|
|
|
 Re: أها وبعد كملتوا الشماتة في بعض (Re: عبدالعزيز الفاضلابى)
|
انابقترح انو جمهور الفريقين يقاطع المدرجات
لغاية مايعرف المتلاعبون به انهم:
لولاه:
لماكانوا مشاهير.
ولماامتلأت جيوبهم
ثمن التذكرة يقتطعها الجمهور من قوت عياله.
ليستمتع بهاهولاء المتلاعبون
من أخذ الأجر حاسبه الله بالعمل ـ وهؤلاء لايتقنون العمل.
| |
 
|
|
|
|
|
|
|
|
Re: أها وبعد كملتوا الشماتة في بعض (Re: عبدالعزيز الفاضلابى)
|
سلامات أخي عبدالعزيز الفاضلابي .. وينك ما ظاهر ..
طبعاً أنا فارقت تشجيع الكورة نهائي .. وبقيت أكره الكورة زاتو من كثرة الإحباطات .. ولكني الآن ربما وصلت لقناعة إنو النكسات بتاعة الكورة السودانية دي كلها من الشماتة - لا تظهر الشماتة لأخيك فيعافيه الله ويبتليك - الليلة الهلال يتغلب بالأربعة يصبح المريخاب شمتانين - يقوم يبتليهم الله بغلب السبعة فيصبح الهلالاب شمتانين فتدور الدائرة علي الهلال -وهكذا دواليك .. شماتة تولد بلاء يولد شماتة تولد بلاء يولد شماتة تولد بلاء ... بلاء ... شماتة .. بلاء .. وفي خِضم ذلك تنحرق أعصاب الجماهير ...
| |
|
|
|
|
|
|
|
|
Re: أها وبعد كملتوا الشماتة في بعض (Re: Munir)
|
الاخ عبد العزيز تحية طيبة
هذا ما كتبته بالامس فى بوست للأخ الامين البشاري ولم يعرني احدهم اي اهتمام
فحصل ما كنت اتوقعه اليوم
Quote: الاخ البشاري وكل الحضور برغم مريخيتي
معذزرة وكلي أسف من كل مشاهد الشماتة والمظاهرات الوهمية
عندما يلعلب الهلال فى بطولة خارجية فانه يمثل السودان
ايعقل ان نحتفل بالفشل ونبتهج به
لنري الدرك الذي وصلنا إليه..
معاً لتفعيل هذه الثقافة الجميلة وعدم استصحابها خارجياً حتى تتلاشى
|
مع كل الود والاحترام
| |
|
|
|
|
|
|
|
|
|
Re: أها وبعد كملتوا الشماتة في بعض (Re: Munir)
|
سلامات
منير الكَلس
حال المنبر لايختلف كثيراَ عن حال الكورة ـ وحال البلد الواقف
لذلك آثرت ان ابحث عن تفاعل في محيط انفع.ـــــــــــــــــــــــــــــــــــــــــــــــــــــــــــــــــــــــــــــــــــــــ
عطفاً علي مداخلتي السابقة وصف المتلاعبون يشمل الي جانب فريق الكورة كل من:
إدارات الأندية
اتحاد الكورة
الدولة ممثلة في وزارة الشباب والرياضة
الإعلام الرياضي
| |
|
|
|
|
|
|
|
|
|
Re: أها وبعد كملتوا الشماتة في بعض (Re: عبدالعزيز الفاضلابى)
|
Quote: هذا ما كتبته بالامس فى بوست للأخ الامين البشاري ولم يعرني احدهم اي اهتمام
فحصل ما كنت اتوقعه اليوم |
الحبيب محمد الحبيب
مرحبا بك في اولي مداخلاتك
ومن عجب ان من يكتبون في هذا المنبر لديهم من الثقافة مايعصمهم من الحال الذي وصلنا اليه. وجلهم يتعايش مع ثقافات اخري ويري ان اهل تلك الثقافات يضعون بلدهم قبل انتماءاتهم الضيقة - ليس في الرياضة فقط ـ ومع ذلك لا يتأثرون بما هو موجب من تلك الثقافات.
انا متابع لعدد من الدوريات ومن بينها الدوري السعودي ويعجبني فيه اعلامهم الراقي قبل كورتهم - وتناولهم لقضاياهم الرياضية بموضوعية نقبطهم عليها ـ ونتمني ان يرتقي إعلامانا الرياضي وينبذ الغلو في التعصب للفريق الذي يحبه.
وللحديث بقية إن شاء الله
| |
|
|
|
|
|
|
|
|
 Re: أها وبعد كملتوا الشماتة في بعض (Re: عبدالعزيز الفاضلابى)
|
ههههههههههههه ..
بيعجبني المريخـاب في عدة حالات ...
الحالة الاولى لما الهلال يترشـه ويطير .. ويلقو يدهم ..
الحالة التانية .. لما المريخاب الواحد يعمل فيها ما هاميهو الرش ويعمل رايح ..
..
يا فاضلابي .. امس انت بتفتش لي لنك عشان تشمت في الهلال وتشوفو اترشه كيفن ..
الليلة قلبتها لينا موعظـة والدين النصيحـة ..؟ 
والله اكان المريخ كان اتأهل البوست بتاعك دا الليلة كان فيهو كلام تاني .. كان شماتتكم يهبشوها بالعود
| |
|
|
|
|
|
|
|
|
|
Re: أها وبعد كملتوا الشماتة في بعض (Re: tmbis)
|
Quote: يا فاضلابي .. امس انت بتفتش لي لنك عشان تشمت في الهلال وتشوفو اترشه كيفن ..
الليلة قلبتها لينا موعظـة والدين النصيحـة ..؟ |
مرحبا تامبا
اولا ياتامبا وقبل كل شئ:
إنت فوق القانون ـ عشان كده أي شئ تكتبه عندنا مهضوم .
والسبب انك ياما فَشِّيتني في مواطن كثيرة .
ثانيا ياخ انا اللنك ده كنت بفتش فيهو عشان اشوف بيهو كورة المريخ اللي كنت متأكد انه حايخذلنا.
والدليل علي كلامي ده اني طلبت اللنك ده في بوست ودالبشاري في البوست ده
بروح كيغان مريخ السودان يتأهب للعبور الى بر الأمان!!
Quote: سلامات يابشاري
ياخ الله يرضي عليك الحقنا برابط نحن في بلدا طيرو عجمي
تسلم |
وزي ماهو واضح البوست ده كان بعد كورة الهلال.
ولو داير تشوف انا كنت واثق من ان الهلال حايعبر اقرأ كلامي في بوست اشرف الرحال في البوست ده.
من غير الهلال من !!
صحيح ياتامبا انا بحب المريخ يتفوق علي الهلال لكن في بعض الحالات فوز الهلال بخلينا نتلَصَّق فيهو لأننا نعيش خارج الوطن واي ذكر لإسم الوطن مقروناً بانتصار بيكشف وشنا قدام غير السودانيين ويدينا سبب نطول بيهو رقابنا اللي لعيبة الهلال والمريخ خَلُّوها غاتسة في كتوفنا زي الزول الـ زايغ ليهو من كف.
العيوب عارفنها تعالوا نكتب عن الحلول.
| |
|
|
|
|
|
|
|
|
|
Re: أها وبعد كملتوا الشماتة في بعض (Re: عبدالعزيز الفاضلابى)
|
علي سبيل المثال ياتامبا ـ لما الهلال غلب الاهلي القاهري (بتاعة الـ and#1635; صفر) انا فرحت كأني هلالابي وعندي جار مصري مرضته ليك مرض لانه قبلها بكم يوم قال لي انت فين تاريخك في الكورة.
بس ياتامبا انا اليومين ديل مباري الدوري السعودي وراجي الفتح يشيل الكاس كية في الهلال. وش متناقض .
| |
|
|
|
|
|
|
|
|
|
Re: أها وبعد كملتوا الشماتة في بعض (Re: عبدالعزيز الفاضلابى)
|
اخونا العزيز مولانا
الـــفـــاضـــلابـــى
كيف حالك ؟ واحوالك يارجل ؟
غـيـبة طويلة ..!!!!
حمدا لله على السلامة
...................
قبل الارشفة بايّام عملت لى مسدار لـ (غارزيتو) .. جانى حبيبك ود شيقوق ..
قال لى اطلع من الحتة دى ولا اجيك بـ ( عنكوليبة )
..........................................
اما بالنسبة لهلال ومريخ .. والمنتخب الكبير .. والصغير .. حتى الاتحاد العام ذاتو ... ما عاد يهم ..
لانو ما عندهم غيرة ولا عندهم للناس ( جمهور الكورة ) ذرة تقدير او اعتبار
.......................
بالله قول لى آخر مرّة شفت فيها د/ معتصم جعفر او استاذ / مجدى شمس الدين ..
فى اىّ جهاز اعلامى .. يتحدث عن البلاوى دى ؟؟؟
يــارجـــل مــا فااااااااااضيييييين
لك كامل الود
وتانى حمدا لله على السلامة
| |
|
|
|
|
|
|
|
|
|
Re: أها وبعد كملتوا الشماتة في بعض (Re: عبدالعزيز الفاضلابى)
|
السلام يا فاضلابي
بالنسبة للتحسر على الفات والماضي فدا رد فعل طبيعي لبؤس الحاضر ..
أما بالنسبة للشماتة فدي حاجة بطالة والله لكن ما المشكلة في حد ذاتا ..
المشكلة يا فاضلابي إنو الجمهور دا خلاص اتبرمج على أدني طموح فأصبح الفوز ببطولات الدافوري المحلي
غاية أمانيه ودا كلو بسبب جرثومة التعصب اللي حقنتا بيهو صحافة المدرجات أو ما يعرف إصطلاحا بالاعلام الرياضي ..
المصيبة الأخطر من كدا يا فاضلابي إنو الجمهور دا متمسك بصحافة المدرجات دي ومقتنع بكل ما تقوله لدرجة إنو
عادي ممكن بكرة تكتب ليهو عن مباراة تانية غير المباراة الشافا بعيونو وبرضو ممكن يكضب عيونو ويصدق الصحافة
والدليل أهو عندك في المنبر دا على قفا من يشيل .
أسأل الله الستر والهدايا يا رجل .
| |
|
|
|
|
|
|
|
|
|
Re: أها وبعد كملتوا الشماتة في بعض (Re: طلحة عبدالله)
|
Quote: المصيبة الأخطر من كدا يا فاضلابي إنو الجمهور دا متمسك بصحافة المدرجات دي ومقتنع بكل ما تقوله لدرجة إنو
عادي ممكن بكرة تكتب ليهو عن مباراة تانية غير المباراة الشافا بعيونو وبرضو ممكن يكضب عيونو ويصدق الصحافة
والدليل أهو عندك في المنبر دا على قفا من يشيل |
هلا بالحبيب طلحة ـ طلحة بذات نفسه هنا ـ معناتا انا اترقيت وليذهب ودالبشري الي مجاهل افريقيا ـ ان شاء الله ياكلوا اسد ولا ينقدو ديك مش سيوسيو.
تعرف ياطلحة مصداقاً لكلامك ده .
يحكي لنا اهل عطبرة ان بعضا من جمهور نادي الهدف عطبرة كانوا بدار النادي وكانوا يستمعون عبر الراديو لكورة بين هلال مريخ وانتهت الكورة بهزيمة الهلال وبتوع الإذاعة رجعوا للأستديوهات الرئيسية ـ واحد هلالبي فضل يغالط في الجماعة انو الهلال مامغلوب
الجماعة قالوا ليهو :
ياخ ياهو ده المذيع قال ليك الكورة انتهت والهلال مغلوب.
قال ليهم:
ننتظر الجرايد بتاعت بكرة .
ـــــــــــــ
الهدف ده اللي جاء منه لاعب الهلال عوض الحاج
ومقر ناديهو بحي امبكول عطبرة.
| |
|
|
|
|
|
|
|
|
|
Re: أها وبعد كملتوا الشماتة في بعض (Re: عبدالعزيز الفاضلابى)
|
Quote: الظلامي عبدالعزيز الفاضلابى
جينا نسلم بس |
وينك يامستنير ـ وعليكم السلام يارجل ياطيب
إنت زمان في بوست كان فيهو شكلة مدورة
قلت انا والفاضلابي بنجيب الكورة من برة
اها كلامك ده حوبتو جات.
ـــــــــــــــــــــ:
ياخ وين بوستك بتاع البعوض حذفوهو ولا شنو؟
واحد صاحبنا ـ معانا في بروكلين ـ (من انديكم) حلفاوي يعني
عندو مشكلة مع جماعة يمنيين وانتهت الي المحكمة.
لاقيتوا يوم وبحكم انو صاحبي سألته عن سير القضية لأطمئن علي موقفه ـ ونصحته بان يقرأ سورة يس عندما يذهب الي الجلسة.
قال لي:
مش محتاجة يس.
ولعلمك اخونا ده متدين جداً.
| |
|
|
|
|
|
|
|
|
|
Re: أها وبعد كملتوا الشماتة في بعض (Re: لؤى)
|
سلامات يالؤي
مازلت اذكر لك ذلك البوست الساخر عن الكورة البايخة اللي وجدت نفسك تتابعها رغم بياختها. كان بوست لذيذ جداً وهاهو التاريخ يعيد نفسه
وبدل نمشي قدام ماشين لي وراء زي الدويده الاسمها ام بور دائما حركتها الي الخلف بحكم انها تدفن نفسها في التراب .
| |
|
|
|
|
|
|
| |
عبدالعزيز الفاضلابى
Munir
tmbis
طلحة عبدالله
فيصل محمد خليل
khaleel
لؤى
فيس بوك
تويتر
انستقرام
يوتيوب
بنتيريست