|
|
|
 Re: والله لو أقيمت في سطوح منزلي ما حضرتها! (Re: حيدر حسن ميرغني)
|
كنت قد كتبت في بوست مجاور:
Quote: شايف النظام رجع للهذيان تاني بالكلام الكبار كبار ، بعد ما علي عثمان (انحى باللائمة )على اسرائيل في الاحداث الاخيرة آخر تصريحاتهم تقول:
كل قوى الشر فى العالم تتآمر على السودان !!!!
المؤامرات التى تحاك ضد السودان، سيخرج منها أكثر قوة وعزيمة وإصرارا
السودان دولة مبادئ، وقوى الشر تستهدفنا فى مبادئنا الأساسية ومواقفنا السياسية |
سمعت ان قيادات المؤتمر الوطني حيتفرغوا الفترة الجاية للانتظام في حملات عويل وردح ستجوب اصقاع البلاد
المجلس الوطني علق جلساته ليعطي الفرصة لنواب الوطني للانضمام لما اسموه حملات تعبئة واستنفار
| |
 
|
|
|
|
|
|
|
|
Re: والله لو أقيمت في سطوح منزلي ما حضرتها! (Re: مهدي صلاح)
|
من ناحية أنّ لحضورك تأثير سيفجع هؤلاء المتعبئين للنَّضَمي!! ممّا سادوا ثم ماجوا وظلّو يموجون حول نفس الغاغات!
فلا تحمل هَم! فالحضور على "آفا" مَنْ يغاغي بمايك
الكلام كلو على الإعلانات والإذاعات؛ وقرّرررربنا نوالف البكى في الدّعاء والمناجاة
ياما كتيرين ليهم نخيج! إذا احتيج!!
المشكلة الأعوص، أنّ "مجلس الولايات" هوراخر، قفّل على قاعاته وقعداته بالضّبّة والمفتاح، ثم قال الفريق أول: هلمّوا على النفرة الكبرى والتعبيئة الصغرى والجهاد الأوسط!!!
كذلك فُرقاء كُثُر وبروفيسيراتس! ولاة ولايات، ومعتمدي معتمديّات ومفوّضي مفوّضيات، وأقلهم رُتبة، يا بروفيسور يا دكتور يا فريق أول وانتا نازل "شووووية!!!"
----
هذا أول (في الحقيقة، يبدو كآخر الوَهَن!) الانخزال والاضمحلال وتعبئات الفشنك من النساء والرجال
والله حقيقة، لا أجد ما يسعني من وصف لهذا العبث النّفروي، غير: مُنتّهى الهبالة والندالة
مع ذلك، فالجبهة الثورية، وثوّار العار، أكثر قُربى بالهبالة والندالة
.....
| |
|
|
|
|
|
|
|
|
Re: والله لو أقيمت في سطوح منزلي ما حضرتها! (Re: أيمن الطيب)
|
ود الماحي
( م ) مسلسل يعني مسلسل مصري ، سوري ، تركي ، مكسيكي ، و هلما جرا لي حدي ما فتر
ود المدير
في غير موضعه
النكره لا تعرف في من حروف الجر نكره
يا معاويه المدير تحياتي للاسره الكريمه
يا ود ملاسي
الله هداك
اخوكم / الزبير الختمي
| |
|
|
|
|
|
|
|
|
|
Re: والله لو أقيمت في سطوح منزلي ما حضرتها! (Re: عمر التاج)
|
| Quote: والله لو أقيمت في سطوح منزلي ما حضرتها! |
صاحبنا من الشرق قال عندهم أستاذ بتاع دين ولغة عربية شغال ليهو في مدرسة في بورتسودان وكرهااان عيشتو السخانة والرطوبة الفي البلد دييك ..
علي العليهو ناس وزارة التربية والتعليم رسلوا ليهو خطاب تحويل لي منطقة مقطوووعة على جهات سنكات النوع البيكون فيها تلاتة بيوت ديك مكتوب فيهو :
الأستاذ فلان..
لقد عيّناك مديراً على مدرسة ..........
رسل ليهم الرد سطر واااحد قال ليهم :
والله لو عيّنتمونني إلهاً عليها ما مااااااش..
| |
|
|
|
|
|
|
|
|
|
Re: والله لو أقيمت في سطوح منزلي ما حضرتها! (Re: نايف محمد حامد)
|
Quote: Quote: كلام سيئ و مرفوض جملة و تفصيلاً
الاخ زياد
الناس عايشا فى معسكرات
القطاطى ما لاقنها
قال سطوح قال |
الاخ العزيز نايف
غض النظر عن مبررات ردك...الاستاذ ملاسي (الذي اختلف معه في الرأي كثيراً) له حق الاحترام و لاسرته الكريمة و لآبائه الكرام الذين اعطوا كثيراً لهذا البلد..
أحترام الآخر هو ما يخدم قضيتك العادلة يا أخي الكريم
| |
|
|
|
|
|
|
|
|
|
Re: والله لو أقيمت في سطوح منزلي ما حضرتها! (Re: معاوية المدير)
|
قال تنوير قال
من 89 شغالين فينا شيء تنوير
وشيء تكبير
وشيء تهليل
ومرات البنشر الاسلامي لفك وتركيب اللساتك
وتلقى حلاق كاتب { وجوه يومئذ ناعمة } !!!
