بيان هام من قائد القوات المشتركة للجبهة الثورية - عمليات شمال كردفان

Quote: ظلت الحكومة السودانية تحيك في الفتن والمشاكل والمؤآمرات ضد المواطن والوطن وتزيد من تعقيد المشاكل لتبرهن للشعب أنه محتاج إليها وأنه من دونها سيهلك ويغرق في المشاكل ( مستغلين بساطة السودانيين وطيبتم ) .. ياعزيزي الحكومة هي صانعة المشاكل وبتتعمد تعمل كده عشان تروع المواطنيين وتقول ليهم البلد ح تغرق في الحروب إذا نحنا مشينا ، وتظل الحكومة تكذب على كل المستويات وتصور لنا ناس الجبهة الثورية بأبشع الصور ( قتلوا نهبوا روعوا المواطنيين اعتدوا على الممتلكات وووووو ) في حين أنها هي البشاعة بذاتها وهي من تصنع المشاكل والحروب لتثبت أقدامها ( فلا فرق بين ناس الجيش أو الجبهة الثورية كلهم أولاد السودان ، لكن من طغى وتجبر يجب أن يحارب ويحاسب ) . تصدق نحنا ما محتاجين للحكومة وأكاذيبا . حكومة الإنقاذ المعتمدة على الجيش وسطوة العساكر فقدت هذه السطوة ، وذات العساكر الحامينها هم زاتم البيهربو من القتال وبيرفضو خوض معارك الحكومة وبيعملو إنقلابات كمان .( العاوز يحمي سلطانو يطلع يحميهو براهو أو يجيب معدات حرب وأسلحة أصلية عشان ناس ود ابراهيم وصلاح قوش ومهاويس المركز يقتلونا بي مزاج ويبيدوا السودانيين بي سهولة ويسر ) . تعرف ناس الجبهة الثورية أحرص على أمن المواطن من ناس المؤتمر الوطني .. ولو صحي هم عاوزيين يقتلو المواطنيين كان استمر زحفهم للمدن وخاضوا المعارك جواها ، لكن هم ما بيأمنوا مكر الحكومة في إنها ما تستخدم القصف بالطائرات وهنا الحكومة تقصد تماماً إنها تقتل المدنيين زاتم بالقصف . لأنها حكومة الإبادة الجماعية بلا منازع .. فهمت يا يوسف .