|
|
 تغيير طعم لو يتغير
|
هودنا
يا هودنا؟؟
والنيل نشف من لحظة الكذب التدين
من كم سنة
جفت حلوق يابس الجروف
وانت بتمص في دمنا
زاد الصغار
كملتو بي كل الصلف
لا عشت يوم
حالة ضنك لا عرفتو كيفن همنا
رغم التخم
ما شبعت لسة يا جنا
شوف الطيور رحلت عشان ساب الغمام
وطن النجوم
الحالة صبحت منتنة
وسرحت يا حرفي البعاني الاغتراب
في بنية زي لون الحقيقة
برضو بتعاني الاغتراب
تسألني عن حالا كئيب
والغربة كيفن محزنة
ووقفت بينات الكلام
مليان هيام
لي ضفة النيل
البتاخد من عينيك الاحلا السمات
لمتين سؤالنا يظل سؤال
والاجابات
مدفونة في جيب الغياب
وارجع اقول
محتار انا
وتحتار معاي الامنيات
واحلام طفولة
كان بتبرق زي سنى
يا بنية
يا رفقة مواجع في مسام الارتحال
حسيت معاك برتاح هنا
جيتيني من جواي هجوع
جيتيني من سهرا ملان
بي كل احزان ناس يتلتحف الرصيف
وليل المواني الباردة
والمنفى الصعيب
وبرضو بسال
ما شبعت يا جنى ؟
وبس
|
|
 
|
|
|
|
|
| |
د.محمد حسن
فيس بوك
تويتر
انستقرام
يوتيوب
بنتيريست