في مباراة المريخ الفاتت ومباراة الهلال الآن المدرجات فضيااااااااااا .. من زمان ليس بقريب كتا بتمني المنظر البهيج دا وأسأل الله ليل نهار يحضرني ليهو، وبما أن دعوات المظلوم ليس بينها وبين السماء حجاب فقد جاء العيد وتحققت الأماني السعيدة.. أنا مبسوط شديد والله وأتمني أن يواصل هذا الجمهور المسكين المغلوب على أمرو والمخدوع في أحلامو مقاطعة دافوري الغمة الكروية ويا حبذا لو عمل ثورة طالب فيها بأن يتم تسريح هولاء المتلاعبين والإستفادة منهم في مناطق الانتاج حفاظا على الصحة العامة. شكرا لجمهور هلال مريخ فقد كيفتوني في حناني. يتبع ..
04-16-2013, 06:48 PM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
إنت عارف يا طلحه القصة بتاعت دخول الاستاد فى السودان عند الكثير من الناس ماهى الا تقضية وقت وشوية ونسه وضحك. فى ناس كتااار قاعدين يخشو الاستاد وتركيزهم مع الكوره بيكون ضعيف جداً. اهم حاجه الحوارات الجانبية والقفشات والجلوس الاصدقاء والحابيب كالمعتاد والكلام ده فى الكوره ليهو نكهة خاصه. يا طلحه ندعو معاك الله يشفى الباقين.
04-16-2013, 07:24 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18149
يا بدر كلامك صاح في دار الرياضة أو في مباريات فرق زي الخرطوم والأهلي وخلافو الناس بتدخل فعلا تلاقي بعض وتتونس وتتكلم في السياسة وآخر مستجدات العولمة..الخ لكن صدقني كور هلال مريخ دي في كتيرين جدا بخشوها بآخر قريشات عندهم وفي الاستاد بحرقوا أعصابم ودمهم وعممهم وأية حاجة.. وفي النهاية برجعوا البيوت كداري عشان يا ما عندهم حق الرجعة يا ما لقوا مواصلات ..
04-16-2013, 09:26 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18149
ماشا معاي زي الزبادي كويس جدا تعادل أبو الهل ومستواه الكعب في مباراة اليوم دا كدا ح يزيد يقين الجمهور بحقيقة الوهم العايشين فيهو وبي كدا ح يقنعوا أكتر من خيرا فيها وينسلخ المزيد من تشجيع الوهم . العاقبة للمريخ في مباراتو الجاية برضو ياخد على خاطرو عشان يزيد عدد المنسلخين من تشجيع الوهم وبالتالي يتحقق مرادي الفي بالي وتنزاح (الغمة) الكاتما النفس اللهم أهزم هلال مريخ ومرمطم داخليا زي ما قاعدين يمرمطونا خارجيا . يتبع ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة