لا توجد حرية جنسية خارج ما احل الله سبحانه وتعالى. وفيما عدا ذلك وما ينادي به البعض فهو فجور وتحسين للمعصية. وهذا الحرمان الدنيوي يتبعه استمتاع في الآخرة لا نهاية له.
04-01-2013, 05:52 AM
تبارك شيخ الدين جبريل
تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: لا توجد حرية جنسية خارج ما احل الله سبحانه وتعالى. وفيما عدا ذلك وما ينادي به البعض فهو فجور وتحسين للمعصية. وهذا الحرمان الدنيوي يتبعه استمتاع في الآخرة لا نهاية له.
تحلف بالله؟
... المهم ....
04-01-2013, 06:03 AM
جميلة ابراهيم السيد
جميلة ابراهيم السيد
تاريخ التسجيل: 08-21-2012
مجموع المشاركات: 304
Quote: لنبدأ بحسم أزمة الحوار حول الحرية الجنسية أولاً ...
قبال تبداء حوار حرية الجنس يا تبارك .. اظن في نقطة يجب ان تسبقها .. الجنس "عادة" الطرفين الفيهو رجل وامراة .. لاحظت غياب الجنس اللطيف من البوست دة او اي بوستات مشابة .. واكيد دة خوفا من التنميط ... دي زاتا ما ازمة دايرة ليها حل في الاول .. يعني اذا كان مجتمع لا يقبل ان تناقش المرأة الجنس .. حيقبل كيف دستور او قانون يحمي الممارسة خارج "اللوائح".
حتي لو اتقالت نكتة في البورد البشوفوا الامة كلها .. ما تقدر تكتب تعليق او حتي ابتسامة لانها مفروض اساسا ما تكون هي فهمت المعني شنو من الكلام .
احترامي
04-01-2013, 06:16 AM
زهير عثمان حمد
زهير عثمان حمد
تاريخ التسجيل: 08-07-2006
مجموع المشاركات: 8273
الاخت جميلة تحياتي متعك ربي بالعافية والعقل رأي حفيص وموجز وعليك مشاركتي في بوست أخر عن (الجنس ما بين تجريح التأنيث وحوكمة وشطط الفحولة ) بدات أكتب نصوصه وأقتبس من كتابات الغير لرؤية أكثر واعيا وأنسانية خدمة لشبابنا وتبصيرهم بأسلوب موضوعي عند الخوض في هذه المسائل لا السقوط في دوامة الانا والمفاهيم المغلوطه. هلا فعلتي سيدتي لك كل الود
ده البنعرفو من واقع الدين الإسلامي وتقاليد مجتمعنا السوداني والشرقي التي بنيت على الإسلام
أما الحرية الجنسية كما هو الحال في المجتمعات المنحلة إجتماعيا وتدعي التقدم والإزدهار ، فهي تعلم تماما في دواخلها أنها على خطأ ، وتسعى بشتى الطرق لتحويلنا عن الطريق القويم.
التفكك الإجتماعي أدي إلي حريات في العلاقات الجنسية بل يتباهون بأن صديقته حامل بطفله (إنه السفاح بعينه لاسواه) أما إذا كنت تقصد بالجنس شئ آخر فهذا امر آخر.
الجنس أيضا يعني العرق ، وهذه مأساة أخرى نعيشها في السودان ، حيث تتحكم علاقاتنا اعراقنا في علاقاتنا الإجتماعية ، الأمر الذي خلق هويات متعددة بين أبناء الوطن الواحد.
04-01-2013, 09:10 AM
هشام عباس
هشام عباس
تاريخ التسجيل: 08-30-2010
مجموع المشاركات: 5609
Quote: ده البنعرفو من واقع الدين الإسلامي وتقاليد مجتمعنا السوداني والشرقي التي بنيت على الإسلام
أما الحرية الجنسية كما هو الحال في المجتمعات المنحلة إجتماعيا وتدعي التقدم والإزدهار ، فهي تعلم تماما في دواخلها أنها على خطأ ، وتسعى بشتى الطرق لتحويلنا عن الطريق القويم.
الصادق تحياتى انا شخصيا لم ارى فى طرح تبارك دعوة للخروج عن واقع الدين الاسلامى او واقع المجتمع وتقاليده ولم افهم من طرح تبارك ان الحرية الجنسية مفهومه ان الجنس يكون مبذول فى الشوارع
Quote: التفكك الإجتماعي أدي إلي حريات في العلاقات الجنسية بل يتباهون بأن صديقته حامل بطفله (إنه السفاح بعينه لاسواه) أما إذا كنت تقصد بالجنس شئ آخر فهذا امر آخر.
ما تراه انت تفكك اجتماعى فى المثال اعلاه هى مجرد نظرة للاخر من موقعك انت وهذا خطأ وما تقول انهم ابناء سفاح هو حكم على الاخر بشريعتك انت ودينك انت وتقاليدك انت والاخر غير معنى بدينك ولا بتقييمك ولا بحكمك انت .. هم لهم طريقتهم وشريعتهم فى الزواج وانت لك طريقة اخرى نظمها لك دينك وعرفك فلا يصح ان تحاكم الاخر من حيث انت ولا يصح للاخر محاكمتك من حيث هو .. ثم ما هو مفهوم التفكك الاجتماعى الذى تعنيه ؟؟ انا شخصيا ما شايف اى ازمة اجتماعية فى الغرب على العكس هم اكثر منا استقرار ونتاجا ورفاهية
أحسب أن ديانتهم النصرانية أو اليهودية لم تبيح الإنجاب بدون زواج ، لو تدارست سورة مريم لوجدت أهل السيدة مريم جزعت من أمر ولادتها طفل دون زواج ؛تى أن أهلها قالو لها لم نعهد بك أو بأهلك البغاء وهذا دليل واضح على أن أي ديانة من الله سبحانه وتعالى لم تجيز العلاقة الجنسية خارج إطار الزواج.
أنا لم أقل أن الأخ تبارك قام بالدعوة للخروج من واقع الدين الإسلامي ولكني وضحت وجهت نظري كما فهمت الطرح ، أن أستشعر أن للأخ تبارك أبعاد أخرى لا أدري ما هي ؟ ولكنها قد تكون مفيدة للكل وقد يتحاور فيها الجميع بوجهات نظر مختلفة فلو رجعت لمداخلتي لوجدتني قد إستفسرت من المقصود بالجنس هل هو العلاقة الجنسية بين الذكر والأنثى أم الجنس فيما نسميه بالعرق والإنتماء.
لا عيب أن نرى الأمور بوجهات نظر مختلفة ، ولكني أعيد وأقول أنني أري المجتمعات الغربية الغير مسلمة تعيش في فوضي إجتماعية عارمة ، ويسعون لأن يكون مثلنا في العالم الشرقي من حيث الإلتزام المجتمعي والإحترام الأسري ، ولعلمهم بأنهم لا يستطيعون العودة للوراء وذلك للمفاهيم التي تم بناؤها في عقول أجيالهم النامية جيلا بعد جيل ، لذلك بدأوا في محاربة الشرق في النزوح والتخلل إلي مفاهيمه بشتى الطرق لتحويل هذا المجتمع ليشبه مجتمعهم المهترئ.
04-01-2013, 09:48 AM
داليا حافظ
داليا حافظ
تاريخ التسجيل: 06-06-2008
مجموع المشاركات: 5055
تعرفي يا داليا ... انا رباية حبوبات ... يعني عندي خبرة في قنطرة البقج ... بدءًا بفرز محتويات البقجة وخلوها من كل ما يمكن أن (يفنتر) ويقد التوب ... ثم لملمة الأطراف والمتاوتة ... وأخيرًا التكريب والوصول إلى (صُرّة) الموضوع ... وكلما زادت محتويات البقجة وقل حجمها كلما زادت حضارة ونضارة ... وكلما تفرشخت البقجة وتهلهلت وانبرشت كلما أمعنت في الجوبيك وعدم الميز ...
فخليك صبورة معانا ... لو بنكتب مقالات بى المقدمة ومنهج البحث وجمع المادة والتحليل المعملي والنتائج والخاتمة ما كان جينا نكتب في سودانيزاونلاين ... كان قعدنا نألف كتب ونبيع ... نحن بنجي هنا عشان نحوّل المناهج العلمية لى شمارات ضللة وغلات خيم مآتم عشان المعرفة العلمية تكون في متناول الجميع ...
لاكين أوعدك انو البقجة تستاهل الشحتفة ونوم الخزاز دا ....
(للترجمة: يرجى الإستعانة بصديق!)
... المهم ....
04-01-2013, 04:04 PM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
لكن بالتاكيد لن يكون موقف الخواجة .. وقد يصل ال موقف الاردني .. لكن بدون تاكيد
فهذا الموقف يسال عنه من مر به فقط .. وهو فقط من يفتي فيه
يعني المسألة في منتهاها تختلف من شخص لآخر ولا توجد ثوابت نوع "دين" و "إطار" والذي منو ...
وبالتالي ترجح كفة القائل ان اتباع العادات التقاليد يعمي عن اتباع الدين ...
(في حالتك ما معروف انك تبع عادة وأد البنات ولاّ قريييييب منها ... حسب حالتك النفسية ساعتئذ ... "لكن بدون تأكيد" )
انا دايرك تأكد معاي على التفصيلة دي ... عشان نمشي الخطوة البعدها ... اللي هي انو لو لقيت اخوك في وضع لا يقع تحت طائلة "الشريعة" ويسبب إيقاع الحد عليه ... هل أيضًا ينطبق عليه رد الفعل المنطبق على الأخت (فيصبح موؤود ذكر؟) ... هل يصل رد الفعل الأردن؟ (لكن بدون تأكيد)
أم أن المسألة تتجاوز "الإطار" الديني وتدخل في النوع (ذكر أم أنثى)؟
بمعنى آخر ... هل يتساوى الأخ والأخت في هامش الحرية الجنسية المتوفر حاليًا في المجتمع السوداني؟
ألا ترى أن مسألة "الإطار" هذه ربما تتجاوز الدين وتدخل في باب "الجاهلية" وفقه "الموؤودة"؟
بمعنى أن اشتراط "الإطار" بسياق ينفي التساوي في هامش الحرية الجنسية يمكن اعتباره ضرب من ضروب الاسترقاق الجنسي للمرأة ...
(في دراستها عن الجنس والجريمة أثبتت نوال السعداوي أن انتشار جرائم الغيرة والكبت الجنسي اكبر بكثير من انتشار جرائم الشرف!)
... المهم ....
04-01-2013, 07:28 PM
الصادق اسماعيل
الصادق اسماعيل
تاريخ التسجيل: 01-14-2005
مجموع المشاركات: 8620
ياخي الموضوع بتاع الحرية الجنسية دا في فهم كتير من السودانين (اخص بالذكر ناس الوسط والمدن) عندو علاقة بالمرأة واسترقاقها ووضعيتها في الترتيب الإجتماعي.
يعنى الحرية الجنسية دي موجودة بالنسبة للرجال، وممكن عادي جداً الراجل يمارس الجنس زي ما داير (في الأوضة واخوهو بيشوف في التلفزيون كجهاز إنذار مبكر).
المهم يا قولاتك
المناقشة هي بخصوص حرية المرأة الجنسية وليس الرجل، يعنى الناس دي ما عندها مشكلة كبيرة في (حرية الرجل) مرات حتى المثلية ذاتها (على ان تكون الفاعل وليس المفعول به) لكن القصة في (البنات).
عشان كده سؤال وليد منطقي (إتساقاً مع قيم المجتمع المذكور أعلاه)؟ يعنى وليد ما ممكن يسأل سؤال زي دا (هل ترضي لأخوك أن يمارس الجنس مع فتاة وانت تجلس تشاهد التلفزيون وانت تسمعهما دون ان يكون بينهما علاقة شرعية).
عشان كده إقحام الدين في الموضوع بجي عشان (يداري) التفرقة الجندرية في الاساس مش لأنو مؤمنين بالدين للدرجة دي.
الشفت
انا بضرب مثل بس بي كلامك دا، ولعلمك أنا لحدي السنة التالتة في الثانوي كنتا (شايف إنو الراجل ممكن يكون عندو حرية جنسية لكن المرة لا) بعد داك نتيجة لحادثة (تعرضت لها صديقة عزيزة) وضحت لي الحقيقةوبديت انظر للموضوع بزاوية شوف مختلفة تماماً.
لمن كنت في تانية جامعة وطرحنا موضوع (الحرية الجنسية والعلاقات خارج اطار الزواج) أنا عملت استبيان (غير معلن) وكنت بسأل اصحابي وقرايبي عن تجاربهم (الغير شرعية) تصدق يا وليد ويا تبارك انا سألت 57* راجل سوداني كلهم ما عدا واحد بس الما كان عندو تجربة، والواحد دا (تجاربو كلها فاشلة) وسبب فشلها يُعزى للمثل المشهور (تلقى .... ما تلقي الخرابة، تلقى الخرابة .... الباقي تموهو براكم
_________________ * العدد الكنت عايز اعملوا كان مفروض يكون 100 لكن انا وقفت في 57 وموضوع النقاش كان السؤال الآتي (حتعمل شنو لو يوم الدخلة لقيت مرتك ما عذراء) كانت اجابتي إنو عادي لأنو أنا ذاتي (ما عذراء)، اها اتهموني إني (ما راجل) قلتا ليهم أنا غايتو لو لقيت لي راجل ما عندو علاقة بالجنس قبل الزواج حأتبني رايكم، ومن هنا كانت فكرة البحث الغير (رسمي دا)، والغريبة إنو ناقشنا الموضوع دا في حضور واحد (أنصار سُنة) وكان واقف معاي في الراي بتاعي.
04-01-2013, 07:49 PM
تبارك شيخ الدين جبريل
تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: (في حالتك ما معروف انك تبع عادة وأد البنات ولاّ قريييييب منها ... حسب حالتك النفسية ساعتئذ ... "لكن بدون تأكيد" )
الكلام ده جاوبتك عليه بدون اسهاب انت بعد ده ليك مطلق ( الحرية ) في التفسير ممكن تسميها حسب الحالة النفسية .. حسب الظرف .. حسب الوحوحة .. حسب ما تراه انت انا سايبها لي مزاجك وانا عارف مزاجك عالي
Quote: انا دايرك تأكد معاي على التفصيلة دي ... عشان نمشي الخطوة البعدها ... اللي هي انو لو لقيت اخوك في وضع لا يقع تحت طائلة "الشريعة" ويسبب إيقاع الحد عليه ... هل أيضًا ينطبق عليه رد الفعل المنطبق على الأخت (فيصبح موؤود ذكر؟) ... هل يصل رد الفعل الأردن؟ (لكن بدون تأكيد)
الاجابة بدون اسهاب نعم نفس الاجابة السابقة تبيكال
اها الان حا تفك لينا المايك عشان نعمل اضاءة من الصايد التاني صايدكم انتو الناس الما عندكم نفسيات صايد الناس النفسهم مفتوحة وبراحهم كبير ولا الاسيلة والاستفسار ده اتجاه واحد ؟
عاوزن نسال ونفتش ونشوف الصورة العكسية مداها شنو في الحرية .. عشان المواطن المتاعب البوست ده يقدر يقيم ويستفيد ويقارن وياريت تكون نفسك مفتوحة للاجابة وتدي اسئلتنا حرية كالحرية المقترضة للجنس
ليك اربعة يوم بتسال ونحن بنجاوب فادينا الاربعة يوم نسالك نحن وانت تجاوب
Quote: قبال تبداء حوار حرية الجنس يا تبارك .. اظن في نقطة يجب ان تسبقها .. الجنس "عادة" الطرفين الفيهو رجل وامراة .. لاحظت غياب الجنس اللطيف من البوست دة او اي بوستات مشابة .. واكيد دة خوفا من التنميط ... دي زاتا ما ازمة دايرة ليها حل في الاول .. يعني اذا كان مجتمع لا يقبل ان تناقش المرأة الجنس .. حيقبل كيف دستور او قانون يحمي الممارسة خارج "اللوائح".
حتي لو اتقالت نكتة في البورد البشوفوا الامة كلها .. ما تقدر تكتب تعليق او حتي ابتسامة لانها مفروض اساسا ما تكون هي فهمت المعني شنو من الكلام .
احترامي
04-01-2013, 09:16 PM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
Quote: لذلك يا الصادق اسماعيل ... حين نكتب "الحرية الجنسية" ... يعود وليد الشفت فيكتبها "الحرية المطلوقة" ... فيأتي عمر نملة ليقرأها "البت الصعلوقة المطلوقة" ... فيكتبها لنا بطل الصحافة السودانية "بت طه جعفر الصعلوقة المطلوقة" ... فنسمع الوحوحة ردًا على طرحنا للحرية الجنسية ... فيعلو صوت "التلفاذ" يلهج فيه مفتي الديار السودانية بالدعاء على الأمريكان والحركة الشعبية ... وتدور الدوائر في دوامات الفقر والجهل والفساد والنفاق والقهر والظلام إلى ما لا نهاية ... لك الله يا صديقي ابي الزهراء في صحاري الظلام والضجر هذه ...
لكن كمان يا حبيبنا ( الحرية الجنسية ) - عليها من الله ما تستحق - دي، ما ياها البتجيب "الحرية المطلوقة" بتاعت وليد ال mean،و "البت الصعلوقة المطلوقة" بتاعت عمر نملة و "الود الصعلوق المطلوق" حقتي و هكذا !! يا تبارك، حقو تعرف إنو وليد و عمر نملة و أي مواطن في السودان الشقيق من حقو يعارض ( الحرية الجنسية ) لانو تأثيرها ببقى في المجتمع و بالتالي بتخصهم باعتبارهم جزء من المجتمع ده. إنت ادعو ( للحرية الجنسية ) زي ما داير و خليهم يدعو عليها زي ما دايرين ... الدنيا حرية ياخي ( و أظن ده كلامك إنت ذاتك ) !! ------------ الشئ التاني يا راستا، كوت وليد الجبتو ... ما فيهو أخوات و ما أخوات زي ما إنت قلت ليه، و حتى لو فيهو ... المشكلة شنو ؟!! أنا لو بدعو لحاجة معناتها ما شايفها غلط و بالتالي مافي مشكلة اخواتي ولا أمي الله يرحمها ذاتها تعملها !! لكن لمن أكون بعارضها، ما تجيب سيرة الناس ديل في النقاش لانو أنا أساسا معارض الكلام ده !! ----------- بالجمبة كده : روقو المنقة يا وليد و يا تبارك ... انتو الاتنين ناس عميقين و أنا عارف علاقتكم مع بعض، الناس ما تبيع بعض في نص نقاش لا بودي و لا بجيب !!
04-01-2013, 09:34 PM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
Quote: بالجمبة كده : روقو المنقة يا وليد و يا تبارك ... انتو الاتنين ناس عميقين و أنا عارف علاقتكم مع بعض، الناس ما تبيع بعض في نص نقاش لا بودي و لا بجيب !!
ماف بيع يا نوته لو كان في بيع كان جاريتو .. ولو جاريتو كان البوست ده استحمى
ياخ انا هبشتو في فكرتو سااااااااااااااي .. نفسو قام وهرطق بكلام ذكرني شكل الابتدائي
لو كان هبشتو في اهلو كان قطع تذكرة بكره للسودان .. قر قر قر قر قر قر
ما تشوف الخمة دي يا امين .. تبارك ده معقد اكتر من شعرو المبرمو ده ... هاهاهاهاهاهاهاهاهاهاهاهاهاهاهاهاهاها حتى اسال دينق
احي يا بطني
الانفتاحية القابلتو بيها انا في البوست ده .. والله لو سقوها ليه سقاية ما يقدر يعملها
والله انا مستنير عديل كده
04-01-2013, 10:11 PM
عمر نملة
عمر نملة
تاريخ التسجيل: 11-08-2009
مجموع المشاركات: 2553
Quote: يا تبارك، حقو تعرف إنو وليد و عمر نملة و أي مواطن في السودان الشقيق من حقو يعارض ( الحرية الجنسية ) لانو تأثيرها ببقى في المجتمع و بالتالي بتخصهم باعتبارهم جزء من المجتمع ده.
امين ازيك دخلنا الصفحه الخامسه ومازالت ساقيه تبارك تشيل من البحر وترجع للبحر. اظن عارف جحا عمل الساقيه دي عشان كل الناس تجي تتفرج ويلقى جلابيته المسروقه وقد حصل جاء الحرامي يتفرج. اه تبارك دور الساقيه وبيفتش على البعرايه والساقيه مدوره ليها خمسه صفحات والمشكله كل البلد حضرت تتفرج وتبارك ماقادر يقول دي بعرتي. ياريت بكل شجاعه وبدون لف ودوران ينشن على الهدف والفكره العايز يوصلها. انا بفهمي المحدود دا فهمت انه عايز البطل يكتب عنه بس ناقصه الشجاعه انه يقول كلام يحسب عليه مش صاحبه قال الكلام ونكره حطب والدليل مش قالوا لووه الدليل اسمي مكتوب وموثق. 1+1=2. والبوست من بدايته بيرمى في الطعم بس المشكله الصناره شبكت في جلابيته وهو بيسحبها لما غمزت كان فاكرها سمكه بس طلعت فرده تموت تخلي. واظن احسن طريقه لتوصيل اي فكره هي ضرب مثل( افي انفسكم افلا تبصرون) (وضرب لنا مثل ونسى خلقه) ورينا في نفسك دي وصلت وين للحريه الجنسيه في نفسك بس وما نمشي بعيد ولا قريب. عشان مايكون حبر على ورق.
04-01-2013, 11:35 PM
تبارك شيخ الدين جبريل
تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: يا تبارك، حقو تعرف إنو وليد و عمر نملة و أي مواطن في السودان الشقيق من حقو يعارض ( الحرية الجنسية ) لانو تأثيرها ببقى في المجتمع و بالتالي بتخصهم باعتبارهم جزء من المجتمع ده. إنت ادعو ( للحرية الجنسية ) زي ما داير و خليهم يدعو عليها زي ما دايرين ... الدنيا حرية ياخي ( و أظن ده كلامك إنت ذاتك ) !!
وهم جابوا حرية راي بدون "إطار" من وين؟
(يا ندعو للحريات كلنا ... يا ندعو عليها كلنا ... زي ما قال عادل امام: ألع نئلع كلنا!!)
كدى أول حاجة اليعترفوا لينا انو حربهم على الحريات دي ما عندها أساس ديني ... دعاواهم الإجتماعية بنجيها بعد تعرية دعاواهم الدينية ...
Quote: لو كان هبشتو في اهلو كان قطع تذكرة بكره للسودان .. قر قر قر قر قر قر
ما تشوف الخمة دي يا امين .. تبارك ده معقد اكتر من شعرو المبرمو ده ... هاهاهاهاهاهاهاهاهاهاهاهاهاهاهاهاهاها حتى اسال دينق
والله يا وليد انا فعلاً شاكر ليك فضل الإستنارة والتفهّم ... اهلنا بيقولوا "فلان فضييييل، تاكل وتقش خشمك في طرفو" ... لأنو انا زاتي مهما ناوشتك ودست الابنص ... حاشا لله اتقول عليك أو على اهلك ... بس مرات مرات بنحتاج لى "حوار استثنائي" عشان نناقش القضايا المعقدة ...
نرجع لى مسألة الحرية الجنسية كحرية يكفلها الدستور على أساس المواطنة ... انا لاحظت ملاحظة غريبة اثناء بحبتتي في اليومين الفاتن ديل ... انو مثلاً الحرية الجنسية في الدستور الامريكي مكفولة صراحةً بسبب حقوق المثليين ... لاكين في الإعلان العالمي لحقوق الإنسان غير مضمنة صراحةً ... الإعلان العالمي لحقوق الإنسان يمنع التزويج قهرًا ويمنع الرق والمتاجرة في البشر ... وهو بذلك يمنع التغول على الحرية الجنسية ضمنيًا ... فالجنس في حد ذاته ليس جريمة بالمفهوم الجنائي للجريمة ... ولكن الإعتداء الجنسي جريمة جنائية ... "الزنا" بمفهومه الفقهي يعتبر عند البعض مخالفة دينية ... بعض الثقافات والشعوب لديها تقاليد للزواج قد ترقى لتصنيفها على أنها مخالفات جنائية ... بمعنى أن المنطقة خارج النص الصريح منطقة ضبابية وهنالك الكثير من الإفتراضات المسبقة حول عدم خلافية مبدأ الحرية الجنسية ... لأنه المبدأ الذي تتحرك منه كل الديانات والثقافات ... بل في الديانات الممارسة المحورية هي كبح جماح الرغبات الجنسية طوعًا واختيارًا ... كأكبر اختبار للإذعان الديني بمطلق الحرية والإرادة ... وفي حال تدخل جهة تفرض طريقتها على إرادة الإنسان الحرة يفشل الإختبار الديني من أساسه ...
هذا ينقلنا للمجتمع والمسؤولية الإجتماعية كمسؤولية دينية تفرض سلطتها على الإرادة الحرة للفرد ... وصحة مرجعية هذه السلطة الإجتماعية في الأديان ...
(نسيت اقول لى عمر نملة ارعى بى قيدك ... وهو "قيد أنملة" )
... المهم ....
04-02-2013, 01:58 AM
نايف محمد حامد
نايف محمد حامد
تاريخ التسجيل: 02-27-2009
مجموع المشاركات: 2725
الدستور و القوانيين من المجتمع الاعتقاد و العادات و التقاليد و الاعراف تحكم افراد المجتمع افراد المجتمع وفقا للضوابط اعلاه يسنون القوانيين فى المجالس التشريعية اذا اردنا مثلا سن قانون عن الحرية الجنسية بما يتوافق مع دعوة تبارك علينا تغيير اعتقاد و عادات و تقاليد و عرف ذلك المجتمع التقاليد و العرف و العادات ممكن تغييرها بجهد المستنيريين و المثقفيين فماذا عن الاعتقاد؟ الدين يا تبارك يسن تشريعات لابد من المجتمع الالتزام بها .. اذاً: علينا التخلص من قيود الدين اولاً
---------------------------------------- الدستور يجاز بالاستفتاء الشعبى و الشعب هو من يؤمن بضوابط الدين مثال : طرحت حكومة سودانية دستورا يحتوى على تشريعات تتيح الحرية الجنسية وفق رؤية تبارك طرح هذا الدستور على الشعب فنال 2 % تم سحب التشريعات المتعلقة بالحرية الجنسية وفق رؤية تبارك فنال الدستور 80% و اجيز ----------------------------------------- كلامى ده مجرد و لا يعبر عن رأيى الشخصى
04-02-2013, 03:10 AM
تبارك شيخ الدين جبريل
تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: اذا اردنا مثلا سن قانون عن الحرية الجنسية بما يتوافق مع دعوة تبارك علينا تغيير اعتقاد و عادات و تقاليد و عرف ذلك المجتمع
تبارك يدعو للمساواة أمام القانون ولا يدعو لتغيير إعتقاد وعادات وتقاليد أي مجتمع من المجتمعات السودانية ... فقط أن يكون هنالك حد أدنى يقوم على المواطنة وليس على مفهوم جهة ما لدين ما أو عرف ما ... يعني السادة مفسري الأديان والأعراف والتقاليد يحتفظوا بتفسيراتهم لتطبيقها في خاصة أنفسهم ... والمناطق المحلية التي تسن قوانين محلية تراعي الحق الدستوري لكل المواطنين ...
Quote: الدين يا تبارك يسن تشريعات لابد من المجتمع الالتزام بها ..
هذه هي وجهة نظر جماعة انصار السنة المحمدية ...
Quote: علينا التخلص من قيود الدين اولاً
وهذه دعوة احترمها كوجهة نظر ... ولكنني لا أطبقها في خاصة نفسي ... ففي وجهة نظري المتواضعة الدين ليس قيود ... القيود هم الفقهاء والمتطرفين والمهووسين ... وهؤلاء يمكن منازلتهم بالحجة واليد والسلاح ... لا يوجد سبب منطقي للرضوخ لقيودهم ...
Quote: طرحت حكومة سودانية دستورا يحتوى على تشريعات تتيح الحرية الجنسية وفق رؤية تبارك طرح هذا الدستور على الشعب فنال 2 % تم سحب التشريعات المتعلقة بالحرية الجنسية وفق رؤية تبارك فنال الدستور 80% و اجيز
يا نايف وثيقة الحريات المنصوص عليها في الدستور الحالي ... وإلتزام السودان الدستوري بالإعلان العالمي لحقوق الإنسان يكفيان تبارك ليتأكد بأن الحرية الجنسية مكفولة للمواطن السوداني بالدستور الآن ...
مشكلتنا حقيقةً مع القوانين والأوامر المحلية غير الدستورية السارية الآن ... مثل القانون الجنائي 1991 أو ما يعرف بقانون النظام العام ... لا دستور يؤيده لا دين يؤيده لا معاهدة عالمية تؤيده لا عقل ولا عرف ولا أي شيء غير الفقهاء والمتطرفين والمهووسين دينيًا والظلامية والجهل بالحقوق والحريات وثقافة القهر والذل والإستكانة ومصالح الذكوريين السلطوية ...
من الناحية القانونية والإجتماعية والدينية ... نحن كتلة من التناقض اللا نهائي ...
يعني بإختصار نحنا بندور حول الحريات الممنوحة من المجتمع والتساؤل لماذا يمنح المجتمع الحرية الجنسية للجل بمعنى إن مارس الرجل الجنس يحاول المجتمع هدايته وإن تاب يغفر له ما تقدم ويحافظ على مكانته المجتمعية. أما إن مارست الأنثي الجنس نبذها المجتمع ولم يغفر لها حتى تموت فهو عار يلتصق بها وتذكر معه حتى مماتها.
الجواب يكون ليه ؟
04-02-2013, 04:50 AM
طه جعفر
طه جعفر
تاريخ التسجيل: 09-14-2009
مجموع المشاركات: 7371
Quote: بقى السوال هل التقييم والتقدير والتكريم للرواية ام لطه ؟؟؟
ان كان للرواية ما فيها شي لكن لو كان لطه فيها الف شي بالنسبة لينا نحن على الاقل
في ظنى هنا اساسي لا يهاجم رواية طه لكنه يهاجم طه ذات نفسو هو ما بقول انو روايته لا تستحق لانو بالتاكيد ما قراها ولا يستطيع الحكم عليها
لكنه بقول طه لا يستحق التكريم وجاب اسبابو وافانيدو
اتمنى الفهم يكون وصل يا صديقي
اهما حاجة يا المشرف تقيمكم ده حا يتختى معيار مستقبلا ... والكيزان كتاااااااااار
اوع تدقس
تحياتي
[URL] [Email] [Profile] [Edit]
اها يا وليد الدقس منو؟
يا وليد الحريات ستكون رغم الجعجعة لانها مصير الانسان و سيتم انجازها في السودان بأمر التاريخ و ليس المقدسات رايك شنو في اباحة الدعارة باسم الاسلام في سوريا المجاهدة ضد بشار الاسد و جولانها محتل؟
طه جعفر
04-02-2013, 05:06 AM
تبارك شيخ الدين جبريل
تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: يعني بإختصار نحنا بندور حول الحريات الممنوحة من المجتمع والتساؤل لماذا يمنح المجتمع الحرية الجنسية للرجل بمعنى إن مارس الرجل الجنس يحاول المجتمع هدايته وإن تاب يغفر له ما تقدم ويحافظ على مكانته المجتمعية. أما إن مارست الأنثي الجنس نبذها المجتمع ولم يغفر لها حتى تموت فهو عار يلتصق بها وتذكر معه حتى مماتها.
الجواب يكون ليه ؟
لأن الرجل يستعين بالدين والشرطة على المرأة ... لذا نريد للحرية المنصوصة في الدستور أن تسود على التأويلات الدينية والقانونية ... لتحمي المرأة من هذا الظلم البيّن ...
