|
Re: ابابيل الهلال تستعد لدك الفيل الايفواري (Re: khaleel)
|
بجسارة فوزي الاسد وحرفنة كسلا ورشيد المهدية
وبشوتة من شوتات القاقرين والنقر وراك يا القاقرين يلا شوت يلا شوت
وبكندورة سيد الشورة وحمد والديبة حاجة عجيبة
ومنقستو سيد الديسكو وعادل العوني ورئيسكم مين وليد طايشين
ويا كورة نطي لي عبد المعطي ومشيت الملعب لجمال الثعلب
وعليك ما بغير من تنقا الصغير
وصعب صعب يا علي الهلال غلب يا علي
وبكل اهازيج الهلال
| |
|
|
|
|
|
|
Re: ابابيل الهلال تستعد لدك الفيل الايفواري (Re: khaleel)
|
يا ود المرين ود اداب الفيلة
ادب الفيل واعيده لابيدجان مهزوما مكسور الوجدان
ويا تور مني الطيار راجل ام بشار ويا كباشي السم
ويا حسن النادر ويا الطيب الحاضصر ويا بركات ويا طه ابو التومات
ويا ودبدر من الفقر وشيخي العليش القلب القطن عيش
ويا رجال ابحراز وشيخي الجيلي وشيخي الحفيان وسارة بت الرجال الفارة
حوبتكم جات
| |
|
|
|
|
|
|
Re: ابابيل الهلال تستعد لدك الفيل الايفواري (Re: khaleel)
|
صباحاتو يا خلى فى هذا الصباح الجميل والمزاج الرايق والمتصالح حتى مع الأفكار المزعجه التى يمثلها عندى الهلال .. ودى فرصة الواحد يرفع من شأن الانتماءات الوطنية وعليه .. أتمنى عدم هزيمة الهلال بأربعة !.. يلا بالتوفيق تصحبكم أمنياتنا الفارهة والطيبه ..
| |
|
|
|
|
|
|
Re: ابابيل الهلال تستعد لدك الفيل الايفواري (Re: محمد حيدر المشرف)
|
Quote: صباحاتو يا خلى فى هذا الصباح الجميل والمزاج الرايق والمتصالح حتى مع الأفكار المزعجه التى يمثلها عندى الهلال .. ودى فرصة الواحد يرفع من شأن الانتماءات الوطنية وعليه .. أتمنى عدم هزيمة الهلال بأربعة !.. يلا بالتوفيق تصحبكم أمنياتنا الفارهة والطيبه .. |
صباحو المشرف
ياخي اديتني فرصة تاريخية عشان ادشن مصطلح (جبتو من فتحي الضو )
والمصطلح هو (الاعدقاء)
والهلال يحتاج فعلا لوقفة الاعدقاء
يا ودالبشري سجل لي المصطلح دا
| |
|
|
|
|
|
|
Re: ابابيل الهلال تستعد لدك الفيل الايفواري (Re: محمد البشرى الخضر)
|
خليلو يا جميلو...
Quote: يا ود المرين ود اداب الفيلة
ادب الفيل واعيده لابيدجان مهزوما مكسور الوجدان
ويا تور مني الطيار راجل ام بشار ويا كباشي السم
ويا حسن النادر ويا الطيب الحاضصر ويا بركات ويا طه ابو التومات
ويا ودبدر من الفقر وشيخي العليش القلب القطن عيش
ويا رجال ابحراز وشيخي الجيلي وشيخي الحفيان وسارة بت الرجال الفارة
حوبتكم جات |
wow..that's funny man
والله "النديهة" بتاعتك براها تستاهل الدرون على أسوأ الفروض..
..
.
| |
|
|
|
|
|
|
Re: ابابيل الهلال تستعد لدك الفيل الايفواري (Re: khaleel)
|
اليوم نحن في حاجة اكثر للانتصار ..لنضمد في نفوسنا الكثير من الجراح ..وندمل في الروح اوجاع لا يسكتها إلا انتصار الهلال.
< في ام درمان ..ليس هناك اجمل من ان ينتصر الهلال ..عندما ينتصر الهلال ..ام درمان بتضحك من الاضان للاضان.
< شوارعها بتطلع على رؤوس اصابعها ..تقيف تقالد في الناس ..زول – زول.
< ام درمان بتعرف عزة الهلال ...لذلك هى تقدر انتصاره ..وتثمن قيمته.
< بتشعر بينا ..وتحس.
< نحسب ان مساندة الجمهور اليوم ...تمنح الهلال نصف الانتصار ...على نهج (فهم السؤال نصف الاجابة).
< الجمهور مطلوب منه ان يترك كل (الاراء) مع او ضد - خارج استاد الهلال ..لا تدخلوا استاد الهلال باراءكم.
< ما تدخلوا بي اراءكم.
< خلوها برة.
< طلعوها ..وادخلوا الاستاد.
< الساعة ونص ..هى عمر مباراة الهلال ..نريد ان تكون كلها خالصة للهلال.
< خالصة للهلال بدون تشنج ..او اعتراض ..او تنظير.
< هي للهلال بكل الحب والمساندة والتشجيع.
< اليوم غارزيتو يمثل الهلال (كرامته من كرامة الهلال) ..كفى انه مدرب الهلال ...يحتاج منا لوقفة خاصة ..ومساندة نؤكد فيها حبنا للهلال.
< كلهم يمثلوا الهلال اليوم ..ومن يمثل الهلال يفترض منا ان نسانده وان نشجعه.
< 90 دقيقة ...كلها للهلال.
< ولا دقيقة برة.
< بين الشوطين ما تقعدوا تتكلموا عن المشاكل.
< يجب ان نعرف ذلك ...وان نعلم ان هذا الامر يحتاج منا مساندة اكبر ..وتشجيع اكبر.
< وعندها باذن الله وتوفيقه سوف ينتصر الهلال ..وانتصار الهلال ان شاءالله اليوم سوف يكون كبيرا.
< ح نثبت ان المشاكل ما بتأثر في الهلال.
< وح نعرف كيف نتعامل مع المباراة ..يجب ان نفصل بين الاشياء ..(الهلال هلال).
< شجعوا جمعة ...يقف في المرمي بتجربة ليست كبيرة ...لكن جمعة متى ما وقف كان في الموعد.
< جمعة يحتاج اكثر لمساندتكم ..لتشجيكعم ...حتى يغطى قلة تجربته ويعوض ضعف خبرته.
< شوفوا ميساوي ...يلعب بكل احترام وتقدير واحترافية ...يلعب (زي الكتاب ما بقول).
< ميساوي يجب ان تقفوا معه.
< شجعوهم ..هم يحتاجوا اليكم اليوم اكثر.
< شوفوا مهند الطاهر ...كلما هاجموه رد عليهم بي (هوبة).
< ولما الغلاط بكتر ...برد بي هوبة تانية.
< على مهند الطاهر ان يعرف ان هوبة واحدة لم تعد ترضينا.
< الهوبة بقت ما بتبل اشواقنا.
< اتعودنا على الهوبتين.
< انظروا الي الصاقعة نزار حامد ..يتطور من مباراة لمباراة في صمت.
< الصاقعة ما شغال بي زول.
< يخش ويطلع ...تقول الكورة دي حقتو.
< انت يا جنا (الكورة) دي جايبها معاك من عطبرة.
< الصاقعة نزار حامد ..لمن يلعب بي مزاج ..ما بسأل في (محمدية).
< بطقطق ليكم الكورة دي زي (المرارة).
< ما عنده قشة مرة.
< الود دا شجعوه ..اقيفوا معاه ..عشان نستمتع.
< كاريكا.
< انا قلت حاجة.
< انا قلت كاريكا.
< كاريكا دا (مدرسة) براه.
< شغال (خراطة) عديل كدا.
< كورة بي اخلاق.
< الهدف ذاتو لو ما فيه (اخلاق) كاريكا ما بسجلو.
< كاريكا دا كوم براه ..قدم لنا (علوم) جديدة في عالم الكورة ....الكورة عنده ما كورة بس.
< الشيء دي عندو فيها نظام مختلف.
< جوة وبرة الميدان ..كاريكا اخر ابداع ..واخر روعة.
< شجعوه ..واقيفوا معاه لي اخر ثانية ..وشوفوا هدف كاريكا الليلة ح يكون كيف؟.
< هدف (شقلواني).
< شقلواني دي ح نشرحها ليكم بعد المباراة ان شاءالله.
< بس انتوا اصبروا ..وامشوا المكاتب من بدري.
< خلوه كاريكا ...شفتوا سادومبا.
< اعظم محترف على الاطلاق.
< اقوان بكل الطرق ..كل اللغات ..هندسة ..(شوالات – جركانات – علب).
< هسع الشوالات والجركانات والعلب ) الدخلها شنو؟.
< الظاهر عليك كدا عاوز تجيب سيرة بلة جابر.
< ظاهر ..بدردق في الكلام درديق.
< يا جماعة عشان ما ادخل ليكم في حتة تانية.
< اختصر ليكم الحكاية ..الليلة امشوا الاستاد من بدري.
< اقيفوا مع هلالكم ..وما تقصروا معاه ..وافصلوا لينا بين الاشياء.
< وتاني الحبة ما بتجيكم.
< والله الهلال الشايفو دا ...حاجة ما بتجيه.
< هلال ما فيه أي كلمة.
< قولوا ما شاءالله ..وامشوا لي قدام.
< ملحوظة : الباقى خلوا علينا.
< هوبة سانيه بقت تلخبطنا.
< الهلال بقى كل هوبات.
< تقول (حفلة).
< سيرك بس.
< والله ما شاءالله.
< انتوا الله يفرحكم.
< بكرة بكلكم كلام تاني.
< بس قوموا بدري.
(منقول من عمودسابق للصحفى محمد عبدالماجد )
كلنا خلف الهلال
اللهم انصر انصر الهلال سيد البلد وكبيرها
| |
|
|
|
|
|
|
Re: ابابيل الهلال تستعد لدك الفيل الايفواري (Re: اسلام عبد الرحمن عمر)
|
Quote: في ام درمان ..ليس هناك اجمل من ان ينتصر الهلال ..عندما ينتصر الهلال ..ام درمان بتضحك من الاضان للاضان.
< شوارعها بتطلع على رؤوس اصابعها ..تقيف تقالد في الناس ..زول – زول.
< ام درمان بتعرف عزة الهلال ...لذلك هى تقدر انتصاره ..وتثمن قيمته.
|
وكانت ساعة النصر اكتمال الهلال
اللهم انصر الهلال
بالتوفيق اخونا اسلام عبدالرحمن
| |
|
|
|
|
|
|
Re: ابابيل الهلال تستعد لدك الفيل الايفواري (Re: Zakaria Gabeir Adam)
|
Quote: داير اقول ليك done يا خلي, لكن راجعت السجّلات لقيتو منتشر و مستخدم بكثرة عند الفوراولاب و البنقلوا منهم هنا ولقيتو مصنّف تحت بند "مصطلحات عامة"
أسجّل ليك "كج" بدل منو |
يا ود البشري طبعا اشتريت كتاب فتحي الضو
ولقيت كلمة الاعدقاء والذكانة قلت اجي اقشر بيهم في سودانيز
لكن يبدو ان ناس فور اول ديل صعبين
النبي فوقي من كج دي يا ود البشري (حا نعقد سنة كاملة عاطلين )
| |
|
|
|
|
|
|
Re: ابابيل الهلال تستعد لدك الفيل الايفواري (Re: khaleel)
|
Quote: اذا لم يتخل العجوز المخرف غرزة عن طريقته لن يفوز الهلال ولو لعب يوما كاملا عرزة هو سبب تدنى مستوى الهلال لا لللعب بثلاثة مدافعين |
هلا بسليمان
شايف الجماعة هرشو غارزيتو في الاجتماع وبكرة مع الاهلي حا يربع الدفاع
| |
|
|
|
|
|
|
Re: ابابيل الهلال تستعد لدك الفيل الايفواري (Re: Mohd Ibrahim)
|
اللعب الممرحل والتمرير الارضي المتقن هو طريق الهلال الي بوابة العبور بكل سهولة وممكن ياتي الحسم من الشوط الاول
اما اذا عادت حليمة لقديمة ارسال الدفاع للكرات العالية الي دفاع الخصم لن يتاهل الهلال
اتوقع تكنل دفاع الفريق الايفواري
تمنياتي للهلال بالعبور
| |
|
|
|
|
|
|
Re: ابابيل الهلال تستعد لدك الفيل الايفواري (Re: اسامة عثمان السيد)
|
Quote: اللعب الممرحل والتمرير الارضي المتقن هو طريق الهلال الي بوابة العبور بكل سهولة وممكن ياتي الحسم من الشوط الاول
اما اذا عادت حليمة لقديمة ارسال الدفاع للكرات العالية الي دفاع الخصم لن يتاهل الهلال
اتوقع تكنل دفاع الفريق الايفواري
تمنياتي للهلال بالعبور |
هلا اسامة
وما تنسي دور الجمهور في خلعة الافيال
اعتقد انهم وليدات ساكت وما عندهم خبرة
تحياتي
| |
|
|
|
|
|
|
Re: ابابيل الهلال تستعد لدك الفيل الايفواري (Re: أبوالزفت)
|
Quote: خليل
سلام
إن حربا مخيفة تدار في غرب النبل
بحيث سيهاجم الصغار و الكبار حينما
يغيب القمر خلف خرطوم الفيل
تكون النار و الدم و الطيران الي فرنسا (نبوءات ابوالزفت) |
ابو الزفت مشتاقون
بل سنغني مع وردي
وكانت ساعة النصر اكتمال الهلال
| |
|
|
|
|
|
|
Re: ابابيل الهلال تستعد لدك الفيل الايفواري (Re: khaleel)
|
الملاحظة الأكبر في مباراة الهلال والأهلي الخرطوم الأخيرة والتي انتهت بالتعادل السلبي بين الفريقين كانت في إحجام الجماهير عن الدخول لمباريات الفريق بصورة ملفتة للنظر..!! • زاد كل الأندية والفرق هو قوة دفعها الجماهيرية واحتشادها ولعل هذا الغياب المفاجيء عن المدرجات ترك العديد من علامات الاستفهام حوله وقرع أجراس الخطر قبل المواجهة الحاسمة بالجمعة..!! • يملك الهلال جمهوراً كبيراً كانت تضيق عليه المدرجات بما رحبت لأن الفريق كان مقنعاً ويكمل نواقصه بهذا الدفع الكبير الذي يلقاه من محبيه وعشاقه ويملأون الملعب بالأهازيج والاغنيات ولطالما أقشعرت الأبدان لهتاف "سيد البلد" الذي كان يهز أركان المقبرة طولاً وعرضاً..!! • لعل ما ساهم في هذا الإحجام هو إنشقاق الصف الهلالي من الداخل ما بين مؤيد ومعارض لكثير من نقاط الخلاف التي نشبت على مدى فترة المجلس الحالي بدءاً من تعيين دائرة الكرة الجهنمية مروراً بقضية الحكم الجزائري الحيمودي وثم مسلسل القائد هيثم مصطفى والمدرب الفرنسي غارزيتو وانتهاءاً بتصنيفات الإعلام الموالي للمجلس والتي كانت السبب الرئيس لخلق الاعتصام الشهير الذي شهده دار النادي..!! • كل هذه القضايا كانت طريقاً لشرذمة الجمهور الأزرق ولا تكاد تجد مشجعين يتفقان على قضيتين متشابهتين من كثر ما أنجب هذا المجلس ووجوده الخلافات وهو ما جعل الشقة تكبر بين المجتمعين على حب نادي واحد فكانت النتيجة الطبيعية أن يكف الناس عن متابعة الأسياد تجنباً للمصادمات والمشاحنات في هذه الأجواء الملتهبة..!! • إحجام جماهير الهلال عن مساندة الفريق أسبابه كل تلك الأشياء مجتمعة ويضاف عليها تراجع مستوى الفريق بشكل مريع حتى باتت الخسارة هي التوقع الأول وما عداها مجرد تصاريف أقدار..!! • أعيدوا جماهير الهلال إلى المدرجات، بإعادة الهيبة للفريق من خلال وجود إدارة تعرف كيف تنأى بلاعبيها عن جملة الخلافات الدئرة..!! سيوي.. معركة رد الاعتبار..!! • بكل تأكيد ينتظر الجميع مباراة يوم غدٍ الجمعة بكثير من الترقب والتلهف في انتظار نتيجة المباراة وما ستسفر عنه سواء استمرار الهلال أو وداع المنافسة..!! • الكثيرون ممن يلبسون نظارات التعصب لا يرون في كتاباتنا عشماً في التأهل من واقع معطيات نراها ونكتب عنها بصراحة ولأنها لا توافق أهوائهم فهم دائماً في حالة "أمرختنا"..!! • على هؤلاء أن يعرفوا الفرق ما بين الحديث عن أمنياتنا للهلال وعن الحديث عن واقع نراه أمام أعيننا..!! • وحين نمسك بالورقة والقلم لنقول إن الهلال فشل في مباراتين في الحصول على ثلاثة أهداف نظيفة أمام الاتحاد مدني وأمام الأهلي الخرطوم فهذا بالتالي يضعف الحسابات أمام سيوي مقارنة بالمباراتين..!! • وإذا وضعنا في الاعتبار أننا فشلنا في الوصول إلى شباك المريخ وهو في أوهن حالاته ونحن بكامل عدتنا وعتادنا فهذا يجعلنا نقنع بخيار أن الفريق العاجي "حمام ميت" ولكننا لا نستطيع الوصول إلى شباكه كما في مباراة المريخ..!! • تلك هي الحقائق الموجودة فعلياً على أرض الواقع والتي نتحدث من خلالها عن مباراة الهلال وسيوي العاجي يوم الجمعة..!! • أما الحديث عن الأمنيات فلا أحد يتمنى خسارة الهلال مطلقاً ولا أحد ينتظر تعثره لأننا نعشق هذا الأزرق والأبيض ونتمنى أن يستمر الأزرق حتى النهاية..!! • ولكن.. هل تحقق الأمنيات وحدها أهدافنا..؟؟ • وهل نحن واثقون من أن فريقنا كما رأيناه على أرض الواقع قادر على الانتصار؟؟ • والإجابة على هذين الشؤالين وحدهما كفيلة بأن يقف الناس خلف منظار العقل بعيداً عن عاطفة الانتماء إلى النادي وبحسابات كرة القدم "المنطقية" بعيداً عن جنونها..!! • وكما يمكن لكرة القدم أن "تتجنن لنا" فيمكنها بنفس تلك البساطة أن "تتجنن علينا" فكل شيء وارد طالما أننا لا نخطط وننتظر حكم القدر فقط..!! • للعاجي نفس طموحات الهلال فاحترموها لكي تفوزوا..!! اللون الأزرق • أمنيتنا الأكبر هي أن لا نخسر على أرضنا ولا نضطر إلى التعادل المخيب كما أجبرنا عليه أولاد حداثة في مدني..!! • الدعم المعنوي المبالغ فيه والآلة الإعلامية الزرقاء التي تروج لتألق فلان وفلان في التدريبات قد تأتي بمردود عكسي لو حدث ما لم يتهيأ له الناس..!! • وإنما كانت صدمة جمهور المريخ كبيرة أمام الصفاقسي لأن إعلامه حسم المباراة بفوز ساحق على صفحات الصحف وتفاجأوا بالخسارة المذلة الرباعية بالقلعة الحمراء مع أنهم يضحكون الآن من خسارة الهلال خارج الأرض بنفس النتيجة..!! • ورجمت الجماهير الحمراء "ملكها" العجب في مباراة زيسكو الزامبي حينما هزمهم ساكواها وحده في مشاركة الثلاثيت الشهيرة التي اختتمها الهلال بإيفوسا وعمر بخيت وباري ديمبا..!! • كل تلك الكوارث الحمراء لعب فيها الإعلام الأحمر دوراً محورياً وترانا الآن نكرر ذات السيناريو "وبي ضبانتو"..!! • علينا أن نبحث عن هدف أول ثم هدف ثاني يشفي الغليل ومن ثم البحث عن التأهل..!! • التعجل في الوصول إلى مرمى العاجي بسرعة أكبر قد يدفع الهلال ثمنه الكثير..!! • التخطيط لهذه المباراة هو مفتاح الوصول إلى تحقيق الغايات..!! • إن تأهل الهلال "خير وبركة" وإن لم يتأهل فيكفي شرف "رد الاعتبار"..!! • وبالتوفيق للأسياد..!! • ولا شيء سوى اللون الأزرق..!!
.
| |
|
|
|
|
|
|
Re: ابابيل الهلال تستعد لدك الفيل الايفواري (Re: khaleel)
|
الجماهير تهتف لكاريكا والغزال والمدرب غارزيتو الخميس 4 أبريل 2013 الساعة 2:06 هتفت جماهير الهلال باسم الثنائي مدثر كاريكا ومهند الطاهر ومدرب الفريق غارزيتو وقد رد الثلاثي التحية للجماهير بالتصفيق وذلك في مران الفريق أمس. رأسيات مساوي تشعل مران الهلال تألق نجم الهلال المدافع وصاحب الرأسيات سيف مساوي في مران الفريق أمس الذي اجراه غارزيتو لكاريكا وتراوري الذي استعان به في الضربات الرأسية وقد احرز هدفين كان احدهما شبيها بهدفه في ناساروا حيث تفاعل الجمهور مع رأسياته الحارقة. خمس قنوات فضائية تغطي المران الختامي للهلال حظي مران الهلال الرئيسي الذي اجراه مساء امس بملعبه بامدرمان بتغطية اعلامية من اجهزة الاعلام المقروءة و المرئية حيث شكلت قناة قوون والجزيرة والعربية والنيلين والنيل الازرق حضورا مميزا واجرت استطلاعات واسعة مع اعضاءالمجلس ومقرر دائرة الكرة ابوشامة وبعض قيادات الرابطة المركزية للهلال.
--------------------------------------------------------------------------------
| |
|
|
|
|
|
|
Re: ابابيل الهلال تستعد لدك الفيل الايفواري (Re: khaleel)
|
خليل ومشاركوه كلما نتمسك بالامل تأتينا الاحباطات من ناس ديل وناس ديل حسع علاقة الزول دا بالكوره شنو ؟ البرير يحاضر ؟؟؟؟؟؟؟؟؟؟ وعلاقته شنو بكلمة محاضرة غايتو الا محاضرة في الملاكمة
ربنا يدينا اللي في مرادنا وينصر الهلال بالفوز او الهزيمة نصر الهلال بالفوز وذلك ما نتمناه للصعود اما النصر بالهزيمة فتعنى ان ينتصر الهلال بالمخارجة من المدرب ومجلس الإدارة وبعض اللاعبين
محاضرة في ختام المران من البرير:
Quote: خاطب رئيس الهلال الامين البرير اللاعبين عقب نهاية المران حيث اشاد بحماسهم وجديتهم واصرارهم في التدريبات وقال لهم انتم اهل الثقة وقدر المسؤولية ونحن علي ثقة بانكم ستفرحون الانصار وتردون الاعتبار في مباراة الغد امام العاجي ولابد من اللعب بقوة وحماس لتجاوز هذه المرحلة وقد كانت المحاضرة بحضور عضو المجلس المهندس احمد ادم عافية ونائب الامين العام للمجلس السيد هاشم ملاح ومدير دائرة الكرة واعضاء الدائرة الكوارتي والجهاز الفني. |
| |
|
|
|
|
|
|
Re: ابابيل الهلال تستعد لدك الفيل الايفواري (Re: khaleel)
|
Quote: : خليل
سلام
إن حربا مخيفة تدار في غرب النبل
بحيث سيهاجم الصغار و الكبار حينما
يغيب القمر خلف خرطوم الفيل
تكون النار و الدم و الطيران الي فرنسا (نبوءات ابوالزفت)
ابو الزفت مشتاقون
بل سنغني مع وردي
وكانت ساعة النصر اكتمال الهلال |
تلاقيك هسة بتغني اغنية (خواطر فيل)
| |
|
|
|
|
|
|
Re: ابابيل الهلال تستعد لدك الفيل الايفواري (Re: walid taha)
|
الهلالابي الغيور خليل
تحياتي ,,,
نحييك على هذه الحيوية والنشاط لمؤازرة الهلال فى أسوء ظروفه, ما اكذب عليك شايف البوست بتاعك ده منذ الوهلة ولم تكن لدي ما اضيفه فى خضم الاحداث المتتالية
وحسب ما نراهـ فى الهلال بعد المران الأخير نستطيع أن نطمئن على صعودنا لدوري الـ 16 باذن الله تعالي وبعزيمة مهند وإخوانه بعزف تراوري ومساندة الجماهير للهلال الكيان بعيداً عن صغائر الأمور
وبالتوفيق
| |
|
|
|
|
|
|
Re: ابابيل الهلال تستعد لدك الفيل الايفواري (Re: الفاتح شلبي)
|
سلام ياخليل
برغم هلاليتي
لكني ابدا لا اتوقع تأهل الهلال
اولا الهزيمة كانت كبيرة جدا
ثانيا مستوى الهلال لا يطمئن ابدا
هذا بالاضافة الى هذا الغارزيتو حتى الان لم يجد تشكلة ولا طريقة لعب ثابتة
بالاضافة الى البرير وقلة عقله
وحتى لو اتأهل عشان يمشي وين؟؟؟؟
سلام
| |
|
|
|
|
|
|
Re: ابابيل الهلال تستعد لدك الفيل الايفواري (Re: khaleel)
|
هاردلك يا هندسة...والحمدلله الخرجت من ملة الهلال قبل ما اسمع بخروج الهلال من دوري ال32
الهلال دا حا ارجع اشجعو تاني لو ذهب منه البرير وجارزيتو وايكانقا وسينكارا والشغيل وساني وقيل تراوري زاتو...
حاليا اتجهنا صوب البرشلة...دا فريق لو اتغلب بتكون بي مقدورك راضي...بدون ما يطول سهادك يا خلي..
مالك ومال ناس الشغيل
| |
|
|
|
|
|
|
Re: ابابيل الهلال تستعد لدك الفيل الايفواري (Re: nazar hussien)
|
Quote: هاردلك يا هندسة...والحمدلله الخرجت من ملة الهلال قبل ما اسمع بخروج الهلال من دوري ال32
الهلال دا حا ارجع اشجعو تاني لو ذهب منه البرير وجارزيتو وايكانقا وسينكارا والشغيل وساني وقيل تراوري زاتو...
حاليا اتجهنا صوب البرشلة...دا فريق لو اتغلب بتكون بي مقدورك راضي...بدون ما يطول سهادك يا خلي..
مالك ومال ناس الشغيل |
نزار هاردلك
ودع هريرة ان الركب مرتحل فهل تطيق وداعا ايها الرجل
| |
|
|
|
|
|
|
Re: ابابيل الهلال تستعد لدك الفيل الايفواري (Re: khaleel)
|
سلام ياخليل
برغم هلاليتي
لكني ابدا لا اتوقع تأهل الهلال
اولا الهزيمة كانت كبيرة جدا
ثانيا مستوى الهلال لا يطمئن ابدا
هذا بالاضافة الى هذا الغارزيتو حتى الان لم يجد تشكلة ولا طريقة لعب ثابتة
بالاضافة الى البرير وقلة عقله
وحتى لو اتأهل عشان يمشي وين؟؟؟؟
سلام
يا قلبي لا تسهر معاي ما اظن يفيدنا الانتظار
عزيني في روضة هناي سكت النغم سكت الكنار
يا حليل هلال كان لي نور كان ساعة الغربة دار
| |
|
|
|
|
|
|
Re: ابابيل الهلال تستعد لدك الفيل الايفواري (Re: khaleel)
|
Quote: خليل ومشاركوه كلما نتمسك بالامل تأتينا الاحباطات من ناس ديل وناس ديل حسع علاقة الزول دا بالكوره شنو ؟ البرير يحاضر ؟؟؟؟؟؟؟؟؟؟ وعلاقته شنو بكلمة محاضرة غايتو الا محاضرة في الملاكمة
ربنا يدينا اللي في مرادنا وينصر الهلال بالفوز او الهزيمة نصر الهلال بالفوز وذلك ما نتمناه للصعود اما النصر بالهزيمة فتعنى ان ينتصر الهلال بالمخارجة من المدرب ومجلس الإدارة وبعض اللاعبين
|
السدنة هاردلك
ديل حراس رزق زي التكنو امانة
وزي ابل الرحيل شايلة السقا وعطشانة
| |
|
|
|
|
|
|
Re: ابابيل الهلال تستعد لدك الفيل الايفواري (Re: khaleel)
|
Quote: الهلالابي الغيور خليل
تحياتي ,,,
نحييك على هذه الحيوية والنشاط لمؤازرة الهلال فى أسوء ظروفه, ما اكذب عليك شايف البوست بتاعك ده منذ الوهلة ولم تكن لدي ما اضيفه فى خضم الاحداث المتتالية
وحسب ما نراهـ فى الهلال بعد المران الأخير نستطيع أن نطمئن على صعودنا لدوري الـ 16 باذن الله تعالي وبعزيمة مهند وإخوانه بعزف تراوري ومساندة الجماهير للهلال الكيان بعيداً عن صغائر الأمور
وبالتوفيق |
هاردلك الفاتح
وما اصلو حال الدنيا تسرق منية في لحظة عشم
| |
|
|
|
|
|
|
Re: ابابيل الهلال تستعد لدك الفيل الايفواري (Re: khaleel)
|
Quote: برنس صباحو
ياخي لو اترصو كلهم قدام القون
ساحل العاج كلها ما تدخل فينا قون
لكن نقول شنو |
هارد لك يا هندسة..ما درناها ليكم. كلامك الفوق دا صاح..لكن تعرف المشكلة انو اللاعب السوداني بسرح كتير اثناء المباراة لكن ما في عذر للاعبي الهلال يسرحوا في اخر دقيقتين و اعتقد انهم سرحوا مع الحوافز و الاحتفالات المتوقعة. المدرب او اللاعبين الخبرة (زي عمر بخيت) يفترض ينتبهوا للفراغ و المساحة في دفاع الهلال..الغريبة في هلالابي يحضر في الكورة معاي تنبأ بالهدف و علل ذلك بالخلل الواضح في دفاع الهلال.
| |
|
|
|
|
|
|
Re: ابابيل الهلال تستعد لدك الفيل الايفواري (Re: الحاج حمد الحاج)
|
Quote: هارد لك يا هندسة..ما درناها ليكم. كلامك الفوق دا صاح..لكن تعرف المشكلة انو اللاعب السوداني بسرح كتير اثناء المباراة لكن ما في عذر للاعبي الهلال يسرحوا في اخر دقيقتين و اعتقد انهم سرحوا مع الحوافز و الاحتفالات المتوقعة. المدرب او اللاعبين الخبرة (زي عمر بخيت) يفترض ينتبهوا للفراغ و المساحة في دفاع الهلال..الغريبة في هلالابي يحضر في الكورة معاي تنبأ بالهدف و علل ذلك بالخلل الواضح في دفاع الهلال. |
ابو الحجاج
ياخي دا قون ما يدخل في فرق الروابط
بويا مفروض يطلع الكورة برة مساوي كان يجب ان يدعم بويا
ويعود لاعبي الارتكاز وسنكارا جزلان كبير
وجمعة ايضا ساهم في الهدف وحمونا النوم
| |
|
|
|
|
|
|
Re: ابابيل الهلال تستعد لدك الفيل الايفواري (Re: khaleel)
|
هارد لك خليل, هارد لك يا أهلة, هارد لك يا وطن
نعود لسوء الحظ القلتو ليك في البداية يا خليل المهم يا زول في تلاتة أسباب هزمت الإنتصار الهلالي:
1- دور غامض للحكام, نتمنى أنه ما يكون في راشي غير منظور, طبعا يمهل ولا يهمل, و حق الحرام ما بدوم و ما بودي قدام, و ما بنفع, و إن صح هذا, فليطير الراشي و الهلال معا. 2- عبد اللطيف و صحبه! 3- إندفاع الفريق بكلكله لإحراز هدف رابع, لزومه شنو فعلا الطمع ودر ما جمع!
| |
|
|
|
|
|
|
Re: ابابيل الهلال تستعد لدك الفيل الايفواري (Re: المعز ادريس)
|
Quote: هارد لك خليل, هارد لك يا أهلة, هارد لك يا وطن
نعود لسوء الحظ القلتو ليك في البداية يا خليل المهم يا زول في تلاتة أسباب هزمت الإنتصار الهلالي:
1- دور غامض للحكام, نتمنى أنه ما يكون في راشي غير منظور, طبعا يمهل ولا يهمل, و حق الحرام ما بدوم و ما بودي قدام, و ما بنفع, و إن صح هذا, فليطير الراشي و الهلال معا. 2- عبد اللطيف و صحبه! 3- إندفاع الفريق بكلكله لإحراز هدف رابع, لزومه شنو فعلا الطمع ودر ما جمع! |
بالاضافة الي محاولة لاعبي الهلال اضاعة الزمن بعد الهدف الثالث وايضا التشكيل والتنظيم ما ظابط
وضياع الاهداف بالجملة من تراوري واكانقا
وسننتظر حتي عام 2014
ان كان في العمر بقية
| |
|
|
|
|
|
|
Re: ابابيل الهلال تستعد لدك الفيل الايفواري (Re: khaleel)
|
سلام الأ خ خليل 2014 ما بعيد للحي بعض المعلومات عن فريق séwé Nom...... Stade Auguste Denise Ville .................. San Pédro Capacité ...................8000 Fondé....................1953 Adresse ..........San Pédro Pays...........Côte d'Ivoire وهنا تاريخ نادي الصفر الدولي Nom...........Al-Hilal Stadium Ville................Omdurman Capacité...................45000 Fondé.....................1930 Adresse ..........Omdurman فريق تأسس بعد 23 سنة من تأسيس نادي الهلال و جاي من قري ساحل العاج وملعبه أصغر من دار الرياضة أمدرمان . Le Séwé Sports de San Pedro est qualifié pour les 8ès de finale de la Caf Ligue des Champions. Le champion de Côte d’Ivoire peut dire merci à Kako Rostand. Le buteur ivoirien a libéré les siens qui étaient menés (3-0) avant le temps additionnel. A Omdurman, la joie est grande côté ivoirien. Le Séwé a réussi à accrocher le ticket qualificatif pour les 8ès de finale de la Caf Ligue des Champions 2013. Et ce, au nez et à la barbe des Soudanais du Al Hilal qui tenaient pourtant le bon bout. Battue (4-1) au match aller à Abidjan, la formation soudanaise refait son retard avec l’illusion de la qualification en inscrivant trois buts. Le but assassin qui sort les hôtes de leur rêve est l’œuvre de Kako Rostand. Dans le temps additionnel, le buteur ivoirien bien servi par Halidou Garba qui faisait son retour dans l’effectif séwéké, envoie San Pedro au 8è ciel. Car ce but à la 92è minute ouvre les cieux des huitièmes de finale de la Caf Ligue des Champions aux Séwékés. Le Séwé Sports de San Pedro qui regagne Abidjan dès ce samedi attendra dimanche pour connaitre son adversaire des huitièmes. Il sera issu de l’opposition FUS de Rabat-Union Sports de Douala. وفي إنتظار الكأس تحياتي
| |
|
|
|
|
|
|
Re: ابابيل الهلال تستعد لدك الفيل الايفواري (Re: ياسر منصور عثمان)
|
مجدي كنة
Quote: سلام ياخليل
برغم هلاليتي
لكني ابدا لا اتوقع تأهل الهلال
اولا الهزيمة كانت كبيرة جدا
ثانيا مستوى الهلال لا يطمئن ابدا
هذا بالاضافة الى هذا الغارزيتو حتى الان لم يجد تشكلة ولا طريقة لعب ثابتة
بالاضافة الى البرير وقلة عقله
وحتى لو اتأهل عشان يمشي وين؟؟؟؟
سلام |
| |
|
|
|
|
|
|
|