بالرغم من إنو التسجيل ده تحديداً كان مع بدايات مشاكل الصوت مع محمود عبد العزيز ربي يرحمو ويغفر ليهو إلا إنو العمل ده تحديييداً انا بشوف في الحوت تسلطن كما لم يتسلطن من قبل.. محمود البنعرفو نااادراً ما يتفاعل مع الأغنية وده تماشياً مع طبيعته الخجولة مش جمود منو .. خوف الوجع في الستجيل ده تحديييداً محمود غناها بي إحساس عاااالي شديييد ومن جوووة الجوووة .. العمل ده تحديييدا عمل شبه متكامل ظهر فيهو محمود في كااامل صحته وطلتو البهية البتشرح الصدر..محمود لا قبلها لا بعدها شوفتو ظهر بي الرووقة دي.. طريقة التفاعل مع الفرقة الموسيقية كانت فيها تناغم كبييير ومداعبات واضحة .. التعامل مع مقدم البرنامج الطيب عبد الماجد من خلال الأغنية كان في محلو .. خروج كلمات الأغنية من قلب محمود كانت قبل حنجرته .. طريقة مسك المايك مع التعبير حق الوش كان فيهو مصداقية عجيييبة .. نادراً ما يوصف محمود الاغنية بي تعبير حركي .. ونااادراً ما يبدل محمود من كلمات الاغنية بكلمات لحظية .. لمن قال عزة جاااية ومافي خوووف كان إحساس عاالي من الحوت.. لمن قال بي هيبة خايلة عليك تجر كان التسلطن بي صورة عجييبة .. لمن يقول ما تبقي زيي يي يي ييف..بتطلع من جووووة .. عيونك الساحرة يا محمود في الاغنية دي كانت بتتكلم ..
ياخ ربنا يرحمك يا سلطان .. وأعفي لي غلبني ازورك في قبرك واقرا ليك وادعو ليك وأسلم عليك لأنو ده شي فوق الاحتمال والقدرة ..
العنوان
الكاتب
Date
عندما يتسلطن محمــــــــود عبد العـــــــــــــــــــــــــزيز ..!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة