أنا أويد الجبهة الثورية بشرط

Quote: البلد ما حقت السودانيين كلهم يا صديقي.. الكلام ده كان زمان.. لكن اليوم البلد بقت حقت ناس تدور الحرب و لمن تقول ليهم انقلوا الحرب لكل السودان تطلع انت خائن و مارق و كوز و شنو كده ما عارف..! مافي زول راجل واحد في سودان اليوم ده شغال لوحدة السودان او ضمير لكل السودانيين و السودانيات..الناس كلها يا قريبي شغالة لمصالح ذاتية خاصة ..و بتفك شعارات التعميم من اجل ذر الرماد في العيون..! و لو كنا فعلا سودانيين و البلد حقتنا كلنا.. كان اتعاملنا بالإنصاف حتى في ظلم بعضنا البعض.. يعني زي مافي ناس مستعدة تسمع شعار (لا صوت يعلو صوت الثورة) و بتأييد الحرب في مناطق بعينها..ليه ما نقوم نسمع الناس المتضررة من الحرب..؟..ليه ما نسمع ليهم من غير تخوين و اقصاء؟.. زمان يا الجنيد لمن البلد كانت حقت السودانيين.. حصلت مجاعة 1985..و الشعب السوداني كلو التف حول شعار واحد هو اسقاط ديكتاتورية نظام جعفر نميري..و نجحت في تحقيق الغاية.. و اليوم حدثت فظائع اكبر من المجاعة ..حدثت الإبادة العرقية و جرائم الحرب و البلد اتقسمت..و كل ذلك لم يحرك في السودانيين شعرة..؟.. الحركات المسلحة توحدت في جبهة واحدة..و خندق العمل السلمي مفرزع لستماية جهة.. فأي وحدة نتحدث عنها؟.. نحن مناطقنا تأثرت بالحرب..و نرى أننا دفعنا تكاليف باهظة للغاية..و من حقنا ان نثير مثل هذه الهواجس.. بعشم بسيط أن الشعب السوداني يعمل حاجة عشان يحسسنا باننا فعلا كلنا حاجة واحدة..!!!