|
Re: إنعدام الرؤية (الآن) في الخرطوم (Re: MOHAMMED ELSHEIKH)
|
الحر ده يا زول اسكت ساي درجة الحرارة كل يوم بعد الساعة 12 يمين بتفووت الخميس لو طلعت جدادة وختيتا في الشمس بعد نص ساعة بتلقاها استوت أسع الكهرباء قطعت في ابو آدم اذا دايرين صور من الكتاحة دي كلمونا عشان ننزل ليكم قبل ما كهربة اللابتوب تقطع
| |
|
|
|
|
|
|
Re: إنعدام الرؤية (الآن) في الخرطوم (Re: Hani Arabi Mohamed)
|
ياهاني بختهم السافروا و اتخارجوا في امريكا و الدول المتقدمة بيعرفوا الكتاح قبل ما تقوم وبينبهوا الناس ... وكمان بيطلقواعليها اسم ا زي عصار اوكلاهوما اما في البلد دي يتوقع أي شئ في اليوم الواحد... غبار وأتربة ومطرة وجفاف وكتمة وتصحر ######انة وبرد وخريف وطين ووحل وكل حاجة
| |
|
|
|
|
|
|
Re: إنعدام الرؤية (الآن) في الخرطوم (Re: احمد محمد بشير)
|
أمس كان في مطر خفيفة خااااالص والحمد لله .. كدة الفايروس بتاع السحاوي احتمال بيكون مات الامطار و التغيرات دي بقولو انه بسبب سد مروري يا محمد الشيخ الرؤية معدومة تمام و الصور ما بتنفع مع الوضع ده .. لانه ما ح يظهر اي حاجة اللهم اجعلها عواصف خير وبركة .
| |
|
|
|
|
|
|
Re: إنعدام الرؤية (الآن) في الخرطوم (Re: احمد محمد بشير)
|
Quote: عبدالعزيز عثمان · رغم هذه السخانة التي تشوي الناس ،والاتربة التي تحيل الناس كخارجين من مطمورة،فان الطبيعة في السودان تعتبر حنينة،وغضبها علي خفيف،والله الذي لا اله الا هو،رايت عصارا في احد الدول السمحة،كانت عفاريتا جبارة ضخمة تلوي كل شئ ليا،التراب،الحصي،الماء،البرد الرعد،يلفلف الاشجار،البيوت،العربات ،يمقنطها ويدور بها مدمرا كل شئ،قيا مة حقيقية،النصيحة نحن اكان الحال انعدل،كهربا تمام،كوفح الناموس والضبان،بلدنا مو شين لكن الماسكو ما فاكو.
|
الاخ/ عبد العزيز عثمان متداخل من الفيس بوك
تحياتي وشكرا لك وآسف على عدم البوست وعدم الرد عليكم في البوست بسبب ظروف فعلا الناس في نعمة و الحمد لله لكن بيني بينك المرض كتر و الضبان و الناموس في البلاد المتقدمة الانت بتتكلم عنها مافي امراض كتيرة زي الحاصل في البلد دي وده بسبب اهمال الدولة للمواطنين وعدم تقديم الخدمات للمواطن على الرغم من انه الناس بتدفع ضرائب وملتزمة
زي ما قولتا لي حافظ و اقولها ليك .. امة السودان ستدخل الجنة بغير حساب.
تحياتي لك :(
| |
|
|
|
|
|
|
|