انتا مالك ياقليب الجن... مهما الشفتو منو متعلم.. ولسة انتا فيهو متعلق ومتعشم.. وهو الخلاكا ياما دون وكتب وحرك حواسك قبل القلم... وانتا احمد الله واشكرو وهو الاداكا ووهب ليكا النعم... وكتير ياقليب الجن بتحزن بيعصرك الالم... ولكن منو البقدر ويفهم.. وانتا ياعصفور والله صغير ومابقيت للهم... وبس مشكلت انك طيب شديد وتحكى الفى قلبك للناس من جم... وحسب طبعك تحب الخير وده الخاليكا فيهم تتوسم.. ولانو ياقليب الجن انتا شفيف وعفيف وبتدى من العدم.. وعمرك ماسكيت الدنيا ولا باريت السراب والوهم.. وصابر على حالك ومتيقين ومتبرم... لا شيكيت حالك لى زول ولبتلوم الزمن الانشرم.. وانتا ياقليب الجن ديما مناكا البلد والناس تعيش فى وداد من الشر تسلم... ومناكا كمان بلدا امن يرعى الحمل مع الاسد وياكل من تحتو البرم... والديب يجاور ويصادق البهم.. وجسيم البلد العليل يبرا من السرطان والورم.. ويمشى المركب لى قدام ويتوفر للعصفور القرطاس والقلم.. ده همو فى الدنيا يشوف ده كتب وده رسم.. وبعد القلتو ياعصفور اريتو حديثك يكون اتفهم.. ومايكون كلام ساكت ومبهم... واريتك ياقليب الجن تكون اتعلم...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة