|
Re: بـخـتـكُـم، عـمّـكُـم بـلّـة ابـسـيـف بـنـوُتُـو اتـخـارجـن جـت... (Re: معاوية المدير)
|
وناس عكس ذلك جارتنا بت الخير بناتها كل واحدة فيهن اسمح من التانية من يصلن اولى عالي الخلايق تتطاقش قدام البيت البنتين الكبار شالوهن في شهر واحد ، ووين .. برة البلد الصغيرونة الله يسلمها كانت كأس عالم عدييل تنافس فيها ضكور من كل دروب الحياة ... حتى الخواجة صاحب اخوها لما شافها قال ووااوو مرة صاحبي عز الدين الشغال في المطافي جاني عشان اكتب ليهو جواب غرامي اودعت قلبو وتغريدو الحزين في جواب مطرَز بالاماني العزبة وبخات من فتيل ريحة اشتراهو من سوق الفاشر لما كان في مامورية هناك شالو ومشى ودقَ باب بيتها .. من حسن حظو ست الريد زااتا فتحت الباب - اهلا عز الدين اتفضل من الكبكبة ما قدر يتصرَف - ادي الجواب ده لاخوكي عماد جاني جاري جري - غايتو الليلة الله يمرقني من اخوها - ليه يابوليس الموية .. عملت شنو - ما افتكرتها تجيني هي بي ذاتا ... انا ما شي ناس خالتي في الداخلة اسبوع كده وارجع لو حصل اي شىء تعال لي هناك مرَت الامور بسلام وعماد اخو البنية غلبو الضحك ام الخير كانت بترد على كل من يطلب يد بتها الاخيرة " دي خالنها سعاية مو للعرس" يوم سمعنا زغاريد مع المغربية ... البنية خطبوها لمغترب من اولاد الحلة يوم العرس واقفين وراء الصيوان .. صاحبي عز الدين نزل من عجلتو الرالي وقعد في طرف عتبة ... كتح لو جغمة كبيرة من باقي قزازة عرقي كان مخبيها في كيس قعد يهضرب لامن الحفلة انتهت
| |
|
|
|
|
|
|
Re: بـخـتـكُـم، عـمّـكُـم بـلّـة ابـسـيـف بـنـوُتُـو اتـخـارجـن جـت... (Re: HAIDER ALZAIN)
|
ود الزين الخرتاية دي عز الدين قررب يعلقها في اخواتو ياخي دي من شدة ما هي سمحة عزو ده شاكلن قالهن انتن ليه مابتصاحبن الحنينة دي .. عاملات صاحباتكن المتل الرجال ديل .. شعيرات ما عندهن اختو الفي النص - بتعرف تسوق العجلة - قالت لو صاحبناها الاولاد بشاغلونا في الشارع قالهن انتن لاقيات المشاغلة .. بس امشن معاها وانا ببراكن من بعيد دردقة ود ابرق مسكين ما نفع معاهو كل شيء اخرتا خلى الشغل زاتو قال الماهية حرام .. شغال في المطافي 5 سنة وما طفى ليهو نار منقد
| |
|
|
|
|
|
|
Re: بـخـتـكُـم، عـمّـكُـم بـلّـة ابـسـيـف بـنـوُتُـو اتـخـارجـن جـت... (Re: حيدر حسن ميرغني)
|
Quote: ام الخير كانت بترد على كل من يطلب يد بتها الاخيرة " دي خالنها سعاية مو للعرس" |
هههههههههههههههههههه،
دي زي وآحد عمّك عندو تلاتة بنات شطة بس، وفي وآحد من وِلآد الحِلة النوع العطالة ومتجنصصين ديك، عمّك مكجنو. أها، صاحبنا دا يوم شكّ القميص في البنطلون ومشى لعمّك، قال ليهو يا حاج أنا داير بنتك الكبيرة. عمّك طوالي ردا ليهو: البت دي دايرا ود أعمها. صاحبنا لحوّح، بعد فترة تاني مشى لعمّك، قال ليهو، يا حاج جيتك خاطب بنتك المتوسطة. عمّك قال ليهو: الإسبوع الفات جانا مغترب واديناهو ليها. بعد فترة صاحبنا راح للراجل قال ليهو، طيّب أديني السغيرة. الحاج بإنفعال شديد جداً قال ليهو: السغيرة دي دايرا لي رقبتي دي،،،،،،، أها...
| |
|
|
|
|
|
|
|