|
بالدارجى كدا: والضمان شنو يا بنك الكيزان اقصد يا بنك السودان
|
خطوة اولية ما بطالة من بنك السودان على بعض ما يتمناه المغترب (المصدر الوحيد للعملة الصعبة فى الوقت الحالى) بعد قراركم بتاع الضوابط الجديدة فيما يخص تحويلات المغتربين وحرية سحب نوع النقد دون شروط؟؟؟ ....... نضمن كيف بعدما قروش المغترب تدخل البلد وبعد ما الناس خلااااص تطمئن وطق طرق فجأتن كدا تقومو تطلعوا قرار جديد تقولوا فيه لن يسمح بسحب العملات الاجنبية عِلا بالعملة المحلية؟؟ نضمنكم كيف ؟؟ وانا لما قلت بنك الكيزان فى الاول ما قلتو سااااى كدا لانو انتوا متحكمين عليه كحزب وبإسم الحزب وليس كدولة مصلحة الحزب الشخصية والتباعهم هم الذين يحددون مصير البنك وحركته المالية وسياساته وليس بالمؤسسية التى أُسست بحرية وارادة شعبية ديمقراطية لا حسيب ولا رقيب من سيحفظ حق المغترب إذا ريالاتو اللى بتسيل ليكم ريالاتكم دى ول دولاراتو البدور ليكم راسكم الكبير دا منو ؟؟؟ الضمان شنو ؟؟ وانتم مشهورون بعدم الاستقرار الاقتصادى وعدم الاستقرار على راى واحد لو قلنا المحكمة الدولية بتضمن للمغترب حقو فأنتم ما شغالين بى قرارات المحكمة الدولية ولو قلتوا بتضمنوها بالحليفة والقسم بالله أوبالاخوة وغيره برضو ضمان مافى لان هناك حليفات او (حلائف) كتيرة ما احترمتوها نهى - يعنى لا - يعنى No دا حنك نمل زى ما بيقولوا ..... الضمان المؤسسية والرقابة البرلمانية والقضاء المنفصل المستقل العادل وهذا كله لا تمتلكونه سمعنا قالوا حتى قرارات المحكمة الدستورية ممكن تضربوا بيها الواطة ........... كسرة كدا بالجمبة : وين حقوق العاملين السابقين ببنك النيلين وين حقوق بنك الصفا من مؤسسين ومودعين وعملتهم الصعبة اللى راحت فى حق الله ؟؟؟؟
|
|
|
|
|
|