراج مبالغ فيهو والناس الفي الحافلة كللللهم أفتكروا إنو الولد هو الأدى البت كف .. البت عيونا غرغرت وبقت تشيل في نفسَها بي صوت عالي وما عرفت تعمل شنو .. طقطقت للكمساري ونزلت من الحافلة دون أن نتبس ببنت شفة
| |
|
|
|
|
|
|
|
|
|
Re: السحركة .. (Re: محمد عمر جبريل)
|
ايقن صاحبنا من ردها بانها جاهزة موية ونور.. وقرر ان يذهب معها لابعد مدى .. فقال لها بخبث هو ايضا :
الاتنين .. شوفي العجبك فيهم وانا بشيلك فيه ..
ردت بصوت خفيض وهي تنظر من النافذة :
شوف المناسب معاك وانا ما عندي مانع
رد هو : المناسب معاي يمكن ما بناسبك ؟
ردت هي بسرعة : بعد ده كله بتسال السودال ده !!
اكتسب شجاعة من تطور الحديث وقال : غايتو المناسب معاي جاهز هسع دي
نظرت اليه نظرة استنكارية وقالت بغنج : عاد كيف بس ؟
قال بسرعة : نتفق والباقي هين
رد هي : نتفق .. المانع شنو ؟
توتر قلب صاحبنا وتعرقت يداه وانتفخ بنطاله مرة اخرى .. الكلام دخل الحوش .. والشغلانة بقت شحدة عديل .. فصاحبنا رغما عن خبرته الطويلة في السحركة .. عزراء ... لم يمارس الجنس الفعلي مع اي انثى ابدا .. خبرته الجنسية كلها اعلا الملابس .. يتحسس اجساد النسوة من فوقها .. لكنه ابدا لم يشاهدا او يمسها مباشرة .. لا يعلم ما لون لون جسد الانثى وما هو شكله وما هو ملبسة بدون هدوم !!
| |
|
|
|
|
|
|
|
|
|
Re: السحركة .. (Re: Albino Akoon Ibrahim Akoon)
|
البينو اسعدنا مرورك
حقيقي ..
لو كنت انت نفس الشخص الذي يكتب في السوداني فانا زمان كنت متابع عمودك .. اسع بقيت ما بشتريها ولا بشتري جرايد
المشكلة كنت مستغرب خاتينك مع الزول اب دقن المتشنج داك في صفحة واحدة ليه ؟
| |
|
|
|
|
|
|
|
|
|
Re: السحركة .. (Re: Ashraf el-Halabi)
|
يا اشرب حبابك وحباب بريمة
اعتذر عن الرد المتاخر
فلم اكن انوي الرد الا بعد اكمال السرد
لكن اجبرتني بعض المداخلات الرد
فوجب الرد على الجميع
تحياتي
| |
|
|
|
|
|
|
|
|
|
Re: السحركة .. (Re: وليد محمد المبارك)
|
باغتته بسؤال قطع حبل افكاره وتهيئاته: ان شاء الله نحن بس نعجب الراس البشيلنا ..؟
رد بدون وعي : جنس عجب هو
ردت بعنج : هو بتين شال عشان يحكم ؟
اجاب بتوتر : كلموه الرُسل الرسلهم قبيل .. ولا رسائلهم ما وصلت ؟
ضحكت وقالت : وصلت وصلت .. وانشاء الله نقلوا عننا كلام حلو
تبدد توتره واصبح اكثر جرأة وتركيز في الردود .. فهو مشهور منذ الجامعة بانه متحدث لبق متمكن من اللغة والتعبير .. فجابها بعد ان اختار الاجابة بعناية : بتخيل لي الرد جاك .. ولا ما جاك ؟
قالت ليه : يعني ... ما رد واضح !!
قال لها بجراة وبدون تفكير : عايني للراس الصغير.. هو المسئول وهو الممكن يعبر ليك عن نفسو ..
نظرت هي بدون تفكير الى مكان مواضعه الجنسية فوجدت كيسا منتفخا تحت البنطلون .. غيرت اتجاه نظرها وقالت بسرعة وخوف .. بري بري .. حا تفضحنا اتلم ما كده ..
تضاير صاحبنا على عجل ونظر الى الركاب وتفاجأ بان البص ممتلي عن اخره .. واستغرب كيف انه نسى ذلك وحمد ربه ان لا احد مركز معه وحمده كذلك على الموقع الاستراتيجي الذي يجلس فيه وتذكر المثل السفيه القائل " العرمان بتضارى في اصبعه " وابتسم .
| |
|
|
|
|
|
|
|
|
|
Re: السحركة .. (Re: طارق جبريل)
|
سلام ..
بنعـرف أسماء تانية متداولة في المجتمع لنوعية السلوك دا ..
بس المصطلح دا جديد( السحركـــة ) وأول مــرّة أسمع بيهو !
أصلو شنو ؟ .. وجــا من وين ؟؟
واصل في الســرد الجميل ..
| |
|
|
|
|
|
|
|
|
 Re: السحركة .. (Re: وليد محمد المبارك)
|
ود المبارك سلامات الكلام دا حاصل في ايام الزمن الجميل الوقت الحالي مافي حد فاضي ولا عندو نفس
ولا لبيع الليمون للنسوان في الباصات
واصل في الســرد الجميل ..
| |
|
|
|
|
|
|
|
|
|
Re: السحركة .. (Re: Ashraf el-Halabi)
|
وليد .. شفت فعلاً...واصل الحكي البقوم النفس دا ياخي..
أشرف الحلبي..
| Quote: للضمان كدا: وليد إختشي |
طبعاً يا صديقي ..الليلة أنا لو ما اترفدت تاني ما ح أترفد نهائي..
علي اليمين ضحك بدموعو ومخــ.......خيتو
غايتو تحت الحساب كدا، واحد من الحضور قال لي مستغرباً:
- أقول لك..أنت فيك شي؟؟
- لا ما فيني شي..
- ليش ما تغير الصنف المضروب هادا..مالت عليك ياسوداني..
قلت محدثاً نفسي ومسربعاً: مالت على يدها؟؟ كااااااااااك..
..
..
.
| |
|
|
|
|
|
|
|
|
|
Re: السحركة .. (Re: Mahmoud Mustafa Mahmoud)
|
كتب العضو محمد عمر جبريل المداخله ادناه:
( سلامات يا ولي ..
ذكرتني موقف زماااااان حصل قدامي في واحدة من حافلات الصحافة
لمن ركبت الحافلة كانت تقريبا لسة فاضية فا اخترت واحدة من الكراسي السينقل البتكون في نفس خط الباب وقعدت في انتظار الحافلة لحدي ما تشحن .. المهم يا زول جا واحد شفت كدا وقعد في كنبة شكرا هنااااااك في أقصى الركن وبعد شوية قعدت جمبو بت .. بعد شوية الحافلة شحنت واتحركنا .. أنا كنت قاعد بي زاوية بتسمح لي أشوف كل الركاب بما فيهم ناس كنبة شكرا الوراي مباشرة .. وحسيت ليك بي عمك الشفت دا ماااااا قاعد ساي شكلو كدا بهبش وبحاول يدخل يدو والبت شكلها ما متجاوبة معاهو .. لمن وصلنا شارع محمد نجيب البت شكلها اتضايقت شديييييييد قامت قطعت ليك في الشاب دا كف .. طرررراااااخ .. والحافلة الوقت داك صانة صنة شديدة جدا .. ومع صوت الكف الناس كلها اتلفتت ورا عشان تشوف الحاصل شنو .. بما فيهم السواق بقى يعاين بالمراية .. فجأتن .. قام الولد على حيلو وبقى يكورك في البت المسكينة .. بنات قليلات أدب .. ما محترمات بي أعلى صوتو ... البت إتحرجت إحراج مبالغ فيهو والناس الفي الحافلة كللللهم أفتكروا إنو الولد هو الأدى البت كف .. البت عيونا غرغرت وبقت تشيل في نفسَها بي صوت عالي وما عرفت تعمل شنو .. طقطقت للكمساري ونزلت من الحافلة دون أن نتبس ببنت شفة
عليكم الله دا اسمو كلام !!!!!
معقوله يا محمد عمر جبريل الله ما فتح عليك ولا بى كلمه حق تقولها فى موقف زى دا وانت شاهد على الموقف الحصل دا ؟؟؟
يا اخى فى انسانه اتظلمت قدامك وما قادر تقول للزول الاتحرش بى بالبنت انو هو غلطان وتوضح لى ركاب الحافله الغلطان منو!!!!!
اين المروءة ....اين الرجوله ....بل اين الانسانيه !!!!!! حسبى الله ونعم الوكيل
| |
|
|
|
|
|
|
|
|
|
Re: السحركة .. (Re: زينب محمد عبدالله)
|
Quote: عليكم الله دا اسمو كلام !!!!!
معقوله يا محمد عمر جبريل الله ما فتح عليك ولا بى كلمه حق تقولها فى موقف زى دا وانت شاهد على الموقف الحصل دا ؟؟؟
يا اخى فى انسانه اتظلمت قدامك وما قادر تقول للزول الاتحرش بى بالبنت انو هو غلطان وتوضح لى ركاب الحافله الغلطان منو!!!!!
اين المروءة ....اين الرجوله ....بل اين الانسانيه !!!!!! حسبى الله ونعم الوكيل |
بصراحة بالغت يا محمد أخوي، سكتَ عن الحق أخي الكريم.
-------
ولي آاااا ساحبي ارجى الراجياك
| |
|
|
|
|
|
|
|
|
|
|
Re: السحركة .. (Re: عبد العزيز عبدالكريم نهار)
|
Quote:
معقوله يا محمد عمر جبريل الله ما فتح عليك ولا بى كلمه حق تقولها فى موقف زى دا وانت شاهد على الموقف الحصل دا ؟؟؟
يا اخى فى انسانه اتظلمت قدامك وما قادر تقول للزول الاتحرش بى بالبنت انو هو غلطان وتوضح لى ركاب الحافله الغلطان منو!!!!!
اين المروءة ....اين الرجوله ....بل اين الانسانيه !!!!!! حسبى الله ونعم الوكيل |
حسبي الله ونعم الوكيل . نجحت آلة الإنقاذ القمعية في إخصاء قيم المروءة ونصرة المظلوم . لذا تمدد الظلم 23عاما
| |
|
|
|
|
|
|
|
|
|
Re: السحركة .. (Re: وليد محمد المبارك)
|
رسالة مبالغة من صديق على البريد الالكتروني - احجم عن ذكر اسمه - انقلها لكم بدون اي تعليق الا هذا
Quote: شغل نضيف .. الكمبيوتر ضرب المرة الفاتت لانو الشغل حرا عليهو .. السحركة هي لفظ مختصر لاشتقاق من كلمتين " سحرالحركة" وهي دلالة علي قوة السحر المتحرك .. والسحروك هو الساحر المتميز في السحركة ويقصد به الساحر الذي يستخدم كل حيل الحركة في تجويد العمل وفي الدوران والنفخ والميلان وفي الارتداد والتقدم وربما الاندفاع وفقا لقوانين الجاذبية الداخلية والخارجية . عمل السحروك يمكن ان يبدا في سن 14 ويمتد حتي نهاية السبعينات ولكن انشط وقت السحاركة يكون في منتصف الثلاثينات ..شيوخ السحاركة ممن هم في الستينات يتمتعون بالمهارة العالية والبراعة في اختيار الهدف المتحرك والسرعة في التسديد علي الاهداف الثابتة والتصميم علي بلوغ الاهداف حتي ولو ادي ذلك الي تحويل الخطوط الناقلة .. يفضل شيوخ السحاركة الجلابية وللسحاركة رابطة غير مسجلة ولديهم اتفاق جنتلمان بعدم التنافس علي اي صيدة في النقل العام
من الاغاني في السحركة اغنية بسحروك يا حلوه لوشافو العيون ولذلك يجب عبي الصيد الابتعاد عن النظر الي السحروك.ايضا اغنيه سحروك ولا مالك تفيد بان المحبوب تعرض لسحركة قوية وكثير غير ذلك |
| |
|
|
|
|
|
|
|
|
 Re: السحركة .. (Re: وليد محمد المبارك)
|
Quote:
غير صحيح يا راوية
اعملي سيرث في القوقل عن الموضوع ده في الباصات في امريكا وعينة ما حا تشوف الا النور
شغل عديل كده وقدام الناس ما تلصق
بتاعكم في امريكا موثق عدييييييييييييييييييل يا راوية |
ياوليد في البلد دي في حاجة إسمها المساحة الشخصية
لو زول اتعداها تجيب ليهو البوليس عديييل مافي اتنين تلاتة
وفي سبري الفلفل الاسود وفي الصفارة
لكن طبعا برضو في الاسبيشيل فيكتم يونت SVU
| |
|
|
|
|
|
|
|
|
 Re: السحركة .. (Re: وليد محمد المبارك)
|
Quote: المسميات كتيرة يا نهار
الدُقار والتكلة والصاجة والخته
الفرق بين الدقار والسحركة انو الاولى تفعل واقفا فقط والثانية تناسب كل الاوضاع |
الشفت ازيك
ههههههههههه والله الكلام الفوق دا بدل على خبرة وكدا
والله الليلة انا ضحكت لما اتفضحت عديل كدا بي سبب البوست دا
| |
|
|
|
|
|
|
|
|
|
Re: السحركة .. (Re: Rawia)
|
يا ولي يتخيل لي في لخبطة في وصف الحاصل دا
السحركة على ما أظن أقرب للتحرش البقوم و يستمع بيه الشاب وليست الشابة
لكن البتوصف فيه دا اقرب للـ ... - أقول ليك شنو بس ما لاقي لفظ يناسب - قول الزنا أو شي شبيه بيه المهم يتوفر فيه الرضى من البنات وينتفي فيه التحرش
دا من ناحية ومن ناحية تانية ما أقدر أفتي في مسألة المتعة من وجهة نظر النساء بالطبع لكن أعتقد أن المراة لا يمكن تستمتع بالطريقة دي ... و الله أعلم
| |
|
|
|
|
|
|
|
|
|
Re: السحركة .. (Re: وليد محمد المبارك)
|
تمطى صاحبنا .. وادعى انه يريد ان يفسح المجال للفتاتين .. واستعان بيده اليسرى ووضعها في المقعد حتى يحرك جسده .. لليمين قليلا .. وتركها في موضعها ... ورجعت هي عليها وكانها تفسح المجال للجالسة الجديدة .. اصبح هو يجلس مكرفسا في اقصى ركن البص وهي ملتصقة به تماما .. كتفه الايسر يمس كتفها الايمن من الخلفه وزراعه بكاملها مغطاة بظهرها من بقية الركاب .. ويديه في مكان معلوم ..... وعينك ما تشوف الا النور .. تتلاعب الاصابع وتتحرك يسرة ويمني تتحس الجسد الغض في اطرى مواضعه .. ويتحرك كوع يدها الايمن الى الامام والخلف ويتحسسه هو في اقسى مواضعه .. و صار اللعب ون تو بتناغم تام وخبرة كبيرة ..... ولا كلام
استقر الوضع على هذا الحال حتى قبل حيه بمسافة قريبة فقالت له هي : انا وصلت
رد هو بدون تركيز : انا لسع
ضحكت وقالت : لا انا وصلت محل ما ماشة
انتبه هو لمقصدها وعدل من جلسته ثم قال : اها والتلفون
اتاه الرد كالصاعقة وشتت تركيزه : شيلو من اختك (فلانه)
انبهط صاحبنا وشل تفكيره واصبح يودي ويجيب .. ماذا تقصد هذه الـ........ ، وكيف عرفت اسم اختى – فلانه هذه اصغر اخواته وهي طالبة جامعية –
سالها بتردد : قلت شنو ؟
رد هي بثقة وهو تنظر الى عينيه مباشرة : قلت ليك شيل التلفون من ( فلانه ) وقول ليها لاقيت ( علانه ) و عاوز تلفونها.. ثم اردفت : مالك عيونك بقو حُمر كده وحيلك مات!!؟
| |
|
|
|
|
|
|
|
|
|
Re: السحركة .. (Re: محمد البشرى الخضر)
|
زينب ..
أنا قلت الموقف دا حصل (زمااااااااااااااااااان)
يعني قبل ما تقولي لي - الله لا يسيئك - وين الرجولة ووين شنو كدا ما عارف كان تعرفي حيثيات القصة كويس
وإذا هي الطالبة الجامعية على ما أعتقد ما قدرت تدافع عن نفسها .. ها أقدر أنا صاحب الـ 13 سنة ؟؟!
لا أدري حقيقة لماذا يستجدي بعض أعضاء المنبر العداء .. ياخي الموقف دا علق بذاكرتي فقط لسرعة بديهة ذلك الشاب وليس لشئ آخر
والبوست دا بحكي عن حاجات حاصلة زي دي .. سواء كان ما في البوست حقيقي أو خيالي فقط ذكرني بتلك الحادثة
| |
|
|
|
|
|
|
|
|
|
Re: السحركة .. (Re: محمد عمر جبريل)
|
Quote: ذكرتني موقف زماااااان حصل قدامي في واحدة من حافلات الصحافة
لمن ركبت الحافلة كانت تقريبا لسة فاضية فا اخترت واحدة من الكراسي السينقل البتكون في نفس خط الباب وقعدت في انتظار الحافلة لحدي ما تشحن .. المهم يا زول جا واحد شفت كدا وقعد في كنبة شكرا هنااااااك في أقصى الركن وبعد شوية قعدت جمبو بت .. بعد شوية الحافلة شحنت واتحركنا .. أنا كنت قاعد بي زاوية بتسمح لي أشوف كل الركاب بما فيهم ناس كنبة شكرا الوراي مباشرة .. وحسيت ليك بي عمك الشفت دا ماااااا قاعد ساي شكلو كدا بهبش وبحاول يدخل يدو والبت شكلها ما متجاوبة معاهو .. لمن وصلنا شارع محمد نجيب البت شكلها اتضايقت شديييييييد قامت قطعت ليك في الشاب دا كف .. طرررراااااخ .. والحافلة الوقت داك صانة صنة شديدة جدا .. ومع صوت الكف الناس كلها اتلفتت ورا عشان تشوف الحاصل شنو .. بما فيهم السواق بقى يعاين بالمراية .. فجأتن .. قام الولد على حيلو وبقى يكورك في البت المسكينة .. بنات قليلات أدب .. ما محترمات بي أعلى صوتو ... البت إتحرجت إحراج مبالغ فيهو والناس الفي الحافلة كللللهم أفتكروا إنو الولد هو الأدى البت كف .. البت عيونا غرغرت وبقت تشيل في نفسَها بي صوت عالي وما عرفت تعمل شنو .. طقطقت للكمساري ونزلت من الحافلة دون أن نتبس ببنت شفة
|
بعد صلاة المغرب بى قليل
كنت واقف قبل كبرى بحرى من جهه الخرطوم .. المطرة (بتشكشك) نقطة نقطة نقطة ..
عاوز أركب الحافلة لبحري ..
وبعد وقفه طويلة ولصعوبة مقاعد فاضية انحشرت فى حافلة مشمع
اتحركت الحافلة وأول ما قطعت الكبري واستعدلت يسار ماشة على تقاطع شارع المزاد وبدون أى مقدمات وقفت - بت - قاعدة على الشباك نص وقفه كده وطاااااخ ادت لييك واحد جنبها كف .. رهييييييب وبصوت عالي - قالت ليهو انت ما عندك ادب .. وفي جزء من الثانية وقبل ما نستوعب أى حاجه طااااخ طار كف أقوى من الأول .. موجه من الولد للبت مع شتائم وسباب ... فى لحظات كده الناس جمعت أفكارها وأستوعبت الحاصل وبدأ ركاب الحافلة أصواتهم تطلع متكلمين مع الزول ده ومهددين وبعضهم قال للسواق وقف فى أقرب مركز بوليس ... وبدت الجوطة ..
وبكل قوة عين كان بعاين للناس فى عيونهم ويرد الشتمه بى أفظع منها ويهدد فى السواق ...
وكان الكلام ده تقريبا يوم انضربت ابراج امريكا 11 سبتمبر
اها الحافلة هدت شوية عشان تزل راكب بين لفة شارع المزاد ومدخل شارع المعونه قبل ما يلف للمحطة وقف الزول بتاع الكف شايل شنطة تمكنا ولابس البدلة الكنغولية ولا اسمها الاشتراكية ما عارف .. وكم واحد عاوزين بحموه ينزل وبتكلمو مع السواق رفع الزول اسفل البدلة وظهر للناس مسدس خاتيهو بالجنبة ووقف فى الباب .. لما هدت الحافلة سرعتها وعلى وشك انها تقيف .. تلب من الحافله ... وأقرب ملف بعد اول دكان خش فيهو ... وأختفى فى الضلام ..
| |
|
|
|
|
|
|
|
|
|
Re: السحركة .. (Re: وضاح عبدالرحمن جابر)
|
زينب ..
أنا قلت الموقف دا حصل (زمااااااااااااااااااان)
يعني قبل ما تقولي لي - الله لا يسيئك - وين الرجولة ووين شنو كدا ما عارف كان تعرفي حيثيات القصة كويس
وإذا هي الطالبة الجامعية على ما أعتقد ما قدرت تدافع عن نفسها .. ها أقدر أنا صاحب الـ 13 سنة ؟؟!
