|
الامراض المنقولة جنسيا ,بين عقد المرضى وتعقيدات الاطباء
|
بعد السلام .
موضوع شائك .
أمراض كثيرة , و ناس كثيرة ما عارفة عنها حاجة . أغلب المرضى بيراجعو أخصائي الامراض الجلدية و التناسلية . بعض النساء بيمشو لطبيب نساء و توليد .
التخصص فى حد ذاته شبه معدوم فى السودان (برغم وجود قلة من الاخصائين فى المجال خارج السودان)
العقدة ما عند العيانين بس , و لكن حتى عند بعض العاملين فى الحقل الصحى . المحزن أن دفن الرؤوس ممكن يؤدى لمضاعفات بالرغم من أن أغلب الامراض يمكن علاجها أو السيطرة عليها لتخفيف الاضرار .
الغرض من البوست بسيط جدا : التعريف ببعض و اهم الامراض المنقولة جنسيا , و طرق الوقاية و التشخيص.
حا أحاول أخلى الكلام بسيط و مفهوم و يا ريت لو الناس ساعدتنى بى أسائلة و لو أى زول عندو معلومة أو أى نوع من المفاهيم عند عامة الناس ينورنا بيها . _____________________________________________________
زمانك واحد صاحبنا من اولاد الحلة المفتحين , كان بقول لى ما بيلبس الكبوت لمن يمشى يكابس . لانو بيعرف البت العندها ايدز من ريحة ........ فسألتو قلت ليه و لو عندك نزلة .؟ الشاهد فى القصة أعلاه أن فى اعتقادات غلط وسط الشباب (و بالتأكيد مثلها عند الشابات) . المريض بامراض منقولة جنسيا قد تكون لديه /ها أعراض او لا . _____________________________________________________ الشغالنية فيها نفرين :
يعنى ما أى مرة ولا راجل عنده/ها مرض هو الغلطان . وحتى لو بى فهمنا غلطان الاحاسبو رب العالمين . نحن ننورو و نوريها العلاج . فى ناس حتعارض و تقول خليهو دى ارادة ربنا : عشان نرتاح منه ما نديه حقنة بنسلين (و بالجد البنسلين علاج لكثير منها) : نقول لى و مرتو "القانتة" الما مرقت من البيت الا لى الجامع زنبها شنو ؟ و ولدها الجوا بطن أمو ذنبو شنو يطلع أعمى ولا أطرش لو ممكن نساعدو بى حقنة بنسلين لى أمو وحبتين أزيثرو مايسين ؟
____________________________________________________ دى أمراض @ " حبش و خدم" (معليش الكلمتين ديل ثقيلات على لسانى و لولا الحوجة و انتشار المفهوم لما أستعملتهم) الاحصائيات فى السودان برغم من قلتها تدعو للقلق . و بعدين (الكلام ده للشماليين النيليين تحديدا - لانهم أكثر الناس دفنا للرؤس). أنتو زاتكم عندكم و اولادكم / بناتكم /نسوانكم / رجالكم عندهم زى العند الناس و الشغالنية دى ماشة فى زيادة ...... يعنى المرض ما بيفرز ده جعلى / شايقى / دنقلاوى ....... كلو عندو واحد .
__________________________________________________ الدخان بيزح الامراض المنقولة جنسيا : (لو مشيت بوست بتاع الجيران تلقا كلام زى ده) كلام خارم بارم و لا صحة له أبدا !!
وائل ......
|
|
|
|
|
|
|
العنوان |
الكاتب |
Date |
الامراض المنقولة جنسيا ,بين عقد المرضى وتعقيدات الاطباء | وائل فاروق | 04-26-13, 09:35 PM |
Re: الامراض المنقولة جنسيا ,بين عقد المرضى وتعقيدات الاطباء | وائل فاروق | 04-26-13, 10:05 PM |
Re: الامراض المنقولة جنسيا ,بين عقد المرضى وتعقيدات الاطباء | الشاذلى خيرى عبد الله | 04-26-13, 10:09 PM |
Re: الامراض المنقولة جنسيا ,بين عقد المرضى وتعقيدات الاطباء | mohamed osman bakry | 04-27-13, 04:00 AM |
Re: الامراض المنقولة جنسيا ,بين عقد المرضى وتعقيدات الاطباء | وائل فاروق | 04-27-13, 02:50 PM |
Re: الامراض المنقولة جنسيا ,بين عقد المرضى وتعقيدات الاطباء | وائل فاروق | 04-27-13, 03:10 PM |
Re: الامراض المنقولة جنسيا ,بين عقد المرضى وتعقيدات الاطباء | smart_ana2001 | 04-27-13, 04:40 PM |
Re: الامراض المنقولة جنسيا ,بين عقد المرضى وتعقيدات الاطباء | جدو | 04-27-13, 05:19 PM |
Re: الامراض المنقولة جنسيا ,بين عقد المرضى وتعقيدات الاطباء | وائل فاروق | 04-27-13, 10:07 PM |
Re: الامراض المنقولة جنسيا ,بين عقد المرضى وتعقيدات الاطباء | عبداللطيف شريف على | 04-27-13, 10:59 PM |
Re: الامراض المنقولة جنسيا ,بين عقد المرضى وتعقيدات الاطباء | وائل فاروق | 04-28-13, 10:28 AM |
Re: الامراض المنقولة جنسيا ,بين عقد المرضى وتعقيدات الاطباء | شهاب الفاتح عثمان | 04-28-13, 01:21 PM |
Re: الامراض المنقولة جنسيا ,بين عقد المرضى وتعقيدات الاطباء | وائل فاروق | 04-28-13, 08:42 PM |
Re: الامراض المنقولة جنسيا ,بين عقد المرضى وتعقيدات الاطباء | شهاب الفاتح عثمان | 04-29-13, 03:55 PM |
Re: الامراض المنقولة جنسيا ,بين عقد المرضى وتعقيدات الاطباء | وائل فاروق | 05-07-13, 06:58 PM |
|
|
|