|
|
|
 Re: البرنس .. يُفقد الهلالاب صوابهم !! (Re: صلاح أبودية)
|
Quote: فى هلالاب خلوا الكورة عديل كده !!
وقالوا تانى ده طرفنا من الهلال ! |
أنا منهم ولكن ليس بسبب البرنس يا صلاح
فالأخطاء المتراكمة والمتعمدة بالهلال
هي التي جعلتنا نزهد في الكورة السودانية التي يمثلها الهلال
فالامر يحتاج الي حكم وصبر ...لا أظنه موجود الآن والي ان يعود
حا تلقانا تاني هنا بنهتف سيد البلد...ونلقاكم انتو في وصافتكم
الخليناكم عليها...
| |
 
|
|
|
|
|
|
|
|
Re: البرنس .. يُفقد الهلالاب صوابهم !! (Re: abas)
|
عباس ..
| Quote: والله يا ناس غير طلحه مافي زول بقول الحقيقه في المريخاب كلهم وتمشو وترجعوا لي كلامو صدقوني |
كلام طلحة على العين والرأس هو مننا وفينا ..
لكن بعدين لمن البرنس يمسك الكورة وكليتشى يمرق من نص المدافعين ..
كلم طلحة ده قول ليهو ما تطلع فى الكرسي عشان تشوف الباص وصل ولّ إتأخر فى التفتيش !!!
| |
|
|
|
|
|
|
|
|
Re: البرنس .. يُفقد الهلالاب صوابهم !! (Re: خالد عبد الله محمود)
|
الأخ خالد عبدالله
لك التحية والإحترام
Quote: على بالأيمان يا أبوصلاح لو عندكم ربع الإحساس ده كنتو أنتو زاتكم خليتوها زمان ثم شرختم شرخة مع سبق الإصرار و الترصد ..
لكن فريقكم ده يا كافي البلاء لا إحساس لا كرامة |
الإحساس ياتو يا خالد ؟
نحن المريخ ده غايتو كده كده برّد بطنا وجاب لينا كأس قارى زى ما بقولوا ..
أنا عارف الكلام ده ما بعجبكم .. لكن دى الحقيقة !!
| |
|
|
|
|
|
|
|
|
|
Re: البرنس .. يُفقد الهلالاب صوابهم !! (Re: nazar hussien)
|
Quote:
أنا منهم ولكن ليس بسبب البرنس يا صلاح
فالأخطاء المتراكمة والمتعمدة بالهلال
هي التي جعلتنا نزهد في الكورة السودانية التي يمثلها الهلال
فالامر يحتاج الي حكم وصبر ...لا أظنه موجود الآن والي ان يعود
حا تلقانا تاني هنا بنهتف سيد البلد...ونلقاكم انتو في وصافتكم
الخليناكم عليها...
|
الأخ Nazar
لك التحية والإحترام
ياخ والله كلنا بطنا طامة !!
لكن نسوي شنو ياهو ده العندنا ..
يا هلال مريخ ..
أو ال...... !!!
| |
|
|
|
|
|
|
|
|
|
Re: البرنس .. يُفقد الهلالاب صوابهم !! (Re: أيمن دياب)
|
اخي صلاح
مؤسسه الهلال كما الدول لا تقف و لا تنحني لاجل احد فهي سايره بعجله قوية و تروس اصلب . كان في الهلا عمالقه اثروا و اطربوا الحياه الكرويه صديق منزول و جكسا و الدحيش و قاقا و النقر و القائمه تطول فمن هو هيثم مصطفي جل ما اضافه للهلال اخلاق سيئه ان لم تكن اقبح من وجهه .
