|
زلـــــــــط الديــــوم
|
والله يا زلط الديوم متلك مساهر ما بنوم زيّك مغبرن وحال حال رغم العلي عارف العليك حزنان على مديدك الما برضا ليك مرات تنحنح دار تقوم مرات تغمت ماش تنوم إتهددّحيلك ويا حليلك والله يا زلط الديوم *** والله يا زلط الديوم حالتك تحنن كل يوم شايف الحُفر والاتربة المردومة كوم نيمك يحت صفقو المصفّر بالسموم وعجاج يعج رجاج يرج من غير لزوم وما شفت يا زلط الديوم فى الدنيا ليل من غير نجوم *** والله يا زلط الديوم ما بنسى ايامك قبيل زمن الصِبا ايام تلتوارك جديد وإنت بتشع بالكهرباء كان كل شي يعجبنا فيك وانحنا اخر هندمة كان النسيم يشجينا بى موال قديم والنيم يعجبو الهبهبة ريحة الدعاش ساعة الرشاش للزول تجيبلو الكبكبة وحال المحبين الما بيروق ليهم إلا فيك الحبحبة يا سلام وكتين تقول للناس سلام ويقولو ليك اهلاً حبابك مرحبا رقش النجوم وشكل الغيوم الله يالخرطوم عموم وحشتنى اصوات البلوم وحال الغُبش وعطر الغباشة السال ونقّط فى الهدوم *** الله يا زلط الديوم ما كنت كان وما كنا كان يا حليلا عاد ايام زمان من المغيرب كان تلجلج وكان تهجج وكنت بتجنن كمان وكنت زي اوضة العريس كلك عطور ريحتك بخور حنة وطلح وشيتاً سمح وتقول علي ما عدت زي اول صبيْ راحت عليك وخلاص فتر وعجزت زي عُجزى اللى جانى بلا خبر واااا حسرة يا زلط الديوم *** والله يا زلط الديوم ما تقول براك انا برضو مالاك اصلى شوم وعلى العلي تلقانى اتفاءل واحام كل يوم اما إنت لا إتحرمت ولا إنظلمت ولا حصل فى يوم عدمت ولا الواسعة ضاقت بيك يوم وكتوفى ديل الشايفن شايلاتلهن كترة هموم ومع كدى انا حقى هيّن والليلك إنت براهو كوم والله يا زلط الديوم ...... يوسف الحداد الخرطوم1993
|
|
![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
زلـــــــــط الديــــوم | يوسف الحداد | 05-06-13, 08:04 PM |
Re: زلـــــــــط الديــــوم | أسامة العوض | 05-06-13, 08:12 PM |
Re: زلـــــــــط الديــــوم | ياسر السر | 05-07-13, 06:28 AM |
Re: زلـــــــــط الديــــوم | عبداللطيف شريف على | 05-07-13, 06:59 AM |
Re: زلـــــــــط الديــــوم | يوسف الحداد | 05-11-13, 07:37 PM |
Re: زلـــــــــط الديــــوم | يوسف الحداد | 05-08-13, 10:10 AM |
Re: زلـــــــــط الديــــوم | يوسف الحداد | 05-08-13, 10:05 AM |
Re: زلـــــــــط الديــــوم | عماد ساتي | 05-12-13, 03:43 AM |
Re: زلـــــــــط الديــــوم | علي عبدالوهاب عثمان | 05-12-13, 09:01 AM |
Re: زلـــــــــط الديــــوم | يوسف الحداد | 05-19-13, 08:22 PM |
Re: زلـــــــــط الديــــوم | محمد الكامل عبد الحليم | 05-20-13, 02:56 AM |
Re: زلـــــــــط الديــــوم | يوسف الحداد | 05-21-13, 07:58 PM |
Re: زلـــــــــط الديــــوم | يوسف الحداد | 05-25-13, 07:21 PM |
Re: زلـــــــــط الديــــوم | يوسف الحداد | 05-27-13, 08:06 PM |
Re: زلـــــــــط الديــــوم | يوسف الحداد | 05-29-13, 08:18 PM |
Re: زلـــــــــط الديــــوم | يوسف الحداد | 06-10-13, 08:52 PM |
Re: زلـــــــــط الديــــوم | يوسف الحداد | 06-13-13, 06:31 PM |
Re: زلـــــــــط الديــــوم | يوسف الحداد | 06-14-13, 08:19 PM |
|
|
|