|
المنبر يحتاج الى ثقافة قانونية في نقطتين هامتين !!!
|
النقطة الأولي : تحديد نقاط النزاع. النقطة الثانية : عبء الاثبات وانتقال عبء الاثبات. اهمية هذه النقاط تكمن في انها يمكن ان توفر علينا عناء ورهق الكثير من الحبر والجهد الذي يراق في البوستات بلاطائل مثلاً موضوع (نقاط النزاع) تلقي بوست عجاجتو في السماء وكل زول جاي بمداخلة وكابشر واقتباس ليثبت امر هو ليس محل اختلاف او نزاع من قبل صاحب البوست بمعني اخر اذا تضمن بوست فتحه (س) يحوي 4 نقاط جوهرية المختلف مع (س) يجب ان يحصر خلافه ونزاعه في النقطة او النقطتين المختلف حولهما من بين النقاط الاربعة.ولاحاجة للنقاش حول النقطتين المتفق حولهما. الموضوع الثاني : عبء الاثبات يقع في العادة على الاتهام او جهة الاتهام فمن يتهم شخص بأي تهمة يقع عليه اثبات تلك التهمة فوق مستوي الشك المعقول ثم على الدفاع برهان عكس ذلك وهو مايعرف بانتقال عبء الاثبات !!! مش الزول يفتح بوست ويتهم فيهو زول بكلام مرسل بلا دليل او شاهد ويطالب الزول باثبات او نفي الاتهام عن نفسه.
|
|
|
|
|
|
|
|
Re: المنبر يحتاج الى ثقافة قانونية في نقطتين هامتين !!! (Re: ياسر منصور عثمان)
|
Quote: والله يا سعادتك المطلوب اولاً تحلي الجميع بروح النقاش وتقبل الآخر..
|
بلاشك روح النقاش والاختلاف مطلوبة وضرورة لكنها لاتكفي لتأسيس نقاش او خلاف بشكل يمكن ان يؤدي الى نتائج خصوصاً في البوستات ذات الصيغة الاتهامية فالخلفية القانونية مفيدة ويمكن ان تقود النقاش او البوست الى غاياته بدل من حالة اللف والدوران بلانهاية التى نشهدها في تلك البوستات.
| |
|
|
|
|
|
|
Re: المنبر يحتاج الى ثقافة قانونية في نقطتين هامتين !!! (Re: Mohamed E. Seliaman)
|
Quote: مولانا دا اليراجع عبء الإثبات بتاعو في موضوع (بوكرامي) بعداك يثقفنا قانونياً |
وعليكم السلام يامحمد .......... والله لا علم لي بماذكرت لكن بلاشك مولانا ستكون لديه اجابات عن ذلك ........ اها تعرف يامحمد انا لي يوم الليلة موضوع بوكرامي ده هو زاتو شنو والحصل فيهو شنو ما قادر اعرف !! والسبب انو النقاشات والاتهامات في سودانيز تسلك مسالك لا توصل الى شيء !!!
| |
|
|
|
|
|
|
Re: المنبر يحتاج الى ثقافة قانونية في نقطتين هامتين !!! (Re: محمد عبد الماجد الصايم)
|
جنابو ....
سلام يا زول يا حبيب ....
Quote: النقطة الأولي : تحديد نقاط النزاع. النقطة الثانية : عبء الاثبات وانتقال عبء الاثبات. اهمية هذه النقاط تكمن في انها يمكن ان توفر علينا عناء ورهق الكثير من الحبر والجهد الذي يراق في البوستات بلاطائل مثلاً موضوع (نقاط النزاع) تلقي بوست عجاجتو في السماء وكل زول جاي بمداخلة وكابشر واقتباس ليثبت امر هو ليس محل اختلاف او نزاع من قبل صاحب البوست بمعني اخر اذا تضمن بوست فتحه (س) يحوي 4 نقاط جوهرية المختلف مع (س) يجب ان يحصر خلافه ونزاعه في النقطة او النقطتين المختلف حولهما من بين النقاط الاربعة.ولاحاجة للنقاش حول النقطتين المتفق حولهما. الموضوع الثاني : عبء الاثبات يقع في العادة على الاتهام او جهة الاتهام فمن يتهم شخص بأي تهمة يقع عليه اثبات تلك التهمة فوق مستوي الشك المعقول ثم على الدفاع برهان عكس ذلك وهو مايعرف بانتقال عبء الاثبات !!! مش الزول يفتح بوست ويتهم فيهو زول بكلام مرسل بلا دليل او شاهد ويطالب الزول باثبات او نفي الاتهام عن نفسه. |
كلام مؤسس ما في ذلك شك .....
يديك ألف عافيه .... برضو كلام صاحبك ود الصايم في ذات الموضوع ما ترمي واطه ....
إن شاء الله تسلم ياخ ....
مع خالص ودي وتقديري ؛؛؛؛
| |
|
|
|
|
|
|
Re: المنبر يحتاج الى ثقافة قانونية في نقطتين هامتين !!! (Re: إدريس محمد إبراهيم)
|
Quote: كلام مؤسس ما في ذلك شك .....
يديك ألف عافيه .... برضو كلام صاحبك ود الصايم في ذات الموضوع ما ترمي واطه ....
إن شاء الله تسلم ياخ ....
مع خالص ودي وتقديري ؛؛؛؛ |
الف شكر يا ادريس ....... كلام ودالصايم كلام زول واقعي وشارب المنبر ده شراب ولو عاوزين نطور المنبر ده او على الاقل نحافظ عليه من انو ما يبقي طارد لازم نسمع كلام واراء ناس كتار زي ناس ودالصايم ده ...
| |
|
|
|
|
|
|
Re: المنبر يحتاج الى ثقافة قانونية في نقطتين هامتين !!! (Re: إدريس محمد إبراهيم)
|
يا جنابو عمر موفر الصحة ليك .. لكن الناس المعروفة بأدب إدارة الخلاف والحوار في المنبر ده ليهو ناسم .. وبرضو الورجاغين والعاملين فيها مقددين الشفتنه برضو ليهم ناسهم .. بمعنى انو في ناس ممكن تصل معاهم لنتيجة لو اختلفتا معاهم وممكن كمان يعتذرو ليك .. وفي عيييييييك كتاااار هناك لو اختلفتا معاهم اول حاجة يشتموك ويسبو سلسفيل اجدادك زاتو.. وما بتصل لى نتيجة معاهم بل وبالعكس بتكون عايز ليك مخارجة من الموضوع في ذات نفسو ..
فشنو "دي بتاعت ود البشرى" الكلام ده ما بقسم مع ناس كتاااااار هنا .. الحمد لله انو المنبر ده تشاكل الناس فيهو بي كيبوردك وإلا كان الجبخانة تلقاها مدورة كل يوم ..
مودتي ..
| |
|
|
|
|
|
|
Re: المنبر يحتاج الى ثقافة قانونية في نقطتين هامتين !!! (Re: omer osman)
|
العناوين الكريهة وقلة الحياء والالفاظ البتذكرنا بشخبطة الأطفال الجانحيين في أدبخانات السوق هي مايهدد هذا المنبر ،،
والغريبة من ناس هم في عمر الأجداد وعندهم أحفاد هنا ،،
وأستغرب فعلاً انو الناس ديل ممكن يتخاطبو بالوقـاحة دي مع أهلهم في البيوت؟؟
منتهى التحقير والاستفزاز وقلة الحياء والله !!
في ناس هنا ياجنابو عندها هدف تهديم هذا المنبر بعناوينهم التي تعود علينا جميعا بالضرر وتلقي الإساءة من المتلقي العادي!!
كل شيء يقول ليك سودانيزأونلاين وكر صعاليك وفاقد تربوي : فقط لأن واحد راشد عاقل تناسى أن أمه أو زوجته أو أختو أو أبناءه ممكن يقروا الكلام البكتبو ،،
بكري ماعاد يجدي صمتك : إنك تضحي بمنبر عظيم من إجل إرضاء هولاء التـافهين أو تجاوزك عن نضالهم أو معارضتهم أو تأييدهم للحكومة!!
أبو السياسة على أبو الفكر فيها!!
| |
|
|
|
|
|
|
Re: المنبر يحتاج الى ثقافة قانونية في نقطتين هامتين !!! (Re: العوض المسلمي)
|
Quote: العناوين الكريهة وقلة الحياء والالفاظ البتذكرنا بشخبطة الأطفال الجانحيين في أدبخانات السوق هي مايهدد هذا المنبر ،، والغريبة من ناس هم في عمر الأجداد وعندهم أحفاد هنا ،، وأستغرب فعلاً انو الناس ديل ممكن يتخاطبو بالوقـاحة دي مع أهلهم في البيوت؟؟ منتهى التحقير والاستفزاز وقلة الحياء والله !! في ناس هنا ياجنابو عندها هدف تهديم هذا المنبر بعناوينهم التي تعود علينا جميعا بالضرر وتلقي الإساءة من المتلقي العادي!! كل شيء يقول ليك سودانيزأونلاين وكر صعاليك وفاقد تربوي : فقط لأن واحد راشد عاقل تناسى أن أمه أو زوجته أو أختو أو أبناءه ممكن يقروا الكلام البكتبو ،، بكري ماعاد يجدي صمتك : إنك تضحي بمنبر عظيم من إجل إرضاء هولاء التـافهين أو تجاوزك عن نضالهم أو معارضتهم أو تأييدهم للحكومة!!
أبو السياسة على أبو الفكر فيها!! |
شكرا ... كفيت ووفيت ...
| |
|
|
|
|
|
|
Re: المنبر يحتاج الى ثقافة قانونية في نقطتين هامتين !!! (Re: يحي قباني)
|
سلامات يا عمر وضيوفه ..
كلامك يا جنابو صحيح لو فعلا الناس عايزة تصل لنتائج ايجابية بطريقة منهجية .. بس كمان الالتزام الصارم بمعيارك دا بفقد النقاش تلقائيتو في بورد مفتوح .. مع ذلك جميل إنو المتحاورين يحددوا نقاط النزاع أو خلينا نطلع من الـ legal terms ونقول المحاور المختلف عليها .. طبعا الالتزام بالمحاور دي ميزتها بتضبط مسار النقاش وتخليه محصور في الثيمة بتاعتو .. والأهم طرق شخصنة الموضوع بتكون مسدودة أمام المحاور .. وإذا حاول يلوذ بها بكون غرضو مفضوح أمام القارئ .
سلامات يا محمد أي ..
Quote: مولانا دا اليراجع عبء الإثبات بتاعو في موضوع (بوكرامي) بعداك يثقفنا قانونياً |
هههههههه .. اللستة كملت خلاص .. ذكرتني المثل البقول التاجر لما شنوكده بفتش دفاترو .. .Cryptology
| |
|
|
|
|
|
|
Re: المنبر يحتاج الى ثقافة قانونية في نقطتين هامتين !!! (Re: omer osman)
|
سلام يا عمر المنبر محتاج أننا نتعامل معاهو بمسؤولية وواقع موش نتعامل معاهو من خلف كي بورد وقول ما يجئ في راسك الشتم والاساءة والسعي خلف تحقيق انتصارات ذاتية دي مشكلة المشكلة يا عمر في تشفي وترصد ومقصات وتلذذ بإيلام الآخر ياخ أنا ما عارف الناس دي الواحد كيف نفسو تسمح ليهو بتحقير إنسان وفي شنو وعشان شنو والمستفاد شنو والمستفيد منو والإساءة مردودة يعني هنا تجد أغلب المتنمرين نالوا شتائم بالجملة وسقطت شخصياتهم وأضحوا محل استهزأ يا ريت الناس تلتفت لي قضاياها البلد دي عايزه كتير وفي المنبر ده في ناس أنا بعرفها لو قبلوا علي الصعلقه وطولة اللسان بيخلوا اللي ما يشتري يتفرج وفوق كل ذو سفه سفيه والاختلاف مطلوب بل هو سنة الحياة لكن لماذا لا يكون اختلاف بأدب
| |
|
|
|
|
|
|
|