الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: تعرف سعر اليوم لكيلو البامية الفرك سنة 73 كان بجيب ليك شنو ؟؟؟ (Re: عباس محمود)
|
Quote: جنابو عمر رمضان كريم تصوم وتفطر علي خير قبل ما يجوك ناس المال والأقتصاد اقول ليك لغاية سنة 1978 ال 10000 حنيه كانت بتساوي فعلا اكتر من كده بالضبط 33300 حنيه لانه الجنيه السوداني كان بيساوي 3 دولار و30 سنت.وطبعا بعد قرارات وزير المالية حينذاك بدر الدين سليمان بألغاء رقابة النقد من قبل بنك السودان وتخفيض قيمة الجنيه . الوصلنا ليه ده لايخرج من سببين في رأيي البسيط 1- سوء الادارة - كان سياسية ولا اقتصادية 2- الفساد لك الشكر |
هلا عباس ورمضان كريم .......... الجنيه لغاية 78 = 3.30 دولار والدولار اليوم = 7 جنيه ياعباس دي فزورة و حاجة ما طبيعية اصلو !!!
| |
|
|
|
|
|
|
Re: تعرف سعر اليوم لكيلو البامية الفرك سنة 73 كان بجيب ليك شنو ؟؟؟ (Re: محمد المرتضى حامد)
|
Quote: بالطبع هناك عدة عناصر يجب استصحابها عندما نتحدث علميا عن المقارنات في القوة الشرائية للنقود |
هلا مولانا ورمضان كريم ....... عشان كده بالجد الواحد رأسو ضارب وعاوز زول متخصص يجي يوقع لينا القصة دي !!!
Quote: معايير البوست هذا ففي 1978 كانت الكرولا الجديده لنج من الكرين بمبلغ 4000 جنيه وقد قام بعض الأهل بشراء 3 في يوم واحد ب 12200 جنيه.. اليوم العجوره ب 5000 جنيه.. |
العجورة اغلي من الكرولا يعني كورة سلطة روب بتساوي لاندكروزر مما تعدون
| |
|
|
|
|
|
|
Re: تعرف سعر اليوم لكيلو البامية الفرك سنة 73 كان بجيب ليك شنو ؟؟؟ (Re: omer osman)
|
Quote: عشان كده بالجد الواحد رأسو ضارب وعاوز زول متخصص يجي يوقع لينا القصة دي !!! |
نعم يا جنابو نحتاج لأهل التخصص هنا ولكنك تدرك من أيام الدراسة المبسطة عن الموضوع في كلية الحقوق أن من أهم العناصر في تحديد سعر صرف أي نقد لعملة ما ، هو ضعف وقوة الإنتاج في دولة العملة ، فضعف الإنتاج ونوعية المنتج – وهذا حال السودان – يتسبب في نقص الصادرات وزيادة الواردات سواء كانت سلعا أو خدمات وبالتالي زيادة الطلب على العملة الصعبة لمقابلة ما نستورد، وبالطبع هناك عوامل أخرى تؤثر في سعر الصرف من ضمنها السياسات الإقتصادية المتبعة في الدولة المعنية ، نحن في السودان نتبع سياسة تحرير لاتتناسب مع قدراتنا الإقتصاديه يا عمر لغياب قدرتنا التنافسية في التجارة الخارجية وإذا أضفت إلى ذلك ما تفعله الحكومة من خلال بنك السودان في زيادة في عرض الجنيه وتوقف المساعدات منذ قدوم التتار وغياب توظيف ما توفر من نقد أجنبي في تأسيس ودعم إنتاج حقيقي فلابد من الوصول إلى هذا الحال لسعر الصرف ..
بالطبع في هذا المنبر فطاحلة في الإقتصاد نتمنى أن يكتبوا بتحليل علمي موسع عن الأسباب..
تصوم وتفطر على خير..
| |
|
|
|
|
|
|
Re: تعرف سعر اليوم لكيلو البامية الفرك سنة 73 كان بجيب ليك شنو ؟؟؟ (Re: omer osman)
|
سلامات يا عمر ورمضان كريمQuote: سنة 73 العشرة الف جنيه = 30 الف دولار تقريباً او تزيد سنة 2013م العشرة الف جنيه = 1.42 دولار !!!!!!!!!!! |
أهو إنتا رديت على نفسك عشان تعقد مقارنة بصورة صحيحة يجب البعد عن المسميات والنظر للقيمة الشرائية
لأنّ المسميات خادعة فشوف مثلاً انت استخدمت مسمى "ألف جنيه" لقيمة "واحد جنيه" فعلية.
وعشان نعرف القيمة الشرائية لمسمى "الجنيه" سنة 1973 ممكن نقارنه بالدولار في نفس السنة كما فعلت أنت أو بمهاية الموظف مثلاً أوأجرة عامل أو مصروف الجيب للتلميذ
| |
|
|
|
|
|
|
Re: تعرف سعر اليوم لكيلو البامية الفرك سنة 73 كان بجيب ليك شنو ؟؟؟ (Re: Frankly)
|
Quote: أهو إنتا رديت على نفسك عشان تعقد مقارنة بصورة صحيحة يجب البعد عن المسميات والنظر للقيمة الشرائية
لأنّ المسميات خادعة فشوف مثلاً انت استخدمت مسمى "ألف جنيه" لقيمة "واحد جنيه" فعلية.
وعشان نعرف القيمة الشرائية لمسمى "الجنيه" سنة 1973 ممكن نقارنه بالدولار في نفس السنة كما فعلت أنت أو بمهاية الموظف مثلاً أوأجرة عامل أو مصروف الجيب للتلميذ |
بصراحة يافرانكلي كلامك ما وقع لي !!! وفي كل الاحوال افتكر حكاية القيمة الشرائية ممكن تدخل الناس في متاهة بسبب عوامل كثيرة او اختلاف مسميات العملة السودانية لكن من السهل مقارنة سعر العملة السودانية بغض النظر عن اسمها في مقابل الدولار الامريكي ودي الحتة الانا عاوز فيها رأي الخبراء والمختصين ليه حصل التدهور ده !!!!
| |
|
|
|
|
|
|
Re: تعرف سعر اليوم لكيلو البامية الفرك سنة 73 كان بجيب ليك شنو ؟؟؟ (Re: omer osman)
|
الأخ عمر عثمان و الإخوة المتداخلين السلام عليكم ورمضان كريم أوافق الإخوة فى آراءهم فى : - سوء الادارة والذى يتمثل فى غياب الخبرات المتخصصه والمؤهله لإدارة شئون البلاد فى المجالات الاقتصادية و الاجتماعية والسياسية - تعطيل المشاريع الانتاجية الكبيرة و التى كانت تنتج محاصيل تُعتبر صادرات رئيسية . - قلة الصادر و كثرة الوارد - قلة الانتاج و إرتفاع معدل البطالة
وأضيف : * المصيبة الأكبر + طباعة النقود (بدون قيمة مقابلة وبدون توازن) والتى ينتج عنها التضخم فى السوق وإرتفاع الأسعار وكل ذلك يسبب إنخفاض قيمة العملة ** للأسف الشديد الناس ديل طبعوا ورق (بدون تابلت) **
| |
|
|
|
|
|
|
Re: تعرف سعر اليوم لكيلو البامية الفرك سنة 73 كان بجيب ليك شنو ؟؟؟ (Re: محمد الرفاعى)
|
خلّيت جرسة حليب الأطفال ..قبّلت على جرسة البامية ؟؟ :) :) :).. غايتو يا جنابو الشافك يووم قلت لي زوجتك وأولادا مااا طولتو من أهل أمكم ديل؟؟ تعالوا أوديكم ليهم تقعدو معاهم الويك إند الجاي ده وبجي أسوقكم يوم السبت بالليل.. وتاااني ما نشوفك إلا في قناة النيل الأزرق برنامج ألو مرحبا سنة 2024 وزوجتك بتبكي وبتقول يا جماااعة الزول ده من يوم الخميس سنة 2013 نزلنا في بيت ناس أمي وتاني ما شوفناهو .. غايتو مننن أسسسة عليك الله خليها ترسل لي ناس القناة صورة سمحة وتعفينا من صورة البدلة دي .. :)
| |
|
|
|
|
|
|
Re: تعرف سعر اليوم لكيلو البامية الفرك سنة 73 كان بجيب ليك شنو ؟؟؟ (Re: عمر الفاروق)
|
Quote: خلّيت جرسة حليب الأطفال ..قبّلت على جرسة البامية ؟؟ :) :) :).. غايتو يا جنابو الشافك يووم قلت لي زوجتك وأولادا مااا طولتو من أهل أمكم ديل؟؟ تعالوا أوديكم ليهم تقعدو معاهم الويك إند الجاي ده وبجي أسوقكم يوم السبت بالليل.. وتاااني ما نشوفك إلا في قناة النيل الأزرق برنامج ألو مرحبا سنة 2024 وزوجتك بتبكي وبتقول يا جماااعة الزول ده من يوم الخميس سنة 2013 نزلنا في بيت ناس أمي وتاني ما شوفناهو .. غايتو مننن أسسسة عليك الله خليها ترسل لي ناس القناة صورة سمحة وتعفينا من صورة البدلة دي .. :) |
ههههههههههههههههههه هييييييييع انا ابوك ياعبدالرحمن هسي اللبن حلينا مشكلتو وارد بره اها البامية دي الدبارة معاها كييييييييف !!
| |
|
|
|
|
|
|
Re: تعرف سعر اليوم لكيلو البامية الفرك سنة 73 كان بجيب ليك شنو ؟؟؟ (Re: محمد الرفاعى)
|
Quote: أوافق الإخوة فى آراءهم فى : - سوء الادارة والذى يتمثل فى غياب الخبرات المتخصصه والمؤهله لإدارة شئون البلاد فى المجالات الاقتصادية و الاجتماعية والسياسية - تعطيل المشاريع الانتاجية الكبيرة و التى كانت تنتج محاصيل تُعتبر صادرات رئيسية . - قلة الصادر و كثرة الوارد - قلة الانتاج و إرتفاع معدل البطالة وأضيف : * المصيبة الأكبر + طباعة النقود (بدون قيمة مقابلة وبدون توازن) والتى ينتج عنها التضخم فى السوق وإرتفاع الأسعار وكل ذلك يسبب إنخفاض قيمة العملة ** للأسف الشديد الناس ديل طبعوا ورق (بدون تابلت) ** |
وفي تقديري ان التدهور لم يبدأ مع الانقاذ لكنها سرعت وتيرته بشكل غير مسبوق !!!
| |
|
|
|
|
|
|
Re: تعرف سعر اليوم لكيلو البامية الفرك سنة 73 كان بجيب ليك شنو ؟؟؟ (Re: محمد الرفاعى)
|
يا جنابو رمضان كريم ياخي
انا ممكن اشرح ليك كلام فرانكلي "بتصرف" جاريني وح تتصل لي خلاصة غريبة
خلينا من السبعينات البعيدة انا راتبي في نهاية التمانينات كان 400ج بجيب لي 400 قزازة بيبسي وهسة راتب مهندس مبتدء برضو 400ج و بجيب 400 قزارزة في التمانينات راتبي كان بيعادل ايجار بيت صغير في حي متوسط هسه راتب المهندس بيعادل ايجار بيت صغير برضو وممكن اواصل معاك بالسكر والعيش وكل الحاجات الاسعارها عيارية وح اثبت ليك بما لا يدع مجال للشك ان جنيه عام 89 هو نفس جنيه عام 2013
اها يلا تعال نتحاسب بالدولار الدولار سنة 89 كان 12 جنيه الدولار هسه 7 جنيه
يعني ببساطة جنيهنا اتحسن سعره بنسبة 45% تقريباً غريبة، موش؟؟؟ ولو عايز تتأكد انو الحكاية ما لعبة ملوص قارن بين الوضع المعيشي لاي زول في التمانينات وهسه اجعص موظف كان بيتناول وجبة في اليوم هسة اغلب البيوت فيها عربات وتلاجتين وفريزر وتلاتة تلفزيونات
قولوا الحممممد لله
واشكرو الانقاذ شوية
| |
|
|
|
|
|
|
Re: تعرف سعر اليوم لكيلو البامية الفرك سنة 73 كان بجيب ليك شنو ؟؟؟ (Re: الشفيع وراق عبد الرحمن)
|
Quote: يا جنابو رمضان كريم ياخي انا ممكن اشرح ليك كلام فرانكلي "بتصرف" جاريني وح تتصل لي خلاصة غريبة خلينا من السبعينات البعيدة انا راتبي في نهاية التمانينات كان 400ج بجيب لي 400 قزازة بيبسي وهسة راتب مهندس مبتدء برضو 400ج و بجيب 400 قزارزة في التمانينات راتبي كان بيعادل ايجار بيت صغير في حي متوسط هسه راتب المهندس بيعادل ايجار بيت صغير برضو وممكن اواصل معاك بالسكر والعيش وكل الحاجات الاسعارها عيارية وح اثبت ليك بما لا يدع مجال للشك ان جنيه عام 89 هو نفس جنيه عام 2013 اها يلا تعال نتحاسب بالدولار الدولار سنة 89 كان 12 جنيه الدولار هسه 7 جنيه
يعني ببساطة جنيهنا اتحسن سعره بنسبة 45% تقريباً غريبة، موش؟؟؟ ولو عايز تتأكد انو الحكاية ما لعبة ملوص قارن بين الوضع المعيشي لاي زول في التمانينات وهسه اجعص موظف كان بيتناول وجبة في اليوم هسة اغلب البيوت فيها عربات وتلاجتين وفريزر وتلاتة تلفزيونات قولوا الحممممد لله واشكرو الانقاذ شوية |
يا الشفيع انا كان بعرف حساب قدر ده كان بقيت مهندس على العموم كلامك ده داير الزول يجيك ليهو بعدين بعد يضرب القراصة بالمفروكة دي
| |
|
|
|
|
|
|
Re: تعرف سعر اليوم لكيلو البامية الفرك سنة 73 كان بجيب ليك شنو ؟؟؟ (Re: omer osman)
|
Quote: بصراحة يافرانكلي كلامك ما وقع لي !!! وفي كل الاحوال افتكر حكاية القيمة الشرائية ممكن تدخل الناس في متاهة بسبب عوامل كثيرة او اختلاف مسميات العملة السودانية لكن من السهل مقارنة سعر العملة السودانية بغض النظر عن اسمها في مقابل الدولار الامريكي ودي الحتة الانا عاوز فيها رأي الخبراء والمختصين ليه حصل التدهور ده !!!! |
يا عمر كلامي واضح أنت قلت :
Quote: تمن كيلو البامية الفرك اليوم 20 الف جنيه وده كان بجيب ليك تمن بيتين في نمرة 2 نواصي بمساحة لاتقل عن 800 متر مربع بواقع البيت 10 الف جنيه |
وهذه معادلة خطأ والخطأ فيها هو استخدام مسمى الجنيه سنة 2013 وما يعادله كقوة شرائية وأحللت هذه القيمة للجنيه كقيمة شرائية عام 1973
ولكن في نفس الوقت ذكرت قيمة الجنيه مقابل الدولار آنئذ
طيب عشان نبسط ليك المسألة
العامل البسيط جداً 2013 بياخد 300000 جنيه في الشهر بحساباتك دي ماهية كم عامل سنة 1973؟
ال300000 تعادل ثمن 150 كيلو بامية سنة 2013
هنا تحسب ثمن 150 كيلو بامية كان كم سنة 1973 عشان تعمل مقارنة بماهية العامل البسيط سنة 1973 بتساوي كم كيلو بامية؟؟؟
وهل تعتقد أنّ عامل اليوم 2013غني جداً وبيتقاضى أجر خرافي ممكن يشتروا ليه كم بيت سنة 1973؟؟؟
طيب خلي العامل التعبان دا نجي لغسّال العربات صبي صغير بياخذ في كل سيارة ما لا يقل عن 5000 جنيه سوداني وممكن جداً يغسل في اليوم 15 عربية يعني 75000 جنيه في اليوم الواحد 2 مليون 205 ألف جنيه سوداني في الشهر ممكن يشتروا ليه كم بيت سنة 1973؟؟؟
ولما نحسب الجنيه بالجديد ح يكون كيلو البامية اليوم ب 2 جنيه ولو قارنته بسعر البامية في أي مكان في العالم ح تلقاه رخيص جداً جداً
وجوال السكر اليوم 55 جنيه عبوة 10 كيلو ح تقاه رخيص جداً جداً مقارنة بسعر الدولار في اي مكان في العالم
وهكذا
| |
|
|
|
|
|
|
Re: تعرف سعر اليوم لكيلو البامية الفرك سنة 73 كان بجيب ليك شنو ؟؟؟ (Re: Frankly)
|
Quote: العامل البسيط جداً 2013 بياخد 300000 جنيه في الشهر بحساباتك دي ماهية كم عامل سنة 1973؟ ال300000 تعادل ثمن 150 كيلو بامية سنة 2013 هنا تحسب ثمن 150 كيلو بامية كان كم سنة 1973 عشان تعمل مقارنة بماهية العامل البسيط سنة 1973 بتساوي كم كيلو بامية؟؟؟ وهل تعتقد أنّ عامل اليوم 2013غني جداً وبيتقاضى أجر خرافي ممكن يشتروا ليه كم بيت سنة 1973؟؟؟ طيب خلي العامل التعبان دا نجي لغسّال العربات صبي صغير بياخذ في كل سيارة ما لا يقل عن 5000 جنيه سوداني وممكن جداً يغسل في اليوم 15 عربية يعني 75000 جنيه في اليوم الواحد 2 مليون 205 ألف جنيه سوداني في الشهر ممكن يشتروا ليه كم بيت سنة 1973؟؟؟ ولما نحسب الجنيه بالجديد ح يكون كيلو البامية اليوم ب 2 جنيه ولو قارنته بسعر البامية في أي مكان في العالم ح تلقاه رخيص جداً جداً وجوال السكر اليوم 55 جنيه عبوة 10 كيلو ح تقاه رخيص جداً جداً مقارنة بسعر الدولار في اي مكان في العالم وهكذا |
طيب يافرانكلي انا اديك رسالة جاتني من احد الزملاء ...........
((ياعمر مرتب والدنا وهو جندي نفر بالقوات المسلحة كان يساوي 185 كيلو لحمة ضاني الآن انا واخوي مرتباتنا الاتنين بتجيب زي 60 كيلو!!))
| |
|
|
|
|
|
|
Re: تعرف سعر اليوم لكيلو البامية الفرك سنة 73 كان بجيب ليك شنو ؟؟؟ (Re: Hani Arabi Mohamed)
|
سلام يا جنابو .....
شايف في ناس قعدوا يحسبوا على أساس الصفر المشطوب.
بي حساب إنو الـ 7 ألف جنيه بتساوي 7 جنيه.
طيب .... بعد ما أتحسس قمبوري. 7 جنيه زمان كانت بتجيب خروف بيقول بااااااع. الـ 7 جنيه حقت الليلة بتجيب شنو؟ علبة سجاير برنجي؟
المعادلة (من زول قريعتي راحت وما من المتخصصين) الإقتصاد كان بيتحسب فيهو إنتاج القطن كم وإنتاج الذرة والثروة الحيوانية ..... إلخ. هسي بقينا كلما تدنى الإنتاج ..... نقول إبتلاءات بدل ما نشوف الأسباب من وجهة نظر علمية.
عندك دول الخليج مثلاً، كنا نقول عليها (وكانت فعلاً) متخلفة ... أصبحت تستعين في كل أو معظم أمورها ببيوت الخبرة ولا يكتفوا بصلاة الإستسقاء، وبدلاً من القول أن الجراد مرسل من قبل العدو الصهيوني، يعملوا لمكافحته بالسبل العلمية.
| |
|
|
|
|
|
|
|