**** خـواطـر كـوز (رغم أنفه) ****

Quote: Ummoayad Moayad · الأكثر تعليقا استفسار بسيط. النفابات والاحزاب واتحادات الطلبة والجبهه الثورية ومعاهم العدل والمساوة وبقية الرهط الكريم . مش ياهم زاتم السودانيين . شنو يعني العضو في النقابة جواها بيكون سوداني وقت يمشي بيتو بيكون من المريخ ؟؟ السوداني لو ما اقتنع بالتغير من قلبو ما بتغير وقت يكون في اتحاد الطلبة او النقابة . وفعلا جوه الكيان ده بيكون شغلو منظم بس برة الكيان لازم يقتنع بان دي مصلحتو هو والبلد دي بلدو هو . الناس تطلع من الفهم الضيق ده .. يعني السلاح واللاندكروزرات حتخليك تمسك بلد . طيب فرقك شنو من الماسكنها دلوقت ما ياهو الانت استنكرتو عليهم بتسوي فيه وبصورة ابشع منهم . الناس لو ما كان حبها للبلد نابع من القلب عمرو السلاح ما بيحل مشكلة والحرب غير تعبي القلوب بالبغض ما بتعمر ابداً .. صدقوني لا الحكومة ولا الاحزاب ولا المعارضة (بكل اشكالها ومسمياتها ) ما عندهم هم عام ولا فهم عام للبلد البحركم كلهم دافع شخصي سوي كان الشخص ده اعتباري متل الكيان الهم بينتمو ليه وشايفنو هو الصح والما منتمي ليه ما يمسك مننا البلد لانهم حيخربوها . او يكون دافع زاتي فردي انا قيادي وبعرف ادير البلد ويعرف امسك زمام الامور .

النفابات الدخلها شنو في موضوعنا دا ...
أم مؤيد بي صراحة كدا كتاباتك جميلة جداً
إديك العافية
تحياتي و إحترامي