|
مـا مـــحــبة إلا بـــعد عـــداوة
|
بالطبع كلنا نعرف مدى العلاقة بين ال ك لب والثعلب وما مدى العداوة بينهما ., وكنا فى الماضى ونحن صبية نقوم باصطياد الثعالب بواسطة ال ك ل ا ب, وعندما تاتى شكوى من احدى النساء اوتبليغنا بأن البعشوم خطف ليهو جدادة منها او من اي بيت كنا نقوم بحملة تفتيش واسعة النطاق تشمل الجناين والجروف والاماكن التى يصعب وصول الناس اليهاونسميها ( الكُشيق) والثعلب عادةً يسرح بالليل ويرتاح بالنهار ولا يبارح جحره الا مضطراً, والاوقات المناسبة لاصطياده هي ساعة القيلولة فى مثل هذه الاوقات احياتاً يخرج للبحث عن الطعام او ليجهز له مكاناً اخر والثعلب لابد وان يكون له اكثر من مكان وهذا لغرض التمويه ., والثعلب عادة عندما يشعر بالخطر اثناء المطاردة ويحس بانه هالك لامحالة يقوم باستخدام بعض الحيل مثل انه يموه بزيله بطريقة ماكرة ليجعل الكلاب تتجه فى الاتجاه الذى اشار اليه بزيله ويتجه هو إتجاهاً اخر , ونسبة نجاح هذه الحيلة ضعيف ونجاحها مرهون بذكاء ال ك ل ا ب وهناك محاولة اخرى فيها كثير من المجازفة والخطورة الا انها حيلة خادعة واكثر نجاحاً من التى سبقتها., وفى اثناء المطاردة وهو يراوغ يميناً ويساراً ليتدبر الامر ومتى ما وجد حاجزاً بينه وبين ال ك ل ا ب لايتأخر فى تنفيذ المحاولة وهي ان يرمى بنفسه على الارض مكفياً وله رائحة نتنة يطلقها وكأنه ميتا منذ فترة , وتتغزز ال ك ل ا ب وتقف بعيداً وهي تتأمل وتتساءل هل معقول هذا هو الثعلب الذى كنا نطارده ؟ ونتساءل نحن ايضاً ياهو ؟ ما ياهو., لا ياهو وايدينا على انوفتا من نتانة الرائحة ., ويقوم احدنا بتحريكه يميناً ويساراً وهو يتأفف . يع اخى . يا جماعة دا ماياهو دا ميت من متين ومتين امرقاقكن من هنى,, ونعود بخيبة امل وحزن عميق وعندما يشعر بأننا تباعدنا عنه ينهض وينظر يميناً ويساراُ وبتإكد انه فى مإمن ويتنفس الصعداء ويسرع الخطى ويطلق واحدة من صيحاته المعروفة كوكوكو واغ . معلناً انتصاره ثم يكررها بعد مسافة وفى اتجاهاً اخر,, ونتحسر عندما نعود لنفس المكان ولا نجد غير اثار ارجلنا واذا به يطلق صيحة مرة اخرى كوكوكوواغ .وفى اتجاه مختلف ولكن يظل البحث جارياً حتى نتمكن منه ,, والثعلب ضُرب به الامثال وهو حيوان ماكر وخبيث وحسود وشتان بين الذكاء والخبث ,, اما ال ك ل ب فهو ايضاً ضُرب به الامثال ومساويه متعددة ,, اما الان وفى هذا الزمن إختلف الامر تماماً واخذت العلاقة بين ال ك ل ب والثعلب بعداً إيجابياً يتسم بكل جماليات العلائق والحميمية , وكما جاء فى المثل ما محبة الا بعد عداوة ,, والحديث حول هذا التطبيع ايضاً يأخذ بعداً يثير الدهشة , كثيرون يقولون ان تواجد ال ك ل ب بين الثعالب او العكس اصبح امرُ عادى ., وهناك من يقول إنه راى بام عينه ان ذكر الثعلب ينكح انثى ال ك ل ب ومثل هذه الحكاوى تتردد كثيراً, اما انا فرايت ال ك ل ب والثعلب يسيران معاً وكم تمنيت ان اصور هذا المشهد واقم بتوصيله للدكتور محمد عبد الله الريح ليحدثنا عن سر هذه العلاقة وهذا التحول الغريب , والثعالب والك ل ا ب نوعان لايختلفان وهم فى تكاثر مستمر فى هذا الزمن, وعليك ان تتوقع فى كل مكان وفى اي إتجاه سيقابلك . ك ل ب . اوثغلب او الاثنين معاً . وما عليك إلا ان تتقى شرهما. وتقول يا اما ن الخا ئفين..,
|
|
![Edit](https://sudaneseonline.com/db/icon_edit.gif)
|
|
|
|
|
|
Re: مـا مـــحــبة إلا بـــعد عـــداوة (Re: يوسف الحداد)
|
وفى زمنٍ ما نشأت قصة بين ك ل ب وثعلب .. قال الثعلب لل ك ل ب .. وبن يا ك ل ي ب مشتاق ليك ولي كم يوم افتش ليك ......... قال ال ك ل ب داير بيْ شنو يا بعيشيم ويوم متين ليك قاعد تفتش لي وتشتاق لي رد الثعلب .. كيف يا كليبو انا بحبك . واصلاُ نحن اقرباء تمتم ال ك ل ب قرايب.. قال قرايب قال . المهم ان شا ء الله الداعى خير. واوعك تقول دايرنى لى.. . قاطعه الثعلب صراحة انا يا كليبو فى مشكلة ودايرك تفزع معاي ونخت إيدينا فى إيدين بعض ونشوف لينا طريقة للاسد دا رد ال ك ل ب فى إستغراب.. قت شنو؟ كدى قول كلامك دا تانى واردف قائلاًاُ انا ما عارفك وشك ما وش خير. وما بتجينى بى هيّن..هـ . قال الاسد قال . انا البودينى للقشر شنو امش شوف ليك هناي غيرى .. قال الثعلب .. إنت هسى بتكورك مالك.. والفلعك منو ؟ قول إنك خايف وخلاس تنبح مالك .. قال ال ك ل ب... إنت يا بعيشيم ما كنت صاحب الاسد دا . القلبك عليهو شنووخلاك كارهو كدى؟ قال الثعلب والله الله خلقنى ما صاحبتو.. بس كنت غاشيهو سااااااااكت . ومحل ما الاقيهو افر ليهو سنونى ديل وازوغ منو . وكان طلب منى حاجة اوعدو ليك واشرو شرة عدوك . وقال ال ك ل ب.. انا ما عارفك انت إنت ماش تقول لي الكضب ما حقك.. والاسد كان صدقك يبقى مجنون., المهم دايرنى اساعدك فى شنوم قال الثعلب انا عارفك يا كليبو اصلك خواف لكين احسن منى شوية وانا بعترف وحقك ما بودرو. وفوق دا إنك هوهاو وما بيهمك الفليع . وفكرتى انو انا وانت نتساعد ودايرك تفتح لي مخك الدلم دا وتسمعنى كويس.. قال ال ك ل ب... بالله خلينا من جرجير الكلام وكدى قول العندك انا سامعك وكلى اذن صاغية . قال الثعلب .نقوم انا وانت نشوف لينا تور والا عجل او نشوف لينا ح م ا ر نشبكهم مع الاسد رايك شنو ؟ قال ال ك ل ب ساخراً هـ.. تور والا عجل ..! والله يا سجم فكرتك زي فسوتك وانت ماك نصيح.. حم ار. شنو. وت و ر شنو يا وهم . واقول ليك شى بالواضح كدى الاسد دا الله مرقنى منو قبل دا وما عنى إستعداد ادخل نفسى معاهو فى اي موضوع .. قال الثعلب .. ايوة قول كدى انك مقروص.. اها كيف . قال ا ل ك ل ب..فى مرة لقيتو مضايق ليهو غزال وقمت هوهوتو. وتعال شوف ما كان داير ياكلنى والله لو ما كان فى نمر جنبنا ومسكو منى كان طبز لي عينى السالمة كمان ومنها علمت ليك حسابى منو وبقيت الف منو من بعيد لبعيد وقدر ما يدور ينضم معاي اعمل نفسى ما سامعو . وانا ساااااامع وحد ما يكوركنى اصلى ما بقول ليهو هوي بس شفت ضنبى دا الولحو ليهو كدى .. قال الثعلب.. انا ما عارف ريك فيهو وشان دا جيتلك يا قريبى.. قال ال ك ل ب انا صاح مضايق منو لكن حكاية ت و ر . وح م ا ر دى انا ما مقتنع بيها .. الاسد إنت ما بتعرفو اكتر منى . والله قبل دا خمش ليهو ضيب يقول انا انا بهدلو بهادل وكان طالع بيهو الشجرة.. وفى مرة خربش ليهو ح م ا ر. خربشة ما عادية وسمعو ليك كلام يسم البدن وخلاهو اقل من السمسمة. داير تورطنى معاهو تمتم الثعلب اهـ .. وقال ليهو شنو.. واخذ ال ك ل ب. يقرا دابى ليك فضيت يا حمار داير اطبق فيك الحصار وداير انفذ فيك القرار يس عليك يارمة تختار الشنق والا الانتحار........ قال الثعلب مستغرب يا كليبو دا . كلام كبير وإنت فهمتو كيف يا ابو مخ زلط قال ال ك ل ب. هـ. انا مخى زلط والا انت يا معفن.. احسن ليك تعمل حسابك الاسد دا خطير جداً .. تكنك إتوكد لى شنباتو ديك . باقيلك رابيهم فى الفاضى ؟ عموماً انا ما بخاتر بى نفسى والقارصو الدبيب بيخاف من جر الحبل .. قال الثعلب ..وكإنه ضاق .. يا أخى اصلو فى ك ل ب عندو مخ ؟ عوارتك يضربو بيها المثل . وعشان كدى الناس قا عدين يفلعوك قال ال ك ل ب غاضباً .. هـ . الجمل ما يشوف عوجة رقبتو. يمين بالله الفلّيع الفلعوك يا هو الشيطان الرجيم ما إتفلعو.. شوف صباحو عليك الله عامل خشسمك الازرق دا وعوينا تك الزي حب البتيخ ديل .. قال الثعلب ., انا يا كليبو انا ود ابوي خشمى ازرق وعيونى زي حب البتيخ ؟ وطيب عويناتك ديل زي شنو وحدى تعجن ووحدى تعوس والواحد ما يعرفك إنت قاعد تعاين وين.. وزي شنات وشك دا وراسك المكودن دا ما لاقانى فى ال ك ل ا ب الحايمة دى كلها إنت عندك وش تنضم كمان ؟ يا فضيحة إنت ما تقدر تبول الا ترفع كراعك فوق حجر زي الدار تلبس ليك ج ز مة ولا تقدر تقضى حاجتك من الانتاية زي بقية ال ك ل ا ب الطابق مستور امشى تمشى بطنك يا مرمرم.. عارفك زبالة ومعا كدى جيتك .. قال ال ك ل ب.. وكأنه اعترف ضمنيا لما نسب اليه .. طيب ثعيلبو انا ما عندى ما نع إتعاون معاك لكين قول لي بصراحة الاسد دا سوى ليك شنو خلاك حاقد عليهو كدى ؟ قال الثعلب ., انا بصراحة الاسد دا ما قاعد اطيقو خير شر وزي ما قت ليك علا قتى معاهو كلها كضب فى كضب وبصراحة ضايقنى فى عيشتى دى.. ومن فترة كدى إتلميت لي فى قوقة جداد .. تعرف القوقة ؟ يالمعتر.. القوقة دى بيت الجداد .. اها إتلميت فى القوقة دى يا صاحبى قوقة تقول وا غربتى اصلو جنس ديوك والله الديك وركو قدر دا وفراريج مربربة . سمعت بالديك ابعلاعيل البقولو ؟ بس ياهن ديك. ما بعرفو عرفنى بى وين وشافنى كيف وطوالى إتلحنى ليك .. قال ال ك ل ب .وكأنه رق لحال ثعيلبو.. خلاص يا بعيشيم انا معاك بس إذا هجم علي ما تخلينى براي إنت عارف وسامع زئيرو والايام دى جنو قايم عليهو واردف قائلاً انت يا بعيشيم ما كان نشوف لينا اسد والا نمر او فهد . إنك ما كان بيتلقى واحد .؟ قال الثعلب هـ يالاطرش عامل راسك المكودن دا با قيلك دى فاتتنى ؟.. ما الاسود الهنى والنمور الفى كلها تعمل ليهو الف حساب وطبعاُ هم من فصيلتو وما ممكن يتعاونو معانا ويبقو ضدو وحتى الكارهنو برضو بيخافو منو.. وقال ال ك ل ب . وكنما خلص الى حل جذرى.. رايك شنو يا بعيشيم نشوف لينا فكى ؟ قال الثعلب وهو يطلق ضحكة عالية هع هع هع هااااااااااااع .. والله جبتها.. دى كانت وين يا ابله انا برضو ماكر يا خبيث ؟.. ما يجيبوها إلا إسيادها.. قال ال ك ل ب., والله مافى اخبث منك يامعفن.. قاطعه الثعلب ما تزغل كلنا زي بعض وريحتنا طالعة . بس قول لى القنو دا نلقاهو وين ..
| |
![Edit](https://sudaneseonline.com/db/icon_edit.gif)
|
|
|
|
|
|
|