كم رجل تم جلده بتهمة الزي الفاضح؟ أي دين هذا وأي قانون الموجه ضد المرأة وضد عنايتها الغريزية بمظهرها؟
كمان دا تساؤل داير ليهو ليه؟ طبعًا لأنو سلطة منح الحريات يجب أن تكون سلطة الدستور وليست سلطة المجتمع ... لأن المجتمع لا يخلو من الغرض والمرض ...
دا تساؤل داير ليهو مثل: مين يقدر يقول البغلة في الابريق ...
رحم الله ابن القيم الذي قال في نونيته عن بعض بني البشر : هربوا من الرق الذي خلقوا له ***فبلوا برق النفس والشيطان
ـــــــــــــــ معنى البيت : إن من خلق الله من لم يستسلموا لعبودية الله الذي خلقهم .. فهربوا من أوامره ونواهيه التي فيها صلاحهم في معادهم ومعاشهم .. هربوا من هذا الرق للباري فوقعوا في رق النفس الأمّارة بالسوء ... ورق الشيطان الذي يؤزّهم أزّا ...
ويا بعد ما بين الرقين ..!!!
ـــــــــــــــــ
مرور استدعاه وجود دعاية بالفيس للشريط من صاحبه ... وصلتني في صفحتي
شايف في تحسن يا تبارك .. من شريط : خاتي الفودكا .. قلت شربت مرتين فقط .. أسأل الله أن يتم عليك نعمته ويعدل طريقك
04-02-2013, 05:13 AM
تبارك شيخ الدين جبريل
تبارك شيخ الدين جبريل
تاريخ التسجيل: 12-04-2006
مجموع المشاركات: 13936
هذه الأيام أكتب بحثاً دراسة نقدية عن اتفاقية (سيداو) ازددت يقينا ومعرفة بتهافت الغرب وضياعه و(ديكتاتوريته) !!! وعدم الاعتراف بأي حريات غير حريته اتفاقية تشريع متهافت متناقض .. يناقض حتى مراسيم وثوابت لدى الأمم المتحدة التي صدرت منها الاتفاقية .. فضلا عن مناقضته لتشريعات وأعراف في مجتمعات بينها وبين الغرب بعد المشرقين !!!
إنها دكتاتورية دعاة الحرية !!!
04-02-2013, 06:27 AM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
Quote: نرجع لى مسألة الحرية الجنسية كحرية يكفلها الدستور على أساس المواطنة ... انا لاحظت ملاحظة غريبة اثناء بحبتتي في اليومين الفاتن ديل ... انو مثلاً الحرية الجنسية في الدستور الامريكي مكفولة صراحةً بسبب حقوق المثليين ... لاكين في الإعلان العالمي لحقوق الإنسان غير مضمنة صراحةً ... الإعلان العالمي لحقوق الإنسان يمنع التزويج قهرًا ويمنع الرق والمتاجرة في البشر ... وهو بذلك يمنع التغول على الحرية الجنسية ضمنيًا ... فالجنس في حد ذاته ليس جريمة بالمفهوم الجنائي للجريمة ... ولكن الإعتداء الجنسي جريمة جنائية ... "الزنا" بمفهومه الفقهي يعتبر عند البعض مخالفة دينية ... بعض الثقافات والشعوب لديها تقاليد للزواج قد ترقى لتصنيفها على أنها مخالفات جنائية ... بمعنى أن المنطقة خارج النص الصريح منطقة ضبابية وهنالك الكثير من الإفتراضات المسبقة حول عدم خلافية مبدأ الحرية الجنسية ... لأنه المبدأ الذي تتحرك منه كل الديانات والثقافات ... بل في الديانات الممارسة المحورية هي كبح جماح الرغبات الجنسية طوعًا واختيارًا ... كأكبر اختبار للإذعان الديني بمطلق الحرية والإرادة ... وفي حال تدخل جهة تفرض طريقتها على إرادة الإنسان الحرة يفشل الإختبار الديني من أساسه ...
هذا ينقلنا للمجتمع والمسؤولية الإجتماعية كمسؤولية دينية تفرض سلطتها على الإرادة الحرة للفرد ... وصحة مرجعية هذه السلطة الإجتماعية في الأديان ...
شايفك مجقلب تحت من الاسئلة الخمسة عليه نعيد الصياغة
هل من ضمن مسالة الحرية الجنسية كحرية يكفلها الدستور على اساس المواطنة الاتي :
1. ان يمارس الاب مع ابنته او العكس ( وهذا يحدث عمليا ) 2. ان يمار الاخ مع اخته او العكس ( وهذا يحدث كذلك ) 3. ان تمارس الام مع ابنها ( لا علم لي انه يحدث عمليا لكنه يمكن حدوثه نظريا ) 4. ان يمارس رجل في العقد الرابع مع فتاة ما بين 14 - 17 سنة مكتملة الجسد والانوثة ( وهذا يحدث عمليا ) 5. ان يتشارك الخلان بعضهم .. بمعني صديق وصديقة يتبادولن العشير بعلم الاخر ( وهذا يحدث عمليا )
نشوفك بتجري بي وين المرة دي ولا كيف يا Fakhr Malik
04-02-2013, 06:55 AM
نايف محمد حامد
نايف محمد حامد
تاريخ التسجيل: 02-27-2009
مجموع المشاركات: 2725
Quote: القيود هم الفقهاء والمتطرفين والمهووسين ... وهؤلاء يمكن منازلتهم بالحجة واليد والسلاح ... لا يوجد سبب منطقي للرضوخ لقيودهم ...
بقراءة سياسية واقعية
بطبيعة الشعب السودانى الصوفى السلفى حتى الدستور العلمانى (بعيدا عن الحريات الجنسية) مستحيل تركيا بدكتاتورية اتاتورك و بقيود لا حصر لها تسير فى طريق علمانية ستسقط طال الزمن ام قصر يجب البحث عن فلسفة جديدة لنظام الحكم فى الدول الاسلامية بعيدا عن الروشتات الجاهزة روشتة تحترم الدين ولا تتيح لتجار الدين لاستغلالها للسيطرة على العقول
04-02-2013, 07:23 AM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
Quote: القيود هم الفقهاء والمتطرفين والمهووسين ... وهؤلاء يمكن منازلتهم بالحجة واليد والسلاح ... لا يوجد سبب منطقي للرضوخ لقيودهم ...
كويس انك اقريت مبدا المنازلة بي اي حاجة ومن ضمنها السلاح .. المداخلة دي حا تكون مفيده جدا لي قدام
الفقها والمتطرفين والمهوسين .. بدورهم يطلقون على الجانب الاخر .. المنحلين والذنادقة والسفها .. وبرضو بقولوا بمنازلتهم بالحجة بالسلاح والحجة والتمنيات وذلك اضعف الايمان .. وايضا يرون انه لا يوجد سبب منطقى للرضوخ لحريتهم المطلوقة
04-02-2013, 12:28 PM
زياد جعفر عبدالله
زياد جعفر عبدالله
تاريخ التسجيل: 11-15-2005
مجموع المشاركات: 2348
اعتقد يا وليد انو تبارك يتحدث عن حتة محددة (حسب فهمي لي كلامو): إنو الدولة ما المفروض تتدخل و تنظم الحاجات الاجتماعية الزي دي...مثل الجنس و تنظيمه بأطر و حدود تختلف بأختلاف الثقافات و التقاليد.... على كل حال...القيود الإجماعية في رأيي أقوى من القانونية...وأعتقد أن القيود الاجتماعية زمان في السودان قبل الشريعة و الجلد.. كان الناس يحسبون لها حساب اشد من ال(قانونية) برغم جلد الناس كالضأن في المحاكم و النظام العام... ملاحظة تانية: انحنا جينا بلاد المهجر حيث الحرية ال(قانونية) من ناحية الجنس مثلاً...مع هذا فأن القيم الاجتماعية التي نحملها هي التي تمنع من ال(تمتع..إذا جازت العبارة) بهذه الحرية...يعني ما ممكن كان أجي في يوم(أيام العزوبية. ) طابق لي واحدة و أقول - حتى لي أخوي أو حتى أصحابي و معارفي- انو دي القيلفريند بتاعتي!!!!...فالاخلاق و القيم الاتربينا بيها أقوى من الخوف من أي قانون أو لائحة....و المانع الداخلي بأنو الكلام دا عيب و شين و حرام (بالذات المجاهرة به) قوي للغاية.... أتمنى أني ما أكون عرضتا برّا الدلوكة.
04-02-2013, 02:28 PM
تبارك شيخ الدين جبريل
تبارك شيخ الدين جبريل
تاريخ التسجيل: 12-04-2006
مجموع المشاركات: 13936
بطبيعة الشعب السودانى الصوفى السلفى حتى الدستور العلمانى (بعيدا عن الحريات الجنسية) مستحيل تركيا بدكتاتورية اتاتورك و بقيود لا حصر لها تسير فى طريق علمانية ستسقط طال الزمن ام قصر يجب البحث عن فلسفة جديدة لنظام الحكم فى الدول الاسلامية بعيدا عن الروشتات الجاهزة روشتة تحترم الدين ولا تتيح لتجار الدين لاستغلالها للسيطرة على العقول
نحن يا نايف نعرف رأي التيار السلفي داخل المؤتمر الوطني جيدًا ... ونعرف كيف يبررون صداقتهم لتركيا والصين ...
لكننا نختلف معهم في تبريراتك للحكم الإسلامي والحاكمية السياسية الآنية لله ...
فالإنسان مبتلى ... والحاكمية السياسية الآنية للإنسان .. والعلمانية نتجت عن فقه نقدي إنساني وليست إرث غربي كما تصوّرونها ...
(يا وليد انا مبدئيًا مع التبادل السلمي للسلطة ... ولكنني لا أنفي حق الدفاع المشروع عن النفس وخيار النضال المسلح ... طالما أنه ضرورة وليس مزايدة!)
Quote: (يا وليد انا مبدئيًا مع التبادل السلمي للسلطة ... ولكنني لا أنفي حق الدفاع المشروع عن النفس وخيار النضال المسلح ... طالما أنه ضرورة وليس مزايدة!)
انا ما قلت حاجة خلاف كده
بس خت في بالك انو .. ضرورياتك قد تكون كماليات لاخرين .. وكمالياتك قد تكون ضروريات لاخرين
يعني البتشوفوا انت ثوابت عند اخرين متغير .. وما تراه انت متغير عن اخرين هو الثابت بعينه وعليه
خيار النضال المسلح ده طالما انك اقريته .. فهو حق مكفول للجميع .. وكل زول بحدد ضرورياته حسب ما يرى
شفت كيف .. ماهي حرية .. امال ايه
اها يا معلم اسئلتنا دي ما صقرت
04-02-2013, 04:32 PM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
أها يا وليد ... دي السعودية (خلي عماد موسى بتاع "برلسكوني" يتضاير):
Quote: بعد مرور خمسة أعوام من تصريح معالي وزير العدل محمد العيسى اعتزام الوزارة تقنين زواج القاصرات بعدما رفضت محكمة إبطال زواج فتاة في الثامنة من عمرها من رجل يكبرها بخمسين عاماً أصدرت وزارة العدل مشروعًا لتنظيم زواج القاصرات, وهو بمثابة إقرار بزواج القاصرات؛ إذ اعتبر المشروع سن 16 سنة هو الحد الأدنى لزواج الفتاة, ولوليها أن يطلب من محكمة مختصة استثناء ابنته من السن المقرر على أن يقدّم تقريرًا طبيًا من لجنة مكوّنة من أخصائية نساء وولادة وأخصائية نفسية وأخصائية اجتماعية يُثبت اكتمال الصغيرة من الناحية الجسمية والعقلية
عشانك نغير الصيغة تاني لتتماشى مع المعاهدات الدولية لتصبح هل من ضمن مسالة الحرية الجنسية في ايطار المعاهدات الدولية الاتي :
1. ان يمارس الاب مع ابنته او العكس ( وهذا يحدث عمليا ) 2. ان يمار الاخ مع اخته او العكس ( وهذا يحدث كذلك ) 3. ان تمارس الام مع ابنها ( لا علم لي انه يحدث عمليا لكنه يمكن حدوثه نظريا ) 4. ان يمارس رجل في العقد الرابع مع فتاة ما بين 14 - 17 سنة مكتملة الجسد والانوثة ( وهذا يحدث عمليا ) 5. ان يتشارك الخلان بعضهم .. بمعني صديق وصديقة يتبادولن العشير بعلم الاخر ( وهذا يحدث عمليا )
بعض الأشياء ترفضها بعض الاعراف ... ولكن لا تجرمها المعاهدات الدولية ...
يعني مسألة شخصية - وكأنها مسألة تخص جسدك أو في الحقيقة هي كذلك - الإنت ما بتشوفو عيب بنفسك؛ مافي زول بيدق ليك الباب ويقول ليك دا عيب ...
الرك على التربية في الامور الجنسية المرتبطة بى الاخلاق يا وليد ... وأي إنسان بيحتاج لى مساحة لا تقع تحت طائلة الدولة والقانون ... مساحة خيارات شخصية ... (كأن تتعشى ولاّ تنام خفيف) ...
المعاهدات الدولية لا تنزع لتجريم السلوك الإنساني الخاضع لاختلاف الاعراف واختلاف وجهات النظر .. ولكنها تنزع لتجريم السلوك الإنساني الإجرامي بموضوعية بغض النظر عن اختلاف الثقافات ووجهات النظر ... كالقتل والإستغلال البدني والرق والإغتصاب والتعذيب والإضطهاد والحبس غير المبرر والتهجير والإبادة وجرائم الحرب وما إلى ذلك ... ولكنها لا تنزع لوضع ضوابط أخلاقية بما أن أخلاق كل مجموعة بشرية تنبع من ثقافتها المحلية بما في ذلك المقبول والمرفوض جنسيًا ...
مبدأ الحرية الجنسية أن الجنس في ذاته ليس جريمة طالما أنه يتم بين واحد أو اكثر بالتراضي (بين واحد دي كيف معاك؟) وأن الخيارات التي يرتضيها الفرد لنفسه هي المعيار ولا يجوز فرض خيارات ومسلّمات وأخلاقيات فرد على آخر ...
فسؤال هل يجوز قانونًا الجنس بين أب ابنته هذا يخضع لهامش الحرية المتوفر ... أما سؤال "هل ترضى أن يمارس الأب مع ابنته" فيعتمد على الأخلاقيات والخيارات الشخصية ... وسنربأ بك عن شخصنة الحوار .. فحين تتكلم فيما لا يعنيك حتمًا ستسمع ما لا يرضيك ... وذلك لا يرضينا في حقك ...
الآن نعود لصلب الموضوع ... وهو خيارات الفرد مقابل خيارات مجتمعه ... ولأي مدى تتدخل السلطة الإجتماعية في الخيارات الفردية ... أو المسوغ الإجتماعي لتبرير انتزاع الحرية الجنسية عن المرأة ... بعد سقوط المسوغ الديني لهذا "الإطار" الذي يشترطه الرجل على المرأة ولا يلتزم به في نفسه ...
... المهم ....
04-03-2013, 02:56 PM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
عليه وكما انت ترى ان النصوص الدينية غير ملزمة في امر الحرية الجنسية
انا شخصيا لا تلزمني معاهداتكم الدولية هذه ان كانت تبيح تلكم المحظورات ولا تحجمها ولا تكبح جماحها .. هذا حقي وسادافع عنه كما اقريت انت سابقا بمختلف الوسائل وقدر استطاعتي
لا تعنيني معاهداتكم الدولية في شي .. وانا ضدها في هذا الشأن تحديدا .. طالما انها تكرس للاباحية المطلقة
لا يمكن ان تترك الامور لحكم الاخلاق فقط يا تبارك .. الان المخدرات بدرجات متفاوته محرمة تقريبا دوليا .. وعندما يتعاطى الشخص مخدر فهو يتعاطاه لنفسه .. وعندما يتاجر فيه ويبيعه الى الاخرين يبيعه لهم بالتراضي المعاهادت الدولية يضعها القوي وفقا لاهوائه وتقاليده غالبا وصوته يكون هو المسيطر .. هذه المعاهدات الدولية في اعلى هرمها تستخدم اظلم نظام في العام وهو نظام الفيتو
هسع في زمتك في نظام ظالم وغير عادل اكتر من الفيتو الذي يقف على هرم كل المعاهدات الدولية .. ولا تمر الا بعد ان تجتازه
Quote: مبدأ الحرية الجنسية أن الجنس في ذاته ليس جريمة طالما أنه يتم بين واحد أو اكثر بالتراضي (بين واحد دي كيف معاك؟) وأن الخيارات التي يرتضيها الفرد لنفسه هي المعيار ولا يجوز فرض خيارات ومسلّمات وأخلاقيات فرد على آخر ...
بل هو جريمه مثل مثل المخدرات التي تتم بين واحد او اكثر وبالتراضي ، وفيها لا يكون الخيرات التي يرتضيها الانسان لنفسه هي المعيار وفرضت فيها خيارات ومسلمات واخلاقيات واهماء افراد على اخرين .. للمصلحة العامة
المعاهدات الدولية في الوايبو مثلا مخطيئة خطا جسم بتسجل الملكيات للدول بالاسبقية في التسجل بدون النظر في امر الاحقية بالنسبة للمنشاء للعلامة ولا العادة ولا الارث الثقافي بمختلف انواعه ( وبالمناسبة انا الان بجمع في معلومات تمهيدا كتابة ورقة في هذا لامر ) الامر الفقدنا نحن في السودان مثلا الدلكة لصالح ارتيريا والجلابية السودانية بشكلها المعروف لصالح الصين وكثير من الترث النوبي الغنائي لصالح مصر والتوب السوداني لصالح مورتانيا .. والسبب فقط انو هنالك تقصير من الحكومة .. والحكومات تتغير .. والشعوب تبقى وهذا ارث الشعوب وليس الحكومات
انا ما بقول انو المعاهدات في مجملها غير صالحة .. لكن فيها ما هو كذلك على الاقل بالنسبة لينا .. وبالنسبة لغيرنا .. وويضع كثير من بنودها القوي حسب معتقده وارثه الثقافي هو تحديدا
04-03-2013, 04:01 PM
الصادق اسماعيل
الصادق اسماعيل
تاريخ التسجيل: 01-14-2005
مجموع المشاركات: 8620
Quote: وأيضاً هناك الكثيرين الذين لا تلزمهم شخصياً خيارات البعض الدينية والاجتماعية؟
الصادق طيب وين المشكله قلنا مكان ماتكون تحترم المكان المتواجد فيه بخيارات الناس. اما الناس المتواجه في اي مكان قلنا اما خيارات القبول بالوضع او الهجره( ودا كلام ربنا) او المناضله لتعديل القانون.
Quote: تبارك بطريقتو دي غير مؤهل لادارة مثل هذا النقاش يالصادق
وليد بيقولوا كل شيخ ليه طريقته وتبارك اختار طريقه انتم اسالوني وانا الف وادور. حقيقه عاجبني طريقة تفكير تبارك بس ممكن بكلمة يهدم الصرح بكلمة ماتتبلع وتحرف مسار البوست البوست كان ممكن يناقش اشكال العلاقات في السودان والحلول. البوست دا ممكن يدور كتير وما يصل لتقدم.
04-04-2013, 12:32 PM
تبارك شيخ الدين جبريل
تبارك شيخ الدين جبريل
تاريخ التسجيل: 12-04-2006
مجموع المشاركات: 13936
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة