|
ملك التعقيب حيدر حسن ميرغني
|
الاستاذ حيدر زهيد في فتح بوستات جديدة ولكنه لا يترك خيط ذو أهمية نسبية الا وكان له تعقيب يعدل مسار الخيط للخط الصحيح
حيدر استلم الراية من الحبيب قرشو والذي كان ملكا للتعقيب الجميل في يوم من ايام هذا المنبر
فلننصف هذا الرجل
|
|
|
|
|
|
|
|
Re: ملك التعقيب حيدر حسن ميرغني (Re: saidahmed shami)
|
- قال مصطفى سعيد يصف جد الراوي (الطيب صالح)
Quote: (( جدك .. ذاك رجل . ذاك رجل .. تسعون عاماً وقامته منتصبة ، ونظره حاد ، وكل سن في فمه . يقفز فوق الحمار خفيفاً ، ويمشي من بيته للمسجد في الفجر . هاه ذاك رجل )) . |
Quote: كان مخلصاً وهو يقول هذا . ولم لا ؟ وجدي في واقع الأمر ، أعجوبة . |
حيدر حسن ميرغني و كل هذه السنوات في منبر (سودانيز اونلاين) وبوستاته منضبطة وقامته منتصبة باذلاً وبكرم فياض أيميله الخاص مشرعاً لكل من لم تتح لهم عضوية المنبر
حيدر هو ملك التعقيب والتنقيب يقفز ويمر فوق البوستات خفيفاً بنظره الحاد كالصقر وكرمه الفياض كالمطر
حيدر "الإطفائي" لا يلاوز أو يتردد يقتحم كل البوستات بما فيها تلك العالية "التلوث" ويخرج منها نقياً خروج الشعرة من العجين خيول حيدر تجقلب بإبداع و بأعجوبة بينما الشكر والاحتفاء يذهب لبوستات (ملاسي) فـ"تأمل"
... .. .
| |
|
|
|
|
|
|
Re: ملك التعقيب حيدر حسن ميرغني (Re: طلحة عبدالله)
|
فعلا والله الاخ حيدر ما بفتح بوستات كتير لكن بتلقاهو في المكان الصح دائما...وما بجامل بقول الحق في وشك طوالي بدون لف ودوران لكن بلغة مهذبة واسلوب انيق بس فعلا قبل كم يوم شفتو في بوست انفعل شديد لمن استغربت وقلت في نفسي الكلمة دي ما بتشبه حيدر
بتذكر قبل تلاتة سنة زمن العضوية هنا كانت صعبة شديد..متذكر راسلتو عبر بريدو الالكتروني ونشرلي مشاركات في احد البوستات وما قصر والله وكمان من طيب اصلو قال لي اطلب عضوية من بكري واكتب تحت اسمي وانا بزكيك...وبدون سابق اي معرفة والله بيناتنا سوى ذلك الايميل شكرا لانك هنا يا حيدر
| |
|
|
|
|
|
|
Re: ملك التعقيب حيدر حسن ميرغني (Re: AMNA MUKHTAR)
|
حنين ، نقي القلب ، صافي الود..محترم ورجل حقاني نحن بورداب طوكيو عرفنا معدنه الجميل الطيب عن كثب بحق وحقيقة فلا تحسبوا شهادتنا فيه (كسير تلج). - شكرا الأستاذ قرجة لفتح هذا البوست والإطراء المستحق لحنين
تحياتي ومودتي
| |
|
|
|
|
|
|
Re: ملك التعقيب حيدر حسن ميرغني (Re: احمد حمودى)
|
بسم الله الرحمن الرحيم
التحية للاخ / حيدر وهذا التقدير من الجميع لهو دليل على مكانة الرجل وحب الناس له
والتحية لعمنا قرشو فهو انسان يستحق التحية وكان لى شرف لقائه والاخ اساسى بمنزله العامر بجدة العام 2003 وقد اخجلنا بكرمه واريحيته ..
شكراً قرجه
ارتيقا
| |
|
|
|
|
|
|
Re: ملك التعقيب حيدر حسن ميرغني (Re: خالد حاكم)
|
Quote: مالو عمل شنو م ياي ملاسي ..!
كدي ادو ود المدير خبر بالبوست دا قبل ما تفتحو يا قرجة |
الناس دي ما بتشاور يا ود الزين، بس تووووووشك يكبوا الحاجة. هسّع قرجة دا طلق فوقنا ناس ود الباوقة. قال ايه، مداخلآتو خفيفة علي المعدة !!!!، علماً بأنوا ود الباوقة دا مُداخلآتو أنا لامِن اجي اقراها بخُت لي كورية جردقة تحت عنقريبي، فتأمل.
الغريبة الحكاية ظبطت وشايف الجماعة شابكين وجهه حسن، يكتب بأحرف من ذهب خياله واااااسع، ويحلق في افاق بعيدة المدى!!! دا حالوا ما ختّ قدآم إسموا د/ ولا كتب بروف، فتأمل برضو.
كلّ الحب لـ م ياي...
| |
|
|
|
|
|
|
|