|
Re: معايدة الدوحة .. دعم andquot;مبادرة نفيرandquot; لاغاثة متضرري الا (Re: Faisal Al Zubeir)
|
محمد عثمان "كمبورة" عضو المجلس الخمسيني للجالية، القى كلمة اللجنة المنظمة،مستنهضا الههم لنجدة اهلنا بما تجود به الايادي الخيرة لاهل بلادي،وقال"كنا نتطع الى احتفال بالعيد ببرنامج متنوع لكن فرحتنا لن تكتمل حتى يستعيد اهلنا عافيتهم بعد كارثة السيول والامطار التي دمرت المنازل وشردت الاسر، وعلينا مد يد العون والضرر الكبير وجبره واجب الجميع" وتابع" انطلق نفير الدوحة من خلال لجنة برئاسة مولانا محمد المصطفى،نائب الامين العام للجالية وتحت مظلتها وتضم اعضاء المكتب التنفيذي وعددا من الناشطين".
| |
|
|
|
|
|
|
Re: معايدة الدوحة .. دعم andquot;مبادرة نفيرandquot; لاغاثة متضرري الا (Re: معاوية الزبير)
|
الاخ فيصل حضره
لك التحيه والتقدير
وكل عام وانت والاسره بالف خير
احتفال جميل ومرتب كما عودتمونا دائماً
خاصه وان هذا الاحتفال أتي فى وقت
الكارثه التي ألمت باهلنا فى السودان
والذي لم يقوم النظام بأي دور لانقاذ هؤلاء البسطاء
وتقديم يد العون لهم والذي هو واجب اي حكومه
بل قام النظام بمحاولة تثبيط جماعة النفير
والتشكيك فى ما يقومون به تجاه اهلهم
هذا النظام قد اثبت حقيقة واحده , انه نظامٌ فاسد
ويجب ان يذهب اليوم قبل الغد
نظام يسافر رئيسه لايران تاركاً شعبه فى العراء
هذا المجرم المطلوب دولياً لم يعد له اي مكان فى اي بقعة من الارض
فالافضل له ان يقوم بتسليم نفسه للمحكمه الجنائيه
| |
|
|
|
|
|
|
Re: معايدة الدوحة .. دعم andquot;مبادرة نفيرandquot; لاغاثة متضرري الا (Re: امير طمبل)
|
يا عزام .... أحمد المنعم صا حبنا كلنا .. لكن ما بنجاملوا فى قولة الحق .. الذى حدث بالمركز الثقافى أول يوم فى العيد ده كان عباره عن معايدة السفاره التى يقوم السفير بالدعوه لها كل سنه وفى العيدين والذى حدث فى نادى الغزال ده هو معايدة المعارضه التى تقوم بالدعوه لها أيضا كل سنه وفى العيدين برضو ومنذ العام 1989 والتى كنت أنت وحتى العيد الماضى مشاركا فيها . يا عزام طالما الناس توافقت على أن يكون المركز الثقافى السودان منارة لإشعاع الثقافه السودانيه فيجب عدم خلط الأوراق ... فالسفاره والسفير من المفترض أن يجعلوا معايدتهم فى السفاره كما كانت وعلى المعارضه أن تبقى معايدتها بنادى الغزال كما هو معمول ,, وليكن المركز الثقافى دارا للثقافه تجمع كل السودانيين بمختلف ثقافاتهم ,, ولتبعد المعارضه والسفاره كل بأجندته عن المركز الثقافى . أما أن يأتى السفير وبفرض فعالياته على إدارة المركز فهذا والله ما لانرجوه من الأخ أحمد عبد المنعم . إدارة المركز هى الوحيده التى من المفترض أن تضع سياسه للمركز وهى الوحيده من تقرر فعالياته ونشاطاته دون تدخل أى أحد حتى لو كان السفير نفسه , وليكن المركز مناره لإشعاع ثقافى سودانى بحت وحينها سوف تجد الناس قد وثقوا ثقه عمياء فى توجه المركز وتنادوا إليه زرافات ووحدانا . يا عزام خليك راجل منصف وقل الحقيقه .. أليس ما حدث فى المركز قد كان هو معايده للسفاره ؟ وبالله تخيل لو كان ضيف الشرف نافع أو أبو برياله هل كنت أيضا سوف تجالسهم وتعيد معهم ؟؟!! يا عزام ما عهدناك بسيطا هكذا ؟؟!!
| |
|
|
|
|
|
|
Re: معايدة الدوحة .. دعم andquot;مبادرة نفيرandquot; لاغاثة متضرري الا (Re: كمال سالم)
|
ازيك يا عزام، كل سنة انت والأهل بخير افتقدناك ياخ في إفطار البورداب وفي معايدة نادي الغزال (أكيد حضورك في أي مكان بيفرق كتير بما تثيره من جدل) المهم، قبال ما كمال سالم يجيء يجلس لامتحان الشهادة دا، عاوز استفسر: هو المركز الثقافي دا، اُفتتح جديدا ولّ انتقل من مقر إلى آخر جديد. قالوا : فهم السؤال نصف الإجابة، وأنا بديت أجاوب -من منازلهم- على أسئلة امتحان الشهادة بتاع السنة دي ، يمكن السنة الجاية امتحن نظامي، المافي شنو
| |
|
|
|
|
|
|
Re: معايدة الدوحة .. دعم andquot;مبادرة نفيرandquot; لاغاثة متضرري الا (Re: معاوية الزبير)
|
لأنو مشاركات الفيسبوك لا تظهر في كل الأجهزة. هذه مشاركة الأخ عزام
Azzam Hassan Farah Mohammad · الأكثر تعليقا كتب كمال سالِم -أعلاه-: [فوق ,, والأصل ما ببقى صوره .] (إنْتهى) وذلِك إشارة منه لحفل (مُعايدة) المركز الثقافي السوداني، الذي إفْترع لهُ أمير طمبل العمود العِنوان والرابِط أدناه: معايدة المركزالثقافي السوداني بالدوحة روعة روعة (صور) معايدة المركزالثقافي السوداني بالدوحة روعة روعة (صور) يا كمال سالِم.. فَيصل الزبير.. كيف الحال؟ علكُم طَيْبين.. القابلا على أُمْنياتكم إن شاء الله يا كمال يا خوي الحصل في نادي الغزال تحت عِنْوان [المجموعة السودانية] يعني ما عندها أي عِلاقة بِالجالِية السودانِية، وأساس فِكرة لِقاء نادي الغزال في أيام العيد نشأت مِن السَيِد/ أحمد عبدالمُنعم (مُسْتشار سابِق بِقطر لِلبترول)، وكان لِقاء صَفَوي ما فوقو رجرجة ودهماء، لِقاء لِلإسْكيلو عالي البواليس والدياشة وناس مكاتِب تخليص المُعاملات كان ولازال ليهُم الله. طبعًا إنت يا كمال سالِم وفَيْصل الزِبير في لَيْل بهيم قررتو تحاربو [المركز الثقافي السوداني] بس لأنو مُنْضَوي تحت مظلة السِفارة السودانِية، والسِفارة السودانِية بتمثل حكومة البشير، وإنتو ومعاكُم كام مُتنوضِل عاملين فيها مُعارضين.. طَيِب يا كمال سالِم ويا فَيْصل الزِبير وآخرين، في شوية أسئِلة وإسْتفْسارات ياريت تنورو بيها القارئ:- (1) الإنقاذ دي ليها 24 سنة حاكمة السودان ده، في الـ24 سنة ديل، إنتو مشيتو السودان كم مره؟. (2) لو حصل مشيتو السودان في عهد الإنقاذ، هل ناضلتو إثناء تواجدكُم في السودان؟. (3) قُبال ما تغترِبو كان نِضالكُم شنو في سودان عمر البشير (ده لو إنْتو إغتربتو أثناء حكم الإنقاذ لِلسودان)؟. (4) خليهو السودان، هِنا ده في إغترابكم الفي قطر ده، مُساهمتكُم شنو في النِضال ضِد الإنقاذ؟. (5) بتبرِرو بِشنو (كمال سالِم/فَيْصل الزِبير) الصُور الجمعتكم بِسُفراء ودِبلوماسِيين عهد الإنقاذ في سِفارة السودان بِدَولة قطر؟. (6) منطقكُم في مُحاربة [المركز الثقافي السوداني] بسبب إنه تحت مظلة [السِفارة السودانِية]، طَيِب في سؤال كبير: أ . الجالية السودانِية المُنْتخبة -الفالقيننا بيها دي- مُش برضو تحت مظلة السِفارة السودانِية؟. ب. المدارِس السودانِية مُش برضو تحت مظلة السِفارة السودانِية؟. يبقى حسب منطقكم الغريب ده، نقاطِع الجالِية السودانية وإنْتِخاباتا ونمرُق أولادنا مِن المدارِس السودانية بِدَولة قطر! (7) "مُبادرة النفير لإغاثة مُتضرِري الأمطار" والغطيتو بيهو هزال تجمُع المجموعة السودانية بِنادي الغزال، جمع كم؟ (أوعكُم تقولو لي ده عمل خير وبطيخ ونحنا ما بنحِب نقول دفعنا كم وسوينا شنو وناويين على شنو، المكنه دي ما بتشْتغِل وكْتين الحق يتْحصحص وكِده!). (8) حصاد مجلِس الجالِية السودانِية المُنْتخبة شنو؟ (شنوووووو على قول الفاتِح جبرا لامِن يسأل المسؤولين عن ملف مطار هثيرو) (9) تِفْتكِر يا كمال سالِم ويا فَيْصل الزِبير، أنا مؤتمر وطني؟ (بِالمُناسبة أنا مؤخرًا بقيت مؤيِد لِحُكم الإنقاذ كمَوقِف تكْتيكي، لأني بفتكِر إنو لو الإنقاذ سقطت، ما في بديل مؤهِل لحكم السودان غير [الجبهة الثَورِية لِتحرير السودان] وديل أنا ما برضى بيهُم.. وطبعًا (الغرابي) د. السيسي ومعاهو الحركات الموقِعة على سلام الدوحة (الغرابا) برضو ما برضو بالجبهة الثَورِية لِتحرير السودان كحُكام.. شُفْتو كيف!) [المركز الثقافي السوداني] بِشْتغِل ثقافة بس.. عاوِز يشْتغِل ثقافة بس.. إنتو أي عمل/فِكرة/نِية جميلة عاوزين تحوِلوها غصِب لِسِياسة، فشلتو هدف [الجالية السودانِية] بِنِضالاتكُم الفالصو دي، نِضال لا يتعدى [أن أخرجوا أيها الشعب السوداني البطل]، وفي الإجازات تمشو السودان تكمِلوها قيدومات وأعراس ورِحلات وفواتِح وترجعو مِن سُكات، كأن الإنقاذ حين هبوطكُم الميْمون أرض السودان يرفعها الله تعالى عن الأرض وينزع عنها مُلْكُها، فلا تجِدون مَن تفعلونهُ إلا قضاء البهجات والمسرات. [المركز الثقافي السوداني] لن نسمح فيه أن يُمارِس أحدُكُم ما يدعيه مِن نِضال وإن إنْتقلت إلَيهِ روح جيفارا ومانديلا.. ولا يُضير [المركز الثقافي السوداني] أن لا يأتيه مُدعيي النضال. أي زول جاكُم في نادي الغزال فوق راسنا مِن فوق وليهو الإحتِرام والتقدير، بس البِحارِب بِسيف مِن خشب [المركز الثقافي السوداني] أنا بحاربو، لأنكُم عاوزين تتسلقو نِضالاً حيطه [المركز الثقافي السوداني] قايلِنو مايِل، لا حرّم، نحنا زي ما بنحارِب الإنقاذ بِنُبْل برضو بنحارِب المُتنوضلين، لأن النوع ده كارِثي وهو السبب في مد عُمر الإنقاذ، لأن فاقِد الشئ لا يعطيه، وإنتو نِضالكُم هش.. مصنوع.. بتقضو بيهو وقت فائِض.. بتتجدو بيهو.. بتعملو بيهو علاقات عامة.. أنا يا كمال سالِم عندي علاقة حميمة معاك إنت وفَيْصل الزِبير -على الأقل مِن جانبي- بس في الحق حرّم لا بعرِف زيد ولا عِبيد. وسَوف أعود وإن لم تعدوا (الأسئلة البِفوق بِالله جاوبو عليها)
| |
|
|
|
|
|
|
Re: معايدة الدوحة .. دعم andquot;مبادرة نفيرandquot; لاغاثة متضرري الا (Re: كمال سالم)
|
Quote: 9) تِفْتكِر يا كمال سالِم ويا فَيْصل الزِبير، أنا مؤتمر وطني؟ (بِالمُناسبة أنا مؤخرًا بقيت مؤيِد لِحُكم الإنقاذ كمَوقِف تكْتيكي، لأني بفتكِر إنو لو الإنقاذ سقطت، ما في بديل مؤهِل لحكم السودان غير [الجبهة الثَورِية لِتحرير السودان] وديل أنا ما برضى بيهُم.. |
حاشاك يا عزام من أن تكون مؤتمر وطنى .. لكن من حيث لا تدرى بقيت ( مغفل ) نافع . ومعذرة على كلمة مغفل لكنها أتت غصبا عنى فى سياقها .
| |
|
|
|
|
|
|
Re: معايدة الدوحة .. دعم andquot;مبادرة نفيرandquot; لاغاثة متضرري الا (Re: كمال سالم)
|
صحيفة العرب :
Quote: في معايدة السودانيين بالدوحة
نداء إنساني لدعم متضرري الأمطار More Sharing ServicesShare | أرسل إلى فيسبوكأرسل إلى تويتر save articleprint article الدوحة - العرب | 2013-08-10 التقى جمع من أبناء الجالية السودانية خلال معايدة عيد الفطر المبارك، بنادي الغزال أول أيام عيد الفطر المبارك، واتفقوا على مساندة ودعم «مبادرة نفير» لإغاثة متضرري الأمطار والسيول في السودان، وقالوا: إن فرحتهم بعيد الفطر المبارك تكتمل بمد يد العون بـ «نفير الدوحة» حتى لا تذوب بيوت الطين الأليفة، كحلم أسمر، من قهر السيول والإهمال، كما روى الكاتب عبدالغني كرم الله ما شاهده من وقائع اليمة، تدمي القلوب وتدمع المقل. وقدم الحفل المهندس عبدالكريم الأمين وكانت البداية تلاوة ندية من الخليفة أحمد محجوب. وحضر المعايدة السفير الأسبق أحمد التني ورؤساء وممثلو الروابط المهنية والجغرافية والنفير الاجتماعي وأعضاء المكتب التنفيذي للجالية وعدد كبير من الأسر السودانية. وألقى محمد عثمان عضو المجلس الخمسيني للجالية، كلمة اللجنة المنظمة، واستهلها بالتهنئة بالعيد راجياً من المولى عز وجل أن يعيده على الجميع باليمن والبركات قائلاً «يسعدنا أن نرفع أجمل التهاني بمناسبة العيد إلى حضرة صاحب السمو الشيخ تميم بن حمد آل ثاني أمير البلاد المفدى، وأن نجدد التهنئة بتوليه مقاليد الحكم، متمنين لدولة قطر الشقيقة كل تقدم وازدهار، كما نهنئ الشعبين الشقيقين بعيد الفطر المبارك»، وقال عثمان: «إننا نستنهض الهمم لإغاثة المتضررين بما تجود به الأيادي الخيرة، وكنا نتطلع إلى احتفال بالعيد ببرنامج متنوع لكن فرحتنا لن تكتمل حتى يستعيد أهلنا عافيتهم بعد كارثة السيول والأمطار التي دمرت المنازل وشردت الأسر، وعلينا مد يد العون والضرر كبير وجبره واجب الجميع» وتابع «انطلق نفير الدوحة من خلال لجنة برئاسة مولانا محمد المصطفى حمد، نائب الأمين العام للجالية وتحت مظلتها وتضم أعضاء المكتب التنفيذي وعدداً من الناشطين من جانبه، ألقى مولانا محمد المصطفى حمد، رئيس لجنة نفير الدوحة كلمة توضح دور اللجنة التي تشكلت برئاسة وعضوية: عبدالجليل عبدالحليم ومنار عثمان ووائل محجوب وعمر بوب وأمل إسماعيل وأميرة الشيخ وزين العابدين الصادق وكمال سالم، وحث حمد في كلمته الحضور على تقديم العون للمتضررين من الأمطار والسيول مشيراً إلى أن «مبادرة نفير» في السودان تضم نحو مئة ألف متطوع وتنهض بجهد طيب. وحيا المتحدثون الأستاذ عبدالمنعم المكي مؤسس «المعايدة» متمنين له موفور الصحة والعافية. من جهته قدم المسرحي محمد السني دفع الله فقرة ترفيهية للأطفال. الجدير بالذكر أن «مبادرة نفير» وهي حملة شبابية سودانية مستقلة، تضم متطوعين، لها فرق عمل ولجان متخصصة وغرف وأرقام طوارئ، وانتشرت في السودان وخارجه، وتستغل مواقع التواصل الاجتماعي، ولها صفحة في فيس بوك باللغتين https://www.facebook.com/gabaileid[/QUOTE]
| |
|
|
|
|
|
|
Re: معايدة الدوحة .. دعم andquot;مبادرة نفيرandquot; لاغاثة متضرري الا (Re: Faisal Al Zubeir)
|
Quote: بتبرِرو بِشنو (كمال سالِم/فَيْصل الزِبير) الصُور الجمعتكم بِسُفراء ودِبلوماسِيين عهد الإنقاذ في سِفارة السودان بِدَولة قطر؟ |
يا عزام ما تلخبط الكيمان ساكت ! أأى جمعتنا صور كتيره ولقاءات كتيره مع كل سفراء هذا النظام وأنا شخصيا علاقتى الشخصيه مع كل السفراء والدوبلوماسيين المروا بهذه السفاره علاقه ممتازه للغايه وحتى هذا السفير الحالى وطاقمه تربطنى بهم علاقه جيده ويعرفوننى تماما إنى معارض لنظامهم فى الخرطوم وقد أناقشهم فى كثير من الأمور التى تهم الوطن بكل شفافيه وبعرفون رأيئ تماما . لكن موضوعنا هنا هو فى جزئيه صغيره تتعلق بالمركز الثقلفى والمعايده التى أقيمت فيه ... فبدون مطاولات عايزك تفهم لو ما فهموك ... أفهم إن هذه الدعوه كانت من السفير وهى عباره عن معايده سنوبه يقيمها السفير فى السفاره كل عام وقد قرر هذا العام أن يجعلها فى المركز الثقافى الشئء الذى قلنا أنه يتنافى مع الدعوه التى تقول لا سياسه فى المركز .,, فقط هذا هو كل الموضوع فما فى داعى لإثارة كل هذا الغبار ونفش كل هذا الريش با عزام أخوى . والمركز الثقافى حقنا وما بنخليهو لزول وبنجى كل الفعاليات ,, بس تكون فعاليات ما موحهه ولا بأمر من السفير أو غبره .. فعاليات يحددها مكتب تنفيذى منتخب وليس بالتعيين كما هو الحال الآن . وما عندنا مشكله لا مع السفير ولا أحمد عبد المنعم ... عشان ما تتوهم ليك بطولات ساى . قلت لى ما عايز الجبهه الثوريه ,,, خلاص من هسه شوف ليك بلد ,, ولا شيل ليك سلاح وأبقى زيهم هههههههههه . والله يا عزام حيرتنى !! بالله ده منو ده اللعب بمخك ده ؟؟!!
| |
|
|
|
|
|
|
Re: معايدة الدوحة .. دعم andquot;مبادرة نفيرandquot; لاغاثة متضرري الا (Re: كمال سالم)
|
عزام : معاوية كيف حالك؟ علك طَيِب.. تعود الأيام والقابلا على أُمْنياتك.. كتر خيرك على السؤال ولُطْفك. - هو المركز الثقافي دا، اُفتتح جديدا ولّ انتقل من مقر إلى آخر جديد. المركز الثقافي السوداني إنْتقل إلى بكانو الجديد (الحالي) وكان في مَوْقِعو القديم (الدفنة) بِدون نشاط سنين، لأن نوع ناس كمال سالِم وفَيْصل الزبير قرروا إنو يِحاربوهو لأنو تحت إشراف السِفارة السودانِية، والغريبة ما حاربو المدارِس السودانِية وهي برضو تحت إشراف ورِعاية وعِناية السِفارة السودانِية وبرضو الجالية المُنْتخبة دي تحت إشراف ورِعاية وعِناية السِفارة السودانِية، بس لأن حيطة الثقافة واطية إتْشعلقوها، وأي زول بِقول غير رأيهم، بلقو ليهو كادوق، ي عني أنا مثلاً كادوقي القالو كمال سالِم إني بدافِع عن المركز الثقافي السوداني لأنو أحمد عبدالمُنعِم (مُدير المركز) صديقي! أنا بتشرف إنو أحمد عبدالمُنعم قِبِل يِصادقني، وبعدين لو الرأي والتأييد بِكون في أدبِيات كمال سالِم وِفْقًا لِلصداقات والحاجات الإنسانِية دي، يبقى كُل السودان مؤتمر وطني.. وبرضو كمال سالِم يِقول لي أنا بسيط! - قالوا : فهم السؤال نصف الإجابة، وأنا بديت أجاوب -من منازلهم- على أسئلة امتحان الشهادة بتاع السنة دي غلطان.. كيف تجاوِب وإنت ما فهمت السؤال.. يا زول عيد ساي! - يمكن السنة الجاية امتحن نظامي، المافي شنو إنت بس أفهم السؤال سنة.. والسنة البعديها إمْتحِن.. الله يِوفِقك
| |
|
|
|
|
|
|
Re: معايدة الدوحة .. دعم andquot;مبادرة نفيرandquot; لاغاثة متضرري الا (Re: معاوية الزبير)
|
عزام : سلام - توضيح للمرة الاخيرة حتى يكون الحوار مفيدا : - لا نحارب اي جهة ( وهذا فرية تكررها اكثر من مرة) هذا هو موقفي الشخصي .
Quote: المركز الثقافي السوداني إنْتقل إلى بكانو الجديد (الحالي) وكان في مَوْقِعو القديم (الدفنة) بِدون نشاط سنين، لأن نوع ناس كمال سالِم وفَيْصل الزبير قرروا إنو يِحاربوهو لأنو تحت إشراف السِفارة السودانِية، والغريبة ما حاربو المدارِس السودانِية وهي برضو تحت إشراف ورِعاية وعِناية السِفارة السودانِية وبرضو الجالية المُنْتخبة دي تحت إشراف ورِعاية وعِناية السِفارة السودانِية، |
- تكوين مجلس الجالية بالانتخاب وايضا مجلس امناء المدارس - مجلس المركز بالتعيين .( تم شطب اسماء من قائمة ترشيحات لادارته).
اذا احترم كل طرف واجبه واقر بحقوق الاخر ليس هنالك مشكلة : - هناك نظام اساسي يحدد واجبات وحقوق كل طرف وليس من حق احد ان يتغول او يهدر حقوق الاخر وليس كما قال احدهم ( انا من امنح الشرعية) وهذه ليست حقيقية فالشرعية مصدرها النظام الاساسي واصوات الناخبين. - لا احد ينكر دور السفارة التي من واجبها - قانونا- حماية ورعاية رعاياها في الدولة المضيفة والسفير في خدمة شعبه وليس العكس .
.... عزام .. حاول ولو مرة واحدة ان تفكر دون توجيه اتهام لا سند له.
| |
|
|
|
|
|
|
Re: معايدة الدوحة .. دعم andquot;مبادرة نفيرandquot; لاغاثة متضرري الا (Re: Faisal Al Zubeir)
|
Quote: المركز الثقافي السوداني إنْتقل إلى بكانو الجديد (الحالي) وكان في مَوْقِعو القديم (الدفنة) بِدون نشاط سنين، لأن نوع ناس كمال سالِم وفَيْصل الزبير قرروا إنو يِحاربوهو لأنو تحت إشراف السِفارة السودانِية، |
يا عزام بالله ما تفتى ساى . المركز من أول يوم سلمته السلطات القطريه إستولت عليه السفاره وجعلته سكنا لبعض الموظفين بالسفاره والكلام ده معروف وليس بسر . ثم بعد ذلك جعل السفير السابق فقيرى الطابق العلوى مكتبا للملحقيه الإعلاميه وكان يمثلها فى ذلك الوقت الشوش , ثم جاء من بعده محمد محمد خير ,, وأنا كنت أول من واجه السفير الجديد حينها ياسر خضر فى أول أيام قدومه للدوحه ,, حيث طلبت منه أن تكون من أولى مهامه موضوع المركز الثقافى الذى صار سكنا لموظفيكم . ثم يا عزيزى من ذا الذى قال لك إننا نرفض أن يكون المركز والجاليه والمدارس تحت مظلة السفاره ؟ فقوانين دولة قطر هى التى تفرض ذلك ولا مانع لدينا مطلقا أن يكون الأمر كذلك . عزام يؤسفنى أن أقول لك ( إنت عامل فيها رايح ) , البتسوى فيهو ده مكابره منك ساى . ( قوم لف ) أو كما يقول العامه .
| |
|
|
|
|
|
|
Re: معايدة الدوحة .. دعم andquot;مبادرة نفيرandquot; لاغاثة متضرري الا (Re: Faisal Al Zubeir)
|
لعلم الجميع خاصة الأخ عزام والأخ أمير طمبل .. أعلن أنا كمال سالم على المواطن السودانى حامل الجواز رفم 44396 بأننى عضو أصيل فى المركز الثقافى السودانى وسوف أكون جندا من جنوده عاملا على نشر الثقافه السودانيه بكل مكوناتها وموروثاتها ... وسوف أمد يدى بيضاء من غير سوء لأيا من إدارات المركز المتعاقبه وسوف أعطى هذا المركز من خبرتى وتجاربى بلا حدود . والله على ما أقول شهيد . وللذين إفتكروا أو ظنو إننا سوف نقاطع هذا المركز أقول / تلقوها عند الغافل , وكل عام وأنتم بخير .
| |
|
|
|
|
|
|
Re: معايدة الدوحة .. دعم andquot;مبادرة نفيرandquot; لاغاثة متضرري الا (Re: كمال سالم)
|
Quote: -أهلا فيصل وحمد الله على سلامة الوصول من السعودية. والله فقدناك في الأيام القليلة الغبت فيها وأنا سعيد إنك لحقت المعايدة. وشكرا على التوثيق الجميل ورغم الغياب لكن صور الناس الحلوين أشعرتني كأني كنت وسطكم. التحية للمجموعة السودانية التي لا تألو جهدا في تنظيم هذه الفعالية التي تأبى إلا أن تزداد قوة ومنعة عاما تلو العام وكل من يحاول أن ينال منها يضحي كناطح صخرة يوما ليوهنها فينكسر قرنه وتبقى معايدة الغزال. |
شكرا محمد عثمان
| |
|
|
|
|
|
|
Re: معايدة الدوحة .. دعم andquot;مبادرة نفيرandquot; لاغاثة متضرري الا (Re: كمال سالم)
|
أعلن أنا كمال سالم على المواطن السودانى حامل الجواز رفم 44396 بأننى عضو أصيل فى المركز الثقافى السودانى وسوف أكون جندا من جنوده عاملا على نشر الثقافه السودانيه بكل مكوناتها وموروثاتها ... وسوف أمد يدى بيضاء من غير سوء لأيا من إدارات المركز المتعاقبه وسوف أعطى هذا المركز من خبرتى وتجاربى بلا حدود . والله على ما أقول شهيد . وللذين إفتكروا أو ظنو إننا سوف نقاطع هذا المركز أقول / تلقوها عند الغافل , وكل عام وأنتم بخير .
---------------------------------------------
التحيه لك كمال سالم ودا الكلام الصاح من الرجل الصاح ولا اظن ان هناك من يريد مقاطعتكم للمركز في موقعه الجديد فانتم الساس وانتم الراس
| |
|
|
|
|
|
|
| |