الزبير
| |
|
|
|
|
|
|
|
|
|
Re: البرنس .. يُفقد الهلالاب صوابهم !! (Re: الزبير بشير)
|
الزبير بشير
تحية طيبة
Quote:
مؤسسه الهلال كما الدول لا تقف و لا تنحني لاجل احد فهي سايره بعجله قوية و تروس اصلب . كان في الهلا عمالقه اثروا و اطربوا الحياه الكرويه صديق منزول و جكسا و الدحيش و قاقا و النقر و القائمه تطول فمن هو هيثم مصطفي جل ما اضافه للهلال اخلاق سيئه ان لم تكن اقبح من وجهه .
|
ياهو زي كلامك ده الأنا قاصدو ..
مؤسسة شنو ووهم شنو ياخ هضربتكم دي ما بتخلوها كلو كلو ..
وعندكم فرمالة بتاعت هلال شنو كده ما عارف الوطني !!
نحن بنتكلم عن كرة قدم !!
لاعب إنتقل من نادي إلي ناد آخر وبس !
| |
|
|
|
|
|
|
|
|
|
Re: البرنس .. يُفقد الهلالاب صوابهم !! (Re: صلاح أبودية)
|
سلام سيد البوست
اولا هيثم ما انتقل من نادي لاخر اتشطب من نادي وتم تسجيلو بنادي اخر
مبروك عليكم هيثم مصطفي وعلاء كتير من الناس بيقولو انو لو كان هيثم موجود في مباراه دجوليبا كان الهلا شال الكاس
والصحيح هو لو كان هيثم اتشطب قبل المباررياب ديك كان الهلال شال الكاس
الهلال ملئ بالنجوم وهيثم اساسا ما كان بيلعب بس البطيخ عفو المريخ محتاج ليهو شديد
| |
|
|
|
|
|
|
|
|
|
Re: البرنس .. يُفقد الهلالاب صوابهم !! (Re: Yasir Mansour Idris)
|
ياسر
كييف حالك
| Quote: اولا هيثم ما انتقل من نادي لاخر اتشطب من نادي وتم تسجيلو بنادي اخر |
إتشطب من الهلال وتم تسجيلو فى المريخ ... ما فرقت كتير !!
Quote: مبروك عليكم هيثم مصطفي وعلاء كتير من الناس بيقولو انو لو كان هيثم موجود في مباراه دجوليبا كان الهلا شال الكاس
والصحيح هو لو كان هيثم اتشطب قبل المباررياب ديك كان الهلال شال الكاس |
هسى هيثم إتشطب ..
ح تشيلوا الكاس ؟؟
| Quote: الهلال ملئ بالنجوم وهيثم اساسا ما كان بيلعب بس البطيخ عفو المريخ محتاج ليهو شديد |
والهليهيل عفواً الهلال محتاج لى شنو ؟؟
| |
|
|
|
|
|
|
|
|
|
Re: البرنس .. يُفقد الهلالاب صوابهم !! (Re: ياسر منصور عثمان)
|
ياسر منصور الجديد !
عندك ياسر منصور قديم من 2010 !
مرحب بيك فى حوش بكرى ..
Quote: مشطوب لسوء السلوك...
بس |
السلوك يا تا ؟؟ بتاعت ود الموج ولّ غيرها ؟؟
ياخ إنت قايلها خدمة مدنية ؟
يعنى طلعتوا ليهو شهادة بتاعة سوء سلوك وتانى ما حا يشتغل كلو كلو !
ياخ دى كورة كورة !!
والكورة دى زاتها عند ناس كده براها سوء سلوك وحرام كمان !
| |
|
|
|
|
|
|
|
|
|
Re: البرنس .. يُفقد الهلالاب صوابهم !! (Re: الزبير بشير)
|
مؤسسه الهلال كما الدول لا تقف و لا تنحني لاجل احد فهي سايره بعجله قوية و تروس اصلب . كان في الهلا عمالقه اثروا و اطربوا الحياه الكرويه صديق منزول و جكسا و الدحيش و قاقا و النقر و القائمه تطول فمن هو هيثم مصطفي جل ما اضافه للهلال اخلاق سيئه ان لم تكن اقبح من وجهه .
الزبير
...........................................................
هى دى الحقيقة وبس ,,,,,,,,,,,,,, برافو عليك يا زبير .
| |
|
|
|
|
|
|
|
|
|
Re: البرنس .. يُفقد الهلالاب صوابهم !! (Re: حاتم عثمان)
|
حاتم عثمان
| Quote: هى دى الحقيقة وبس ,,,,,,,,,,,,,, برافو عليك يا زبير |
هسى عليك مداخلتك قاشطة فى نص البوست مالك ؟
| Quote: ان لم تكن اقبح من وجهه . |
كمان دايرين تطلعوا شين ؟؟
إن شاء الله يكون بعاتى .. عاجبنا برضو !
| |
|
|
|
|
|
|
|
|
|
Re: البرنس .. يُفقد الهلالاب صوابهم !! (Re: صلاح أبودية)
|
| Quote: الإحساس ياتو يا خالد ؟ |
إحساس إنو مافي كائن منتمي للفريق أكبر من الفريق نفسو
إحساس إنكـ ممكن تخلي تشجيع الفريق زاتو لو أصرت إداراتو علي سلوكـ الطريق الخطأ
إحساس إنو الفريق هو البصنع اللاعبين و ليس العكس لذلكـ أي لاعب يخرج عن طوع الفريق يتخارج طوالي
الحقيقة يا أبوصلاح و أعذرني على الحتة دي لكن معظم المريخاب عبارة عن قطيع يساقون الي حيث تريد إدارتهم إلا من رحم ربي
عليكـ الله بعد عملية هروب الحضري و إساءته لكل الفريق من الرئيس إلي أصغر لاعب ثم عودته رغم ذلكـ معززاً مكرماً من المطار للملعب طوالي دي براها لو في شوية إحساس زي ده مش تخليكـ تخلي أبو الكورة زاتو مش تشجيع المريخ و بس !!
لكن لا حس و لا خبر بخلاف طلحة تنظير الجميع إنساق وراء تبرير مجلس الإدارة الواهي
الحمد لله على نعمة الهلال ياخ .. 
| |
|
|
|
|
|
|
|
|
|
Re: البرنس .. يُفقد الهلالاب صوابهم !! (Re: خالد عبد الله محمود)
|
| Quote: الحقيقة يا أبوصلاح و أعذرني على الحتة دي لكن معظم المريخاب عبارة عن قطيع يساقون الي حيث تريد إدارتهم إلا من رحم ربي |
لا لا يا خالد دي كبيرة منك وأنا ما قبلتها منك !
لكن عاذرك برضو اصلو الأيام دي كان ما عذرناكم نعذركم متين ؟؟
الدخلا فيكم البرنس مابتمرق بالساهل !!
قطيع عديل كده ؟؟
ياخ إنت لو شفت إستقبال الكردينال في المطار الكان منقول على الهواء كان عرفت القطيع محلو وين !!
ول كدي أمشي بي ليلك ده لإستادكم شوف القطيع البعلفوا فيهم اليوم كلو ديل تابعين لي وين ؟؟
| |
|
|
|
|
|
|
|
|
|
Re: البرنس .. يُفقد الهلالاب صوابهم !! (Re: صلاح أبودية)
|
هسي عليكم الله البقول فيهو صلاح إدريس ده مش فقدان الصواب زاتو !!
يقول البرنس وقع للمريخ بسبب جنون لحظي !!
شوف ده عليك الله !!
بعد غلبو يسجل البرنس وعلاء الدين في أهلي شندي قام يهضرب !!
والله المجنون ده حا يطير ليكم باقي العقل الفيكم !!
| |
|
|
|
|
|
|
|
|
|
Re: البرنس .. يُفقد الهلالاب صوابهم !! (Re: صلاح أبودية)
|
أبو صلاح
كيف حالك
يا اخي مبروك عليكم البرنس سيدها
الذي جاءكم مغاضبا وفتح الباب على مصرعية
لمثل هذه المواقف التي تثير استغرابك
كل حسب حبه للهلال
حتما انتقاله لن يكون نهاية روعة الهلال وانسيابه مجرى الدم فينا
ولن يكون بداية لأمجاد المريخ فالمريخ كبير بغيره
ولا تطلع أي فريق سوداني للحصول على كاس خارجي
ربنا يديكم خيرو ويكفيكم شر
اختلاف جماهير المريخ وادارته حوله
| |
|
|
|
|
|
|
|
|
|
Re: البرنس .. يُفقد الهلالاب صوابهم !! (Re: ديامي)
|
| Quote: لكن بعدين لمن البرنس يمسك الكورة وكليتشى يمرق من نص المدافعين .. |
غايتو يا ابوديه بركه العرفتو قيمة هيثم سيدا واعترفتو بيها .
والحمد لله انكم عرفتو معنى واسباب عشق جماهير الهلال له.
هذا اللاعب الفذ الفنان القائد الملهم الذى قدم للهلال الكثير والكثير.
.......................
كنتم تزعمون انه هيثم قارورة... هيثم شلاليت ...اللاعب العجوز الذى ليس لديه شئ يقدمه للهلال سوى افتعال المشاكل والاساءه لادراته وزملائه.
.اليوم اصبح البرنس هو راس الرمح الذى ترجون ان تصيبوا به الهلال العظيم فى مقتل ..
يا لبؤسكم.
يا سبحان مغير الاحوال من حال الى حال.
| |
|
|
|
|
|
|
|
|
|
Re: البرنس .. يُفقد الهلالاب صوابهم !! (Re: ديامي)
|
ديامي
لك التحية والإحترام
شرفني مرورك والله وعذرا لتأخري في الرد عليك
Quote:
يا اخي مبروك عليكم البرنس سيدها
الذي جاءكم مغاضبا وفتح الباب على مصرعية
لمثل هذه المواقف التي تثير استغرابك
كل حسب حبه للهلال
حتما انتقاله لن يكون نهاية روعة الهلال وانسيابه مجرى الدم فينا
ولن يكون بداية لأمجاد المريخ فالمريخ كبير بغيره
ولا تطلع أي فريق سوداني للحصول على كاس خارجي
ربنا يديكم خيرو ويكفيكم شر
اختلاف جماهير المريخ وادارته حوله
|
كلامك كلو حكم والله !!
أتمنى أن يدوم الهلال رائعا بدون البرنس
وأن يكون قدم خير لمجد جديد للمريخ
| |
|
|
|
|
|
|
|
|
|
Re: البرنس .. يُفقد الهلالاب صوابهم !! (Re: محمد جمعه الخير)
|
إتخيلوا يا جماعة !!
عشان ما تقولوا أنا متجنى على الهلالاب ساى !!
إتخيلوا جريدة الأسياد لسان حال الهلال قالت شنو أول أمبارح بعد الكورة بتاعة الهلال !!
إتخيلوا ..
قالت إنو الهدف الجابو تراورى فى سيوى نتج من عكسية متقنة نفذها قائد الهلال هيثم مصطفى !!!!!!!!!!!!!!!!!!!!!!!!!
..
.
.
مش قلت ليكم !
البرنس جنن الهلالاب ؟
| |
|
|
|
|
|
|
| |
صلاح أبودية
الامين موسى البشاري
haroon diyab
nazar hussien
خالد عبد الله محمود
abas
الزبير بشير
Yasir Mansour Idris
ياسر منصور عثمان
ابراهيم الفاضل
تاج السر محمد حامد
بدرالدين الطائف
عبد العظيم احمد
ناصر احمد الامين
بدر الدين مهدي
سامى عبد المطلب
جمال ود القوز
محمد جمعه الخير
فيس بوك
تويتر
انستقرام
يوتيوب
بنتيريست