|
Re: الزول ده عرف فوائد التجارة بين دبي وسيراليون كيف (Re: الحاج حمد الحاج)
|
يا الحاج حمد سلامات في القهوة الكلام جره يا الحاج . زولك قال : في بدايات سنين هجرتو حالو ما كان كعب . بس في سنة 2005 بعد الكتاحة المالية القصة جكنت وقلبت . وقال : قدر ما حاول يمرق من الجكنان يجكن تاني .. الوحل كان في أي ولاية . أهو في 2011 ختف رجلو وأتخارج علي دبي وما كان معاو بعد 14 سنة هجرة خلاف 22 ألف دولار . وتعال شوف الحصل .
| |
|
|
|
|
|
|
Re: الزول ده عرف فوائد التجارة بين دبي وسيراليون كيف (Re: Osman Musa)
|
Sierra Leone is located on the west coast of Africa, between the 7th and 10th parallels north of the equator. Sierra Leone is bordered by Guinea to the north and northeast, Liberia to the south and southeast, and the Atlantic Ocean to the west.[1] The country has a total area of 71,740 km2 (27,699 sq mi), divided into a land area of 71,620 km2 (27,653 sq mi) and water of 120 km2 (46 sq mi).[2] The country has four distinct geographical regions: coastal Guinean mangroves, the wooded hill country, an upland plateau, and the eastern mountains. Eastern Sierra Leone is an interior region of large plateaus interspersed with high mountains, where Mount Bintumani rises to 1,948 meters (6,391 ft).[1] الكلام الفوق منقول بس برضو حندي محبين تجارب التجارة بعض التوضيحات
| |
|
|
|
|
|
|
Re: الزول ده عرف فوائد التجارة بين دبي وسيراليون كيف (Re: Osman Musa)
|
Quote: زولك قال : في بدايات سنين هجرتو حالو ما كان كعب . بس في سنة 2005 بعد الكتاحة المالية القصة جكنت وقلبت . وقال : قدر ما حاول يمرق من الجكنان يجكن تاني .. الوحل كان في أي ولاية . |
اشكيك لى منو يا عثمان ؟؟
ما قلت ليك ما تشيل حالى
كلامك دا والله حكم قلت لى ( قدر ما حاول يمرق من الجكنان يجكن تانى )
وانا اقوليك:
الداير يجوكن اليجدع جواكنو معانا
تحياتى
| |
|
|
|
|
|
|
Re: الزول ده عرف فوائد التجارة بين دبي وسيراليون كيف (Re: حسن حماد محمد)
|
حسن حماد سلامات يا حسن الليلة ده حال الكل . يا جماعة والله شهادة للتاريخ الزول حسن ود حماد ده ساعد 70 في المية من مهاجرين نيويورك الجداد سنة 95 و96 و97 . حسن أول سوداني عمل شركة تامين وترجمة وخدمات مع الأخ معتصم في نيويورك . شركة النيل في شارع الاتلانتك .. شركة كانت تهز . .. يا حسن حماد عليك الله الوداك تكابس مع البنجمينات شنو ؟ ديل ناس عوامين يازول . ياخ ديل يخلو كيجاب زأتو يبحلط . أمرق يازول . صاحبك ضارب النبق السيراليوني كتامي . ألكع سريع
| |
|
|
|
|
|
|
Re: الزول ده عرف فوائد التجارة بين دبي وسيراليون كيف (Re: Osman Musa)
|
Quote: صاحبك ضارب النبق السيراليوني كتامي . ألكع سريع
|
عثمان اشكرك على الشهادة وأرجو ان اكون عند حسن الظن
لكن النبق السيراليونى دا هسع قبل عشرة شوية كان معاى وكمان فولانى
والله يا عثمان اهلنا ناس سيراليون وساحل العاج والغينتين ديل ناس طيبين شدييييييييد
والوفولانى ديل عندهم عوين حلواااااااااات وانا كبرت
دحين خلينى مع البن الحبشى
| |
|
|
|
|
|
|
Re: الزول ده عرف فوائد التجارة بين دبي وسيراليون كيف (Re: حسن حماد محمد)
|
قال : الأخ الصومالي القابلتو في سوق الصومال أخ شهم وكريم . و سوق الصومال العامر يقع في قلب سوق مرشد في دبي . وفي نص أندهاشو وأعجابو بحركة سوق الصومال جاب سيرة بيت الشعر البقول : ( تمشي الهوينا كما يمشي الوجي الوحل ) هههها البيت قالو بالعربي وبالصومالي . وعينو في الشارع وبرندات الدهب . بس الوكت لا كان وكت وجي وحل ولا وكت شعر .. الوكت وكت سرعة ولا بد من فندق سيراليون في سوق ديره مهما طال السفر . الصومالي العكليت خبرة ومعاو كانت التجربة الناجحة . وهاك يا طلبيات .
| |
|
|
|
|
|
|
|