|
البندر العجب العجيب
|
هوي يابت يانفيسه البندر دا اختي اختي احسن ليك يوم بتجيك نصيبه طايره ..علا شن اسوي ولاد اعمي احمد ود التوم ود الحسين سكن هناك كل مايجي عرس والا سمايه يقول لابوي هوي يامحمد خلي البت تمرق لا بره تشوف شن حاصل في الدنيا الواسعه الابوابه مابتحسبن ابوي يعارض يقولو هوي البت مابتمشي براها علا كان جيتو اخدتوها تب ماعندنا مانع والحول يمر يعقبو الحول وانا في زات البيت معروف شن بعمل الصباح اجيب القش والنهار اعوس الكسره وبالليل اخاتر البنوت في الفريق كمان في مواسم بنشقي فيها شقاوه شديده شي حش بصل وشي نجهز الزباله اشان الخريف البيوت مايصبن وعايشين الحمد لله فد شيتا ناقصنا ماهو في ...ومبسوطين من هادي العيشه الساهله تب ماشفنا شن عند الناس في البندر وجن ايام صفاح ود اعمي ابوي قال النحضر الصفاح مع البنوت وسدرت البندر البيوت يمين بالله حبة مطرة ماتدخلن ركبا باص خمسه صباح وصلنا بدري الشي الخلق لايصه التقول مافضل نفر في بيتو ومحل تقبل تلقي محلات بيع الاكل الخلق ملمومه فيها التقول مابياكلو عند اهلن وحات الله من دخلنا بيت ناس اعمي دا فد بت قامت شالت لها مويه قدمته مافي الشي بيجيبو البنوت بالايجار يخدمن الخدمه كلها علا نحن بس نترقد من عنقريب للتاني ناسن كتار ماهن في والعرس ف قالو في الصاله اتحيرت الصاله دي ما كان اخير منها البيت الكبير دا شن نفعه! اها بنوت اعمي ماقصرن شرن لي ديك ياالهديمات السمحات وحات نظري كان شافنهن بنوت الفريق يقولن نفيسه اتبدلت تمشي بلا هدوم ...اللسكيرت حدو الواطه والشي البلوزه مغتيه ايدي والطريحه سرحه بس قدر ماحنست البت بت اعمي تديني توب ادرعو ابت ويمين بالله مسكت ضفيراتي ديل سرحتن نامن عاينت لنفسي في المنضره تب ماعرفتها وقلت حليل سكون يايمه اها الحفله شدة مانهن فسلين كل زول اكلو في ايدي ومويتو كباية مقسطره البنوت ديل يمين بالله التقول مانهن الكنت معاهن النهار الوشوش ديل ماتعرف ساميه من سميه وامنه من امينه انبسطت غايتو جنس فرجه علا باكر صباحا بدر بنعود اهلنا فيشان الباص لايفوتنا البنوت مسكن فيني علا قلت لن بجيكن صاده كان الله راد بعد شهرين ومرن الشهرين متل االسبوع رسلن اخوهن جا ساقني براي الشي الشفتو كان في داك الشارع الجمب البحر البقولولو شارع النيل براه خلاني اقول هوي يانفيسه البندر دا اخير اختي
|
|
|
|
|
|