|
Re: الراي العام : الحلو يخضع للعلاج في بروكسل (Re: عثمان الشريف اسحاق)
|
الاخ محمد علي ابرهيم لك و لضيوفك الكرام كل التحية و التقدير
قبل ما ارد علي الكلام دا خليني اقسم يومي كويس و بالحساب ولد اول الأمس اليوم اللي استقبلنا فيه الحلو علي حسب ناس الراي العام بيعني يوم السبت و ارجع كمان لليوم القبلو الجمعة الميرم الصغيرة رنيم سنة و 10 شهور كانت مريضة إسهال و طراش اخدناها الحوادث الدكتورة كتبت لديها دواء ووصت انو اذا ما اتحسنت ترجع ترقد لأيام في المستشفي المهم الروشتة ما عجبت أمها فقالت الأحسن نرجع للعلاج البلدي موية رز و خلافه إضافة لحنية إضافية مقابل منافستها الميرم سدين 3 سنوات المهم اتفقنا علي الكلام و ر قدنا يومنا، صباح السبت لقينا وضع الميرم رنيم افضل و الطراش و الإسهال وقفوا ،و بقت أحسن بعد داك في نفس الصباح اتصلوا بينا الاخ ادم فضل و زوجته الكريمة و عزمونا اذا ما عندنا برنامج انو نديهم طلة لأنو كمان معاهم ضيوف ووافقنا لأنو دا الجو اللي بيرجع المود mood للميارم و بيدخل في برنامج العلاج و الناس الا عندهم اسر في بلاد الخواجات بيعرفوا الكلام دا كويس الأولاد مرات طبعهم بتغير من القعاد الكتير بين الحيطان المهم يا إخوانا فطرنا و حممنا الميارم و لبسناهم و ركبنا الباص رقم 500 من مدينة ميخلين لانتوربين، و فعلا وصلنا انتوربين تاني أكبر مدن بلجيكا وو لقينا ضيوف الاخ ادم و وزوجته موجودين لكن الأهم لينا و للميارم الصغار وجود ميرم صغيرونة و أخوها الصغير السلطان فؤاد وهو في سن الميرم رنيم تقريبا ، و دي فرصة انو نلقي فرقة للتفرغ للنقاشات و نقاشات سودانيين زي ما بتعرفوها تبدأ بالسياسة و كل شئ ليهو علاقة بيها حتي حلة الملاح، الجو دا طلعنا منو جية احد الإخوان الأكراد و النقاش مشا لإراب أيدول و المنافسة الكردية اللي قدمت عروض مذهلة رغم تحامل أحلام عليها في البداية لكنها خلت اللجنة كلها تصفق ليها فيما بعد و خلتهم يتعلموا بعض الكلمات الكردية، علي كل تركنا ادم و ضيوفه بدري في الساعة 8 و نص في المسا لأنو بيتي طرف و أولادي صغار إها ركبنا بص الساعة 20:56 توقيت السكة حديد و وصلنا البيت الساعة حوالي 23:00 . يعني بالحساب كدا الا أكون الصحفي كلارك كنت و في نفس الوقت سوبرمان عشان ممكن أقدر استقبل الحلو في نفس الوقت في مطار بروكسل و أخده المستشفي و أكون موجود ما بين ميخلين و انتوربين ما بين ونسة و مواصلات و زيارات ، خلينا من دا كلو دا ياتو زول سوبرمان في الدنيا يكون استقبل ليهو زول مهم زي عبد العزيز الحلو و و رقدوا المستشفي بين الحياة و الموت علي حساب كلام الجرائد يقوم يمشي طائر لانتوربين في زيارة اجتماعية و يناقش في كردية غنت كويس و لبناني رقص دبكة تمام و مغربية غنت خليجي عشان تكسب أصوات اكتر ؟ دا كلام دا إخوانا ناس الراي العام ؟.. أنا أكون قابلت الحلو و أكون آخر من يعرف
الناس التبقول انفي الكلام دا ، انفي شنو و أقول شنو ، ما هو داك عبد العزيز الحلو زول حي و بيقود العمليات بتاعت الجبهة الثورية و بيتنفس اكسجين مجاني زينا و زيهم و الحمد لله و بيتكلم في الجرائد و الوكالات و الروادي طلعو مات و ميت غصبا عنو ، انفي ليها شنو غايتو The longer you live, the more you got to pay تعيش اكتر تشوف اكتر
|
|
|
|
|
|
|
العنوان |
الكاتب |
Date |
الراي العام : الحلو يخضع للعلاج في بروكسل | محمد إبراهيم علي | 05-13-13, 05:42 AM |
Re: الراي العام : الحلو يخضع للعلاج في بروكسل | ناذر محمد الخليفة | 05-13-13, 06:50 AM |
Re: الراي العام : الحلو يخضع للعلاج في بروكسل | محمد عبد الماجد الصايم | 05-13-13, 07:01 AM |
Re: الراي العام : الحلو يخضع للعلاج في بروكسل | Hani Arabi Mohamed | 05-13-13, 07:01 AM |
Re: الراي العام : الحلو يخضع للعلاج في بروكسل | Kabar | 05-13-13, 07:14 AM |
Re: الراي العام : الحلو يخضع للعلاج في بروكسل | أيمن دياب | 05-13-13, 07:20 AM |
Re: الراي العام : الحلو يخضع للعلاج في بروكسل | محمد إبراهيم علي | 05-13-13, 07:30 AM |
Re: الراي العام : الحلو يخضع للعلاج في بروكسل | محمد إبراهيم علي | 05-13-13, 07:35 AM |
Re: الراي العام : الحلو يخضع للعلاج في بروكسل | محمد إبراهيم علي | 05-13-13, 07:38 AM |
Re: الراي العام : الحلو يخضع للعلاج في بروكسل | محمد إبراهيم علي | 05-13-13, 07:41 AM |
Re: الراي العام : الحلو يخضع للعلاج في بروكسل | محمد إبراهيم علي | 05-13-13, 07:45 AM |
Re: الراي العام : الحلو يخضع للعلاج في بروكسل | Isa | 05-13-13, 07:22 AM |
Re: الراي العام : الحلو يخضع للعلاج في بروكسل | ABDELMAGID ABDELMAGID | 05-13-13, 07:40 AM |
Re: الراي العام : الحلو يخضع للعلاج في بروكسل | محمد إبراهيم علي | 05-13-13, 07:51 AM |
Re: الراي العام : الحلو يخضع للعلاج في بروكسل | saif massad ali | 05-13-13, 08:06 AM |
Re: الراي العام : الحلو يخضع للعلاج في بروكسل | الشامي الحبر عبدالوهاب | 05-13-13, 08:06 AM |
Re: الراي العام : الحلو يخضع للعلاج في بروكسل | محمد إبراهيم علي | 05-13-13, 08:08 AM |
Re: الراي العام : الحلو يخضع للعلاج في بروكسل | حيدر حسن ميرغني | 05-13-13, 08:12 AM |
Re: الراي العام : الحلو يخضع للعلاج في بروكسل | محمد نور عودو | 05-13-13, 08:14 AM |
Re: الراي العام : الحلو يخضع للعلاج في بروكسل | abubakr salih | 05-13-13, 08:23 AM |
Re: الراي العام : الحلو يخضع للعلاج في بروكسل | محمد البشرى الخضر | 05-13-13, 08:23 AM |
Re: الراي العام : الحلو يخضع للعلاج في بروكسل | عبد الحي علي موسى | 05-13-13, 09:00 AM |
Re: الراي العام : الحلو يخضع للعلاج في بروكسل | محمد إبراهيم علي | 05-13-13, 09:35 AM |
Re: الراي العام : الحلو يخضع للعلاج في بروكسل | محمد إبراهيم علي | 05-13-13, 09:48 AM |
Re: الراي العام : الحلو يخضع للعلاج في بروكسل | محمد إبراهيم علي | 05-13-13, 09:49 AM |
Re: الراي العام : الحلو يخضع للعلاج في بروكسل | محمد إبراهيم علي | 05-13-13, 09:50 AM |
Re: الراي العام : الحلو يخضع للعلاج في بروكسل | Alshafea Ibrahim | 05-13-13, 10:08 AM |
Re: الراي العام : الحلو يخضع للعلاج في بروكسل | إحسان عبد العزيز | 05-13-13, 10:55 AM |
Re: الراي العام : الحلو يخضع للعلاج في بروكسل | عثمان الشريف اسحاق | 05-13-13, 01:12 PM |
Re: الراي العام : الحلو يخضع للعلاج في بروكسل | Mohammed Badawi | 05-13-13, 01:27 PM |
Re: الراي العام : الحلو يخضع للعلاج في بروكسل | GAAFER ALI | 05-13-13, 02:55 PM |
Re: الراي العام : الحلو يخضع للعلاج في بروكسل | محمدين محمد اسحق | 05-13-13, 01:29 PM |
Re: الراي العام : الحلو يخضع للعلاج في بروكسل | محمد إبراهيم علي | 05-13-13, 01:52 PM |
Re: الراي العام : الحلو يخضع للعلاج في بروكسل | فتحي الصديق | 05-13-13, 02:11 PM |
|
|
|