|
Re: فى مسيد شيخ الامين قالت الصور (Re: منتصر عبد الباسط)
|
والله كلام
انا اتحسرت اني ضيعت الفرصة الجاتني
بتذكر بدري كان المريخ لاعب مع الاهلي المصري
لاقيت عمنا مريخابي متعصب العصير كده وطوالي سالني اها الكورة دي الليلة كم
سألني سؤال ساي تقريبا سأل اي زول قبل الكورة
نجرت رقم وقلت ليه خمسة
وقد كان (مددددددددددددددددد)
يازول الناس الخشت الكورة كلها تتكلم والله كلام الجنيد صاح الزول ده مبروك الزول ده سموه على شيخ
تاني يوم البيت اتزرد حروم العندها وجع راس الجاها زلالي العندها ولداً طاشي
والشغلة مشت كم شهر المراة والراجل بجوا البيت يالجنيد اعزم لينا عليك الله
بزوغ المهم بعد تحانيس بجي بخت يدي وما بقول على الايمان اي حاجة
حكمة ربك الزول يقول بقيت كويس(مددددد)
بعد مشيت الخرطوم اسوة بالسابقين من اهالي الضهاري جليت القصة
الحبوبات الفي البلد بقولن والله انت شيخ لكن اتسختة ساهي
والله بعد شفت القصة دي اتحسرت على شبابي الضيعتو وندمان عديل
هسي كان لا شغل ولا مشغلة نوبة ونقزي وقطع شك زيارات لبلد الخواجات السمحين ديلك .......................
يقال للجهل دور في ذلك ولكن لا اظن(مسألة الاعتقاد في الاشخاص وغيره)
التانية
قبل كم يوم جاني (مهندس ) سوداني يعني زول قاري وفاهم اداني ورقة مطبقة قالي صور الورقة دي
قلت افتحها صاح فيني لا افتحة جمب المكينة بلعت ريقي وقلت احتمال ورقة طلاق زواج عرفي ماداير الناس يشوفوها
المهم صورتها عشرة نسخ ومديتا ليها طوالي اداني واحدة قال لي دي بتعدل الخطوة
قلت ليه سمح وشلت الورقة لقيت فيها كم نجمة وكم مربع وفوق مكتوب رزقاً وفير زي اربعة مرات
شرطت الوريقة ومرقت قنعان تب من المخارجة من القصة دي لانو الانسان كل ما يتزنق بفتش للمراقة
وهنا بجي الشيخ (واقصد الدجالين) يستغلوا الفرصة ويبقوه مريد ومريد اول امكن
..........................................
تحياتي
والشيخ (كاشخ) كما يقول اهل الخليج
|
|
|
|
|
|
|
العنوان |
الكاتب |
Date |
فى مسيد شيخ الامين قالت الصور | بلدى يا حبوب | 07-24-13, 10:58 AM |
Re: فى مسيد شيخ الامين قالت الصور | Asim Fageary | 07-24-13, 11:05 AM |
Re: فى مسيد شيخ الامين قالت الصور | Osama Siddig | 07-24-13, 11:18 AM |
Re: فى مسيد شيخ الامين قالت الصور | ولياب | 07-24-13, 11:22 AM |
Re: فى مسيد شيخ الامين قالت الصور | Ahmed musa | 07-24-13, 11:27 AM |
Re: فى مسيد شيخ الامين قالت الصور | بلدى يا حبوب | 07-24-13, 11:29 AM |
Re: فى مسيد شيخ الامين قالت الصور | عمر عبد الكريم علي | 07-24-13, 11:50 AM |
Re: فى مسيد شيخ الامين قالت الصور | ahmedona | 07-24-13, 11:58 AM |
Re: فى مسيد شيخ الامين قالت الصور | بلدى يا حبوب | 07-24-13, 11:57 AM |
Re: فى مسيد شيخ الامين قالت الصور | اساسي | 07-24-13, 12:06 PM |
Re: فى مسيد شيخ الامين قالت الصور | طه جعفر | 07-24-13, 12:04 PM |
Re: فى مسيد شيخ الامين قالت الصور | طه جعفر | 07-24-13, 12:06 PM |
Re: فى مسيد شيخ الامين قالت الصور | Asim Fageary | 07-24-13, 12:08 PM |
Re: فى مسيد شيخ الامين قالت الصور | ALGARADABI | 07-24-13, 02:02 PM |
Re: فى مسيد شيخ الامين قالت الصور | Mohammed Awad | 07-24-13, 02:22 PM |
Re: فى مسيد شيخ الامين قالت الصور | بلدى يا حبوب | 07-25-13, 04:18 PM |
Re: فى مسيد شيخ الامين قالت الصور | بلدى يا حبوب | 07-25-13, 04:40 PM |
Re: فى مسيد شيخ الامين قالت الصور | معتصم محمد عبدالرحمن | 07-25-13, 10:26 PM |
Re: فى مسيد شيخ الامين قالت الصور | منتصر عبد الباسط | 07-26-13, 01:38 AM |
Re: فى مسيد شيخ الامين قالت الصور | الجنيد حمد | 07-26-13, 02:10 AM |
|
|
|