|
عندي سؤال بسيط ,, إنتو اللاعبين ديل في التمارين بتمرنوا على شنو ؟؟؟
|
اللاعب السوداني
بيغلط نفس الغلط في المباراة اكتر من مرة
وفي كل المباريات
لاعب ينتمي لاندية القمة ولا يتطور مستواه ( مكانك سر)
لا عب لا بعرف ييستلم ولا يسلم
لاعب لا بعرف يدافع ولا يهاجم
لاعب ما بعرف يشوت
ولا يضرب هيد
لاعب كسلان
لياقة مافي
يعني بس انا عايز اعرف
اللاعبين ديل بتمنرو على شنو
في كل تمرين
ول مرة نقرا في الاعلام
اهداف خرافية
وصواريخ
والمدرب يصحح الاخطاء
ونفس الغلط في كل مرة
لابد ان تحدث هزة في الرياضة واداراتها
في كل الادارات
والتدريب
والتوجه للمراحل السنية
تعليم الكورة في الكبر
زي النقش في الحجر
لا بد ان نبني جيل جديد
كي نعيش الانتصارات
لكن المكايدات
وبطولاتنا الاعلامية والانترنيتية
لن تحقق لنا انتصارا يوما ما
نحن قوم نقف في مكاننا
بينما العالم كله يتطور
نحو الافضل
شاهدوا الدوريات القريبة
الدوري السعودي
الامارتي
القطري
بل شاهدو الدوري المصري بعد عودته
كيف يؤدي اللاعب المباراة
كيف يستلم ويسلم
كيف يهدف ويهاجم ويدافع
انها مدرسة تدريبية من الصغر
الف باء الكورة مع الف باء الدراسة
والنتيجة سيادة الكرة المصرية في افريقيا
بدون منازع
ورغم ما تمر به من ازمات
يجب ان نخطط
التخطيط مهم
كي نمضي للامام
|
|
|
|
|
|
|
|
Re: عندي سؤال بسيط ,, إنتو اللاعبين ديل في التمارين بتمرنوا على شنو ؟؟ (Re: حبيب نورة)
|
كيف يا جمال ديل بيدربوا على حاجات مهمة جدآ
بيدربوا على انهم كيف يعكننوا الجماهير بيدربوا على انهم كيف يستفزوا الجماهير بيدربوا على انهم كيف يضيعوا الاهداف بيدربوا على انهم كيف يوجدوا ثغرات فى الدفاع
و برضو بيدربوا على انهم كيف يحلبوا الادارات و يملوا جيوبهم بالاشتراك مع صحفى الغفلة
بس قول معاى ان شاء الله البرير يبقى على قدر كلامه و ما يرجع من استقالته و ياخد معاهو مهند اما ايكانقا فالمفروض يسجن فى احدى غرف النادى و ما يطلعوهو الا بعد انتهاء الموسم
| |
|
|
|
|
|
|
Re: عندي سؤال بسيط ,, إنتو اللاعبين ديل في التمارين بتمرنوا على شنو ؟؟ (Re: وليد محمد المبارك)
|
ما طالبني حليفة وأنا بتفرج علي كورة الهلال مع الفريق العاجي سألت نفس السؤال: الناس ديل بيدربوهم علي شنو؟؟؟؟؟؟؟؟؟؟؟ لاعب الكورة تطلع من رجله كورة باص للخصم دا طوالي يخلي اللعبة ويجي يقعد وسط الجمهور إستلام الكورة(تنزلها تحت رجليك مش تديها باص للخصم) وتسليمها باص لزميلك مهارات أساسية والباقي دا كله مبني علي الإثنين ديل
أماالمشجعين فديل حكاية تانية عديل حاجة كدا زي (العصاب الجماعي) شفاهم الله ما دايرين يتفرجوا عشان يشوفوا كورة حلوة متماهين (نفسيا) مع فريقهم للطيش وكايسين ليهم (غلب) عشان الغلب في جواهم دا الكورة البيهربوا بيها من الواقع مشكلة كبيرة لا الواقع الهاربين منه بيتغير ولا الكورة ذاتها ببتصلح
والمشجعين هم طبعا (المدلعين) اللعيبة ومخلينهم يطلعوا في راسنا
نصيحة لوجه الله طالما التلفاز دا أتطور قدر دا ما تركزوا علي الدوري الاوربي وناس برشلونة وريا ل مدريد وتستمتعوا لله
| |
|
|
|
|
|
|
Re: عندي سؤال بسيط ,, إنتو اللاعبين ديل في التمارين بتمرنوا على شنو ؟؟ (Re: Nasr)
|
الأخ جمال السنوسي..سلام لو ما جا جيل جديد من اللاعبين ..ناجحين اكاديمياَ في الأول .. ماتتوقّع تلقى لعّيبة ممكن تستوعب حاجة واحدة من كلام المدربين.. مشكلة الكورة عندنا ..ما بيواصل فيها ألاّ الشباب ال فشلوا في الدراسة.. ديل تلقاهم بيلعبوا بالفطرة..وما عندهم استعداد ذهني يطوّروا مواهبهم..أو حتى يستوعبوا كلام المدرّبين... أما مسألة الليافة البدنية..ف يا اخوي هم معذورين ..الشيشة ما خلّت ليهم أي (نَفَسْ) ________ أخيراً هل انت جمال السنوسي ..الخرطوم الجديدة الثانوية ..الصحافة ..ولاّ شحص آخر؟ في الحالتين ليك التحية
| |
|
|
|
|
|
|
|