يعني من الحلاق للحور العين مباشرة !!!
حتى المنتزهات بدل حبيبي مفلس احالوها لباسقات ووجه النهار
لو عاوز تمشي منتزه الا تغتسل وتتوضأ وتلبس الاحرام
والمشكلة تنوم مع مرتك في سرير واحد
تصحى من النوم تلقاها في محافظة وانت في محافظة
بقدرة قادر يقسموا المحافظة على اتنين لترضية احد الذين دعوني اعيش
حتى مخططات الأراضي كلها قلبوها ارهاب
شيء مخطط القدس
وشيء مخطط الأقصى
وغزة { 1}
ومخطط المجاهدين
ومخطط التائبون !!
وأظرف شيء وكالة سفر تعلن عن { العمرة المقبولة }
يعني تعمل معاهم عمرة خمس نجوم تكون مقبولة
وناس قريعتي راحت يهرولوا اليوم كلو مابين الصفا والمروة ولاحياة لمن تنادي
مرتك كان توبها وقع من راسها بالغلط
فجأة تلقى بتاع النظام العام يكورك فيك
ياولية غطي راسك
ولمن تقول ليهو يازول عندك بيت شعر أوحديث او آية 00 يقول ليك انا ماحافظ
أما التضرع والدعاء فحدث ولاحرج
يقال ان موسى سال الله أنه كان يدعو على فرعون لأربعين عاماوان الله لم يستجب له
وقيل ان الله قال لموسى ان فرعون كان باراً بوالدته في تلك الفترة
وبعد ان ماتت { أم } فرعون تم تفطيسه في اليم
ألا يمكن ان يقيم الأعداء كما تسمونهم ليلة الذكر والدعاء ؟؟؟
كل الأنبياء اوجدوا الخطط العسكرية
وحفروا الخنادق
واقاموا المتاريس ولم ينسو الدعاء
اي ان كل هذه الأشياء مكملة لبعضها
واذكر ان هناك غرفة لدينا يقال ان بها جني
وكل مايسكن بها احد يجد العدة والملايات وزير الموية وكل مايلزم خارج الغرفة
فاحضرنا فكي كارب ليقرأ ويدعو هلى هذا الجني قليل الأدب
لنجد في اليوم الثاني ان الفكي يجلس على مصلايته خارج الغرفة
واتضح ان الجني شيخ وفكي كبير على حد قول شيخنا الفاشل الذي احضرناه
يعني ان تدعو وتتضرع
فهناك آخرون يدعون ويتضرعون
أتركوا هذا الهوس
ندوات ومؤتمرات وسفريات وتضرعات وتوسلات
ووظفوا تكاليف هذه الندوات للمشردين من أطفال الشوارع
اقيموا ندوات للوطنية الحقة
وكيف نغرس حب الوطن في ابنائنا
ونؤسس لسودان مشرق
سودان خال من القبلية والعنصرية والتطرف
سودان التسامح والمدارس والمستشفيات والجامعات والمياه العذبة
سودان التنمية والتطور والغد المشرق
وهذا حتماً لن يتاتى بالندوات والتعبئة الجماهيرية
بل بالبناء 00 بناء الانسان وبناء الوطن
لو فعلتم ذلك لتنفس السودان هواء كل القارات في العالم !!!
| |
|
|
|
|
|
|
|
|
 Re: والله لو أقيمت في سطوح منزلي ما حضرتها! (Re: ابوحراز)
|
Quote:
ود المدير يا سطوحى,,
الناس فى ندوات وهو فى السطوح |
أيمن الطيّب يا مسطح.
يا عمي ندوآت بتاعت ايّه ؟؟؟، أعمامك ديل بقوا
ما عارفين عدلتا من قلبتا.
والله صحي.
سيّبك منهم وأنا عازمك شاي بلبن ولقيمات
فوق سطوح ملاسي لآمن نتقابل في الخرتوم.
ندوات !!!،
والله حاجة تحيّر !!!،
ملاسي دا يجرليهو نفسين من همبريب السطوح
يطلع لينا بالهوايل دي !!!. أُمال لو ركب الفيل
حا يطلع لينا بشنو يا أيمن ؟؟؟
| |
|
|
|
|
|
|
|
|
|
Re: والله لو أقيمت في سطوح منزلي ما حضرتها! (Re: معاوية المدير)
|
تحياتى لصاحب البوس..
محمد جودة قال:
Quote: هذا أول (في الحقيقة، يبدو كآخر الوَهَن!) الانخزال والاضمحلال وتعبئات الفشنك من النساء والرجال
والله حقيقة، لا أجد ما يسعني من وصف لهذا العبث النّفروي، غير: مُنتّهى الهبالة والندالة
مع ذلك، فالجبهة الثورية، وثوّار العار، أكثر قُربى بالهبالة والندالة |
يعنى ديل ناس (خير الامور اوسطها)..
انتهت وسطية المواقف يا استاذ وأصبحت تعد من (الرماديات)..
وهذا هو وقت تحديد المواقف (يا اسود يا ابيض)، فالرمادى يعد نوع من أنواع الانتهازية..
تحياتى
| |
|
|
|
|
|
|
|
|
|
Re: والله لو أقيمت في سطوح منزلي ما حضرتها! (Re: العوض المسلمي)
|
أدناه ما يستحق - فعلاً - أن يحضر:
يجدد اتحاد الكتاب السودانيين الدعوة لكم لحضور أمسية الفيتوري
"عرض مسرحي بشخصيات الفيتوري، قراءات من شعر الفيتوري،
وغناء لقصائد الفيتوري أبوعركي البخيت، عاطف عبد الحي"
الأربعاء 22 مايو الساعة 07:30 مساءاً بدار الاتحاد بالعمارات شارع 29.
______
تقولي منو وتقولي شنو!
| |
|
|
|
|
|
|
|
|
 Re: والله لو أقيمت في سطوح منزلي ما حضرتها! (Re: nour tawir)
|
..
.
( استيتس فيسبوكى ) :
الحاج أدم ... فى ندوة حملة التعبئة والاستنفار :-
1- لن نفرط فى وحدة السودان .. ولا شبر من اراضيه
2- من اراد ان يحكم السودان فليرجع للشعب
3- لوضع اى منهج للبلاد لابد من تحكيم الشعب السودانى ..
بالله ناس المؤتمر الوطنى ديل ما خرفوا عديل ..
وقيل : ألإختشوا ماتوا "
----------------
حسي خالتى الفوق دي اعلق ليها ولا يفتح الله ..!؟
| |
|
|
|
|
|
|
|
|
|
Re: والله لو أقيمت في سطوح منزلي ما حضرتها! (Re: Tabaldina)
|
أتريدنا - أيها المؤتمر الوطني - أن نحتشد ليخاطبنا الحاج آدم: "إن مالك عقار لم يضع جبينه يوماً
في طاعة الله، وأن عبد العزيز الحلو وعبد الواحد محمد نور لم يقولوا كلمة في طاعة الله" كما قال
أمس الخميس في ندوة ميدان المصارعة بالحاج يوسف بحسب (السوداني) الصادرة اليوم!
| |
|
|
|
|
|
|
|
|
|
Re: والله لو أقيمت في سطوح منزلي ما حضرتها! (Re: Hussein Mallasi)
|
الأخت إحسان،
لك التحية
Quote: يعنى ديل ناس (خير الامور اوسطها)..
انتهت وسطية المواقف يا استاذ وأصبحت تعد من (الرماديات).. |
كلامك صحيح
لكن برضو، مازلتُ عند كلامي: الجبهة الثورية أكثر ندالة وهبالة من الكيزان الحاكمين (خُتِّي بالك بالله، في الحاكمين دي! )
ولك التحايا
| |
|
|
|
|
|
|
|
|
|
Re: والله لو أقيمت في سطوح منزلي ما حضرتها! (Re: Hussein Mallasi)
|
Quote:
أتريدنا - أيها المؤتمر الوطني - أن نحتشد ليخاطبنا الحاج آدم: "إن مالك عقار لم يضع جبينه يوماً
في طاعة الله، وأن عبد العزيز الحلو وعبد الواحد محمد نور لم يقولوا كلمة في طاعة الله" كما قال
أمس الخميس في ندوة ميدان المصارعة بالحاج يوسف بحسب (السوداني) الصادرة اليوم! |
ألم يكن مالك عقار والياً على النيل الأزرق؛ ألم يفاوضه نافع بعد أن تمرد؛ أليس من المحتمل
أن تفاوضوه وتصالحوه في المستقبل .. أم ستتأكدون قبلاً بأنه قد وضع جبينه في طاعة الله!
| |
|
|
|
|
|
|
|
|
|
Re: والله لو أقيمت في سطوح منزلي ما حضرتها! (Re: Hussein Mallasi)
|
Quote:
أتريدنا - أيها المؤتمر الوطني - أن نحتشد ليخاطبنا الحاج آدم: "إن مالك عقار لم يضع جبينه يوماً
في طاعة الله، وأن عبد العزيز الحلو وعبد الواحد محمد نور لم يقولوا كلمة في طاعة الله" كما قال
أمس الخميس في ندوة ميدان المصارعة بالحاج يوسف بحسب (السوداني) الصادرة اليوم! |
| |
|
|
|
|
|
|
| |
Hussein Mallasi
معاوية المدير
rani
حيدر حسن ميرغني
عبدالله عثمان
عبداللطيف شريف على
مهدي صلاح
محمد أبوجودة
حماد الطاهر عبدالله
أيمن الطيب
الزبير بشير
Hani Arabi Mohamed
عمر التاج
عمر الفاروق
نايف محمد حامد
Alfarwq
زياد جعفر عبدالله
saidahmed shami
عباس محمود
Izzeldin B. Eltayeb
إدريس محمد إبراهيم
ابوحراز
إحسان عبد العزيز
العوض المسلمي
كمال سالم
nazar hussien
nour tawir
فيس بوك
تويتر
انستقرام
يوتيوب
بنتيريست