الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: قتل مع سبق الاصرار .. وليد المبارك توجد صورة !!!? (Re: وليد محمد المبارك)
|
Quote: انت هسع فرحانة جدا لانك فتحت موضوع مسكوت عنه تدعين فيه لقتل الاطفال !! |
وليد المبارك مساء الخير
عليك النبي دي م######## بتفرح بس نقول معك شنو
الاطفال ديل اصلاً المجتمع حاكم عليهم بالعزلة الابدية و التميز , و من وجهة نظري ياهو القتل النفسي
يا أخي الاختلاف طبيعي بس قدم حلول عشان نقول بعد دا مافي ضرورة للاجهاض , مع العلم بوجود الاجهاض الغير امن في واقعنا بصورة واضحة للعيان
| |
|
|
|
|
|
|
Re: قتل مع سبق الاصرار .. وليد المبارك توجد صورة !!!? (Re: وليد محمد المبارك)
|
Quote: الاجهاض قتل من سبق الاصرار .. انا ضده .. هذا رائي وانت معاه .. هذا شانئك |
بالظبط ده زبدة الحديث ال مع يوري مع لي شنو والمعارض كذلك شخصيا ضد الاجهاض حتى لو كان عمر الحمل اسبوع واحد ومع نشر التوعيه الجنسية بين الشباب وفي الاوساط الاقل تعليما والمراكز البتستقبل الاطفال مجهولي الهوية مفروض تندعم وتتاهل كويس وفكرة الاجهاض نفسها يصعب جدا تقبلها في مجتمعنا السوداني كدي نظرة شوفو الدول الموافقه عليو
| |
|
|
|
|
|
|
Re: قتل مع سبق الاصرار .. وليد المبارك توجد صورة !!!? (Re: حامد بدري)
|
تحياتي لجميع المشاركين والمشاركات
Quote: اها نقول حسب كلامك الفوق ده الدين براءة ؟ ما الدين شرعن العقوبة للاثنين !!!!!!! |
وليد المبارك كيفنك يا زول مشتاقين
بالنسبة للاقتباس تبعك ده واقع الحال بيدحضوا .. لانو في حالة جريمة الزنا للمرأة المحصن او غير المحصن وكانت قرينة الاثبات هي الحمل ... لا يعتد بكلامها عن من هو شريك الجريمة
ولا حتي ال DNA غير مأخوذ به في القانون الجنائي السوداني .... حلها واحد بس انو الجاني يعترف ويقر ... ودي نهائيا ما بتحصل بسهولة
في القضية الاخيرة كان عمر الفتاة 17 سنة من منطقة في امدرمان وملخص القضية كان زوجها مسافر لاكثر من عامين وحملت وتم التبليغ عنها ... ولما دلت علي الجاني شريكها في جريمة الزنا بحسب القانون السوداني
جاء الي المحكمة وانكر التهمة وطلع منها عااااااااااااااادي ما في زول قال ليهو يدك في راسك... وحكم علي المتهمة بالرجم حدأ لوحدها ... لوحدها تتحمل العقوبة
كلنا نعلم انه لم يحدث في عهد الرسول (ص) ولا خلفاؤه الراشدين ان تم اثبات جريمة الزنا بشهادة اربعة شهود عدول كما ورد في احكام الاثبات لهذه الجريمة
ولم يحدث ذلك ايضا ايام سيئة الذكر قوانين سبتمبر .... ولا في ال 24 سنة الماضية من عهد سلطة الانقاذ في ظل نصوص القانون الجنائي لسنة 1991
يعني اذا حدث حمل سوا لمتزوجة من غير زوجها ... او لفتاة غير متزوجة فانها وحدها - وبالقانون - التي سوف تتحمل العقوبة حسب نصوص القانون الا في حالة اقرار واعتراف الطرف الثاني وبمحض ارادته ومن غير اكراه
اما العقوبة الاخروية فذلك شئ مختلف اذا كنت تقصده
عشان كده انا عاوز الفت النظر موش لقصة الحل لمسالة الحمل وهل يتم اجهاضه ام لا .... بل اري ان من اكبر مسببات قتل الاجنة حديثي الولادة هو القانون ذات نفسو
وانا مع تعديل كل المواد التي تتكلم عن الزنا والاغتصاب والافعال الفاحشة والفاضحة وغيرو من مواد قانون النظام العام لانها مواد فصلت لتجريم المرأة في الاساس ... ولاعطاء المجتمع ذريعة نبذها والصاق الوصمة الاجتماعية السالبة بها
وبجيكم صادي لو في زول علق علي الجزئية دي
عبدالله عيدروس
| |
|
|
|
|
|
|
Re: قتل مع سبق الاصرار .. وليد المبارك توجد صورة !!!? (Re: Abdalla aidros)
|
عبد الله عيدروس
وينك يا صاحب ؟ والله الشوق بالكراتين ... مالك مختفي ؟
انت بتتكم عن القانون الوضعي بتاع الانقاذ ده المسمياه كذب شريعة ولا الشريعة الجد ؟
بالنسبة للشريعة الجد لايؤخذ بالحمل كاثبات للزنا الا للمرأة المتزوجة وزوجها غير موجود لفترة اكثر من سنتين قبل الحمل
يعني للمتزوجة وكان حملها بعد غياب زوجها لاقل من سنتين لا يعتبر الحمل اثبات للزنا واساسا لا يعتبر اثبات للزنا لغير المتزوجة وزوجها غير معروف
اثبات الزنا يكون بطريقتين فقط اربعة شهود شاهدو المرود في المكحل ( لاحظ اربعة ) او الاعتراف
ولاحظ في الدين الاسلامي ولانه بعتبر الحاجة دي شخصية جدا .. ودي ما اظنها ما بتحصل في اي موضع تاني .. يعاقب الشهود ان لم يكونوا اربعة بحد القذف بمعني لو انت لوحدك وشاهدت اثنين يتزانيا .. تعمل ميت لو كنتو تلاته .. تعملوا ميتين
ليه ؟
في ظني الشخصي جدا .. العقوبة الوضعية هنا ليس للفعل الجنسي ولكن للمجاهرة به .. يعني وكت يشوفك اربعة المرود في المكحل .. معناتا الا تكون سويت الشغلانة دي في السهلة ساااااااااااااااااااي وده برضو بظهر في المفارقة الكبير في العقوبة لفعل واحد في حالتين مختلفتين زنا غير المحسن .. جلد زنا المحصن .. قتل
؟؟؟؟؟؟؟؟ !!!!!!!!!
واعتقد في ظني الشخصي .. هنا العقوبة الوضعية ليست للفعل الجنسي .. بل للخيانة في حالة زنا المحصن مع قرنها بصوبة الاثبات وربطه بالمجاهرة
حتى في حالة الاعتراف .. يكون السؤال اربعة مرات يا عيد الروس ولو حصل اي تراجع من الاعترف قبل التنفيذ .. تلغى العقوبة ويشترط انو الاربعة شهدا تكون شهادتهم في جلسة واحدة يعني ما يجي واحد الليلة والتاني بعد اسبوع جلسة واحدة يا عيدالروس
الكلام كتير في الحته دي منناقشو وكت يجي موضوع الممارسة واكيد حا يجي لي قدام
خلينا هسع في القتل العمد ده مع الاصرار ..
ومشتاقين
| |
|
|
|
|
|
|
Re: قتل مع سبق الاصرار .. وليد المبارك توجد صورة !!!? (Re: Abdalla aidros)
|
Quote: وانا مع تعديل كل المواد التي تتكلم عن الزنا والاغتصاب والافعال الفاحشة والفاضحة وغيرو من مواد قانون النظام العام لانها مواد فصلت لتجريم المرأة في الاساس ... ولاعطاء المجتمع ذريعة نبذها والصاق الوصمة الاجتماعية السالبة بها |
شكراً الاخ عبدالله عيدروس علي النقاط المهمة دي فعلاً تستحق النقاش
| |
|
|
|
|
|
|
Re: قتل مع سبق الاصرار .. وليد المبارك توجد صورة !!!? (Re: حامد بدري)
|
وفكرة الاجهاض نفسها يصعب جدا تقبلها في مجتمعنا السوداني كدي نظرة شوفو الدول الموافقه عليو ......................................................................................................................................
طالما اتقبلنا وجود اطفال مجهولى .......... من باب اولى تقبل الاجهاض ............... وطالما الدنيا بتقعد وتقوم لمجرد طرح فكرة استعمال الموانع .......... من المفترض تقوم وماتقعد لخنق وقتل ورمى جثث اطفال يتم جمعهم كما الاوساخ من شوارع الخرطوم مازال السؤال ........ الانسان اولا ام الدين ام التقاليد والاعراف التى تحول الانسان الى مجرد كوم لحم على قارعة الطريق ؟؟؟؟؟؟ الخبر نقلا عن صحيفة المجهر ... قبرت السلطات الصحية بمشرحة مستشفى أم درمان (62) جثة مجهولة الهوية بمقابر الأمير بأم بدة منها (30) جثة طفل حديث الولادة وتمت عملية الدفن بإشراف مدير مشرحة مستشفى أم درمان البروفيسور "جمال يوسف". يذكر أن معظم الجثث المجهولة عن حوادث مرور وأطفال حديثي الولادة مجهولي الهوية.
| |
|
|
|
|
|
|
Re: قتل مع سبق الاصرار .. وليد المبارك توجد صورة !!!? (Re: انصاف ابراهيم عبدالعزيز)
|
كحل وسط بين تقنين الاجهاض (الذى اؤيده) و بين رمى المواليد فى الشارع و صناديق الزبالة, يمكن اصدار توجيهات لاقسام الولادة بالمستشفيات باستقبال اولئك الحوامل من غير سؤالهن عن اواجهن او اوراق ثبوتية او عناوينهن و من غير اى اقحام للبوليس و تسليم المواليد للدار المايقوما كما يمكن تشجيع الدايات لاجراء عملية الولادة فى البيوت اذا تعذر للام المجئ للمستشفى
ما رايكم؟؟؟؟؟
| |
|
|
|
|
|
|
Re: قتل مع سبق الاصرار .. وليد المبارك توجد صورة !!!? (Re: عوض محمد احمد)
|
Quote: طالما اتقبلنا وجود اطفال مجهولى .......... من باب اولى تقبل الاجهاض ............... |
فرق بين التقبل والامر المفروض كواقع مافي زول بقبل بالحاصل ده يااختنا نرفض وجود الاطفال ونعمل جديا كل حسب طاقته بدون نشخصن الامور الاجهاض ماحل للمشكله دي جريمه لتغطية جريمه والمشكله العقوبة وقعت على غير المذنب كمان ادعمو دور الرعاية لامن يموتو كم طفل في دار المايقوما عشان مافي حليب او ميكروب ضرب الدار الاطفال مجهولي الهوية موجودين في ايو دولة ماعارف اتو ناسين الامراض والايدز والامراض المرتبطه بالجنس هل الاجهاض حيحل المشكله اكتر من نشر الوعي بين الممارسين ليو خارج اطارو الشرعي
| |
|
|
|
|
|
|
Re: قتل مع سبق الاصرار .. وليد المبارك توجد صورة !!!? (Re: حامد بدري)
|
Quote: كحل وسط بين تقنين الاجهاض (الذى اؤيده) و بين رمى المواليد فى الشارع و صناديق الزبالة, يمكن اصدار توجيهات لاقسام الولادة بالمستشفيات باستقبال اولئك الحوامل من غير سؤالهن عن اواجهن او اوراق ثبوتية او عناوينهن و من غير اى اقحام للبوليس و تسليم المواليد للدار المايقوما كما يمكن تشجيع الدايات لاجراء عملية الولادة فى البيوت اذا تعذر للام المجئ للمستشفى
ما رايكم؟؟؟؟؟ |
الحبيب عبد الله سلامات
انا راي قلته في البوست الفات وهسع بقولوا قبل مايجي زول
ويقول لي انت بتخالف من اجل الخلاف
حلك الوسط ده معناهو انك داير ليك دار مايقوما في كل حي
ماياهو ده تصريح عدييييييييييييييييييييييييييييييل بالزنا ( العياذ بالله )
بل تصبح مباحة .... يعني تجيك الواحدة لازه كرشه قداااااااااااااااااام
وتقول ليك عليكم الله ولدوني بي سرعة وخلوا الشافع معاكم لاني ماعارفه ابوهو منو......!!!!!
وتمشي وتجي راجعة بعد عشرة شهور لازة نفس الكرش وتنزل التاني وتمش وهكذا دواليك....!!!!
معقولة بس ياعبد الله .....؟
لا سؤال ... لاشرطة .... وتصريح للدايات .... وطوااااااااااالي دار المايقوما.....؟
صدقني ياعبد الله
مجتمعنا مهما قست عليه الظروف فهو يرفض الانحلال والاباحية وهو مجتمع فطري بطبعه
فلن يقبل حتي التفكير في اباحة الاجهاض الا من خلال فتح بوستات شوفونية ليس الا ....!!!!!!
تحياي يازول يازين
| |
|
|
|
|
|
|
Re: قتل مع سبق الاصرار .. وليد المبارك توجد صورة !!!? (Re: haroon diyab)
|
Quote: Quote: كحل وسط بين تقنين الاجهاض (الذى اؤيده) و بين رمى المواليد فى الشارع و صناديق الزبالة, يمكن اصدار توجيهات لاقسام الولادة بالمستشفيات باستقبال اولئك الحوامل من غير سؤالهن عن اواجهن او اوراق ثبوتية او عناوينهن و من غير اى اقحام للبوليس و تسليم المواليد للدار المايقوما كما يمكن تشجيع الدايات لاجراء عملية الولادة فى البيوت اذا تعذر للام المجئ للمستشفى
ما رايكم؟؟؟؟؟
الحبيب عبد الله سلامات
انا راي قلته في البوست الفات وهسع بقولوا قبل مايجي زول
ويقول لي انت بتخالف من اجل الخلاف
حلك الوسط ده معناهو انك داير ليك دار مايقوما في كل حي
ماياهو ده تصريح عدييييييييييييييييييييييييييييييل بالزنا ( العياذ بالله )
بل تصبح مباحة .... يعني تجيك الواحدة لازه كرشه قداااااااااااااااااام
وتقول ليك عليكم الله ولدوني بي سرعة وخلوا الشافع معاكم لاني ماعارفه ابوهو منو......!!!!!
وتمشي وتجي راجعة بعد عشرة شهور لازة نفس الكرش وتنزل التاني وتمش وهكذا دواليك....!!!!
معقولة بس ياعبد الله .....؟
لا سؤال ... لاشرطة .... وتصريح للدايات .... وطوااااااااااالي دار المايقوما.....؟
صدقني ياعبد الله
مجتمعنا مهما قست عليه الظروف فهو يرفض الانحلال والاباحية وهو مجتمع فطري بطبعه
فلن يقبل حتي التفكير في اباحة الاجهاض الا من خلال فتح بوستات شوفونية ليس الا ....!!!!!!
تحياي يازول يازين |
الاخ هارون دياب مساء الخير اها دخلت بزعل في الموضوع و شلت اسم دا لصقتوا لي دا
| |
|
|
|
|
|
|
Re: قتل مع سبق الاصرار .. وليد المبارك توجد صورة !!!? (Re: عوض محمد احمد)
|
Quote: كحل وسط بين تقنين الاجهاض (الذى اؤيده) و بين رمى المواليد فى الشارع و صناديق الزبالة, يمكن اصدار توجيهات لاقسام الولادة بالمستشفيات باستقبال اولئك الحوامل من غير سؤالهن عن اواجهن او اوراق ثبوتية او عناوينهن و من غير اى اقحام للبوليس و تسليم المواليد للدار المايقوما كما يمكن تشجيع الدايات لاجراء عملية الولادة فى البيوت اذا تعذر للام المجئ للمستشفى
ما رايكم؟؟؟؟؟ |
و الله يا الاخ عوض انا زاتي معاك بقول رايكم شنو
| |
|
|
|
|
|
|
Re: قتل مع سبق الاصرار .. وليد المبارك توجد صورة !!!? (Re: انصاف ابراهيم عبدالعزيز)
|
Quote: الانسان اولا ام الدين ام التقاليد والاعراف التى تحول الانسان الى مجرد كوم لحم على قارعة الطريق ؟؟؟؟؟؟ |
ازيك يا ستي انصاف ياأخي الناس تقول ليهم تور يقول احلبوا
لمن يشوف المهازل دي و بذكروا الله قال شنو
مع العلم الدين الاسلامي دين رحمة و سترة , و مادام الاجهاض محلل لضرورة دي انا بعتبرة ضرورة , قارعة الطريق بس لا حياة لمن تنادي ,
| |
|
|
|
|
|
|
Re: قتل مع سبق الاصرار .. وليد المبارك توجد صورة !!!? (Re: اسعاد محمدانى)
|
Quote: الحبيب عبد الله سلامات
انا راي قلته في البوست الفات وهسع بقولوا قبل مايجي زول
ويقول لي انت بتخالف من اجل الخلاف
حلك الوسط ده معناهو انك داير ليك دار مايقوما في كل حي
ماياهو ده تصريح عدييييييييييييييييييييييييييييييل بالزنا ( العياذ بالله )
بل تصبح مباحة .... يعني تجيك الواحدة لازه كرشه قداااااااااااااااااام
وتقول ليك عليكم الله ولدوني بي سرعة وخلوا الشافع معاكم لاني ماعارفه ابوهو منو......!!!!!
وتمشي وتجي راجعة بعد عشرة شهور لازة نفس الكرش وتنزل التاني وتمش وهكذا دواليك....!!!!
معقولة بس ياعبد الله .....؟
لا سؤال ... لاشرطة .... وتصريح للدايات .... وطوااااااااااالي دار المايقوما.....؟
صدقني ياعبد الله
مجتمعنا مهما قست عليه الظروف فهو يرفض الانحلال والاباحية وهو مجتمع فطري بطبعه
فلن يقبل حتي التفكير في اباحة الاجهاض الا من خلال فتح بوستات شوفونية ليس الا ....!!!!!!
تحياي يازول يازين |
الحبيب دياب للاسف انت ما عندك اى حل للمشكلة دى و حلى اعلاه هو اقرب لروح الدين من حيث توخى السترة و احسان الظم بنوايا الناس
| |
|
|
|
|
|
|
Re: قتل مع سبق الاصرار .. وليد المبارك توجد صورة !!!? (Re: حامد بدري)
|
Quote: شخصيا ضد الاجهاض حتى لو كان عمر الحمل اسبوع واحد ومع نشر التوعيه الجنسية بين الشباب وفي الاوساط الاقل تعليما والمراكز البتستقبل الاطفال مجهولي الهوية مفروض تندعم وتتاهل كويس وفكرة الاجهاض نفسها يصعب جدا تقبلها في مجتمعنا السوداني كدي نظرة شوفو الدول الموافقه عليو |
الاخ حامد بدوي مشكور يا أخي و فيك الخير
اي كدا يا حامد مختلف معي في الرائ و مقدم حلول بي كدا الناس ممكن تلقي مخرج , بدل انا ضد و بس التوعية الجنسية متفقة معاك تماماً , بس حاول وضح اكثر مسالة دعم و تاهيل مراكز الاطفال مجهولي الهوية , بس ما ينطول ليك يقول دا زاتوا تشجيع لدعارة
احترامي
| |
|
|
|
|
|
|
Re: قتل مع سبق الاصرار .. وليد المبارك توجد صورة !!!? (Re: اسعاد محمدانى)
|
Quote: الاخ حامد بدوي مشكور يا أخي و فيك الخير |
تالت واحد يقولي حامد بدوي ياناس حامد بدري لوول عديل يااختنا الاختلاف ماهو نهاية الدنيا وممكن جدا مرور الوكت يداوي الكتير من المحن بالنسبة لي دور الرعاية قصدي زي دار المايقوما لازم منظمات المجتمع المدني والافراد الخيريين يساعدو لانو ديل ماعندهم ذنب اتخيلي معاي يكون الدار محتاج لي تلاجه او غساله او حليب وبمبرز او انتشار ميكروب يموت بيو كم طفل في يوم واحد
| |
|
|
|
|
|
|
|