الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: مسّاخِين الغُنا .. (Re: محمد البشرى الخضر)
|
يا سلام ، الذِوّيقة المهابيش كلهم إتلموا هنا..
صاحبي عمر، كبير الممسوسين، موصلي فِهمك فِهمك، ياخ أنا ده فهمتك لكن برضو خانّي التعبير (العلمي) أظن والله أعلم إنك قاصد إنو أبوبكر رغم قوة وجمال صوتو لكن مساحتو محدودة، وكذلك أسرار، ولكن هذا لا ينفي جمال صوتهم الاتنين.. وبعدين يا عمر ياخ ما كل فنان عارف سلالموا وبيغني فيهم لو طلع فوق بيتشنق، ولو نزل تحت بيتخنق.. كلموا عمر جعفر ده يقلل من اللعب بي صوتو... ما عارف ليه ما مقتنع بيهو (ومجموعتو) بما فيهم ( البنا ) !! غايتو حب الناس مذاهب..
يا أبوساندرا ( صيّاد اللآلي ) ياخ برنامج خميس شنو، ديل في برنامجي اليومي.. كدي أغطس كده وأهجمنا بي حاجة لينا زي ربع قرن كده ما سمعناها..
يا حمد شذا عبدالله خامة صوتها جميلة ، لكن ما عارفا ليهو دايرا البيقودا ، وناس الموصلي موجودين..
هسي سهام المجمّر دي يعملوا معاها شنو؟؟ تشيل وترص لي في (فنانيني المفضلين) ، ثم إنو يا سهام الغنا ما بيسمعوه صدفة ياخ!! تسمعيه وإنتي قاصداهو عديل كده،، يعني هسي بعد الدفعات المعنوية المتفائلة الشربتينا ليه ديك كللللللللها تجي تقولي إحساس بالذنب.. الله يدينا قدر فهمك وقوتك دي يا بت المجمر، شوفي نعمل شنو.. سهام يا أختي، أسمعي غنا، وأمشي جلسات.. إن في ذلك شفاء...
محمد حسن عبدالقيوم ،، إستمتع بالجان يا قريبي .. يا خي أنا أي زول بيسمع محمود ده بحترمو ليك إحترامي الأكيد يا راجل يا سِمّيع..
ياسر عثمان محمود، كشفت سر (الأسرار ) يلا دلّع نفسك بالصوت الملائكي ده... ياخ البت دي الغنا بيخاف منها عديل ، أنا شخصياً بتهدئ أعصابي والله..
الموصلي ، سيد الشئ زااااااااتو !! هلا وغلا .. أها جيّاتكم دايماً مفيدة،، هسي ديناميكية دي أنا وصاحبي الكاشف داك نقعد قدر ما نقعد ما كنا عرفناها .. تصدق وتؤمن بالله يا يوسف عثمان بلال ، أنا لمن كتبت البوست ده كنت خلصت من ( الصورة ) بالعود من أبوبكر ده وخشيت في عصافير الخريف.. أكتر حاجة شاداني في (الصورة) إنو باين في وش وردي الإعجاب الشديد بأبي بكر ده ، بالله شوف أبوالورود لما يتهبش في ( الصورة ) زي ما قلت يا موصلي .. شهادة والله في حق أبوبكر ، فنان أثبت إنو حوا السودان واااااالدة.. ثم شكراً على الفرح المتجدد في الفرح المهاجر، وتاني بقول ليك ( الله يريّحك دنيا وآخرة يا موصلي) وده كان بوست كتبتو قبل سنوات لمن نزل شريط الفرح المهاجر..
سيدأحمد يا شامي ، طالكا بتبدأ يومك بأبوداؤود، صدقني ما بتجيك عوجة تب.. أبوداؤود يا شامي أوتي مزماراً من مزامير سيدنا داؤود عليه السلام.. لو ما عملت حسابك، وإنتبهت ممكن تقول في نهاية الأغنية ( آمنت بالله ) حقت عمك عوض عمر (الله يرحمو) .. غايتو نقول استغفر الله العظيم..
ود البشرى ياخي أنا أخوك، تزجرني عشان محمد منير الحرامي.. هسي عليك الله يا محمد أسأل لي محمد منير ده قول ليهو أغنية الشعب حبيبي وشرياني دي من ألحان منو !!!!! تغنوا سااااااي وما عارفين الميت منو ... يا محمد يا أخوي ، عمري ما حجرت على أضان زول،ولن يحدث، لكن ياخ أنا زول ( بيحقر بي ) لا يستحق مني مجرد سمع، هؤلاء الفارات ما بيعرفو عن فننا شئ ، سلمنا الخماسي ده عبارة عن ( مضحكة ) عندهم هؤلاء الأغبياء بس أبشّرك، يا دوب بدو يفهموا الشغل الخماسي كيف ، وفرقة ميامي الكويتية أجبرتهم على السمع .. مصطفى قمر بتاعهم بيغني الليلة دوب وةلازم نرضى بالمكتوب ، بتاعتنا ، تخيل الفارات يقبلوها عند ولدهم وينكروها إذا ما غني بها أحدنا.. هي الحقرة دي كيفنها.. القصة عندي مربوطة مع بعضها ، ولو كان فنانهم ده لا قبلو لا بعدو .. أقول ليك حاجة، أنا عشان أغترب وأطلع من السودان، قربت أزور أي فنان في بيتو وأستأذنوا عشان أقدر أسافر!! كلام مجانين مش.. غايتو أنا أي فنان ما سوداني ما مقتنع بيهو كان رضى الموصلي واللا رضى تاني..
|
|
|
|
|
|
|
العنوان |
الكاتب |
Date |
مسّاخِين الغُنا .. | Salah Abdulla | 06-26-13, 08:21 PM |
Re: مسّاخِين الغُنا .. | ناذر محمد الخليفة | 06-26-13, 09:17 PM |
Re: مسّاخِين الغُنا .. | Ishraga Mustafa | 06-26-13, 09:57 PM |
Re: مسّاخِين الغُنا .. | Salah Abdulla | 06-26-13, 10:24 PM |
Re: مسّاخِين الغُنا .. | Salah Abdulla | 06-26-13, 10:16 PM |
Re: مسّاخِين الغُنا .. | عمر الفاروق | 06-27-13, 01:26 AM |
Re: مسّاخِين الغُنا .. | أبو ساندرا | 06-27-13, 06:23 AM |
Re: مسّاخِين الغُنا .. | عمر الفاروق | 06-27-13, 08:03 AM |
Re: مسّاخِين الغُنا .. | Ishraga Mustafa | 06-27-13, 09:03 AM |
Re: مسّاخِين الغُنا .. | حمد عبد الغفار عمر | 06-27-13, 09:05 AM |
Re: مسّاخِين الغُنا .. | Siham Elmugammar | 06-27-13, 10:16 AM |
Re: مسّاخِين الغُنا .. | محمد حسن عبد القيوم | 06-27-13, 09:08 AM |
Re: مسّاخِين الغُنا .. | ياسر منصور عثمان | 06-27-13, 09:20 AM |
Re: مسّاخِين الغُنا .. | عمر الفاروق | 06-27-13, 12:09 PM |
Re: مسّاخِين الغُنا .. | Elmosley | 06-27-13, 12:27 PM |
Re: مسّاخِين الغُنا .. | عمر الفاروق | 06-27-13, 12:45 PM |
Re: مسّاخِين الغُنا .. | وليد محمد المبارك | 06-27-13, 12:51 PM |
Re: مسّاخِين الغُنا .. | محمد مكى محمد | 06-27-13, 01:08 PM |
Re: مسّاخِين الغُنا .. | Elmosley | 06-27-13, 01:16 PM |
Re: مسّاخِين الغُنا .. | Siham Elmugammar | 06-27-13, 02:01 PM |
Re: مسّاخِين الغُنا .. | عمر الفاروق | 06-27-13, 02:22 PM |
Re: مسّاخِين الغُنا .. | saidahmed shami | 06-27-13, 02:51 PM |
Re: مسّاخِين الغُنا .. | حمد عبد الغفار عمر | 06-27-13, 03:35 PM |
Re: مسّاخِين الغُنا .. | عمر الفاروق | 06-27-13, 03:40 PM |
Re: مسّاخِين الغُنا .. | محمد البشرى الخضر | 06-27-13, 04:52 PM |
Re: مسّاخِين الغُنا .. | Salah Abdulla | 06-27-13, 06:40 PM |
Re: مسّاخِين الغُنا .. | عماد الشبلي | 06-27-13, 07:59 PM |
Re: مسّاخِين الغُنا .. | Elmosley | 06-27-13, 09:28 PM |
Re: مسّاخِين الغُنا .. | Salah Abdulla | 06-27-13, 09:51 PM |
Re: مسّاخِين الغُنا .. | Elmosley | 06-28-13, 08:13 AM |
Re: مسّاخِين الغُنا .. | Kabar | 06-28-13, 08:57 AM |
Re: مسّاخِين الغُنا .. | Salah Abdulla | 06-28-13, 11:48 AM |
|
|
|