Quote: أعتقد أنها تعني ( الذين يُلْقون التحية ) وفي رواية أخرى : الذين يحْيون ذكرى معينة ترقد في الذاكرة والمعنى في بطن الشاعر
معقول تفسر لينا الماء بالماء ؟ اها كده جهجهتنا أكثر أفصح ياخ .. وأظن المعنى في بطن ( المسكوت عنه ) كدي في الأول أدينا النماذج وبعدين القصة بتظهر يجوك ناس ود الموج و عاطف عمر و صلاح عبدالله و محمدأبوالعزائم ورهط من الضالعين في الأغنية السودانية و أسرارها
08-28-2013, 09:39 AM
ابو جهينة
ابو جهينة
تاريخ التسجيل: 05-20-2003
مجموع المشاركات: 22550
نموذج 2 الحالم سبانا ---------------- (الحالم سبانا احب طرفو الكحيل اكرم لي هوانا يعيش محيو الجميل ) و (تأمل فيهو مرة وشوف دل العذارى تلقى الصورة تحلف يوسف في اطاره)
تفكيك : - محيو الجميل ده فيهو دل العذارى الحالة هنا تشبيه ، عنده خجل زي خجل العذارى لو كان هو من العذارى ، لما كان الوصف على اساس التشبيه بالدارجي كده ، فيهو خجل البنات ماممكن نقول البنت دي فيها خجل البنات ، ما اصلو حقها - المؤشر الأوضح الذي يكشف عن مراد الشاعر أن الجمال المقصود جمال رجل والدليل يوسف سيدنا يوسف مثال جمال الرجال وهو من نوع الجمال الذي يستفز ويغري النساء ومحنة يوسف مع اخوته اساسها الغيرة لإهتمام الأب به من دونهم لكن محنته الأخرى أنه فتن نساء القصر وهذا وضع طبيعي الشاذ هو أن يهتم الرجال / الشاعر بجمال رجل تشبيه محيو ب يوسف
08-29-2013, 09:17 AM
ابو جهينة
ابو جهينة
تاريخ التسجيل: 05-20-2003
مجموع المشاركات: 22550
كما تعلم بأن بعض الشعراء يطلقون المعنى القريب وهم يقصدون المراد البعيد ( ودة بيدخل في إطار المعنى في بطن الشاعر )
ثانيا :
سيدنا يوسف ، فاق جماله أي جمال حتى وصل الحد بأن قالت نسوة زوجة فرعون ( ليس هذا ببشر بل مَلَك ) ، إذن جماله يفوق جمال كل بشر بما فيهم الإناث .
ثالثا : دل العذارى ، يختلف عن دل غير العذارى ، لأن دل العذارى لا تكلّف فيه ولا صنعة ، أما باقي الدلال عند غير العذارى فهو مصطنع في مواقف معينة ولأجل غرض معين.
دمتم
08-29-2013, 09:28 AM
أبو ساندرا
أبو ساندرا
تاريخ التسجيل: 02-26-2003
مجموع المشاركات: 15493
الكومندنتا فيصل محمد خليل .. شكرآ على وردي سيف اليزل الماحي .. شكرآ على المحاولة ، الدقت في العارضة محي الدين برير حامد .. بمداخلة يتيمة إعتمدناك من ظرفاء المنبر بس بعد ما تفهم حكاية ( محيو ) هذه ما يبقى ليك بمبي
08-29-2013, 09:38 AM
أبو ساندرا
أبو ساندرا
تاريخ التسجيل: 02-26-2003
مجموع المشاركات: 15493
ابوجهينة قال معناها من يلقون التحية قلت ليهو الوهلة الاولى دكتور بلة قال دلع محى الدين برضو قلت ليهو الوهلة الاولى عليك الله لمن تجى الوهلات التانية والتالتة ادونا خبر (ههههه) وجيبو لينا اخر وهلة (اخت اخر لحظة الكبيرة) ههههه حاكم نحن لسة عيال صغيرين فى البورد دا وبنقرا بى عيونا بس لسة مرحلة مابين السطور وقراية الاضنين والانف والحنجرة دى ما وصلناها فا شنو ادونا النجيضة على قول ود الصائم فى عزلته المجيده
ودمتم
محيو
08-29-2013, 10:30 AM
أبو ساندرا
أبو ساندرا
تاريخ التسجيل: 02-26-2003
مجموع المشاركات: 15493
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة