Post: #1
Title: شركة زين ونظم تعذيب المشتركين
Author: عمر صديق
Date: 06-26-2013, 04:19 PM
Parent: #0
بسبب انها اول شركات الهاتف السيار بالبلاد
وبسبب نظام عقود الاذعان
وبسبب سيطرتها علي وسائل الاعلام حيث تتحكم في منع نشر اي شاكوي او سلبيات عبر التحكم الاعلاني
اجد نفسي مضطرا لطرح معاناتي مع شركة زين
والتي وجدت نفسي من عملاءها لانها اول شركة محمول ولذلك تركن الي اجبارنا علي نظامها
وخلاصة القصة انني فقدت هاتفي في الاسبوع الماضي
واليوم ذهبت الي مكاتب زين في شارع الجمهورية
وبعد طول انتظار بسبب تكدس المراجعين وعمل ثلاثة موظفين فقط من اصل ستة
حيث لاحظت ان الشبابيك التي تعمل هي 1 و3 و6
وعندما جاء دوري لاستلام شريحة بدل المفقودة قال لي الموظف ان علي ان اقوم بسداد الفاتورة اولا
فقلت له انني لااملك حاليا المبلغ المطلوب ولكنني اريد ان احصل علي الشريحة لانه من حقي ان اتمتع باستقبال المكالمات لمدة شهر من قطع الخدمة
ولانني قد ابرزت البطاقة الثبوتية فاريد ان تعطيني الشريحة لانني لاحقا يمكن ان اقوم بسداد الفاتورة عبركروت الشحن
فرفض بحجة ان النظام لايسمح بذلك
ومع ضعف حجته طلب مني التوجه الي المشرف
فذهبت اليه وقام بفتح الجهاز الذي امامه بعد ان سالني عن اسمي
وكان رده مثل رد موظفه تماما
فقلت له اليس من حقي ان استقبل مكالمات؟
وكذلك يمكن لي ان اسدد الفاتورة عبركروت الشحن وبما ان الشريحة ملكي ارجو ان تعطيني اياها
وانت مشرف لم تزيد علي الرد الذي تلقيته من الموظف الذي حولني اليك
فقال لي بكل بساطة انا ليس في يدي شئ
لان السستم لايلبي طلبك !!!!!!!!!!!!!!!!!!
فخرجت اندب حظي مع عالم زين
ولولا ان رقم هاتفي اصبح معروف للكثيرين من معارفي لتركت التعامل معها الي غير رجعة
|
Post: #2
Title: Re: شركة زين ونظم تعذيب المشتركين
Author: محمد حمزة الحسين
Date: 06-26-2013, 06:11 PM
إنتا كمان بتبالغ يا عمر صديق
ما تدفع ياخى ... شنووو الحركات دى
عايز تستفيد من الاقدمية وما عايز تتدفع (وجوه خضراء متدردقة )
ياخى انت من زمن رقم هاتفى معروف للكثيرين الدايرك بلقاك
رسالة بث للارقام المحفوظه لديك من اصدقاءك تلفونك يتوزع لامن تتخلع دا السودان يا حبيبى
انت نسيت والله شنو !!
غايتو بهديك تجربتى وكانت منظمة شوية رقم سودانى متطابق مع رقمك بتاع زين وبعد داك تنسى بث
تدقش سودانى صاحب الخدمات المميزة والمجانية واريبا كمان عندهم خطوط انما ايييه ولو محظوظ فى اريبا برضو ممكن تلقى زى رقمك او قريب منو
عليّا الايمان زين دى انا مريحانى الا فى باقة الانترنت بتاعتكم بتاعت الصحفيين
بالمناسبه انا عندى علاقة بالصحافة وخاصة مؤسسة اخبار اليوم ولو ركزتا الاسم دا ما غريب عليك
دا اللياقة اتعلمتها من واحد كدا ما بقدر اجيب اسمووو لووووووووولز
:
:
:
:
:
:
مع التحيات لله الزاكيات
|
Post: #3
Title: Re: شركة زين ونظم تعذيب المشتركين
Author: عمر صديق
Date: 06-26-2013, 07:41 PM
Parent: #2
محمد تحياتي
بس الرقم القديم عندو ضروراتو
لكن بالنسبة لزين كونكنت حولنا لي سوداني
وربنا يسهل
|
Post: #4
Title: Re: شركة زين ونظم تعذيب المشتركين
Author: Luai Salah
Date: 06-26-2013, 10:51 PM
الاخ عمر صبرا فى الايام المقبلة سوف يتم اطلاق خدمة mobile number portability تهدف بان يمتلك المشترك الرقم ويختار الشركة المشغلة للموبايل دون التقيد بتسلسل ارقام الشركات اى بامكانك الانتفال برقمك الى سودانى او MTN كما مطبق فى السعودية
|
Post: #5
Title: Re: شركة زين ونظم تعذيب المشتركين
Author: محمد حمزة الحسين
Date: 06-27-2013, 08:46 AM
Parent: #4
بشرك الله بالخير يا لؤى
يعنى كدا ممكن برضو نتفكى من كوووتة الموبايلات
او الموبايل ابو شريحتين على اقل تقدير دا كلام ثمح باللحيل
:
:
:
:
:
:
:
:
مع التحيات لله الزاكيات
|
Post: #6
Title: Re: شركة زين ونظم تعذيب المشتركين
Author: عمر صديق
Date: 06-27-2013, 03:59 PM
Parent: #4
Quote:
الاخ عمر صبرا فى الايام المقبلة سوف يتم اطلاق خدمة mobile number portability تهدف بان يمتلك المشترك الرقم ويختار الشركة المشغلة للموبايل دون التقيد بتسلسل ارقام الشركات اى بامكانك الانتفال برقمك الى سودانى او MTN كما مطبق فى السعودية |
الاخ لؤي
تحياتي
وشكرا علي هذه البشري التي من شانها مزيد من التجويد في خدمات الاتصال
|
|