|
Re: الود والي الدين بتاع بايرن ميونخ (Re: طلحة عبدالله)
|
كلما تأتي سيرة آريين روبين أتذكر مباشرة المرحوم والي الدين محمد عبدالله أسكنه الله فسيح جناته وأخلف على الهلال والكرة السودانية مثله فإلى جانب حظه التعيس جدا في مشواره الكروي فهو لا يكاد يقوم من إصابة حتي يقع في إصابة أخري ليغيب مجددا ويبدأ من جديد رحلة أخري أكثر شقاء لإستعادة لياقته بدنيا وذهنيا بما يقوده للدخول في الفورمة وحساسية المباريات لدرجة أن لقبوه باللاعب الزجاجي لكثرة ما يتعرض له من إصابات. لو قدر للبايرن خسارة لقب أبطال أوربا الأخير لانتهى روبن كلاعب كرة بعد أن أضاع هدفين مؤكدين بامكان (ملاسي) أن يسجلهما وبطريقة إستعراضية كمان، غير أنه وللمفارقة السعيدة جدا سجل هدف الفوز وقاد الفريق للقب وتوج ( آريين روبين) بطل الألمان في معقل الانجليز . يتبع ......
| |
|
|
|
|
|
|
Re: الود والي الدين بتاع بايرن ميونخ (Re: طلحة عبدالله)
|
روبن تعرض لهزات عنيفة خلال الفترة الأخيرة كانت كفيلة بأن تدمره نفسيا كلاعب كرة قدم بعد أن أهدر الموسم الماضي ركلة جزاء في الشوط الإضافي الأول للمباراة النهائية في مواجهة تشيلسي، وقبلها خسارته لنفس النهائي ضد انترميلان الإيطالي ليستمر منحوسا مع الفرق التى لعب لها بما فيها منتخب بلاده الذي خسر نهائي كأس العالم الأخير أمام الماتادور الأسباني، لكنه رفع شعار ( لا تراجع ولا إستسلام) حتي (صدقت معه المجنونة) أخيرا ونهض من كبوة الإخفاق والفشل ليسرج خيل الفرسان الأبطال . إنها القمة كما قال روبن الفخور بكونه جزء من البايرن ميونخ والذي يتطلع مع الفريق البافاري إلى دخول التاريخ من بابه الوسيع في حال فاز السبت المقبل في نهائي كأس ألمانيا على شتوتغارت ليكمل الثلاثية بعد الحصول على لقب الدوري ومن بعده الأندية الأوربية . يتبع ...
| |
|
|
|
|
|
|
Re: الود والي الدين بتاع بايرن ميونخ (Re: طلحة عبدالله)
|
متابعين يا صديقي ...
كنت مفتكر انه روبن دا دفعة فيصل العجب وكدة " عمراً " بحسب الصلعة والكعوجة.. لكن طلع ورور صغير وقد يعمّر تاني 5 سنوات بالملاعب.. خاصة وانه الصلعة قامت ليهو قريباً .. كما اندهشت ان نيمار البرازيلي لاعب منذ ان كان عمره اتناشر سنة .. رعبين بيدخلوا الملاعب متاخرين جداً لكن تاني يعصلجو ويحلفوا ما يمرقوا منها .. ويكافحوا على قتل اي موهبة شابة ممكن تحل محلهم.. كدي عاين لكمية العجايز الذين يملأون الساحات ضجيجاً لدينا..
المهم " الوجيه " روبن قبل تقوم ليهو الصلعة .. ومرور على سبيل الاستمتاع والتحية لك ..
| |
|
|
|
|
|
|
Re: الود والي الدين بتاع بايرن ميونخ (Re: HAIDER ALZAIN)
|
حيدروف يا صديقي النجم سلامات البوست عملتو وكنت مفتكر انو ح أواصل فيهو بى نفس واحد لكن الظروف وحاجات تانية حمتني من المتابعة روبن يا حيدروف صغير وجاهل شن بجيبو لهيثم مصطفي الكهل دا ... روبن كان على وشك أن يقبر كرويا لولا أن طاقة الحظ السعيد إنفتحتلو في اللحظات الأخيرة ليسجل هدفا يعتبر الأغلي في مشواره والأعز بالنسبة للبافاريين في تاريخهم . الراجل يا حيدورف مصير حياتو الكروية كان مرتبط إرتباط وثيق جدا بانو البايرن يرفع الكأس لأنو لو دا ما حصل فالسبب الأول ح يكون الأصلع دا بالنظر للفرص السهلة جدا التى أضاعها أمام مرمي دورتموند قبل أن يسجل هدف الفوز الغالي . صراحة كدا أنا فرحت ليهو والله لأنو حاشي بانو ما محظوظ أبدا . تحياتي يا نجم ومشكور على تعتيل البوست .
| |
|
|
|
|
|
|
Re: الود والي الدين بتاع بايرن ميونخ (Re: طلحة عبدالله)
|
مع كل الفرق التي شارك فيها المشكلة الاساسية مع روبن كانت التغذية..كلللهم قالوا روبن ما بياكل..وعواااااف..وده البيخليهو هزيييل وتكوين جسمو ضعييف.. تقول لي بلة جابر يا طلحة؟ يلهط البوفيه المفتوح ويجي يجيب قون في روحو.. بالمناسبة يا طلحة مهاريا ارى والي الدين امكاناته افضل من روبن الكتاب المفتوح صاحب الهدف ابو طريقة واااحدة..فقط لعنة الاصابات تجمعهم زي ما قلت..
| |
|
|
|
|
|
|
Re: الود والي الدين بتاع بايرن ميونخ (Re: عمر نملة)
|
Quote: روبن متابعوا من اكتر من 11 سنه واستعجت من انه والي الدين عليه الرحمه
|
بالله يا عمر نملة زرزر لي أبو عمير دا .. أنا قلتا ليهو متفق معاك عشان واثق من نظرتو الكروية وعشان برضو ما أدخل معاهو في زقاقات تجيب خبر البوست لكن صدقني ما بطالة معاي لو اتزنق ليهو في لفة من اللفات .. لأنو أنا بقيت بكرهو من يوم كلامو الما عجبني في الأميرة نانسي عجاج . أديلو يا عمر .
| |
|
|
|
|
|
|
Re: الود والي الدين بتاع بايرن ميونخ (Re: طلحة عبدالله)
|
سلام طلحه والله مازرره. لان امكانية اللاعب السوداني ماساهله. وعلى سبيل المثال لاالحصر سانتو اخوان وقله اخوان خاصه مرتضى وانا متابعه منذ الصغر..اما روبن توفرت له بالاضافه الي الموهبه امكانية دول وفرق. وعمر فاروق بستفيد من تحليلاته كتير عشان كدا لفت نظري كلامه وقلت اعرف عن المرحوم والي الدين ياليت لو في اي تسجيلات ليه.
| |
|
|
|
|
|
|
|