لا أدري حقيقة لماذا يستجدي بعض أعضاء المنبر العداء .. ياخي الموقف دا علق بذاكرتي فقط لسرعة بديهة ذلك الشاب وليس لشئ آخر
والبوست دا بحكي عن حاجات حاصلة زي دي .. سواء كان ما في البوست حقيقي أو خيالي فقط ذكرني بتلك الحادثة
الاخ محمد عمر جبريل / سلام
اولا: انت فى ردك لى ذكرتا العباره التاليه ( وإذا هي الطالبة الجامعية على ما أعتقد ما قدرت تدافع عن نفسها .. ها أقدر أنا صاحب الـ 13 سنة ؟؟! )
يا اخى انا وضعتا كلامك كلو قدام مداخلتى ..ورينى ويين انتا ذكرتا انو عمرك كان 13 سنه ؟؟؟! وويين انتا اشرتا لى انو البنت طالبه جامعيه ؟؟ يعنى
انحنا نعلم بالغيب وثم ثانيا القال ليك منو البنت ما قدرت تدافع عن نفسها ...ما انت قلت بى عضمه لسانك انو البنت قامت قطعت ليك في الشاب دا كف .. طرررراااااخ
يعنى عايزها تعمل شنو اكتر من كدا ؟!!! غايتو الحاجه الوحيده الما عملتا انو ما ادتك انت برضو كف طرررراااااخ عشان تانى ما تجى فرحان بعد الزمن دا كلو وتحكى
قصه زى دى !!! يا خ كان على الاقل تتحسر وتقول يا ريتنى لو كنت كبير فى السن فى الوقت داك اكان دافعتا للبنت المظلومه دى.. كان ممكن الناس تقبلها منك
بعدينك انا لا بستجدى عداء مع احد ولا بستجدى صداقه مع احد... كلو مافى الموضوع انو دا منبر للحوار .... اى زول بيكتب كلام الناس بترد عليه فى حدود ما كتب
وانا شخصيا ما بقدر اجامل فى ابداء رائى فى ما اراه حق
وارجو الا تأخد الموضوع شخصى
| |
|
|
|
|
|
|
|
|
|
Re: السحركة .. (Re: وضاح عبدالرحمن جابر)
|
يا وضاح اسعدنا مرورك
شفت يا وضاح اي سحركة بتصل لي مشكلة بتبقى ما سحرك .. بتبقى اغتصاب
السحراك حريف وبعرف يوقف نفسو بتين
صحيح هو سخيف وبعمل حاجات ما كويسة
لكن عند اي بادرة بتاعة رفض بياخد خط رجعة
| |
|
|
|
|
|
|
|
|
|
Re: السحركة .. (Re: وليد محمد المبارك)
|
Quote: استقر الوضع على هذا الحال حتى قبل حيه بمسافة قريبة فقالت له هي : انا وصلت
رد هو بدون تركيز : انا لسع
ضحكت وقالت : لا انا وصلت محل ما ماشة
|
ههههههههههههههههههههههههههههههههههههه
ههههههههههههاااههههههههههههههههههه
والله دي اجمل لقطة في القصة دي مباااااااااااالغة
ضحك موووووووووووووووووت بجنوووووووووووووون
| |
|
|
|
|
|
|
|
|
|
Re: السحركة .. (Re: وليد محمد المبارك)
|
| Quote: ضحك صاحبنا في سره وقال " ان الطيور على اشكالها تقع" .. فقد كانت له نظرية وكان من مؤيدي المقولة " ان الخليل بالمقارن يقتدي " .. كان مقتنعا تماما ان الفتاة اللعوب صاحباتها لاعبات ماهرات .. ومن تعطيك لن تبخل صاحبتها عليك .. |
| Quote: رد هي بثقة وهو تنظر الى عينيه مباشرة : قلت ليك شيل التلفون من ( فلانه ) وقول ليها لاقيت ( علانه ) و عاوز تلفونها.. ثم اردفت : مالك عيونك بقو حُمر كده وحيلك مات!!؟ |
بالجد معفن يا ودالبشرى
كما تدين تدان .... والديان لايموت
:
:
:
:
:
يا وليد عشااان كدا سموك الشفت
| |
|
|
|
|
|
|
|
|
|
Re: السحركة .. (Re: عبد الحكم ابراهيم الحاج)
|
سالها صاحبنا مزهولا : فلانة بت ناس فلان – اهلها من اكابر القوم في البلد – اولة الدفعة في الجامعة وزميلة فلانة اختي ؟!!
ردت بثقة : آآآآآآآآآآآآآآآآآآآآآآآآآآي .. ياها زاتها
قال باستغراب : اليس انت من ضربت العميد كف لانه تحرش بها ؟!
نظرت اليه بعمق بعد ان ضاقت عينيها حتى كادت ان تغلق ثم قالت وهي تعض على اضراسها : نعم ياها ذاتها .. في اي تعليق
انتبه لكن بعد فوات الاوان الى اشارته السخيفة : لالا ابدا العفو ..
نهضت بسرعة مع ان البص لم يصل المحطة بعد وتحركت في اتجاه الباب بعد ان اضاءت نور التوقف للسائق ولم تنظر الى الخلف مرة اخرى حتى نزلت .. وحتى حينما نزلت .. لم ترفع راسها لتراه او تودعه مع انه كان يجلس في النافذة التي في اتجاهها ...
بعد ان نزلت هي عصفت عواصف كثيرة براس صاحبنا وجاطت اموره ..
واول الامور الجايطة .. هي اخته الصغيرة ونظرية "ان القرين بالمقارن يقتدي "
| |
|
|
|
|
|
|
|
|
|
Re: السحركة .. (Re: وليد محمد المبارك)
|
السلام عليكم يا وليد
| Quote: ان القرين بالمقارن يقتدي " |
قصة إبداع ومن واقع مرير يعيشه مجتمعنا الكبير في وطننا الغالي
أنا ماعارف يا وليد الكلام دا هسع في ولا مافي لكن في الثمانينات لمن كنت الثانوية
كان متواجد وبكثرة والمواصلات وزحمتها كانت بالفعل وعملياًهي متنفس ###### لكثير من البنات والاولاد في طور المراهقة
يديك العافية ويسكنك الصافية يا وليد
| |
|
|
|
|
|
|
|
|
 Re: السحركة .. (Re: وليد محمد المبارك)
|
الدقار ... حجر يوضح لعجلات السيارة ... حتى لا تتدحرج ... ويسخدم مجازًا لهذا النوع من التحرّش الزحامي ... كذلك "الصاجة" ... وهي قطعة من صاح الحديد المسطح والمخرّم ... توضع تحت عجلات الشاحنات والبصات السفرية لإخراجها من التوحّل في الرمال في الطرق البرية ... واللفظ يستخدم مجازًا لنفس الممارسة الإلتصاقية المتحرّشة ...
أمّا السحركة ... والتي تستخدم مجازًا لوصف نفس الممارسة ... فتعني المماطلة في الحركة والتباطؤ في أداء أي عمل أو الإستجابة لأي مؤثر ... بحيث تسمع الروري في الحلة وتتسحرك عن فزعة المنكوب أو تتسحرك في القيام لصلاة الصبح ... وهكذا ... واعتقد انها استخدمت في البصات لأن كثير من "السحاريك" يتظاهر بأنه يريد المرور ليدخل الممر أو ليخرج نحو الباب ... ثم "يتسحرك" في مروره فلا يمر أبدًا ... ويبقى حيث تنحى له الآخر ... مستفيدًا من وضعية التنحي ذاتها ...
قصة بتهبش حتات كتييييرة في حياتنا ... مشكور يا الشفت ...
... المهم ....
| |
|
|
|
|
|
|
|
|
|
Re: السحركة .. (Re: وليد محمد المبارك)
|
كانت متحيزة جدا لبنات جنسها .. وتغضب حينما يدعي الذكور تميزا عليهن ... حتى إنها بسبب مزاح ومكاواة احد الزملاء لها بأنهم هم الرجال قد أقاموا معسكر للامتحانات والمراجعة ..
وقال لها : تقدروا انتن النسوان تعملن واحد ؟
بسب هذا التميز قررت أن تقيم معسكر نسوى للدارسة لزميلاتها في منزلهم.. سالت والدها فرحب بالفكرة.. وأخلى لهن هي وزميلاتها منزلا كبيراً جوار منزلهم كان مؤجرا لسنوات.. أخلاه ليكون مقراً للمعسكر وتعهد بالصرف التام على المعسكر شريطة أن لا يدخله رجل أيا كان ولأي سبب حتى لو كان زميل دراسة يحتاج معينات مذاكرة.. وشرطه الثاني انه يعين على بابه حراسة مع الاستعانة بإحدى شركات حراسة المقرات..
وافقت الفتاة بشروط والدها فرحة .. أقيم المعسكر .. وظل يقام كل امتحانات حتى أصبحت الدفعة جميعها تقريبا تقيم فيه أبان فترة الامتحانات.. فكان ذلك التحدي وتلك المكاواة سببا في تميز فتيات الدفعة أكاديميا على فتيانها على الدوام .
| |
|
|
|
|
|
|
|
|
|
Re: السحركة .. (Re: وليد محمد المبارك)
|
ولان المعسكر نسوى بحت.. كن يأخذن فيه راحتهن .. يتعلمن ويتفاكرن ويتحدثن في المسكون عنه .. الجكس .. والصحوبية .. والفرق بين البوسة والقبلة .. الهبيش والملاطفة .. الخوة النضيفة بين الجنسية أهي ممكنة أم إنها المستحيل الرابع ؟ .. وهكذا مواضيع لا يستطن الفتيات فتحها في مجتمع مختلط .. وان فتحت... احتكر نقاشها الذكور .
وكانت حين تحكي .. تحكي
كان الفتيات يلتفن حولها .. وتونسهن هي .. بخبرة المجربة.. وطلاوة الخبيرة.. حدثتهن عن القبلة الأولى .. وعن لعبة عريس وعروس مع ابن الجيران عند الطفولة الأولى .. وعن تحت السرير وما يحدث هناك.. وعن فضيحة شربكة الشعر بين يايات سرير الحديد ..
وكانت تقول لهن مداعبة : " كلكن لعبتنها عروس وعريس دي .. وكلكن اتشربك شعركن في يايات سرير الحديد .. لكن بتخجلن وما بتقولن ...يا بنات الخجل والعيب عندنا في السودان ببدا بعد سنة الـ 12 لينا نحن البنات .. وبعد سن 14 لاخونا الذكور فما تخجلن واحكن خلونا نونس ..!"
| |
|
|
|
|
|
|
|
|
|
Re: السحركة .. (Re: وليد محمد المبارك)
|
توطدت صداقتها مع إحدى الزميلات .. وكانت شخصيتها عكسها تماما .. سكوت محافظة في لبسها وعلاقاتها .. قليلة الكلام .. بيد أنها كانت مثلها ذات قدر وافر من الجمال .. وكانت شاطرة .. وامتدت علاقتهما حتى وصلت للأسر .. كانت تلك الصديقة لا تسمح لمخلوق كان أن سيتخطى معها الحدود .. حتى في مجرد ونسة .. وان كان هذا الأحد أنثى مثلها .. إلا صاحبتنا هذه.. كانت تستمع لحكاوي صاحبتنا السفيهة فتضحك وتقول لها الله يجازي محنك يالمسنوحة .. أنت بت لزينا وكارثة ...
صديقتها هذه كانت تسكن قريب منهم .. مع خالها .. هي وأخوها الأكبر.. كانت أصولها من خارجة المدينة وحضرت إليها كما أخوها للدراسة الجامعية فقط.. كانوا من قرية تقع بين الخرطوم وشندي .. أخوها أكمل دراسته الجامعية .. وهو الآن يعمل بإحدى الشركات .. كانت أخته كثيرة الإعجاب به .. و تتحدث عنه أمامها وأمام الأخريات باستمرار .. وتقول لهم : العندها اخوي زي منو .. محترم وصادق وودود ووجيه ... واييييييييي حاجة ...
وكان يرد عليها الفتيات : خلاس عرسيه طيب
حكت ذات مرة لصاحبتنا إن ابنة خالها الذي يعيشون معه .. وكانت مراهقة جميلة كبرت قبل يومها .. تحب أخوها .. وإنها تمادت لدرجة أنها راودته عن نفسه ..
سالتها صاحبتنا مستغربة : وأنت عرفت كيف الكلام ده ؟
قالت لها : حصل الكلام ده بالليل .. أنا بنوم مع اخوي في الحوش الوراني .. ما بطمئن يا فلانة إلا أكون نايمة جم فلان اخوي .. نحن في غربة وما لينا إلا بعض ..
قاطعتها : عارفاك .. عارفاك .. قديتينا قد .. الحصل شنو ؟
واصلت صديقتها : جات البت تتسحب زي الساعة اتناشر او وحدة كده بالليل.. انا كنت صاحية .. ما جاني نوم .. لكن جارة التوب على وشي .. وما مكتره الحركة عشان فلان ما يصحا .. المسكين كان نايم تعبان من الشغل
قاطعتها : اها ..
واصلت : جات ووقفت فوق راسي عاينت لي مسافة .. وانا عاملة ميته .. مشت قعدت جم فلان .. وبدون أي مقدمات قطعت فيه بوسة .. انا لمن نفسي قطع ..
صاحبتنا مقاطعة بعد أن اشتد تركيزها واهتمامها : اها ..!!
واصلت : صحا هو زي المجنون .. وزحاها منو بسرعة .. وقال ليها يا بت أنت جنيتي .. المسنوحة بدون خجلة ولا خوفة قالت ليه .. انا بحبك يا فلان .. قام تترب من السرير زي المجنون .. ومشى تاوق في الحوش التاني .. قالت ليه هي ما تخاف الناس نايمه ..
صاحبتنا : واللللليلة .. اها احكي احكي
واصلت صديقتها : جاها راجع .. وقال ليها .. يا خ انا ضيف في بيتكم هسع أبوك لو شافنا يقول شنو ؟ .. قالت ليه هي .. أبوي بحبك وما بزعل منك .. رد هو ما يزعل شنو انت مطرطشة .. يا بت انت زي اختي النايمة دي .. وانتبه في اللحظة ديك لوجودي جمبهم .. قام عاين لي في وشي شديد .. قالت ليه هي تاني .. دي زاتها نايمه
صاحبتنا مقاطعة : اها
اخدت صديقتها نفس ونظرت لسقف الغرفة ثم واصلت : قالت ليه أنا ما أختك .. أنا بت خالتك .. وبريدك .. قام هو قال ليها .. أنت أختي عديل ما زي أختي .. وما بتريديني ولا حاجة .. لكن اتعودتي علي .. وأنت في مرحلة مشاعرك فيها مشوشة .. وأي زول غريب منك لكن قريب من دائرتك .. بتفتكري انك بتحبيه .. ردت هي عليه : لا انا متاكدة من مشاعري .. قام أتهيج هو .. وهو أساسا لمن يهيج صعب .. وقال ليها قومي من جمبي انعل ........ وسب ليها الدين وسب الدين للخرطوم واي حاجة .. البت قامت جارية صوف ..
صاحبتنا مقاطعة : اها ..
صديقتها مواصلة : كورك ليها قبلي ما تصل الحوش التاني ... وقال ليها بكره بعد ما اجي من الشغل عاوزك تجيني كويس .. رد ليه من بعيد كويس وجرت
صحبتنا : وبعد داك
صديقتها : بعد داك الموضوع انتهى وانا عرفت منها انو أتكلم معاها وقال ليها كلام كتير لف بيه رأسها وقال ليها خلاس اجلي الموضوع ده لمن تكبري وتقري الجامعة نتناقش فيه .. هسع ما عاوز أي طرطشة .. وتاني ما تعملي كده .. والبت عشان بتريدو جد .. وبتخاف منو .. سمعت كلامو العويرة .. وهسع مستنية بتين تدخل الجامعة ........ ثم ضحكة بعد ذلك
قاطعتها صاحبتنا : موش بت خالتك دي ياها البت السمحة شديد ديك ؟
ردت عليها صديقتها : ياها زاتها ... موقفة الحلة قرون قرون .. عمرها 15 ولحدي هسع خطبوها اربعة مرات .. مساكين نحن
صحبتنا : البت الظاهر عليها مسنوحة .. مع انو شكلها ما كده
صديقتها : لا والله .. مهذبة جدا .. أنا ذاتي استغربت فيها .. والاكتر عاجباها روحها .. وما بتتحرك تجاه راجل كان كسر رقبتوا .. وما مدياهم فرصة أساسا .. لكن ما عارفها مالها .. ثم رجعت تفتخر باخوها .. ده لكن ما فلان الزيو مناف اتنين
صاحبتنا : خلاس خلاس قديتينا ..
بدأت صاحبتنا تتشوق لمقابلة اخو صديقتها .. فمن هواياتها معرفة البشر ومعرفة مكنوناتهم .. وهذا الأخ مادة خام جيدة لفضولها
| |
|
|
|
|
|
|
|
|
|
Re: السحركة .. (Re: وليد محمد المبارك)
|
مميزاتها وحيويتها ومشاركتها جعلتها مركز اهتمام عند الاساتذه والادارة بالكلية .. واكثرهم اهتماما بها استاذ كبير السن وقور يرتدي دائما الزي السوداني الرسمي .. صاحب مكانة علمية كبيرة .. وشخصية اكاديمية مشهورة .. ومقدم برامج اكاديمية وتوعوية ودينة في عدة قنواة .. اخبراها ذات مرة انه يعرف اسرتها جيدا .. وهو صديق وزميل قديم لوالدها ... كان كثير الاهتمام بها والتركيز عليها اثناء المحاضرات وخارج نطاق القاعات .. وكثيرا ما كان يداعبها او يوجه اليها الاسئلة اثناء الدرس .. وكانت تعاملة هي معاملة الخال والعم اكثر من معاملتها له معاملة الاستاذ والمعلم
| |
|
|
|
|
|
|
|
|
|
Re: السحركة .. (Re: وليد محمد المبارك)
|
في فترة لاحقة اصبح هذا الاستاذ يسبب لها ضيقا وحرجا .. كثيرا ما كان يناديها الى مكتبه .. ويكلفها بمهمات اكاديمية اكثر من زملائها .. واحيانا بمهمات خاصة في النطاق المعقول لكنها مرهقة جدا لها ..
لم يغب عن بالها ابدا اخو صاحبتها .. وكانت تتنمنى مقابلته ومعرفة شخصيته عن قرب .. لذلك اصبحت تذهب الى حيث تقيم صاحبتها كثيرا .. وبقربها من الاسرة عرفت اشياء اخرى عنه جعلتها تزداد اعجابا به وتمنيا لمقابلته .. واكثر من كان يتحدث عنه ابنة خاله المراهقة .. لا ينفتح موضوعا الا وتاتي بذكره او تقارنه او تقارن فعله بالموضوع .. واصبحت صاحبتنا تتضايق من ذكرها الكثير له وتهاجمها احيانا .. اول مرة قابلته كانت خارجة من زيارة لصاحبتها .. وقابلهم عند الباب .. وبادرهم بالسلام ..
فردت اخته : اهلا اخوي فلان .. دي صحبتي فلانه الكلمتك عنها
نظر اليها سريعا ومد يده ثم نظر الى الاض وقال : مرحب .. فرصة سعيدة القابلتك .. وسحب يده من يدها بسرعة .. ثم حول نظره لاخته قائلا .. انا جعان يا فلانه سوي حاجة اكلها سريع .. ثم استاذن وانصرف
اعجبها واغضبها .. اعجبها شكله فهو وجيه مريح الشكل ورياضي .. واغضبها عدم اهتمامه بها
| |
|
|
|
|
|
|
|
|
|
Re: السحركة .. (Re: وليد محمد المبارك)
|
أستاذها صاحب المكانة العلمية المرموقة .. خطيب و إمام واحد من أشهر مساجد المدينة.. و يقدم برنامج توعوي ديني اجتماعي في القناة الرسمية للدولة .. وهو من المشاهير ومن الأشخاص المشهود لهم في المدينة بالورع والتقى..
أما في الجامعة فقد كان ملتزم وحازم ومهاب .. لكن الأخبار كانت ترشح عنه وتقول انه كان مزواجاً ويحب السنغنغ * .. حتى أنها قد سمعت يوما ( قطيعة ) لم تركز معها .. انه تزوج سكرتيرته التي تصغره بسنوات كثر سراً..
________________
السنغنغ : الفتيات الصغار .. ويطلق على الاولاد احيانا
| |
|
|
|
|
|
|
|
|
|
Re: السحركة .. (Re: وليد محمد المبارك)
|
| Quote: رد هي بثقة وهو تنظر الى عينيه مباشرة : قلت ليك شيل التلفون من ( فلانه ) وقول ليها لاقيت ( علانه ) و عاوز تلفونها.. ثم اردفت : مالك عيونك بقو حُمر كده وحيلك مات!!؟ |
وهنا كان هدف هلال كادوقلي القاتل
وليد.......
الخبير والحاصل علي علامة الجودة من الايزو
سحركه ومحركه
واصل
سرد رآئع
| |
|
|
|
|
|
|
|
|
|
Re: السحركة .. (Re: لؤى)
|
يا ابو اللول
كيف اخبارك
ياخ والله انا بنحت راسي نحت عشان اتذكر .. والبلد بقت طاحونة البلقى فيها فرقة لكتابة محظوظ
تحياتي
| |
|
|
|
|
|
|
|
| |
وليد محمد المبارك
Ashraf el-Halabi
انور التكينة
garjah
أسامة البلال
محمد البشرى الخضر
Albino Akoon Ibrahim Akoon
Rawia
وضاحة
زينب محمد عبدالله
ناصر احمد الامين
محمد عمر جبريل
عادل الباهي عبدالرازق
طارق جبريل
Hassan Bakri Nugud
Hatim Elmaki
Mahmoud Mustafa Mahmoud
Elsanosi Badr
saadeldin abdelrahman
عبد العزيز عبدالكريم نهار
معاوية الأرباب
وضاح عبدالرحمن جابر
محمد حمزة الحسين
عبد الحكم ابراهيم الحاج
الصادق صديق سلمان
تبارك شيخ الدين جبريل
محمد على طه الملك
showgi idriss
محمد يوسف طه
حامد الغبشاوي
لؤى
أبو ساندرا
فيس بوك
تويتر
انستقرام
يوتيوب
بنتيريست